Քաղաքական լրահոս

[Kuk]

Բախում Երեւանի կենտրոնում


Ոստիկաններն այսօր այնքան էլ հանդուրժող չէին Հայ ազգային կոնգրեսի երիտասարդների նկատմամբ:

Նախագահի ընտրության արդյունքները 2 տարի անց կեղծված համարող երիտասարդներից շատերն այսօր «արժանացան» ոստիկանական հարվածների:

Մի քանի հարյուր քաղաքացիներ այսօր երթով շարժվեցին Կորյուն փողոցում տեղակայված ՀԱԿ կենտրոնական գրասենյակի մոտից մինչեւ ԿԸՀ` անցնելով Երեւանի կենտրոնական փողոցներով:

Այն պահին, երբ ցուցապաստառներով, քաղբանտարկյալների նկարներով երթի մասնակիցները հատում էին Աբովյան-Սայաթ-Նովա փողոցների խաչմերուկը, տեղի ունեցավ միջադեպ:

Քանի որ Աբովյան փողոցի մայթերը նեղ են, երթի մասնակիցները սկսեցին քայլել փողոցով: Ոստիկանները պահանջեցին շարժվել միայն մայթով, անգամ պատ կազմեցին` արգելելով երթը: Ոստիկանների հարվածներից խուսափելու համար, երթի մասնակիցները նստեցին Աբովյան-Սայաթ-Նովա փողոցների խաչմերուկում եւ սկսեցին բռունցքներ պարզած երգել:

Սակայն այդ երկար չտեւեց. ոստիկանները եւ կարմիր բերետավորները ծեծելով, ուժի կիրառմամբ նրանց հեռացրեցին փողոցի կենտրոնից: Բախման արդյունքում ՀԱԿ ակտիվիստներից Սարգիս Խաչատրյանի ինքնազգացողությունը վատացավ: Նրան քիչ անց «Շտապ օգնության» մեքենայով տեղափոխեցին «Գրիգոր Լուսավորիչ» հիվանդանոց:

Երթի մեկ այլ մասնակցի`«Հայկական ժամանակ» թերթի պատասխանատու խմբագիր Հայկ Գեւորգյանի որդուն` Վահագնին, ոստիկանները նստեցրին մեքենա եւ տարան անհայտ ուղղությամբ: 10 րոպե անց նրան բաց էին թողել: Վահագնը «Ա1+»-ին հայտնեց, որ ոստիկանը իր հետ խոսում էր փողոցային բառապաշարով:

Թվում էր` երթը խաղաղ ավարտ պետք է ունենա: Սակայն երբ արդեն ավարտվում էր երթը, ու ցուցարարները մոտենում էին ՀԱԿ գրասենյակին, կարմիր բերետավորները առանց որևէ պատճառի բերման ենթարկեցին երթի 4 ակտիվիստների, այդ թվում` Վահագն Գեւորգյանին:

Ցուցարարները պահանջեցին ազատ արձակել երիտասարդներին: Նրանք կանգնեցին տեղում, իսկ դիմացը ոստիկանական պատ էր: Երբ փորձեցինք ճշտել, թե ինչու են բերման ենթարկվել երիտասարդները, ոստիկանների պատասխանը եղավ միայն լռությունը:

Ի դեպ, «Գրիգոր Լուսավորիչ» հիվանդանոցից «Ա1+»-ին հաղորդեցին, որ երիտասարդ ակտիվիստ Սարգիսը հիվանդանոց է տեղափոխվել որովայնի սալջարդ եւ գլխուղեղի ցնցում ախտանիշներով: Սակայն նրա մոտ հետազոտության արդյունքում ոչինչ չի հայտնաբերվել նրա մոտ, եւ նա հեռացել է ինքնակամ:


Ա1+

[Kuk]

Սա էլ վիդեոն.

[Chuk]

Մոդերատորական. Թեմայում՝ վերջին իրադարձության հետ կապված, թողել եմ միայն ինֆորմատիվ գրառումները, «քննարկումը» ջնջել եմ:

[murmushka]

[Tig]

[Բիձա]

Հոյակապ տղերք են:
Դպրոցից հեռացնել դեռ չէի լսել:
Ինչքան գիտեմ աշխահի որևէ կետում այդպիսի վերաբեմունք դեռ գրանված չի:
Նաև երեևում է, որ մլիցեն ու բերետները արդեն դժվարությամբ են ծառայում վերխերին ու ԲՏ-ուն: Իհարկե մարդկայնությունից չի, այլ վաձատրությունից, բայց ամեն դեպքում դա էլ է տեսնելի:

[Rammer]

ԽՈՋԱԼՈՒԻ ՄԱՍԻՆ ԿԵՂԾԻՔԻ ԴԵՄ

Փետրվարի 24-ին, Երեւանում տեղի ունեցավ Xocali.net նախագծի շնորհանդեսը:

«Այլատյացության կանխարգելման նախաձեռնություն» ՀԿ նախագահ Արմինե Ադիբեկյանը եւ տեղեկատվության անվտանգության գծով մասնագետ Սամվել Մարտիրոսյանը ներկայացրեցին ադրբեջանցիների կողմից իրականացվող աննախադեպ կեղծիքների և փաստերի աղավաղման ժամանակագրությունը` կապված Աղդամի (Խոջալուի) 1992թ. դեպքերի հետ:

Ադրբեջանական քարոզչամեքենայի կեղծիքներն ու ապատեղեկատվությունը բացահայտելու նպատակով «Այլատյացության կանխարգելման նախաձեռնություն» ՀԿ-ն նախաձեռնել է http://xocali.net/ հասցեով կայքի գործարկումը:

Աղդամի (Խոջալուի) իրադարձությունների հետ կապված ուսումնասիրությունների արդյունքում հայտնաբերվել է մոտ 20 կեղծ լուսանկար, որոնք օգտագործում է ադրբեջանական կողմը` միջազգային հանրության շրջանում հայերի նկատմամբ բացասական վերաբերմունք ձևավորելու նպատակով: Ինչպես ներկայացրեց Ա. Ադիբեկյանը, ադրբեջանցիները իբր Խոջալուին վերաբերող լուսանկարներ են տարածում, որոնք իրականում 1999թ.Կոսովոյում տեղի ունեցած ջարդերի, տարերային աղետի հետեւանքով զոհված քուրդ երեխաների և նմանատիպ այլ լուսանկարներ են: Կամ` ներկայացվում է միեւնույն դիակը (որն ի դեպ, ակնհայտորեն ոչ պակաս, քան 15 տարվա վաղեմություն ունի)` նախ մազերով, ապա` գլուխը մաշկահան արված:

Այս ամենից բացի, աղաղակող կեղծիքներ են հայտնաբերվել Աղդամում կատարված ողբերգության զոհերի անվանացանկում, որոնք ներկայացվում են ադրբեջանական պաշտոնական կառույցների կողմից. օրինակ` միեւնույն մարդու անունը ներկայացվում է լեզվական տարբեր հնչողություններով եւ մատուցվում իբրեւ առանձին անուն: Ի դեպ, ՀԿ-ն իր բացահայտումներն արել է` հիմնվելով հենց ադրբեջանական աղբյուրների վրա:

Աղդամի (Խոջալուի) դեպքերի առնչությամբ http://xocali.net/ կայքում առանձնացված է Ցեղասպանության թանգարան-ինստիտուտի տնօրեն Հայկ Դեմոյանի եւ քաղաքագետ Լեւոն Մելիք-Շահնազարյանի ուսումնասիրությունները եւ ադրբեջանական կեղծիքների վերաբերյալ նրանց բացահայտումները: Նախագծի իրականացմանը օգնել են նաեւ openarmenia.com ֆորումի մասնակիցները, ինչպես նաեւ ՀՀ նախագահի աշխատակազմի «Հանրային կապերի եւ տեղեկատվության» կենտրոնը:

Աղդամի (Խոջալուի) դեպքերի կետ կապված ադրբեջանական կեղծիքները ներկայացնող http://xocali.net/ կայքն այս պահին հանրությանը ներկայանում է ռուսերեն, անգլերեն եւ ադրբեջաներեն լեզուներով: Ֆրանսերեն, պարսկերեն եւ գերմաներեն էջերը պատրաստ կլինեն առաջիկայում:

[Rammer]

ՎԱԽԵՆՈՒՄ ԵՆ ՀԱՅՌՈՒՍԳԱԶԱՐԴԻՑ

Հայաստանի նախկին վարչապետ, Հայ ազգային կոնգրեսի անդամ Հրանտ Բագրատյանի խոսքով, իշխանական ապարատը, Հայռուսգազարդի ղեկավարը, հանրային ծառայությունները կարգավորող հանձնաժողովը գազի գնի կապակցությամբ ինչ-որ անիմաստ բացատրություններ են տալիս: “5 տարի առաջ գազը ներմուծվում էր 110 դոլարով, այժմ 180 դոլարով: Դա դրամով նույն գումարն է կազմում: Սակայն Հայռուսգազարդը բնակչությանը վաճառում է 341 դոլարով: Հարցը սա է: Ինչ ծախսեր է անում Հայռուսգազարդը, ինչու է 2 անգամ թանկ վաճառում, մենք պահանջելու իրավունք ունենք, քանի որ բաժնետոմսերի 20 տոկոսը Հայաստանինն է, մենք իրավունք ունենք բացատրություն պահանջել: Հայռուսգազարդի ղեկավարությունը քաղցրաբլիթի բաղերն է մեզ փորձում գցել: Պետք է հիմնավորեն ծախսերը: Ինչքան աշխատավարձ է ստանում ղեկավարը: Վերջերս նա մասնակցել է Լոնդոնում մի միջոցառման և վճարել է 25000 ֆունտ: Նա թույլտվություն խնդրե՞լ է պետական միջոցներով մասնակցել դրան, ու հետո էլ փոխհատուցելու համար դա մտցնել գազի սակագնի մեջ: Ինչքա՞ն է կազմում Հայռուսգազարդի կորուստները: Ինչո՞ւ են մեծածախ գնորդին ավելի էժան վաճառում, եթե ամբողջ աշխարհում դա հավասար գումար է կազմում:

Պետությունը Հայռուսգազարդին ռուսական վարկից 40 միլիոն դոլար է տվել: Ասում են ազատ միջոցներ կան, տոկոսով վարկ ենք տվել: Պետությունը ուրիշ պետությունից վարկ է վերցնում և տոկոսով տալիս ուրիշին: Եթե այդպես է, կարող են ֆոնդային բորսայից 1 մլրդ դոլար գումար վերցնել ու տոկոսով տալ թուրքական ընկերություններին: Սա չի մտնում տրամաբանության մեջ: Եթե ազատ միջոց կա, ապա օրենքով այդ միջոցները ֆինանսների նախարարությունը տալիս է ԿԲ-ին, իսկ վերջինս ժամանակավոր տալիս է կոմերցիոն բանկերին:”

Բագրատյանի խոսքով, մարդկանց ցանկանում են շփոթեցնել, երբ ասում են, որ Ռուսաստանը 17 տոկոսով բարձրացնում է գազի գինը: Ռուսաստանը իրականում 26 դոլարով, այսինքն 7 տոկոսով է բարձրացրել, իսկ բնակչությանը վաճառում են 341 դոլարով, ինչը 42 տոկոս է կազմում:

“Ասում են ներդրում են կատարել, սակայն ումից են թույլտվություն վերցրել, կամ եթե վնասներ է կրել Հայռուսագազարդը, ինչու է ներդրում արել: Կառավարությունը չի համարձակվում խոսել նրանց հետ: Այս խոսկացությունն է, որ չի ստացվում Հայռուսգազարդի հետ: Սա այսպես հեշտ չի վերջանա: Կա գազի որակի խնդիր: Պետությունն իրավունք ունի որակի ստանդարտ հաստատել, բայց չի արել: Պետությունը կարող է չափիչ սարք դնել ստուգելու համար Հայռուսգազարդի տվյալները, կրկին չի արել: Պետությունը վախենում է թափանցիկությւնից, որ այս ամենը կբացվի”, ասել է Հրանտ Բագրատյանը:

Հրանտ Բագրատյանը նշել է, որ Հայռուսգազարդը 2006 թվականից սկսած Կենտրոնական բանկի վարած խայտառակ դրամավարկային քաղաքականության հետևանքով 200 տոկոս շահույթ է ունեցել:
Բագրատյանը կրկին բարձրացրել է ցեմենտի 2 խոշոր գործարանների հարցը, նշելով, որ անթույլատրելի է նման երևույթը, երբ փոխանակ սուբսիդավորելու բնակչությանը, ձրի գազ են տալիս այդ գործարաններին: Ի դեպ, հենց այդ գործարանների պատճառով նաև անցած տարի մեծ տոկոս կազմեց տնտեսական անկումը, ասել է նախկին վարչապետը:

[Վիշապ]

Ռումբը ժամը 13-ին պետք է պայթեր

Այս պահին Խորենացու փողոցում տեղակայված Պետեկամուտների կոմիտեի շենքում շարունակվում է կասկածելի ռումբի փնտրտուքը:

Ինչպես «Ա1+»-ին տեղեկացրեց ՀՀ ԱԻՎ Փրկարար ծառայության մամլո խոսնակ Նիկոլայ Գրիգորյանը, այս պահին շենքում են փրկարարները, ականազերծողները, ոստիկանները: Պետեկամուտների կոմիտեի աշխատակիցները տարհանվել են շենքից:

Նշենք, որ ՀՀ ոստիկանությունում ահազանգ էր ստացվել, որ Պետեկամուտների կոմիտեի շենքում տեղադրված ռումբը ժամը 13-ին կպայթի: Բարեբախտաբար, առայժմ պայթյուն չի եղել: «Ա1+»-ի նկարահանող խումբ այս պահին դեպքի վայրում է:

Է՜խ

[murmushka]

http://armenia.az/

հետաքրիր է թե ինչ նպատակ է հետապնդում այս ամենը

[Norton]

http://armenia.az/

հետաքրիր է թե ինչ նպատակ է հետապնդում այս ամենը

Պրոպագանդա, ԱԱԾ--ն ուղղակի պետքա փակել մուտքը:

[Mephistopheles]

http://armenia.az/

հետաքրիր է թե ինչ նպատակ է հետապնդում այս ամենը

Ես Mugam Radio-ն շատ սիրեցի… հիմա ամբողջ օրը էդ եմ լսում

[Վիշապ]

http://armenia.az/

հետաքրիր է թե ինչ նպատակ է հետապնդում այս ամենը

Ինչքան որ նայեցի, չեզոք, փոքր–ինչ լավատեսական ուղղվածության տեղեկություններ են, քիչ ա մնում կուտն ուտեմ…

[murmushka]

http://www.vesti.ru/doc.html?id=345497&cid=1

Комитет Конгресса США принял резолюцию о геноциде армян

[ministr]

Համմէ???? Տենաս մեզ որտեղ են քցում...