Հովիկ Աբրահամյան. «Ես վարչապետի հետ շատ լուրջ խոսակցություն կունենամ էդ թեմայով»
Նախօրեին ՀՀ Ազգային ժողովում կառավարության ներկայացրած «Ավտոմոբիլային միջոցների օգտագործումից բխող պատասխանատվության պարտադիր ապահովագրության մասին» օրենքի քննարկման ժամանակ հիմնական զեկուցողը ներկա չի եղել, ինչն էլ ՀՀ ԱԺ նախագահ Հովիկ Աբահամյանին ափերից հանել է:
-Մի բան ինձ համար անհասկանալի է: Հիմնական զեկուցողը դահլիճում չէ, հիմա պատգամավորները իրենց հարցերի և ընդհանրապես ելույթների ժամանակ բարձրացնում են հարցեր: Ո՞վ պետք է պատասխանի, որ պատգամավորը որոշում կայացնի՝ կո՞ղմ է քվեարկելու, թե՞ դեմ: Ես հանձնաժողովի նախագահին հարցնում եմ, ինքը չի տիրապետում, տեղյակ չէ: Ահարոն, միգուցե դու պարզաբանում տաս՝ ո՞ւր ա էդ Վաչե Գաբրիելյանը: Ի՞նչ ա նշանակում՝ գործուղման մեջ է: Կարա՞նք մենք էլ փակենք, հիմա գնանք գործուղման: Միգուցե վարչապետը որոշում կայացներ և մի այլ մարդու ուղարկեր, եթե էդքան կարևոր էր տվյալ հիմնական զեկուցողի գործուղում մեկնելը, եթե երկրի համար ճակատագրական նշանակություն ունենար իր չգնալը։ Միգուցե որոշեր, որ մարդ չգնար, նստեր, այս հարցը լուծեր, պատասխաներ: Հիմա էդ արհամարհական վերաբերմունքն իմ կարծիքով շատ անտեղի և անհիմն է, և ես վարչապետի հետ շատ լուրջ խոսակցություն կունենամ էդ թեմայով: Եվ ընդհանրապես ես հանձնաժողովների հախագահներին էլ հորդորում եմ, որ իրենց ու ԱԺ արժանապատվությունը բարձր պահեն: Դա մենակ իրանց արժանապատվությունը չէ, նաև իմն է և յուրաքանչյուր պատգամավորինը: Եվ էդ թափթփուկ վերաբերմունքին պիտի վերջ տրվի՞, թե՞ չէ: Ա՜յ քեզ բան,- բառացի հայտարարել է Հ. Աբրահամյանը՝ հավելելով, որ հարցը քվեարկության չի դնելու, մինչև պատգամավորներին և խմբակցություններին հետաքրքրող պատասխանները չտրվեն։
-Էս պարագայում քննարկումը պիտի դադարեցնել և հետաձգել: Ինչ ա՞ նշանակում՝ մարդիկ խոսում են, ոչ մեկը չի լսում։ Ո՞վ պիտի էդ հարցերին պատասխանի: Ա՜յ քեզ բան:
http://7or.am/hy/news/2010-03-16/12094/
Ջղայնացնում են էլի, ջղայնացնում
Մեջբերել
Էջանիշներ