Ազատամարտիկին ցանկանում են վտարել երկրից. քաղաքական հետապնդումները շարունակվում են

[Chuk]

Այսօր դեռ շարունակում են հալածյալներ մնալ ընդդիմադիր քաղաքական գործիչները, այդ թվում մի շարք ազատամարտիկներ: Պարզվում է, որ Ռոբերտ Քոչարյան անուն ազգանունը կրող նախկին ինքնակոչ, ոչընտիր նախագահը մարտի 10-ին ստորագրել է կարգադրություն, որով Արցախյան պատերազմի մասնակից, ազատամարտիկ Սարգիս Հացպանյանի պիտի 10 տարով զրկվի ՀՀ-ում կացության իրավունքից:

Հացպանյանն իմանալով, որ իր նկատմամբ հետապնդում կա, գտնվում էր ընդհատակում և երեկ նոր վերադարձել է հայրենիք: Ուշագրավ է, որ օդանավայականում նրան թույլատրել էին լքել ՀՀ-ն, ապա վերադառնալուց թույլատրել մտնել երկիր: Սակայն տուն հասնելուն պես ոստիկանները շրջապատել են նրա տունը և ասում են, որ պիտի վտարեն ազատամարտիկին:
Ուշագրավ է, որ Հացպանյանին և նրա ընտանիքին մինչև այսօր չէին տեղեկացրել այդ կարգադրության մասին:

Տրամաբանական հարցեր են առաջանում, թե ինչու՞ շարժման մարման մասին բամբասանքներ տարածող իշխանիկները շարունակում են քաղաքական հետապնդումները, եթե իրենք իսկապես կարծում են, որ ընդդիմությունն իրեն սպառել է:

Հաջորդ տրամաբանական հարցն այն է, թե մեր ազգի անտարբեր հատվածը դեռ որքան պիտի շարունակի իր անտարբերությունը, մինչև որ հերթը իրե՞ն հասնի: Այդ օրն այնքան էլ հեռու չի, որովհետև եթե հերոսներին, ազատամարտիկներին են փորձում հալածել, ձեզ կհալածեն ու կհալածեն:

Դեպքի մասին նյութեր կարդացեք օրինակ Ա1+-ում.
http://a1plus.am/amu/?page=issue&iid=64898
http://a1plus.am/amu/?page=issue&iid=64904
http://a1plus.am/amu/?page=issue&iid=64908

[Chuk]

ԱՆՓՈՒԹՈՒԹՅՈ՞ՒՆ

[18:25] 09 Հոկտեմբերի, 2008

Ֆրանսիայի քաղաքացի, Ղարաբաղյան պատերազմի մասնակից Սարգիս Հացպանյանը հարց է տալիս, այդ ինչպես է եղել, որ երբ ինքը օգոստոսի 21-ին ՚Զվարթնոցՙ օդանավակայանից մեկնել է Եվրոպա, իսկ հոկտեմբերի 7-ին վերադարձել Երեւան, իրեն ոչ ոք չի ասել, թե իր հայաստանյան կեցության փաստաթղթում անճշտություն կա:

Մարդու իրավունքների պաշտպան Արմեն Հարությունյանը ՚Ա1+ՙ-ին ասաց, որ այստեղ եղել է համապատասխան մարմինների անփութությունը: Հացպանյանն ունեցել է ՀՀ ժամանակավոր կեցության անձնագիր, որը մարտի 10-ին Ռոբերտ Քոչարյանը անվավեր է ճանաչել:

՚Ինքը վերադարձել է Ֆրանսիա, հետո եկել է Հայաստան, բայց առանց վիզայի, եւ կեցության վկայականն էլ անվավեր է ճանաչված եղել, փաստորեն նա անօրինական է Հայաստան մուտք գործել: Իրավունք ունեն արտաքսել, բայց կա ուրիշ խնդիր, եթե նա իր խնամքի տակ ունի 2 անչափահաս երեխաներ, որոնք օրինական են բնակվում Հայաստանում, նրան արտաքսել չի կարելիՙ,- ասաց Արմեն Հարությունյանը:

Նրան Կենտրոնի ոստիկանապետը ասել է, որ եթե Հացպանյանը չի բացում դուռը, նրանք դիմելու են դատարան, որպեսզի դատարանը թույլ տա մտնել բնակարան:

Քանի որ Հացպանյանը Ֆրանսիայի քաղաքացի է, ՚Ա1+ՙ-ը խնդրի առնչությամբ փորձեց պարզաբանումներ ստանալ Հայաստանում Ֆրանսիայի դեսպանատնից: Հայաստանում Ֆրանսիայի հյուպատոս Ժակի Շարոտտին դեսպանատան լրատվական բաժնի աշխատակից Սոնա Մաշինյանի միջոցով փոխանցեց, թե ավելի լավ է այս հարցով դիմենք Հայաստանի իշխանություններին, քանի որ իրենք ավելի լավատեղյակ են դրան:

Հիշեցնենք, որ երեկ կեսգիշերից Սարգիս Հացպանյանի բնակարանը շրջափակված է ոստիկանների կողմից, եւ նրան ցանկանում են վտարել Հայաստանից: Մարտի 1-ից ընդհատակում գտնվող Սարգիս Հացպանյանն համարում է, որ իրեն ցանկանում են Հայաստանից արտաքսել իր քաղաքական հայացքների համար:

Աղբյուր՝ Ա1+

[Վարպետ]

Ամեն չորրոդը, թեկուզ, որ Հացպանյան Սաքոյի պես քաղաքացի լիներ է~...

[Ambrosine]

սենց բաներ հա? Սեֆիլյանից անցում կատարեցին Հացպանյանին
Չուկ ջան, ճիշտ հարց ես բարձրացրել, որ եթե ընդդիմությունը իրեն սպառել է, ապա ինչու է իշխանությունը շարունակում հետապնդումները? Պատասխանը բոլորս գիտենք. շարժման նոր ալիք է սպասվում

[Տրիբուն]

Իսկ ամենաաբսուրդային այս պատմության մեջ այն է, որ մի քանի օր առաջ բացել են սփյուռքի նախարարություն:

[Հակոբ Գեւորգյան]

Այսպիսի մի օրենք կա. Օդանավակայանը համարվում է միջազգային տարածք… Այդ իսկ պատճառով էլ ոստիկանները չեն կարողացել նրան օդանավակայանում ձերբակալել։ Եվ պետք է գովել այն, որ չեն ձերբակալել բոլորի առջեւ, որն էլ իր հերթին վախ կստեղծեր քաղաքացիներիր մոտ։ Կարող էր կարծիքներ առաջանար որ այդ մարդը տեռորիստ է… Շատ ճիշտ են վարվել։

[Rhayader]

Այսօր դեռ շարունակում են հալածյալներ մնալ ընդդիմադիր քաղաքական գործիչները, այդ թվում մի շարք ազատամարտիկներ: Պարզվում է, որ Ռոբերտ Քոչարյան անուն ազգանունը կրող նախկին ինքնակոչ, ոչընտիր նախագահը մարտի 10-ին ստորագրել է կարգադրություն, որով Արցախյան պատերազմի մասնակից, ազատամարտիկ Սարգիս Հացպանյանի պիտի 10 տարով զրկվի ՀՀ-ում կացության իրավունքից:

Հացպանյանն իմանալով, որ իր նկատմամբ հետապնդում կա, գտնվում էր ընդհատակում և երեկ նոր վերադարձել է հայրենիք: Ուշագրավ է, որ օդանավայականում նրան թույլատրել էին լքել ՀՀ-ն, ապա վերադառնալուց թույլատրել մտնել երկիր: Սակայն տուն հասնելուն պես ոստիկանները շրջապատել են նրա տունը և ասում են, որ պիտի վտարեն ազատամարտիկին:
Ուշագրավ է, որ Հացպանյանին և նրա ընտանիքին մինչև այսօր չէին տեղեկացրել այդ կարգադրության մասին:

Տրամաբանական հարցեր են առաջանում, թե ինչու՞ շարժման մարման մասին բամբասանքներ տարածող իշխանիկները շարունակում են քաղաքական հետապնդումները, եթե իրենք իսկապես կարծում են, որ ընդդիմությունն իրեն սպառել է:

Հաջորդ տրամաբանական հարցն այն է, թե մեր ազգի անտարբեր հատվածը դեռ որքան պիտի շարունակի իր անտարբերությունը, մինչև որ հերթը իրե՞ն հասնի: Այդ օրն այնքան էլ հեռու չի, որովհետև եթե հերոսներին, ազատամարտիկներին են փորձում հալածել, ձեզ կհալածեն ու կհալածեն:

Դեպքի մասին նյութեր կարդացեք օրինակ Ա1+-ում.
http://a1plus.am/amu/?page=issue&iid=64898
http://a1plus.am/amu/?page=issue&iid=64904
http://a1plus.am/amu/?page=issue&iid=64908

Չգիտեմ: Հակված չեմ դատողություններ անել: Համենայն դեպս, լևոնականների արարքներն ու մեթոդները ստիպում են ինձ ամեն հարցում պաշտպանել կառավարության մեթոդները, որքան էլ դրանք անարդար չլինեն: Իսկ եթե նա մասնակցել է մայիսմեկյան կատակերգության կազմակերպմանը, ապա արժանի է:

[քաղաքացի]

Չգիտեմ: Հակված չեմ դատողություններ անել: Համենայն դեպս, լևոնականների արարքներն ու մեթոդները ստիպում են ինձ ամեն հարցում պաշտպանել կառավարության մեթոդները, որքան էլ դրանք անարդար չլինեն: Իսկ եթե նա մասնակցել է մայիսմեկյան կատակերգության կազմակերպմանը, ապա արժանի է:

Բարև: Եթե ուզում ես այսօրվա հանրահավաքը վերածվի կատակերգության, ապա արի հանդիպենք ու քեզ «մայիսմեկյան կատակ» ցույց կտամ:

Հետաքրքիր է, ի՞նչ կապ ուներ քո գրածը ազատամարտիկին երկրից վետարելու հետ: Այ եթե Չուկի հետ խնդիր ունես, դա ուրիշ հարց է: Իսկ որ ես քո հետ խնդիր ունեմ, դա էլ է ուրիշ հարց:


Ինչևէ հույս ունեմ, որ այսօր ՀԱԿ-ի հրավարիած հանրահավաքում նա խոսքկ կունենա և մեզ կպատմի իշխանությունների կողմից ևս մի քանի անօրինական և անմարդկային արարքներ:

[Chuk]

Չգիտեմ: Հակված չեմ դատողություններ անել: Համենայն դեպս, լևոնականների արարքներն ու մեթոդները ստիպում են ինձ ամեն հարցում պաշտպանել կառավարության մեթոդները, որքան էլ դրանք անարդար չլինեն: Իսկ եթե նա մասնակցել է մայիսմեկյան կատակերգության կազմակերպմանը, ապա արժանի է:

Չգիտեմ: Հակված չեմ դատողություններ անել: Բայց եթե մարդը ամեն հարցում պաշտպանում է կառավարության մեթոդները, եթե ինքը մարտիմեկյան ողբերգությունն անվանում է «մայիսմեկյան կատակերգություն», ապա արդեն իսկ որոշակի պատկերացումներ ես կազմում այդ մարդու «մարդկային որակների» մասին, հասկանում, որ նրան արժե վտարել բոլոր տիպի շրջապատներից, հասարակությունից

[dvgray]

Շատ հետաքրքիր է:
Խորհուրդ կտայի դիտել:

http://www.armenialiberty.org/armeni...000C7B0FD7.asp

[Chuk]

Շատ հետաքրքիր է:
Խորհուրդ կտայի դիտել:

http://www.armenialiberty.org/armeni...000C7B0FD7.asp

Վայ, Դիվի ջան, շատ շնորհակալ եմ: Շաբաթ օրը մի մասը լսել եմ ու հիացել եմ, թե Հացպանյանը ոնց ա դաշնակ Կիրո Մանոյանին ջախջախում
Ամբողջականը նայելն ավելի հետաքրքիր ա:

[dvgray]

Վայ, Դիվի ջան, շատ շնորհակալ եմ: Շաբաթ օրը մի մասը լսել եմ ու հիացել եմ, թե Հացպանյանը ոնց ա դաշնակ Կիրո Մանոյանին ջախջախում
Ամբողջականը նայելն ավելի հետաքրքիր ա:

Ավելին
Կարծում եմ իմ տեսած հայ /արժեքավոր/ մարդկանցից առաջինն է, ով ավելի խորը, սկզբուինքային մեղադրանք է ներկայացնում դաշնակցության լիդերներին, իր /մեր/ հայրենիքի կորստի համար:
Սա շատ սկզբուքային հարց է, ու արժի որ քիչ քիչ մեր սփյուռքահայ եղբայրներն ու քույրերը ծանոթանան ու հասկանան իրական փաստերը, պատմական դեպքերը ու ըստ դրա գնահատեն ներկան ու կառուցեն ապագայի պլանները

[Rhayader]

արժե վտարել բոլոր տիպի շրջապատներից, հասարակությունից

Եթե ես նստեմ երկնքում ու դու քեզ նման բոլոր մարդկանց ու աստվածների հետ փորձես շղթայով ինձ ներքև ձգել, ես փոխարենը ձեզ բոլորիդ վեր կբարձրացնեմ:

[Chuk]

Եթե ես նստեմ երկնքում ու դու քեզ նման բոլոր մարդկանց ու աստվածների հետ փորձես շղթայով ինձ ներքև ձգել, ես փոխարենը ձեզ բոլորիդ վեր կբարձրացնեմ:

Ավելի դեբիլ պատասխան չէի էլ սպասում Սոֆ ջան, դու քեզ գերազանցեցիր

[Chuk]

Սարգիս Հացպանյանը պատասխանում է «Հայոց Աշխարհ» օրաթերթին

07:53 • 24.10.08

Երեկ Սարգիս Հացպանյանը հաղորդագրություն է տարածել, որտեղ անդրադառնում է «Հայոց աշխարհ» օրաթերթում հոկտեմբերի 21-ին իր մասին տպագրված հոդվածին: Ներկայացնում է Սարգիս Հացպանյանի հոդվածը որոշ կրճատումներով: Մեր կողմից պահպանվել են հեղինակային լեզվի ոճական առանձնահատկությունները:

«Մարտի 1–ի սպանդից հետո ես ոչ թե "ընդհատակում", այլ 15 տարիներ առաջ նաև իմ արյուն–քրտինքով ազատագրված հայկական տարածքներում եմ եղել։ Սա այն տարածքն է, որ ՀՀ Նախագահ Լևոն Տեր–Պետրոսյանի իշխանության օրոք՝ Ղարաբաղ Կոմիտե–ի անդամ Ալեքսան Հակոբյանի ղեկավարությամբ բազմահազար հայերով է բնակեցվել, իսկ Դաշնակցության Իրանի Իսլամական Հանրապետությունից ներկրված (լատիներեն իմպորտ բառն է) սերժիկամիրխանյանների ձեռոք հայաթափվելու համառ փորձերից հետո նույնիսկ և ի հեճուկս նման թրքահաճ ազգադավեր հյուսողների, բարեբախտաբար Տիգրան Կյուրեղյանի նման ազնիվ հայորդիների գերմարդկային ճիգ ու ջանքերի շնորհիվ դեռ մի կերպ հայկական է մնացել։ Ահա թե ինչպես երկար ամիսներ ինձ պատկանող հայոց աշխարհում, օգտվելով իմ ազատ տեղաշարժվելու, ապրելու, մտածելու, և տեսակետ հայտնելու միջազգայնորեն ճանաչված համամարդկային իրավունքից, ազատորեն իմ ազատ լեռների օդն եմ շնչել։

2 – Վարձու գրիչներն ինձ "խելքը թռցրած" համարել են, որովհետև իմ տեսակի հայրենասիրությունն ու ազգանպաստ գործունէությունն իր համեստ ու անշահախնդիր որակով, հայության երեք հատվածների՝ Սփյուռք, Հայաստան և Արցախահայության կողմից մշտապես ըստ արժանվույն է գնահատվել ու այսօր՝ Ռ.Քոչարյանի "ինձ Հայաստանից արտաքսելու հրամանի" ի հայտ գալու օրվանից սկսած, առավել քան երբևէ շատ ավելի բարձր է գնահատվում։ Ամեն օր Երեւանի փողոցներում քայլելիս, ՀՀ քաղաքացի հարյուրավոր հայրենակցիս անկեղծ ողջույն ու բարեմաղթանքներին արժանանալու փաստով արդեն, ակամայից Դաշնակցության 118–ամյա սուտ ու կեղծիքների բացահայտման կենդանի վկան եմ դարձել։

3 – Օտար ուժերի գործակալ հանդիսացող նմանների ստերից ամենաահավորն անշուշտ ինձ "թրքահաճո թեզերն աշխարհով մեկ սփռելու" մեջ մեղադրելն է։ Սակայն նման փորձն առանց իմ ազգային կենսագրությունը ջնջելու նրանց չի հաջողվի, որովհետև սրանք իրենց "պոզ ու պոչով ստերն ու սրիկայությունները" գեթ մեկ հատիկ օրինակ բերելով իսկ չեն կարող փաստել։
Ես, 12.Սեպտեմբեր.1980թ. "Թուրքիայում" տեղի ունեցած զինվորական հեղաշրջումից անմիջապես հետո, քաղաքական ապաստան գտած Եվրոպայում դեռևս վտարանդի վիճակով ապրած տարիներին, Անկարայի ֆաշիստական իշխանությունների կողմից "ARANANLAR-Հետախուզվողների" ցուցակում գտնվելով և "YURDA DՃN-Երկիր վերադարձի" կոչերն հրապարակայնորեն արհամարհած լինելուս պատճառով` "Թուրքիայի Հանրապետության" քաղաքացիությունից զրկվելու պատիվն եմ ունեցել։ Եվ ի տարբերություն նման ստոր պատվեր կատարող հացկատակ գրչակուհու կուսակից "ընկերների" կողմից կազմակերպվող ամենամյա ապրիլի 24–ի թատերականացված համամոլորակային խեղկատակությունների, ոչ թե իմ կարած դրոշակն ինքս էլ այրելով եմ ինձ էժանացրել, այլ ինչպես 1985թ. ապրիլի 24–ին, իմ ընկերներով Մարսեյլ քաղաքի "Թուրքիայի Հյուպատոսության" տարածք մտնելով եմ արել, բարձր սյունից թրքական դրոշակն իմ իսկ ձեռքերով իջեցնելով, հյուպատոսարանի բոլոր թուրք աշխատակիցների ու դրսում հավաքված բազմահազար հայրենակիցներիս հայացքի ներքո, հենց "Թուրքիային" պատկանող տարածքում էլ, իրենց պետական խորհրդանիշը ցուցադրաբար այրելով եմ սփյուռքահայու հոգին բարձրացրել։

4 – Գալով իմ կողմից "Ազատության" ռադիոկայանի «Տեսակետների Խաչմերուկ» հաղորդման ժամանակ արտահայտած "Ես Հ.Յ.Դաշնակցության պատճառով Արեւմտյան Հայաստանն եմ կորցրել" արտահայտության, ապա և հիմա էլ գրավոր հայտնում ու պաշտպանում եմ իմ համար անհերքելի հազարավոր փաստերով շուտվանից ապացուցված վերոնշյալ համոզմունքը, որ սփյուռքում ապրող իմ միլիոնավոր հայրենակիցներից ծանրակշիռ մեծամասնությունը ևս են կիսում և իբրև ցեղասպանության վերապրողներ, դաշնակցական "քամուց քշվածների" կարող են ասածներս միանգամայն երկրորդել։
Ի վերջո, Երիտթուրքերի պարագլուխներ՝ Թալեաթ, Էնվեր և Ջեմալների հետ ախպերություն անելով դաշինք կնքողն իմ պապը չի եղել, ինչ էլ անզեն ու անպաշտպան հայ ժողովրդին աննախադեպ և հրեշավոր մի ծրագրի դեմ հանդիման թողնելով փախուստի դիմող կեղծ հայրենասերների ընտանիքից եմ սերում, որ գոնե խիղճս ինձ տանջի։

5 – Ինձ դիրախ ընտրելու մի այլ պոչավոր սուտ էլ, ՀՅԴ երբեմնի պարագլուխ Հրայր Մարուխյանի օտար պետություններին մատուցած ծառայություններին է վերաբերվում, որի մասին ամբողջ տեղեկությունը ֆրանսահայ Կայծ Մինասյանի կողմից սևը սպիտակի վրա և ամենայն մանրամասնությամբ իբրև համալսարանի դոկտորական աշխատանք Փարիզի Նանթեր համալսարանում ներկայացվելուց հետո իբրև գիրք հրատարակված աշխատության մեջ կա, ինչն էլ ես ռադիոհաղորդման ընթացքին ասել եմ։

6 – Իսկ իմ "հրեա–մասոնական շրջանակների գործակալ" լինելու առթիվ, ազգիս 1915թ. ցեղասպանությունն իրագործած, իրենց եղբայր Երիտթուրքերի հետ նույն օթյակների անդամ հանդիսացող դաշնակների զավակների, զավակների զավակաց գրչից կաթած էժանագին ու մոդաիկ դարձած ցնդաբանություններին ի պատասխան, բոլոր ՀՀ քաղաքացիներին հորդորում եմ լսել, 2006թ.–ից ի վեր Հայոց մայրաքաղաքում, FM 106.5 հաճախականությամբ ամեն օր սփռվող Ռադիո Իմպուլսում իմ հեղինակած "Հայերն իրենց բնօրրանում ցեղասպանությունից հետո՝ 1915–2005թթ." ձայնասփյուռային հաղորդումները, որպեսզի յուրաքանչյուրն իր եզրակացությունն անել կարողանա և հասկանա, որ նման նկարագիր ունեցողների համար է մեր բանաստեղծը գրել "...Մի խառնեք մեզ ձեր վայրի..." տողերը։

7 – Ուրեմն իմ Հյուսիսային պողոտայում ունեցած "օբյեկտ"–ից բավականին սարսափած խեղճերը, ամիսներ ի վեր այդտեղ հավաքված պատվարժան բազմահարյուր ՀՀ քաղաքացիներին, հոկտեմբերի 10–ից սկսած իմ էլ միանալուց ու ամենօրյա այդ հանդիպումների ընթացքում Հայաստան պետության ապագան կերտող հազարավոր հայ մարդկանց սեր ու հարգանքին արժանանալու փաստից այդ աստիճանի հոգեխանգարմունքի են հասել, որ Ռ.Քոչարյանի կողմից ՀՀ նախագահի աթոռը դեռ առաջին անգամ զավթելուց էլ շատ ժամանակ հետո "Ջերմուկ" ՓԲԸ–ում, ոչ թե տնօրեն, այլ ընկերության սփյուռքահայ բաժնետերերից մեկի՝ ազնվագույն հայորդի Կայծակ Զեյթլյանի լիազոր ներկայացուցիչը լինելու հանգամանքս նույնիսկ փորձել են կեղծել։

Իսկ "մի ոտքս ֆրանսիայում" լինելու մասին սուտ արտահայտություններ թույլ տված հոգեպես մենթերը կարող են և իրենց կոալիցիոն կառավարության գործընկեր ՀՀԿ անդամ ոստիկանապետի Ա.Վ.Վ. համակարգից իմանալ, թե 18 տարի առաջ մշտական բնակության նպատակով Հայաստան ժամանած Սարգիս Հացպանեանը մինչև այս տողերի ստորագրման պահը ընդամենը քանի անգամ է Հայաստանից դուրս եկել ու ստանալիք պատասխանից հավիտյանս հավիտենից ամաչել։ Գրածս վերաբերում է անշուշտ մարդկային ամոթ ունենալու ընդունակությունից զուրկ չեղողներին։ Նմանների "տեսակը" ազգություն չի ունեցել, չունի և չի ունենա երբեք։ Սակայն կյանքը շարունակվում է և մեր ոսկեղենիկ լեզվով մարդը տմարդից ընդամենը մեկ տարով է տարբերվում և հենց այս "Տ" տարի խրամատն էլ ինձ նմաններից բաժանում է»։

Աղբյուր՝ Tert.am