ԱՄՈԹԻ ՈՒ ԹԱՍԻԲԻ ՍՈՎ
Երեկ ՀՀ Ազգային ժողովում հերթական սկանդալը գրանցվեց. երբ պատգամավոր Զարուհի Փոստանջյանը ԱԺ ամբիոնից խոսում էր մարտի 1-ին հայ ժողովրդին կոտորելու, վիրավորելու թեմայից, մարդու իրավունքների ոտնահարումներից, հանրապետական ճերմակամազ պատգամավոր Վազգեն Կարախանյանը տեղից մի քանի անգամ ռեպլիկ արեց, թե «դու ո՞վ ես, որ խոսում ես հայ ժողովրդի անունից»: Զարուհի Փոստանջյանը չլսեց նրա խոսքերը եւ շարունակեց: Այնուհետեւ Վազգեն Կարախանյանին «օգնության հասավ» մեկ այլ կարկառուն ՀՀԿ-ական՝ Առաքել Մովսիսյանը` Շմայսը: «Դե զահլես տարար, իջի տից»,- բղավեց Շմայսը: Իսկ դահլիճում նստած գոնե արտաքնապես տղամարդ բոլոր պատգամավորները քար լռությամբ հետեւում էին Շմայսի «դուխով կեցվածքին», թե ինչպես էր նա հղի կնոջ վրա գոռգոռում: Երբ Փոստանջյանն ավարտեց իր ելույթը, ներքեւ իջավ ու Շմայսից պահանջեց դուրս գալ դահլիճից: «Դուրս եկեք: Սա քաղաքական մարմին է, եւ մենք հայտարարություններով ենք հանդես գալիս»,- ասաց Փոստանջյանը:
Ի դեպ, քար անտարբերությամբ ու անգործությամբ այս ամենին հետեւեց նաեւ ԱԺ նախագահ Հովիկ Աբրահամյանը` նույնիսկ թաքուն հրճվելով, որ Զարուհի Փոստանջյանին մականունավոր պատգամավորն այդպես էր վերաբերվում:
http://chi.am/ ՉՈՐՐՈՐԴ ԻՆՔՆԻՇԽԱՆՈՒԹՅՈՒՆ» No52 Փետրվարի 3
______________________________________________________________________________________________
Օր օրի համոզվում եմ, որ Հայաստանին «պայծառ» ապագա է սպասվում:
Մեջբերել
Էջանիշներ