Քաղաքական լրահոս

[Elmo]

Հայաստանի ոստիկանության պետ Ալիկ Սարգսյանը հաստատել է ԱԺ պատգամավոր Աշոտ Աղաբաբյանի թիկնապահների մասնակցությամբ տեղի ունեցած միջադեպի վերաբերյալ տեղեկությունները։

Ինչպես Ա.Սարգսյանը հաղորդել է երեկ ՀՀ ոստիկանությանն առընթեր հանրային խորհրդի նիստի ժամանակ, ինքը նույնպես ականետես է եղել կատարվածին։

Ա.Սարգսյանի խոսքերով՝ դեպքը տեղի է ունեցել Ալեք Մանուկյան փողոցում ապրիլի 21-ին. ժամը 19։40-ին մոտ երեք ջիփ մեքենա մեծ արարգությամբ անցել են կարմիր լույսի տակ։ Ոստիկանության արձագանքը եղել է ավելի քան օպերատիվ. 6 րոպե անց կարգազանցները ձերբակալվել են։ Ինչպես պարզվել է նախաքննության ընթացքում, երեք մեքենաներից երկուսը պատկանում են ԱԺ պատգամավոր Աշոտ Աղաբաբյանին (մականունը` «Բուռնաշ»), միջադեպին մեղսակից են պատգամավորի թիկնապահներն ու հյուրերը։ Ինքը` Աղաբաբյանը, դեպքի վայրում չի եղել և Ոստիկանություն չի տարվել։ Ներկայում մեքենաները ստուգվում են։ «Բոլոր մեղավորները կկրեն արժանի պատիժ», - խոստացել է Ա.Սարգսյանը։

Ոստիկանության պետը հերքել է նաև միջադեպին ԱԺ պատգամավոր Լևոն Սարգսյանի մասնակցության մասին տեղեկությունները։

Tert.am

Ասեմ, որ Լևոն Սարգսյանը, նույն ինքը "ալրաղացի Լյովը", տարածված լուրերի համաձայն մեքենայով ջարդել էր ազգային անվտանգության դարպասները ու ներխոժել էր ներս, դեբոշ կազմակերպել:

[Տրիբուն]

Ասեմ, որ Լևոն Սարգսյանը, նույն ինքը "ալրաղացի Լյովը", տարածված լուրերի համաձայն մեքենայով ջարդել էր ազգային անվտանգության դարպասները ու ներխոժել էր ներս, դեբոշ կազմակերպել:

Ապեր, ոստիկանությունը հերքում է, որ Լևոն Սարգսյանը չափալախել է ԱԱԾ պետին: Ըստ ոստիականության տարածած հաղոդարգրության դա եղել է ընկերական ապտակ` կենցաղային հողի վրա, քավոր-սանիկ հարաբերություններին շրջանակներում:

[murmushka]

«Ազատություն» ռադիոկայանի հարցին, թե Երեւանի Հյուսիսային պողոտայում ցուցարարների նկատմամբ գրեթե ամեն օր կիրառվող բռնությունները ե՞ւս ժողովրդի շահերից են բխում, ոստիկանապետը արձագանքեց. - «Եթե քաղաքական զբոսանք` խնդրեմ, քայլեք Երեւանով, զբոսնեք, զրուցեք, ձեր հարցերը քննարկեք իրար հետ, բայց մեկ վայր ստեղծել, որը արգելված է մնացածին քայլել, որովհետեւ էդ վայրում ամեն րոպե կարող են կոնֆլիկտներ լինել` մենք դա թույլ չենք տա»:

«Հանգիստ թողեք Հյուսիսային պողոտան: Հրահրել ոստիկանին, մոտենալ, քաշքշել, ինչ-որ մի բան ասել, վիրավորել, վերջում էդ պահը օգտագործել` «տեսեք, ինձ հրեց», կարծում եմ, սա չի կարելի եւ ընդունելի չի», - ասաց ոստիկանապետը` ամփոփելով. - Հյուսիսային պողոտան կառուցվել է այս իշխանությունների օրոք: Խորհուրդ եմ տալիս այնպիսի մի տեղ ստեղծել այս օջախը, որը ստեղծվել է նախկին իշխանությունների օրոք, նկատի ունեմ հենց էդ, ովքեր կազմակերպում են էս միտինգները

http://www.azatutyun.am/content/article/1613922.html
աբսուրդ
ինչպես ասում են NO COMMENT

[Kuk]

Հյուսիսային պողոտան կառուցվել է այս իշխանությունների օրոք: Խորհուրդ եմ տալիս այնպիսի մի տեղ ստեղծել այս օջախը, որը ստեղծվել է նախկին իշխանությունների օրոք, նկատի ունեմ հենց էդ, ովքեր կազմակերպում են էս միտինգները

Վայ քու արա Հյուսիսային Պողոտան նախկին իշխանությունների օրոք եղել ա մարդկանց բնակարաններ, կացարաններ, սույն թյուրիմացության խոսքով ասած` օջախներ, հիմա սրանք վերցրել օբյեկտներ են սարքել, մարդկանց էլ ասում են` գնացեք ուրիշ տեղ զբոսնեք: Դե արի ու մի ասա` տո այ զբոսնված, որ ամբողջ քաղաքը քանդեք օբյեկտ սարքեք, ինչն էլ անում եք, ուրմեն մարդկանց պետքա ուղարկեք այլ երկի՞ր: Չնայած տենց էլ անում են էլի, բայց դե կան ստրուկներ, որ համաձայն են քշվել այլ երկիր, թեկուզ մոզամբիկ, մենակ թե ոչ մի մենթի հետ կոնֆլիկտի մեջ չմտնեն:

[Angelochek Pushisti]

Բարաք Օբաման արտասանեց «Մեծ Եղեռն»

23:50 • 24.04.09


Սպիտակ Տան պաշտոնական կայքը տարածել է Բարաք Օբամային հայտարարությունը, որը նվիրված է 1915թ. ապրիլի 24-ին տեղի ունեցած իրադարձություններին: Իր խոսքում Բարաք Օբաման երկու անգամ հայերեն արտասանել է «Մեծ Եղեռն» բառակապակցությունը (հայտարարության մեջ անգլերեն տառերով գրված է Meds Yeghern): ԱՄՆ նախագահի ուղերձում ասված է.

«94 տարի առաջ իրագործվեց 20-րդ դարի ամենամեծ դաժանություններից մեկը: Ամեն տարի մենք մի պահ կանգ ենք առնում` հիշելու 1,5 միլիոն հայերին, ովքեր սպանդի են ենթարկվել կամ իրենց մահն են գտել Օսմանյան կայսրության վերջին օրերին:
Մեծ Եղեռնը պետք է ապրի մեր հիշողության մեջ, ինչպես այն ապրում է հայ մարդկանց սրտերում:

Պատմությունը, եթե այն չի գտել իր լուծումը, կարող է ծանր բեռ լինել: Մինչդեռ 1915թ. զարհուրելի իրադարձությունները մեզ հիշեցնում են այն դաժան տեսարանները, երբ մարդ կարող է անմարդկային լինել մեկ այլ մարդու նկատմամբ, անցյալի հետ հաշվի նստելու փաստը հաշտեցման մեծ հույս է ներշնչում: Ես հետևողականորեն պնդել եմ իմ կարծիքը 1915թ. տեղի ունեցած իրադարձությունների վերաբերյալ, և իմ կարծիքը տվյալ իրադարձությունների վերաբեյալ չի փոխվել: Ես հետաքրքրված եմ փաստերի լիարժեք, ազնիվ և արդար ճանաչման մեջ:

Տվյալ նպատակին հասնելու համար լավագույն միջոցն այն է, որ հայ և թուրք ժողովուրդները, որպես առաջխաղացմանն ուղղված իրենց ջանքերի մի մաս, պետք է դիմեն անցյալի փաստերին: Ես լիովին սատարում եմ հայերի և թուրքերի` ցավալի պատմության միջով անցնելու ջանքերը, անցնելու մի ճանապարհով, որն ազնիվ է, բաց և կառուցողական:

Հենց այդ նպատակով է հայ և թուրք ժողովուրդների միջև, ինչպես նաև Թուրքիայում սկսվել համարձակ և կարևոր մի երկխոսություն: Ես նաև լիովին սատարում եմ Հայաստանի և Թուրքիայի ջանքերը` ուղղված երկկողմ հարաբերությունների կարգավորմանը: Շվեյցարիայի միջնորդությամբ երկու երկրների կառավարությունները բանակցությունների ձևաչափի և ճանապարհային քարտեզ ծրագրի շուրջ համաձայնության եկան: Ես ողջունում եմ այս առաջընթացը և կոչ եմ անում նրանց իրականություն դարձնել փաստաթղթում ամրագրված խոստումը:

Հայաստանը և Թուրքիան միասին կարող են դարբնել այնպիսի հարաբերություններ, որոնք իրենց բնույթով կլինեն խաղաղ, արդյունավետ և բարգավաճ: Եվ միասին` հայ և թուրք ժողովուրդները կլինեն ավելի ուժեղ, քանզի կընդունեն իրենց ընդհանուր պատմությունը և կգիտակցեն, որ միևնույն մարդկային ցեղին են պատկանում:

Ոչինչ չի կարող հետ բերել Մեծ Եղեռնի ընթացքում կորսված կյանքերը: Սակայն վերջին 94 տարիների ընթացքում հայերի կողմից կատարած ներդրումը նրանց տաղանդի, հարաշարժության, հաստատունության վառ ապացույց է և նախատինք նրանց, ովքեր ցանկացել են ոչնչացնել հայերին: Ամերիկայի Միացյալ Նահանգները շատ ավելի հարուստ երկիր է հայկական ծագում ունեցող բազմաթիվ ամերիկացիների շնորհիվ, ովքեր լուրջ ներդրում են կատարել մեր հասարակության մեջ և որոնցից շատերն այս երկիր են ներգաղթել 1915թ. դեպքերից հետո: Այսօր ես կանգնած եմ նրանց, ինչպես նաև ողջ աշխարհի հայության կողքին` լի բարեկամության, միասնության և խորին հարգանքի զգացումով»:

Աղբյուր. Tert.am

[Elmo]

Մոդերատորական: Լուրի քննարկումները տեղափոխվել են այստեղ: Քանի որ արձագանքները բավականին շատ են, խնդրում եմ տվյալ լուրի վերաբերյալ բոլոր քննարկումներն անցկացնել համապատասխան թեմայում:

[Վիշապ]

ՀՅԴ ԴՈՒՐՍ ԿԳԱ ԿՈԱԼԻՑԻԱՅԻՑ ՈՒ ԿՀՐԱԺԱՐՎԻ ՊԱՇՏՈՆՆԵՐԻՑ
Ժամը 13-ին ՀՅԴ Գորագույն մարմնի անդամ պատգամավոր Արմեն Ռուստամյանը կհայտարարի իշխանական կոալիցիայից իր կուսակցության դուրս գալու եւ գործադիրում զբաղեցրած պաշտոններից հրաժարվելու մասին: Այդ հանգամանքը, բնական է, խիստ կուրախացնի կոալիցիոն մյուս կուսակցություններին, որոնց բաժին կհասնեն ՀՅԴ քվոտայով պաշտոնները: Այդ հանգամանքը կուրախացնի նաեւ հայ հասարակության այն հատվածին, ովքեր այնուամենայնիվ խոր ակնածանք են տածում հնամյա ազգային կուսակցության հանդեպ եւ սրտի կսկիծով էին նայում, թե ինչպես է ազգային կուսակցությունը վերջին տասնամյակին հայտնվել ամոթալի գործարքների ու նվաստացումների ճահճում:
Աստված պահի Դաշնակցությունը:
lragir.am