Քաղաքական լրահոս

[Ambrosine]

Դու էս մասին ուշադրություն դարձրու.

FIDH-ը դեռ Հայաստանու՞մ ա լինելու: Կարո՞ղ ա հայ համասեռամոլներին էլ դուրս բերեն երթի, որ ցույց տան, թե մեր երկրում սեռական փոքրամասնությունների իրավունքներն էլ են պաշտպանված Ու այս անգամ իրոք որ վարչապետին ստիպեն էդ մարդկանց իրավունքների պաշտպան-կազմակերպության նախագահությունը ստանձնի կամ ավելի վատ.... ստիպեն որպես առաջնորդ ներկայանա

[Kuk]

ՀՀ Ոստիկանապետ Ալիկ Սարգսյանը բացառում է ՀՀ-ում Ղրղըզստանի դեպքերի կրկնությունը: «Ով փորձի նման միտք փայփայել, օրորոցում անմիջապես կպատժեմ: Խորհուրդ չեմ տա հեղափոխական ճանապարհով ինչ-որ բան փոխել: Մարդկանց մեծ մասն այսօր իրենց գործն ունի: Չգիտեմ դանդաղ, թե արագ, բայց երկիրը դուրս է գալու ճգնաժամից եւ իր բնականոն ընթացքն ապրելու է: Նորմալ չեմ համարում, երբ ընտրված նախագահի, իշխանության եկած մարդկանց հետ կարող է ամեն տեսակի գունավոր ու չգիտեմ կենդանակերպի տարբեր նշաններով հեղափոխությունների անուն դնելով փորձեն իշխանափոխություն անել, եւ հեղափոխությունների ճանապարհով: Հայաստանում չեմ տեսնում այն զանգվածը, որը որ կփորձի այդ քայլին դիմել»,- այսօր լրագրողների հետ հանդիպման ընթացքում հայտարարեց Ալիկ Սարգսյանը:

Ալիկ Սարգսյանը վստահեցնում է, որ գունավոր հեղափոխություններով չարժե հրապուրվել, իսկ եթե այնուամենայնիվ ՀՀ-ում նման դեպքեր զարգանան, ապա իր տեղը հստակ է լինելու. «Ոստիկանապետը չի կարող միջանկյալ տեղում լինել: Երկու տեղ ունի' կամ հաղթած' իշխանությունը պահած, կամ պարտված' հենց այդ դերում»:

Մի փոքր ուշ, երբ լրագրողները պարոն Սարգսյանին հիշեցրեցին, որ ՀՀ Սահմանադրության համաձայն իշխանությունը պատկանում է ժողովրդին եւ ոստիկանապետը պետք է պաշտպանի ոչ թե իշխանություններին, այլ ժողովրդին' Ալիկ Սարգսյանն ասաց. «Ես նկատի ունեի այն, որ այդօրինակ դեպքերը իրականացնում են ոչ թե քաղաքական ուժերը, այլ քրեածին տարրերը եւ ամեն ինչ սկսում է հասարակական կարգի խախտումով, ինչը պաշտպանելը ոստիկանության պարտականությունն ու իրավասությունն է: Սա սկսվում է հիմնականում այն մարդկանց կողմից, ովքեր կողմնակիցն են ջարդելու, խփելու, գողանալու, այրելու, եւ այլն, եւ այլն: Ես ընդամենը դա նկատի ունեի: Նման դրսեւորում, ինչը որ կունենա նման սկիզբ, ոստիկանությունը թույլ չի տա»:

Ոստիկանապետը վստահեցրեց, որ մեր ընդդիմություն էլ բախումների ցանկություն չունի. «Փառք Աստծո մեր ընդդիմությունն էլ է ճիշտ ընկալում պահը: Տեսնո՞ւմ եք պայքարի ինչպիսի ուղի են ընտրել: Ես նկատի ունեմ' քաղաքակիրթ ուղին, որը ես նույնպես ողջունում եմ: Մի ծիծաղեք: Թող նույն ընդդիմությունը փորձի ապակիներ կոտրելով միտինգ անել, տեսնեմ հաջորդ անգամ կանի՞: Նրանք շատ ճիշտ են գնահատում պահը, եւ մեր վերաբերմունքն էլ նրանց նկատմամբ տեսնում եք' շատ հարգալից: Ամեն միտինգից հետո շնորհակալություն ենք հայտնում միմյանց»:

Իսկ ի՞նչն էր պատճառը, որ ընդդիմության վերջին հանրահավաքի ընթացքում գրեթե ոստիկաններ չկային, արդյո՞ք պատճառը FIDH իրավապաշտպանների ներկայությունն էր ՀՀ-ում' մեր հարցին պատասխանելով Ալիկ Սարգսյանը չհերքից նաեւ այդ հանգամանքը:

Նշեց, որ յուրաքանչյուր հանրահավաքից, երթից առաջ քննարկում են հնարավոր բախումները, խախտումներ եւ համոզված էին, որ ապրիլի 6-ին որեւէ խախտում չի լինի:

Ալիկ Սարգսյանը վստահ է, որ որեւէ խախտում չի լինելու նաեւ ՀԱԿ-ի ապրիլի 16-ի երթի ընթացքում: Ի դեպ, ապրիլի 16-ին ՀՀ ոստիկանության օրն է: «Ես համոզված եմ, որ ընդդիմությունը մեր տոնը չի խանգարի, մենք ել նրանց երթը»,- ասաց ոստիկանապետը:

Նշենք, նաեւ ապրիլի 16-ը սեռական փոքրամասնությունների տոնն է եւ Ալիկ Սարգսյանը դիմել է Սերժ Սարգսյանին' խնդրելով իրենց տոնը տեղափոխել մեկ այլ օր, ասենք' ապրիլի 19-ին:

Օրօրոցի մասին չեմ խոսում: Մարդկանց մեծ մասն ունի իր գործը: Մեծ մաս է օրինակ՝ 60 տոկոսը, իսկ դա նշանակում է, որ մնացած գործազուրկ 40 տոկոսը ոչինչ չպետք է անի: Իսկ էն, որ հեղափոխություններ իրականացնում են քրեածին տարրերը, բավականին թարմ նորություն է: Փաստորեն Ղրղզստանում հարյուր հազարավոր քրեածին տարրեր կան, որոնք ազատության մեջ են: Իսկ ընդդիմության քաղաքակիրթ ուղի ընտրելու մասին խոստովանությունը բավականին հետաքրքիր ա. ինչպե՞ս էր այդ՝ քաղաքակիրթ ճանապարհով շարժվող ընդդիմությունը զանգվածային անկարգություններ անում, որի արդյունքում տասնյակ զոհեր, հարյուրավոր վիրավորներ եղան, ինչպե՞ս էր մեծ քանաությամբ զենք-զինամթերք տեղափոխում Ազատության Հրապարակ, այնուհետև հարձակվում այդ զենք-զինամթերքի ետևից եկած ոստիկանների վրա: Եթե մարտի մեկին այդ նույն ընդդիմությունն էր ապակիներ կոտրելով միտինգ անողը, ապա ինչո՞ւ է մինչև հիմա շարունակում միտինգներ անել, եթե ասում է՝ թող փորձի ապակի կոտրելով միտինգ անի, տեսնեմ՝ էլի կանի՞: Ոստիկանների կողմից ընդդիմադիրների նկատմամբ շատ հարգալից վերաբերմունքը նույնպես ուշադրության արժանի «փաստ» է: Այդ մասին փաստող վիդեոներն ինտերնետում ինչքան ուզես կգտնես:

[Mephistopheles]

Դու էս մասին ուշադրություն դարձրու.

բա էսի…Լավ կլինի, քաղաքակիրթ ճանապարհով, քաղաքական ճանապարհով մարդիկ իրենց պայքարը տանեն, իսկ ով կփորձի նման միտք փայփայել իր մտքում, ընդամենը՝ խորհուրդ չեմ տալիս։ Օրորոցում անմիջապես կպատժվի, եթե փորձի հեղափոխական ճանապարհով փորձել ինչ-որ բան փոխել», - հայտարարեց ոստիկանապետը։
…

Ապեր, ասում են էսի դաժե բանաստեղծություն ա գրում… վաղը-մյուս-օր հայ գրականության գրքերում կհայտնվի սրա "ստեղծագործությունները"… խի չէ՞ որ, դոդը որ ակադեմիկ լինի էս էլ բանաստեղծ կլինի… Սաշիկը պատգամավոր Սերժն էլ Նախագահ…ատօժե մնե Նարեկացի

[Chuk]

ՀՀ 7230 քաղաքացու կամքն այսօր Հայ ազգային կոնգրեսը երթով փոխանցեց Վարչական դատարանին: Վարչական դատարանը, որը գազի գների բարձրացմանը դեմ հայցադիմումի միայն մի մասն է ընդունել վարույթ, որոշել է քննությունն անցկացնել գրավոր կարգով:

Այսօրվա բողոքի երթի մասնակիցները դատարանից պահանջում էին հայցը լսել բանավոր կարգով` բաց եւ թափանցիկ դատավարությամբ:

Մի քանի հազար քաղաքացիներ Գարեգին Նժդեհի հրապարակից երթով շարժվեցին դեպի Վարչական դատարան: Երթն առաջնորդում էին Կոնգրեսի երիտասարդները` «Սերժիկ, գազ տուր, հեռացիր» պաստառով: «Մենք չենք ուզում ապրել մի երկրում, որտեղ իշխանությունները թալանում են մեզ: Ոչ թանկացումներին, ոչ թալանին»,- բարձրախոսով հայտարարում էին երիտասարդները` բոլորին կոչ անելով միանալ իրենց պայքարին:

«Գազի գների թանկացումներին կողմ են միայն նրանք, ովքեր կողմնակի եկամուտներ ունեն: Միայն աշխատավարձով ապրող մարդը չի կարող համակերպվել այդ անօրինական թանկացումների հետ»,- «Ա1+»-ին ասաց երթի մասնակիցներից Եվա Ադամյանը:

Քաղաքացի Կարինե Դավթյանը վստահեցրեց, որ այսօրվա երթը որեւէ քաղաքական նպատակ չի հետապնդում. «Ես այստեղ եմ` իմ կամքով: Գազի գնի թանկացումն անդրադառնալու է բոլորի ընտանեկան բյուջեի վրա: Ինձ համար տարօրինակ է, որ իշխանությունները գովաբանում են գազի գների թանկացումը»:

Ի դեպ, երթի ընթացքում Կոնգրեսի երիտասարդները բարձրախոսով շնորհավորեցին նաեւ ոստիկաններին` մասնագիտական տոնի առիթով: Ջերմ մթնոլորտում երթը շարունակվեց այնքան ժամանակ, քանի դեռ չէին վանկարկել «Սերժիկ մարդասպան, Սերժիկ հեռացիր»:

Ոստիկանները երիտասարդներից պահանջեցին դադարեցնել վանկարկումները, սակայն դրան հաջորդեցին սուլոցներն ու ավելի բարձր վանկարկումները:

Ոստիկանները ստիպված էին երթն ուղեկցել առանց պահանջների: Վարչական դատարանի մոտ ՀՀ 7230 քաղաքացու պահանջը Վարչական դատարանին փոխանցեց Կոնգրեսի իրավաբաններից Վահե Ստեփանյանը: Երթն առաջնորդողներից Հայ Ազգային Կոնգրեսի կոորդինատոր Լեւոն Զուրաբյանը ներկաններին վստահեցրեց, որ Վարչական դատարանը ստիպված կլինի հաշվի նստել հազարավոր մարդկանց պահանջի հետ. «Վարչական դատարան առնվազն պետք է խուլ եւ համար լինի, մեզ չլսելու համար»:

Տնտեսագետ Վահագն Խաչատրյանը, որը բազմիցս հիմնավորել է գազի գների թանկացման հետեւանքները մեր հասարակության բոլոր շերտերի նկատմամբ` «Ա1+»-ին ասաց. «Առ ժամանակ հետո բոլորը կհասկանան, որ 40 տոկոսով գազի գների թանկացումը հարվածելու է ոչ միայն նրանց գրպաններին, որոնք այսօր մասնակցում են բողոքի ակցիզային: Իհարկե, կան մարդիկ, ովքեր շահագրգիռ են, որ գազի գները թանկանան` սկսած Սերժ Սարգսյանից, Տիգրան Սարգսյանից, Կարեն Կարապետյանից, սակայն ազգաբնակչության 99 տոկոսը դեմ է գազի գնի թանկացմանը: Կարծում եմ` այսօրվա ակցիայի միջոցով մենք մեր ձայնը հարցրեցինք Վարչական դատարանին»:

Աղբյուր՝ Ա1+

[Տրիբուն]

Երթն առաջնորդողներից Հայ Ազգային Կոնգրեսի կոորդինատոր Լեւոն Զուրաբյանը ներկաններին վստահեցրեց, որ Վարչական դատարանը ստիպված կլինի հաշվի նստել հազարավոր մարդկանց պահանջի հետ. «Վարչական դատարան առնվազն պետք է խուլ եւ համար լինի, մեզ չլսելու համար»:

Այսօրվա բողոքի երթի մասնակիցները դատարանից պահանջում էին հայցը լսել բանավոր կարգով` բաց եւ թափանցիկ դատավարությամբ:

Մդա, չիդեմ խնդամ, թե լամ:

Դատարանը հաստատ կմերժի էս պահանջը: Կամ եթե ասենք չմերժի էլ, միևնույնն ա հայցը չի բավարավի: Արձանագրենք էս փաստը միջազգային հանրության ու ապագա քաղաքացիական հասարակության համար;

ՀՀ 7230 քաղաքացու կամքն այսօր Հայ ազգային կոնգրեսը երթով փոխանցեց Վարչական դատարանին:

Ու

ազգաբնակչության 99 տոկոսը դեմ է գազի գնի թանկացմանը

Փաստորեն Հայաստանն ավելի արագ ա դատարկվում քան սպասում էինք: Բնակչության 99%-ը 7230 հոգի ա:

[Ձայնալար]

Տրիբուն ջան, 1 800 000 ստորագրություն հո չէին հավաքելու:

[Chuk]

Փաստորեն Հայաստանն ավելի արագ ա դատարկվում քան սպասում էինք: Բնակչության 99%-ը 7230 հոգի ա:

7230-ը հայցվորների քանակն է:
99%-ը Վահագն Խաչատրյանի սուբյեկտիվ կարծիքով դժգոհների քանակը:
Բնակչության 99%-ից հանում ենք 7230*4 (միջինում ամեն ընտանիքում 4 հոգի ա) ու ստանում ենք ըստ Վահագն Խաչատրյանի սուբյեկտիվ դիտարկման դժգոհների էն քանակը, որ էս դատական պրոցեսին չի մասնակցում:

Հետո՞:

[Վիշապ]

Հայցադիմումի կես մասը արդեն մերժվել է։

Գազի սակագնի վերաբերյալ ՀԱԿ հայցը մասամբ է ընդունվել վարույթ

ՀՀ Վարչական դատարանի 2010թ. ապրիլի 13-ի որոշմամբ վարույթ է ընդունվել
ընդդեմ ՀՀ Հանրային ծառայությունները կարգավորող հանձնաժողովի, երրորդ անձինք՝ «Հայռուսգազարդ» ՓԲ ընկերություն, «Հայռուսգազարդ» ՓԲԸ «Տրանսգազ» ՍՊԸ՝ ՀՀ Հանրային ծառայությունները կարգավորող հանձնաժողովի 26.02.2010թ. «Հայռուսգազարդ» փակ բաժնետիրական ընկերության կողմից սպառողներին վաճառվող բնական գազի սակագների սահմանման մասին» թիվ 54-Ն որոշումը անվավեր ճանաչելու պահանջի մասով քաղաքացիներ Հ. Հովսեփյանի, Ա. Գևորգյանի, Հ. Բագրատյանի, Վ. Խաչատրյանի և մյուսների 06.04.2010թ. հայցադիմումը:

Քաղաքացիներ Հ. Հովսեփյանի, Ա. Գևորգյանի, Հ. Բագրատյանի, Վ. Խաչատրյանի և մյուսների 06.04.2010թ. հայցադիմումն ընդդեմ ՀՀ Հանրային ծառայությունները կարգավորող հանձնաժողովի, երրորդ անձինք՝ «Հայռուսգազարդ» ՓԲ ընկերություն, «Հայռուսգազարդ» ՓԲԸ «Տրանսգազ» ՍՊԸ՝ ՀՀ Հանրային ծառայությունները կարգավորող հանձնաժողովի 26.02.2010թ. «Գազամատակարարման» համակարգի օպերատորի ծառայության մատուցման և բնական գազի բաշխման սակագների սահմանման մասին» թիվ 53-Ա որոշումը և ՀՀ Հանրային ծառայությունները կարգավորող հանձնաժողովի 26.02.2010թ. «Բնական գազի փոխադրման սակագնի սահմանման մասին» թիվ 52-Ա որոշումը անվավեր ճանաչելու պահանջների մասով հայցադիմումի ընդունումը մերժվել է:

Հայցվորների ներկայացրած միջնորդությունները՝ հայցի ապահովման միջոց ձեռնարկելու և բանավոր ընթացակարգով գործը քննելու մասին մերժվել է և գործի քննությունը իրականացվելու է գրավոր ընթացակարգով: Այս մասին հայտնում են ՀՀ Վճռաբեկ դատարանից։

Դատարանի կայացրած որոշումը հայցադիմումի ընդունումը մերժելու և հայցի ապահովման միջոց ձեռնարկելու մասին միջնորդությունը մերժելու մասերով ենթակա է բողոքարկման ՀՀ Վարչական դատարան, որոշումը ստանալու օրվանից հետո՝ հնգօրյա ժամկետում:

Էսօրվա շոուն ցուցադրական ուղերձ էր, բարի կամքի դրսևորում։ Խնդրանք այսպես ասած։ Սկզբունքորեն հայցադիմումի էական մասի մերժումը պիտի բողոք ու զայրույթ առաջացներ, սակայն այդպես չեղավ, քանի որ ակցիան վերահսկում են միաբանները «Այնթափցի Եղիազար» ծրագրի շրջանակներում։ Ձեռի հետ էլ «Սերժիկ հեռացի՛ր», «պռիվետ ոստիկաննե՛ր»… մի խոսքով անոռուգլուխ, ոնց միշտ։

[Տրիբուն]

7230-ը հայցվորների քանակն է:
99%-ը Վահագն Խաչատրյանի սուբյեկտիվ կարծիքով դժգոհների քանակը:
Բնակչության 99%-ից հանում ենք 7230*4 (միջինում ամեն ընտանիքում 4 հոգի ա) ու ստանում ենք ըստ Վահագն Խաչատրյանի սուբյեկտիվ դիտարկման դժգոհների էն քանակը, որ էս դատական պրոցեսին չի մասնակցում:

Հետո՞:

Առաձնապես ոշշշշ մի բան: Նենց, ալյա Հաագայի դատարան միջոցառում:

Հետո, արձանագրում ենք փաստեր, որ տվյալ պահին քաղաքացիական հասարակության կայացման ճանապարհին կանգնած են 7230 հոգի, իրանց ընտանիքի անդամներով: Մեկը ես էտ քաղաքացիական հասարակության մաս չեմ կազմում, քանի որ գազի գնի թանկացումից չեմ բողոքում: Կառավարությունս դա իրականացրել է օրենքի տառին հետևելով ու իր սահմանադրական լիազորությունների շրջանակներում:

[Chuk]

Հայցադիմումի կես մասը արդեն մերժվել է։

Էսօրվա շոուն ցուցադրական ուղերձ էր, բարի կամքի դրսևորում։ Խնդրանք այսպես ասած։ Սկզբունքորեն հայցադիմումի էական մասի մերժումը պիտի բողոք ու զայրույթ առաջացներ, սակայն այդպես չեղավ, քանի որ ակցիան վերահսկում են միաբանները «Այնթափցի Եղիազար» ծրագրի շրջանակներում։ Ձեռի հետ էլ «Սերժիկ հեռացի՛ր», «պռիվետ ոստիկաննե՛ր»… մի խոսքով անոռուգլուխ, ոնց միշտ։

Հա, համաձայն եմ
Պիտի մոտակա ոստիկանական մեքենաներից մեկը շուռ տային ու վառեին, չեն ֆայմել

[Տրիբուն]

Տրիբուն ջան, 1 800 000 ստորագրություն հո չէին հավաքելու:

Ձայնո ջան, բայց 7230 ????

Ես ՀԱԿ-ին չեմ քննադատում էս հարցում ապեր: բայց արձջանագրում եմ, որ ՀԱԿ-ի վարած իներտ ու հարմարվող քաղաքականությունը ի դեմս արտոնված միտինգ-երթ ելույթների հանգեցրել է նրան, որ մարդիկ նույնիսկ թանկացումներից բողոքելու ցանկություն չունեն: Կամ էլ քաղաքացիական հասարակության կայացման ճանապարհին կանգնած ժողովուրդը արդեն վախենում ա նույնիսկ սենց մի հատ չեզոք թուղթ ստորագրելուց:

[Chuk]

Ձայնո ջան, բայց 7230 ????

Ես ՀԱԿ-ին չեմ քննադատում էս հարցում ապեր: բայց արձջանագրում եմ, որ ՀԱԿ-ի վարած իներտ ու հարմարվող քաղաքականությունը ի դեմս արտոնված միտինգ-երթ ելույթների հանգեցրել է նրան, որ մարդիկ նույնիսկ թանկացումներից բողոքելու ցանկություն չունեն: Կամ էլ քաղաքացիական հասարակության կայացման ճանապարհին կանգնած ժողովուրդը արդեն վախենում ա նույնիսկ սենց մի հատ չեզոք թուղթ ստորագրելուց:

Տրիբուն ձյա, ներող ցավդ տանեմ, բայց մի քիչ շատ ես չափազանցնում:
7200 գազի բաժանորդի ստորագրությունը բավականանին մեծ թիվ ա: Բավականին:

[Վիշապ]

Հա, համաձայն եմ
Պիտի մոտակա ոստիկանական մեքենաներից մեկը շուռ տային ու վառեին, չեն ֆայմել

Չուկ, եթե ես քեզ կողոպտեմ, ինչ ես անելու, քաղաքավարի խնդրելու ես հե՞տ վերադարձնել կողոպտածը, իսկ եթե չվերադարձնե՞մ… Կարող է՞ ասես, թե հայերս ֆրանսիացիքից ավելի քաղաքացիական հասարակություն ենք… Օրինակ նայի.

Փարիզի վարորդները պահանջում են Սարկոզիի հրաժարականը
30.01.09 13:37
Փարիզում տրանսպորտային աշխատակիցների բողոքի ցույցերը վերածվել են ոստիկանների հետ կատաղի բախումների: Նախ երթի մասնակիցները այրել են աղբարկղերը, ապա շրջել մեքենաներ, ինչի հետեւանքով որոշ ժամանակ խաթարվել է երթեւեկությունը: Ավելի ուշ ոստիկաններին հաջողվել է իրադրությունը վերահսկել: Շուրջ 30 ցուցարար ձերբակալվել է, կան վիրավորներ, այդ թվում` երեք տասնյակից ավելի իրավապահներ: Նշենք, որ բողոքարարները պահանջել են նախագահ Նիկոլա Սարկոզիի հրաժարականը` երկրում ստեղծված տնտեսական խնդիրների ուղղությամբ համապատասխան աշխատանքներ չիրականացնելու համար:

[Chuk]

Չուկ, եթե ես քեզ կողոպտեմ, ինչ ես անելու, քաղաքավարի խնդրելու ես հե՞տ վերադարձնել կողոպտածը, իսկ եթե չվերադարձնե՞մ… Կարող է՞ ասես, թե հայերս ֆրանսիացիքից ավելի քաղաքացիական հասարակություն ենք… Օրինակ նայի.

Ո՞նց թե ինչ եմ անելու, գրեցի նախորդ գրառման մեջ: Գալու եմ մեքենադ շուռ տամ ու վառեմ

[Վիշապ]

Ո՞նց թե ինչ եմ անելու, գրեցի նախորդ գրառման մեջ: Գալու եմ մեքենադ շուռ տամ ու վառեմ

Այ ապրե՛ս։ Ինձ էլ թվում էր, թե ակումբցիների ստորագրություններն ես հավաքելու, որ դիմես եվրոդատարան…