Քաղաքական լրահոս

[Ambrosine]

1993թ.-ին այս հանդիպումների ժամանակ, թեժ մարտեր էին գնում Ղարաբաղում, եվ այդ շրջանում ռուսները Հայաստանին օգնություն չէին ցույց տալիս, ԼՏՊ-ը այս վիճակից դուրս գալու համար սկսեց բանակցությունները թուրքերի հետ, նույնիս Թուրքեշը պատրաստվում էր պաշտոնական այցով գալ ՀՀ, բայց նրա մահվանից հետո թուրքիայում իշխանությունները փոխվեցին գործընթացն էլ փակուղի մտավ

Մարտեր ընթանում էին, բայց այդ շրջանում հայերը հաղթողի դերում չէին... ոչ ոք չէր էլ սպասում, որ մենք հաղթող ենք դուրս գալու: Թուրքեշը չլիներ, Մարաքեշը լիներ, Թուրքիայի քաղաքականությունը չէր փոխվելու: Եթե Թուրքեշը տեսներ, որ հայերը հաղթում են, էլի կկասեցներ, եթե չկասեցներ, իրեն <<կկասեցնեին>>:

[Վիշապ]

…

Էխ… ժամանակին պրեզիդենտ ունեինք… Թուրքերը նրան նայում էին այնպես, ինչպես հիմա Սերժը նայում է Թուրքերին։ Կներեք, օֆֆթոփի համար…

[Վիշապ]

Մարտեր ընթանում էին, բայց այդ շրջանում հայերը հաղթողի դերում չէին... ոչ ոք չէր էլ սպասում, որ մենք հաղթող ենք դուրս գալու: Թուրքեշը չլիներ, Մարաքեշը լիներ, Թուրքիայի քաղաքականությունը չէր փոխվելու: Եթե Թուրքեշը տեսներ, որ հայերը հաղթում են, էլի կկասեցներ, եթե չկասեցներ, իրեն <<կկասեցնեին>>:

Աստղո ջան, արի չհամաձայնվեմ էլի։ Քաղաքականությունը ի վերջո քաղաքական գործիչներով է պայմանավորված, չեմ կարծում որ կարելի է ասել՝ Մուկուչը չլիներ, Կիրակոսը լիներ, մեկ է Գանձակեցիների քաղաքականությունը չէր փոխվելու, եթե Գանաձակեցիների քաղաքականությունը վարում են հենց Մուկուչն ու Կիրակոսը։

[Ambrosine]

Աստղո ջան, արի չհամաձայնվեմ էլի։ Քաղաքականությունը ի վերջո քաղաքական գործիչներով է պայմանավորված, չեմ կարծում որ կարելի է ասել՝ Մուկուչը չլիներ, Կիրակոսը լիներ, մեկ է Գանձակեցիների քաղաքականությունը չէր փոխվելու, եթե Գանաձակեցիների քաղաքականությունը վարում են հենց Մուկուչն ու Կիրակոսը։

Հա, պայմանավորված է, բայց Թուրքիան հաստատ Հայաստան չի, որ աթոռ պահելու համար գնան գործարքների Ես որ այդպիսի տպավորություն չեմ ստացել էդ շրջանի պատմությունը ուսումնասիրելիս: Հարաբերությունների փակուղի մտնելը չէր կապվում ինչ-որ մեկի մահով, այլ պատերազմի իրողությամբ

[Chuk]

Urartu, կարդա՛ այս գրառումը:

[Chuk]

ՀՀ ազգային անվտանգության ծառայությունը հայտնաբերել է ադրբեջանական հատուկ ծառայությունների հետ համագործակցողի:

Հայաստանի Հանրապետության Ազգային անվտանգության ծառայության մարմինների կողմից իրականացված օպերատիվ-հետախուզական և քննչական գործողությունների արդյունքում, կալանավորվել է ՀՀ քաղաքացի Գևորգ Վոլոդյայի Հայրապետյանը, որը համագործակցել է ադրբեջանական հատուկ ծառայությունների հետ:

Գ. Հայրապետյանը հանդիսանում է նախկին զինծառայող, պահեստազորի փոխգնդապետ, 2007թ-ին արձակվել է ՀՀ ԶՈՒ-ից' զինվորական և ծառայողական կարգապահության կանոնների կոպիտ խախտման համար:

Գ. Հայրապետյանին առաջադրվել է մեղադրանք ՀՀ Քրեական օրենսգրքի 299 հոդվածի 1-ին մասով' Պետական դավաճանություն լրտեսության ձևով: Նույն գործով կալանավորվել է նաև Գ. Հայրապետյանի և ադրբեջանական հատուկ ծառայությունների միջև կապ իրականացնող օտարերկրյա քաղաքացի:

Քրեական գործով նախաքննությունը վարում է ՀՀ ազգային անվտանգության ծառայության քննչական վարչությունը:

ՀՀ ԱԱԾ Մամուլի կենտրոն

Աղբյուր՝ Ա1+

[ministr]

Թե մահապատիժն ինչի հանեցին...

[Kuk]

Թե մահապատիժն ինչի հանեցին...

Լավ արեցին:

[Ձայնալար]

Ընդհանրապես դեմ եմ մահապատժին, իսկ մեր «արդարադատության» ներկայիս մակարդակի դեպքում հատկապես վտանգավոր ա մահապատժի կիրառումը:

[ministr]

Ընդհանրապես դեմ եմ մահապատժին, իսկ մեր «արդարադատության» ներկայիս մակարդակի դեպքում հատկապես վտանգավոր ա մահապատժի կիրառումը:

Բագ ջան ում որ պետքա առանց մահապատիժ էլ են սպանում: Դա էդքան կարևոր չի:

[Ձայնալար]

Հիմնականում իրանք իրար են սպանում, իսկ «հակառակ ճամբարից» ում որ ուզում են լռեցնել, նստացնում են: Մահապատիժ եթե լիներ, սրանց քրեական տեռորը ավելի ազդեցիկ կարող էր լինել:

[Rammer]

Ղարաբաղի հարցը քննարկվել է Թուրքիայի Ազգային անվտանգության խորհրդի նիստում

Երեկ Թուրքիայում կայացել է Ազգային անվտանգության խորհրդի նիստը, որի օրակարգում գերիշխել է Լեռնային Ղարաբաղի հակամարտության հիմնախնդրի լուծման թեման` վերջերս Հայաստանի և Թուրքիայի միջև ստորագրված Արձանագրությունների լույսի ներքո, հայտնում է թուրքական «Անադոլու» գործակալությունը։

Խորհրդի նիստը ղեկավարել է Թուրքիայի նախագահ Աբդուլլա Գյուլը։

Գրեթե 8 ժամ տևողոթյամբ նիստից հետո Ազգային անվտանգության խորհուրդը տարածել է հաղորդագրություն։

«Նիստի օրակարգում կարևորվել են Հարավային Կովկասում նկատվող զարգացումները։ Մասնավորապես, քննարկվել են Ադրբեջանի և Հայաստանի միջև Լեռնային Ղարաբաղի հակամարտության կարգավորման շուրջ ջանքերը՝ հոկտեմբերի 10-ին Հայաստանի և Թուրքիայի միջև ստորագրված Արձանագրությունների շրջանակներում։ Թուրքիան կշարունակի ջանքեր գործադրել տարածաշրջանում խաղաղություն, կայունություն, համագործակցություն և վստահություն հաստատելու ուղղությամբ»,- նշված է հաղորդագրությունում։

Tert.am

[Rammer]

Խաչատուր Սուքիասյանի ընտրատարածքում առաջադրվել է Սուրեն Սուրենյանցը

«Հանրապետություն» կուսակցության անդամ, Հայ ազգային կոնգրեսի ներկայացուցիչ Սուրեն Սուրենյանցը որոշել է իր թեկնածությունն առաջադրել թիվ 10 ընտրատարածքում՝ նշանակված լրացուցիչ ընտրություններին մասնակցելու համար։

«Յուրաքանչյուր հրապարակային գործընթաց, այդ թվում՝ ԱԺ այս ընտրությունները, առիթ են քաղաքական օրակարգ ձևավորելու, նոր մտքեր ու գաղափարներ շրջանառու դարձնելու համար: Մտադիր եմ իմ համեստ դերակատարությունն ունենալ Հայաստանում քաղաքական օրակարգ ձևավորելու գործընթացում, իսկ հաղթանակի հասնելու դեպքում՝ առնվազն օգտագործել խորհրդարանական ամբիոնն՝ իմ գաղափարներն ու արժեքային համակարգը հանրության սեփականությունը դարձնելու համար:

Անշուշտ՝ համարում եմ, որ այս ընտրատարածքի նախկին պատգամավորը՝ Խաչատուր Սուքիասյանը, լավագույնս էր ներկայացնում ընտրատարածքի ընտրողների շահերը, նրանց քաղաքական ու հասարակական տրամադրությունների կրողն էր: Դրանով հանդերձ՝ հարգում եմ պատգամավորական մանդատից հրաժարվելու նրա որոշումը: Կարծում եմ նաև, որ իմ ազատազրկված ընկերներից յուրաքանչյուրն ավելի արժանի է հասարակության վստահության քվեն ստանալու, նրա շահերը խորհրդարանում ներկայացնելու համար»,– մասնավորապես նշել է Սուրենյանցը՝ իր հրապարակած հաղորդագրության մեջ:

Նա ընտրարշավին մասնակցելու է «Բաց Հայաստան» քաղաքական ծրագրով, ինչը, ըստ նրա, ենթադրում է՝ հարևան երկրների հետ բարիդրացիական հարաբերությունների հաստատում, երկրի ապագաղութացման և ինքնակազմակերպման խնդիրների լուծում, Հայաստանում համաշխարհային համատեքստին համահունչ համակարգի ստեղծում, պետության մրցունակութան բարձարացում, երկրի ներսում մրցակցային միջավայրի ձեւավորում: «Որպես այս հայտարարության գլխավոր պահանջ՝ ակնկալում եմ բոլոր քաղբանտարկյալների պարտադիր ազատ արձակումը»,– գրում է նա:

Tert.am

P.S. Լավ է Լևոնը չի դրել...

[AMzone]

Թուրքական պատվիրակությունը կայցելի Ադրբեջան

Թուրքիայի խորհրդարանի արտաքին գործերի կոմիտեի նախագահ Մուրատ Մերկանը և խորհրդարանականներից կազմված պատվիրակությունը կմեկնի Ադրբեջան:

Ինչպես հաղորդում է «Անադոլու» գործակալությունը, թուրք խորհրդականները պաշտոնական հանդիպումներ կունենան Ադրբեջանում: Նրանց կընդունի Ադրբեջանի նախագահ Իլհամ Ալիևը և արտգործնախարար Էլմար Մամեդյարովը:

Թուրքական պատվիրակության անդամները կհանդիպեն նաև Ադրբեջանի խորհրդարանի խոսնակ Օկտայ Էսեդովի հետ:

Tert.am

[dvgray]

ինչ որ մի առանձնահատուկ բան կա՞ այս այցելության մեջ