Քաղաքական լրահոս

[Շինարար]

Ես քեզ այդ շերտում չեմ դասել, որովհետև դու գրել ես. «ափսոս որ առայժմ ուտոպիա է»: Միայն թե առայժմ բառն ես ավելորդ գրել

Չուկ ջան, ես միշտ լավատես եմ, ու մի բան գիտեմ, որ եթե մենք երազում ենք Մսիս սարի, Էրգրի, Արաքսի ափից այն կողմի մասին, ու խոսւմ ենք Թուրքիայի կողմից ցեղասպանության ճանաչման, փոխհատուցման, ինչ-որ թաղված պայմանագրերի մասին, այդ ամենը մենք կկարողանանք շահարկել միայն Արաքսի ափից այն կողմ կանգնած զորք ունենալուց հետո, այլ ճանապարհ չկա, Թուրքիան կամավոր երբեք մեզ ոչ մի թիզ հող չի տա, սահմանները որոշվում են մեր թրի երկարությամբ, հուսով եմ դու գիտես, թե ում խոսքերն են, ես չգիտեմ, գիտեմ, որ իմաստուն խոսքեր են, այլ բան է և փաստ, որ այսօր մեր թուրը շատ կարճ է… Բայց օրը գալու է, որ մեր տանկերը մտնեն Թուրքիա, ներողություն` Էրգիր, ես էլ նստած լինեմ դրանցից մեկի Ն. Օ.-ի տեղում, բայց հաստատ հրամանատարի տեղում Կարապետիչը չի լինի, նա ԱԼՄ_ի իր ստուդիայից կմեկնաբանի դեպքերը կամ նախընտրական գործերով զբաղված կլինի կամ պոեզիայի նոր գիրք հրատարակելով:

[Kuk]

Որ տանկով մտնելու լնեք, մի օր առաջ կզգուշացնեք ՀՀ-ից չվեմ

Ես էլ եմ գալիս, Անդ ջան, կզանգես դուրս գալուց:

[Լեռնցի]

Ղարաբաղյան պատերազմի վետերանների Երկրապահ միության հայտարարությունը

Իշխանությունները պարտավոր են մշակել և կիրառել երկրի անվտանգությունը ապահովելու, արտաքին ազդեցությունները վերահսկելու, կամայականությունները կանխարգելելու այնպիսի համկարգ,որ նվազագույնի կհասցնի սուբյեկտիվ գործոնի ազդեցությունը, ապահովի քաղաքացու արժանապատիվ կյանքը և քաղաքացու անվտանգությունը: Մինչդեռ մեզանում ամրագրված հասարակական-քաղաքական հարաբերությունների տրամաբանությունը արմատապես հակառակն է ապացուցում:

Իշխանությունների գործունեությունը վերահսկող քաղաքական կուսակցությունները, հատկապես նրանք, որոնց ծրագրային դրույթները խարսխված են ազգային գաղափարախոսության հենքի վրա (ՀՀԿ, ԲՀԿ և ...) , բնականորեն պետք է ցույց տային համապատասխան արձագանք առկա վտանգներին,բայց նրանք վարում են մեղմ ասած ջայլամի քաղաքականություն:

Արցախյան ազատամարտի հաղթանակը և ձեռքբերումները իրականություն դարձան մեր և մեր նման հայորդիների կյանքի և արյան գնով: Ո’չ նախագահին և ո’չ էլ նրա ձեռնասուն ուժերին իրավունք չի տրված արժեզրկելու կամ առուծախի առարկա դարձնելու արյունով, ցավոտ կորուստներով ձեռք բերված հաղթանակները ,ազգային արժեքները,մեր ազգի չամոքվող վերքը` ցեղասպանությունը և հայ ժողովրդի արժանապատիվ ապրելու իրավունքը:

Ժողովրդի, առայժմ, մասայականորեն չընդվզելը խոսում է նրա բարձր գիտակցության մասին: Նա հասկանում է,որ երկիրն իր համար վտանգավոր և կարևորագույն որոշման փուլի մեջ է, բայց դա չի նշանակում,որ ժողովուրդը կհանդուրժի վտանգել իր անվտանգությունը և վիրավորել իր արժանապատվությունը: ՈՒստի մենք պահանջում և հորդորում ենք հայրենի իշխանություններին չստեղծելու այնպիսի իրավիճակ, որ այս անգամ ժողովուրդը ընդվզի: Հայտարարում ենք թե հայրենի և թե սփյուռքի հայրենակիցներին, որ մենք դեմ ենք նախաստորագրված փաստաթղթերին և սատարելու ենք ժողովրդի ընդվզմանը:

06. 10. 2009թ.

[Chuk]

Բայց օրը գալու է, որ մեր տանկերը մտնեն Թուրքիա, ներողություն` Էրգիր,

Շնորհակալություն ռոմանտիկ գրառման համար
Ժպտում եմ

[Լեռնցի]

Շնորհակալություն ռոմանտիկ գրառման համար
Ժպտում եմ

Ռոմանտիկ չէ, ազգության կեսըդ ապրում է էդ օրը տենչալով… մարդիկ մի օր Էրգիր պիտի գնան…
Ու յուրաքանչյուրս պետք է այդ գիտակցումով ապրենք, որպեսզի մի օր կատարվի այն… Հակառակ դեպքում, այն կմեռնի…

[Մարկիզ]

Ռոմանտիկ չէ, ազգության կեսըդ ապրում է էդ օրը տենչալով… մարդիկ մի օր Էրգիր պիտի գնան…
Ու յուրաքանչյուրս պետք է այդ գիտակցումով ապրենք, որպեսզի մի օր կատարվի այն… Հակառակ դեպքում, այն կմեռնի…

Բա որ ռոմատիկա չէ, ի՞նչ է, իրատեսակա՞ն է: Այդ դեպքում՝ ո՞նց… Տենչալո՞վ:

[Norton]

Իսկ իմ իմանալով ազգության ջախջախիչ մեծամասնությունը ապրում է նորմալ երկիր ունենալու տենչանքով, որ մի օր էլ փողոց դուրս գալու կարիք չլինի, որ ընտանիքը պահելու համար արտասահման չգնան, որ օրենքը երկրում գործի:
Թե՞ մենք տարբեր հասրակությունների մասին ենք խոսում:

[Chuk]

Ռոմանտիկ չէ, ազգության կեսըդ ապրում է էդ օրը տենչալով… մարդիկ մի օր Էրգիր պիտի գնան…
Ու յուրաքանչյուրս պետք է այդ գիտակցումով ապրենք, որպեսզի մի օր կատարվի այն… Հակառակ դեպքում, այն կմեռնի…

Որ գնալուց լինեք, սկզբից մոտս կգաք, սիրուն դիզայն կանեմ, տանկերի երկու կողքին կկպցնեք

[Լեռնցի]

Կեցցե՛ք…
Էն մարդկանց թվին չեք պատկանում, որոնց հարազատներին մոռթել են, եղածներին աքսորել իրենց հայրեինիքից, ու նրանց ծնողները և՛ նրանք, ուխտել են, որ մի օր պիտի գան... ուխտել են, որ պետք է տեր լինեն իրենց հողերին…
հ.գ.
Գագիկ Գինոսյանը վերջերս այցելել էր Արևմտյան Հայաստան, այցելել էր իր հայրենի երկիր, իր լքված տունը, այնտեղ, որտեղ թաղված են նրա պապերը, որտեղ կռվել և ապրել են նրա պապերը…
և այն տանը, որտեղ կնքվել էր Կարսի պայմանագիրը, հուշատետրում, այսքյարի հայացքի ներքո գրել էր, հայերենով, "Երդվում եմ, մի օր գալու ենք" … Ու շատերն այսօր միացած են այդ երդմանը…

[Chuk]

Կեցցե՛ք…
Էն մարդկանց թվին չեք պատկանում, որոնց հարազատներին մոռթել են, եղածներին աքսորել իրենց հայրեինիքից, ու նրանց ծնողները և՛ նրանք, ուխտել են, որ մի օր պիտի գան... ուխտել են, որ պետք է տեր լինեն իրենց հողերին…
հ.գ.
Գագիկ Գինոսյանը վերջերս այցելել էր Արևմտյան Հայաստան, այցելել էր իր հայրենի երկիր, իր լքված տունը, այնտեղ, որտեղ թաղված են նրա պապերը, որտեղ կռվել և ապրել են նրա պապերը…
և այն տանը, որտեղ կնքվել էր Կարսի պայմանագիրը, հուշատետրում, այսքյարի հայացքի ներքո գրել էր, հայերենով, "Երդվում եմ, մի օր գալու ենք" … Ու շատերն այսօր միացած են այդ երդմանը…

Բռատոս, ուրեմն նայի, էս որ սենց մեծ-մեծ փրթում ես... նախ ասեմ, որ Գինոսյանի այցելության DVD-ն տանը դրած ա (եթե ուրիշին չենք տվել նայելու), բայց Գինոսյանը ինչքան էլ որ հրաշալի մարդ ու հայրենասեր լինի, ինքը էդ հարցում ռոմանտիկ ա, ու երբևէ էլ էդ հողերը չի գնալու հետ վերցնի:

Իմ մեծ պապերն էլ Մշից են: Մնացածը չեմ խորանում, թե ցեղից քանիսն են սպանվել, քանիսն են մազապուրծ եղել: Սաղ կյանքիդ երազանքն էլ իրար գումարես, իմ չափ չես զգա էդ ամեն ինչը (էս էլ քո նման պաթոսային խոսք):

Բայց ունենք էն, ինչ ունենք:
Ու էս պահին ռեալ ունենք, որ էդ հողերը էլ երբևէ մերը չեն լինելու, իսկ էս հողերը մերն են ու շենացման կարիք ունեն, մոլախոտերից (Քոչարյան, Սերժ) մաքրման կարիք ունեն: Դրա համար մեծ-մեծ փրթելու ու վերևից խոսելու փոխարեն (վերևում չես, ներքևում ես) մի քիչ ռեալացի:

[Շինարար]

Բա որ ռոմատիկա չէ, ի՞նչ է, իրատեսակա՞ն է:

Ռոմանտիկա է, այ ախպեր, բա ի՞նչ է, որ ռոմանտիկա չէ: Ես էլ եմ ուզում նորմալ երկրում ապրեմ նախ և առաջ, մի քիչ էլ ուզում եմ երազել:

[Շինարար]

Իմ մեծ պապերն էլ Մշից են:

Իմ պապերն էլ են մշեցի, ու ընդհանրապես հայերը, ասել է թե, մարդկությունը կազմավորվել է Մուշում:

[Chuk]

Իմ պապերն էլ են մշեցի, ու ընդհանրապես հայերը, ասել է թե, մարդկությունը կազմավորվել է Մուշում:

Ադամի կերած առաջին խնձորն էլ Մշո դաշտի տանձի ծառից էր

[Տրիբուն]

Ռոմանտիկ չէ, ազգության կեսըդ ապրում է էդ օրը տենչալով… մարդիկ մի օր Էրգիր պիտի գնան…
Ու յուրաքանչյուրս պետք է այդ գիտակցումով ապրենք, որպեսզի մի օր կատարվի այն… Հակառակ դեպքում, այն կմեռնի…

Սզբի համար լավ կլինեի գոնե ապրեինք այն տենչով, որ մնայինք էս մի կտոր էրգրում, ուրիշ տաք երկրներ չվելուց առաջ: Թե չէ, էս տեմպերով որ գնա, էս էրգրում նախնյաց էրգիր գնալու ցանկացողների թիվը երկրաչափական պրոգրեսիայով նվազում է:

[Տրիբուն]

Իմ պապերն էլ են մշեցի, ու ընդհանրապես հայերը, ասել է թե, մարդկությունը կազմավորվել է Մուշում:

Փաստորեն Մուշը մենակ մեր հայրենիքը չի, համայն մարդկության հայրենիքն ա, այդ թվում թուրքերի: Էլ ինչ ենք ուզում, մարդիկ լրիվ իրավունքով իրենց հայրենիքին տեր են կանգնում: