18:07 • 25.06.09
Ռուսական զորքերը, ռուսական տանկերը, որոնք գնում էին Ջավախքի և Թբիլիսիի վրա, որպեսզի գրավեն նավթաշարը, հանդիպել են հատուկ նշանակության ծառայությունների դիմադրությանը, որի կազմի 100%-ը հայերն էին: Այս մասին ԵՊՀ պրոֆեսորա-դասախոսական կազմի հետ հանդիպման ժամանակ հայտարարել է Վրաստանի նախագահ Միխայիլ Սահակաշվիլին:
«Նրանք ասել են, որ դուք կարող եք անցնել այստեղով միայն մեր դիակների վրայով: Որոշ բանակցություններից հետո, ռուսական զորքերը հետ են շարժվել»,- պատմել է Վրաստանի նախագահը և ավելացրել, որ «նման բանը մոռանալ չի կարելի»:
Նրա խոսքերով` օգոստոսյան պատերազմի ընթացքում ռուսական ռազմական մեքենան ցույց է տվել, որ «նա թքած ունի հայկական կողմի շահի վրա»։ Նա հիշեցրել է, որ 2006թ. տեղի ունեցած նմանատիպ դեպքերի մասին:
«Ինձ զանգահարեց Ռոբերտ Քոչարյանը, տեղեկացրեց, որ ռուսները փակել են Լարսը, սակայն միայն վրացիների համար, նրանք հայերին հաճույքով կթողնեն անցնել: Ես ասացի, որ կես ժամից վրացական ոստիկանությունը կտեղաշարժի վրացական թրեյլերները, կբացի ճանապարհը»,- պատմել է Սահակաշվիլին։
Նա նշել է, որ Ռոբերտ Քոչարյանը 2 օր անց հետ է զանգել և տեղեկացրել, որ ռուսական կողմը ուղին չի բացի:
«Դա բացարձակ սադրանք էր»,- եզրափակել է Վրաստանի նախագահ Միխայիլ Սահաշվիլին:
Թեժ լուրեր
Մեջբերել
))
Լեո-ի խոսքերից
Թեժ լուրեր
Էջանիշներ