Քաղաքական լրահոս

[Հայկօ]

պաշտոնապես սգո օր հայտարարել են թե՞ տեղյակ չեք

Եթե մոտ օրերս մի տասը հատ էլ փոխոստիկանապետ սպանվի՝ գուցե: Իսկ տասից քչի դեպքում բարոյական իրավունք չունեն:

[Վիշապ]

նշել է, որ Մոսկվայից անընդհատ կապի մեջ է եղել խորհրդակցության մասնակիցների հետ և տեղյակ է դեպքի քննության ընթացքին։ Սարգսյանը պահանջել է առավել մանրամասն հաշվետվություն ներկայացնել այս պահի դրությամբ հանցագործության բացահայտման ուղղությամբ կատարված աշխատանքների, պարզված հանգամանքների և առաջ քաշված վարկածների վերաբերյալ։
Նախագահը նշել է, որ «ոճրագործությունը ցավ է պատճառել տասնյակ հազարավոր մարդկանց` ցավ, վրդովմունք, վիրավորանք։

Ինչ հուզիչ ու ցավալի է իսկապես։ Մենակ մի բան է արդեն ձանձրացնում… սովորաբար գլխավոր դեմքը հերթական խոշոր կալիբրի մահկանացուի այն աշխարհ գնալու ժամանակ կամ թրաշվում է, կամ էլ երկրից դուրս է գտնվում, բայց դե «տաք գծի» վրա հետևում է, թե ինչ է կատարվում, սպանե՞լ են, իսկապե՞ս են սպանել, հաստա՞տ չի շնչում… վերջում էլ՝ ցավ, վրդովմունք, վիրավորանք, ու վարագույրը իջնում է։ Իհարկե ցինիկ եմ, բայց մեր մի բուռ երկրում երբ ժողովրդի 30%-ը ԿԳԲշնիկ ու միլիցա են, հազիվ թե չիմանան, թե ինչ է տեղի ունեցել։ Իսկ հավանաբար կլռեն, կամ էլ կհայտարարեն, որ հետաքննությունը բացահայտեց, որ Մհերյանին սպանել է Կիևյանից իրեն նետած սահմանապահ զորքերի զինծառայողը՝ խանդի հողի վրա, կամ էլ մի ագրեսիվ բոմժ, որը հետո կպարզվի ընդդիմադիր է եղել։ Հա, իսկ ատրճանակն էլ ապօրինի է ու չգրանցված։ Դե հիմա էդպես էլ է լինում։
Հոգնել ենք արդեն էս անասուն բեսպրեդելից ու տականքներից։ Անիմաստ աննպատակ պետություն ենք, ոչ վերելք կա ոչ զարգացում, ու էնպես ենք անում, որ մեզ ուտեն ու հավասարակշռությունը այդպիսով վերականգվի, ջունգլիի օրենքով։

[Chuk]

Երկար մտածում էի, էս թեմայում դնել, թե «Քաղաքական հումոր» թեմայում, վերջը որոշեցի այստեղ, որտև ավելի շուտ ողբերգություն ա, քան հումոր...

Աժ նախագահ Հովիկ Աբրահամյանն այսօր ընտրվել է Հայաստանի պետական տնտեսագիտական համալսարանի խորհրդի նախագահ:


Մինչ այսօրվա նիստը` Հովիկ Աբրահամյանը ՀՊՏՀ խորհրդի անդամ էր: Աբրահամյանի թեկնածությունը առաջադրել էր Հայաստանի պետական տնտեսագիտական համալսարանի նախկին ռեկտոր Գրիգոր Կիրակոսյանը: Փակ գաղտնի քվեարկության ժամանակ Աժ նախագահի օգտին միաձայն քվեարկել են խորհրդի 27 անդամները:


Նշենք,ո ր ԵՊՀ-ի խորհրդի նախագահն էլ Սերժ Սարգսյանն է:

Աղբյուրը՝ Ա1+

[Elmo]

Աժ նախագահ Հովիկ Աբրահամյանն այսօր ընտրվել է Հայաստանի պետական տնտեսագիտական համալսարանի խորհրդի նախագահ:

Յանիմ ի՞նչ: Մեջը ոչ փող կա, ոչ իշխանություն:

[Ձայնալար]

Յանիմ ի՞նչ: Մեջը ոչ փող կա, ոչ իշխանություն:

Բուհերը իրանց անմիջական հսկողության տակ են վերցնում, որ ուսանողությանը պետք եղած ճամանակ կարանան կզցնել: Շատ լավ հասկանալով, որ ԲՈՒՀ-երի ռեկտորները ինչքան էլ իրանց մարդիկ են, բայց չնչին ինտելեկտի առկայության դեպքում հոգու խորքում «բալետ են անում» ուսանողական բունտերին:

[Քամի]

Երեկ դատական համակարգում մի խայտառակ իրադարձություն է տեղի ունեցել. Կենտրոն, Նորք-Մարաշ համայնքների ընդհանուր իրավասության դատարանի նախագահ Ժորա Վարդանյանը ժողով է արել և «վատ լուր» է հաղորդել դատարանի բոլոր 8 դատավորներին՝ նրանց առաջարկելով դիմումներ գրել և ազատվել աշխատանքից։ Նա ասել է, որ այդ հրահանգը տրվել է վճռաբեկ դատարանի քրեական պալատի նախագահ Դավիթ Ավետիսյանի կողմից։
Նորությունից ապշահար դատավորներին նախագահը չի բացատրել, թե ինչն է նման որոշման պատճառը՝ ինչով են իրենք արժանացել այս վերաբերմունքին (բոլորն էլ հնազանդ կատարել են իշխանության հրահանգները), միայն ասել է, որ իրենք փողոցում չեն մնա՝ մի տեղ դատավոր կնշանակվեն։ Ժ. Վարդանյանը միաժամանակ հրահանգել է, որ դիմումներում հանկարծ չնշեն, թե որ դատարանն են ուզում տեղափոխվել՝ իրենց նշանակողի ազատությունը դույզն-իսկ չսահմանափակելու համար։

թերթ

[Chuk]

Ենթադրում էի (ինչպիսի միամտություն), որ այսօր այստեղ, իրար հերթ չտալով ակումբցիները պետք է տեղադրեն «Բարգավաճ Հայաստան» «կուսակցության» համագումարի մասին տեղեկատվություն: Միամտություն էր, որտև այնտեղ չեղավ որևէ բան, որը կանցնի «թեժ լուր» խորագրի տակ: Բացարձակապես ոչինչ: Այնուամենայնիվ ուզում էի ինչ որ բան տեղադրեի ու վերջը կանգ առա Ա1+-ի այս հատվածի պատճենման վրա.

՚Նախագահական ընտրություններից հետո Հայաստանում ներքաղաքական լարվածությունը հասավ իր գագաթնակետին: Անհանդուրժողականության եւ թշնամանքի մթնոլորտը խաթարեց մեր ժողովրդի անդորրը,- այսօր ԲՀԿ 4-րդ համագումարում հայտարարեց ԲՀԿ նախագահ Գագիկ Ծառուկյանը,-՚Բարգավաճ Հայաստանՙ կուսակցությունը մշտապես հանդես է եկել քաղաքացիական համաձայնության ու հասարակական համերաշխության դիրքերիցՙ: Գագիկ Ծառուկյանն ասաց, որ իրենք միշտ ասել են, թե ատելությունն ու թշնամանքը կարելի է հաղթահարել միայն քաղաքական երկխոսության եւ հանդուրժողականության միջոցով:

Հիմա, փորձելով լինել խիստ քաղաքակիրթ ու չտրվելով ավելորդ էմոցիաներին, որպեսզի այս անձին չպիտակեմ արժանի տիտղոսներով, շատ հանգիստ կասեմ. Տո այ դեմագոգ, որ տենց ճոռոմ-ճոռոմ խոսում ես քաղաքական երկխոսության ու հանդուրժողականության մասին, այ սուտասան, ինչու՞ համագումարիդ հրավիրված չէին ընդդիմադիր արտախորհրդարական ուժերը, ինչու՞ նախագահի աշխատակազմը զբաղվեց լրատվամիջոցների հավատարմագրմամբ ու արգելեց ընդդիմադիր լրատվամիջոցներին ներս մտնել, լուսաբանել այս համագումարը: Բա էդպե՞ս են երկխոսում ու հանդուրժող լինում: Թե՞ կարծում ես որ այս պրիմիտիվ ստերդ ու իբր պոպուլիստական խոսքերդ ուղիղ մի վայրկյանում փուչիկի նման չեն պայթելու, ինչպես որ իր ժամանակին պայթելու է ողջ արհեստածին կուսակցությունդ, երբ որ վերջապես ՀՀ քաղաքական դաշտը մաքրենք:

Այսքանը, թեժ լուրի գիծն ընդհատվում է

[Elmo]

Ինձ ամենաշատը բացեց, որ կենտրոնի լրագրողը մի տեսակ նենց հայտարարեց «Բարգավաճ Հայաստան կուսակցության նախագահ է վերընտրվել Գագիկ Ծառուկյանը» ոնց որ հայտարարեր որ Բարաք Օբաման ընտրվել ա ԱՄՆ նախագահ: Հալա պատկերացրեք չվերընտրվեր

[Mephistopheles]

հնարավո՞ր է Live webcam-ով Ա1+ -ի կայքէջի վրա դնել, որ մենք էլ նայենք

[Քամի]

Առաջինը մի քանի օր առաջ կարդացի, իսկ այսօր ահա շարունակությունն է երկրորդում

Օրաթերթը մի լուր է տպագրել, համաձայն որի` կառավարության կազմում հնարավոր է լուրջ կադրային փոփոխություն:

Պահանջել է ազատել

Լավատեղյակ աղբյուրներից հայտնի դարձավ, որ օրերս Սերժ Սարգսյանի և Տիգրան Սարգսյանի միջև բավական լուրջ խոսակցություն է տեղի ունեցել։ Տիգրան Սարգսյանը, որ տևական ժամանակ է պարբերաբար տարաձայնություններ է ունենում իր տեղակալ, Ռոբերտ Քոչարյանի հովանավորյալ Արմեն Գևորգյանի հետ, կտրուկ պահանջ է առաջադրել Սերժ Սարգսյանին՝ հնարավորինս արագ ազատվել Արմեն Գևորգյանից։ Նա հիմնավորել է, որ Արմեն Գևորգյանը ստվերային կերպով ամեն ինչ անում է կառավարությունը վարկաբեկելու նպատակով, որպեսզի դեպի վարչապետի պաշտոն ճանապարհ հարթի Ռոբերտ Քոչարյանի համար։ Սերժ Սարգսյանը խոստացել է ստեղծված իրավիճակից ելք գտնել, բայց այնպես, որ մյուս կողմից էլ չնեղացնի նաև Քոչարյանին։

թերթ

Ըստ հավաստի տեղեկությունների, երեկ Ս. Սարգսյանի մոտ տեղի է ունեցել մեծ խորհրդակցություն, որի արդյունքում որոշում է կայացվել Տիգրան Սարգսյանին վարչապետի պաշտոնից ազատելու մասին:
Այս լուրը դեռեւս չի հաստատվել պաշտոնապես, սակայն, ինչպես տեղեկացնում են կառավարության մեր աղբյուրները, առաջիկա մեկ շաբաթվա ընթացքում դա տեղի կունենա: Վարչապետի պաշտոնի շուրջ արդեն իսկ լուրջ գզվռտոցներ են սկսվել:

ժամանակ

[Elmo]

Պարարտ հող են նախապատրաստում անտիկառավարական հուզումների համար:

[Տրիբուն]

Մեր մեջ ասած, պետք է բացարձակապես թքած ունենալ այն բանի վրա, թե Սերժի մոտ, քանի հոգով, երբ ու ինչի մասին են խորհրդացում, ու բացարձակապես ոչ մի նշանակություն չունի վարչապետը ՏՍ-ն է, ՊՊ-ն, ԿԶ-ն, ՌՔ-ն, թե ՃՌ-ն: Սրանցից ազտավելու ենք օպտմ` իրանց չսիրած փաթեթային տարբերակով:

[Elmo]

հնարավո՞ր է Live webcam-ով Ա1+ -ի կայքէջի վրա դնել, որ մենք էլ նայենք

http://www.youtube.com/watch?v=_85ePVi1yFc
http://www.youtube.com/watch?v=GEO8T0HwUhA

հատվածներ

[Nareco]

Սեմնեբին հանդիպել է եւ Լեւոն Տեր-Պետրոսյանին եւ....

[21:18] 19 Փետրվարի, 2009

Փետրվարի 19-ին ՀՀ առաջին նախագահ Լեւոն Տեր-Պետրոսյանը հանդիպել է ԵՄ Հարավային Կովկասի հարցերով հատուկ հանձնակատար Պիտեր Սեմնեբիի հետ, որին ուղեկցել են ՀՀ-ում Լեհաստանի արտակարգ եւ լիազոր դեսպան Թոմաս Կնոթհեն եւ ԵՄ երեւանյան գրասենյակի քաղաքական հարցերով խորհրդական Անդրեյ Դիդենկոն: Հանդիպման ընթացքում քննարկվել են ներքաղաքական ճգնաժամի ինչպես նաեւ ստեղծված ծանր սոցիալ-տնտեսական իրավիճակի հաղթահարման ուղիները: Առանձնահատուկ քննարկման առարկա է եղել քաղբանտարկյալների եւ նրանց ազատ արձակման հարցը:

Հանդիպմանը մասնակցել են նաեւ Հայ Ազգային Կոնգրեսի կենտրոնական գրասենյակի համակարգող Լեւոն Զուրաբյանը եւ գրասենյակի ներկայացուցիչ Ավետիս Ավագյանը:
Հայաստանի արտգործնախարար Էդվարդ Նալբանդյանն ընդունեց Հարավային Կովկասում Եվրոպական միության հատուկ ներկայացուցիչ Պիտեր Սեմնեբիին

Ս.թ. փետրվարի 19-ին ՀՀ ԱԳ նախարար Էդվարդ Նալբանդյանն ընդունեց Հարավային Կովկասում Եվրոպական միության հատուկ ներկայացուցիչ Պիտեր Սեմնեբիին:

Ողջունելով հյուրին` Էդվարդ Նալբանդյանը գոհունակությամբ նշեց, որ Հայաստան-Եվրոպական միություն հարաբերությունները շարունակում են զարգանալ թե բազմակողմ, թե անդամ երկրների հետ երկկողմ ձեւաչափերով:

Հայաստանի արտաքին քաղաքական գերատեսչության ղեկավարը կարեւորեց 2008 թ. նոյեմբերին ՀՀ նախագահի Բրյուսել այցելության ընթացքում ձեռք բերված պայմանավորվածությունների իրագործումը` որպես համագործակցության հետագա խթանման կարեւոր գործոն:

Զրուցակիցները քննարկեցին ՚Արեւելյան գործընկերությանՙ առաջարկը ու հույս հայտնեցին, որ այդ ձեւաչափով համագործակցությունը նոր հնարավորություններ կընձեռի Եվրոպական կառույցների հետ եւ ԵՄ անդամ երկրների հետ փոխգործակցության ընդլայնման համար: Հանդիպմանը անդրադարձ կատարվեց նաեւ Վարշավա եւ Պրահա Հայաստանի արտգործնախարարի կատարած այցերի արդյունքներին:

Նախարար Նալբանդյանն ու դեսպան Սեմնեբին անդրադարձան նաեւ արցախյան հիմնախնդրի բանակցային գործընթացին, մտքեր փոխանակեցին հայ-թուրքական հարաբերությունների կարգավորման հնարավորությունների վերաբերյալ

A1+

[Mephistopheles]

2009թ. հունվարի արդյունքներով Հայաստանի տնտեսությունում անկում է գրանցվել, որը կազմել է տարեկան կտրվածքով 0.7%։ Չնայած դրան, տնտեսության բոլոր հիմնական ճյուղերում, բացի արդյունաբերությունից, գրանցվել է աճ։ Մասնավորապես, գյուղատնտեսությունում գրանցվել է 0.4% աճ, ծառայությունների ոլորտում (առանց մարածախ առևտրի)`1.4%, շինարարությունում` 13.4%։ Չնայած վերոնշյալ ցուցանիշների դրական լինելուն, համեմատական առումով դրանք փաստում են տնտեսությունում արձանագրվող բավական լուրջ բացասական տեղաշարժերի մասին։ Այդ մասին է վկայում նաև արդյունաբերության ոլորտում արձանագրված նվազումը, որը կազմել է 6.5%։ Նվազել են նաև արտահանումը և ներմուծումը` համապատասխանաբար 44 և 20 %, ինչի արդյունքում ընդհանուր ապրանքաշրջանառությունը նվազել է 24.5%-ով։ Գործազրկությունը տարեկան կտրվածքով աճել է 4.7%-ով, իսկ միջին անվանական աշխատավարձի աճը կազմել է 14.4%։

Այսպիսով, կարելի է փաստել, որ Հայաստանի տնտեսությունը ևս լրջորեն զգում է տնտեսական ճգնաժամի ազդեցությունը։ 2008թ.-ը ամփոփելով՝ միանիշ տնտեսական աճով (6.8%), մեր տնտեսությունը հրաժեշտ տվեց մինչ այդ 6 տարի շարունակվող երկնիշ տնտեսական աճի ժամանակաշրջանին։ Այժմ, երբ տարին սկսվում է տնտեսական անկմամբ, բոլոր հիմքերը կան պնդելու, որ տարին այդպես էլ կարող է ավարտվել։ Իսկ դա կլինի աննախադեպ անկախության տարիներից ի վեր։


Tert.am