Ազատամարտիկը կարող է դառնալ հանցագործ, ինչպես միասեռական կինը կարող է հղիանալ։ Իսկ թե ինչպես կասեցնել հանցագործ ազատամարտիկին, կամ ինչպես կանխել միասեռական կնոջ հղիությունը, դրանք արդեն լուրջ հարցեր են, որոնք պետք է քննարկվեն Ազգային Ժողովում եւ Դարմանատանը։
Վերջին խմբագրող՝ Հակոբ Գեւորգյան: 12.10.2008, 11:51:
Աշխարհում առաջին հայալեզու բլոգը. իմ կարծիքը նախկին Բրիտանական գաղութ Ամերիկայի Միացյալ Նահանգներից։
Հակոբ ջան, էս թեման վերաբերում ա կոնկրետ ազատամարտիկի, իսկ դու եկել ասում ես` լիզբիանկեն կարա հղիանա: Է կարա, թող հղիանա, դա ի՞նչ կապ ունի Հացպանյանին երկրից վտարելու հետ: Ասում ես` ազատամարտիկը կարա հանցանք կատարի, հա, կարա, ո՞վ ա ասում, որ չի կարա, բայց ստեղ խոսքը Հացպանյանին ա վերաբերում, ունե՞ս մի փաստ, որը ներկայացնես, տեսնենք, որ Հացպանյանը հանցանք ա կատարել, ասա, տեսնենք, մենք էլ նրան վտարողներին ոչ թե փնովենք, այլ գովերգենք:Հակոբ Գեւորգյան-ի խոսքերից
Ճամփաները բոլոր դեպի մահ են տանում…
Քուկ ջան, մի բան արել է, որ ձերբակալել են… Ես իմ ապրած կյանքում չեմ տեսել մի դեպք, որ մարդուն նիզաշտո տեղը գան ու ձերբակալեն։ Թե հիմա Դուք կամ դուք, ինչպես եք նայում այդ հանցանքի հանցավորությանը, դա անվիճելի է։ Ուղղակի ասում եմ, որ Հացպանյանի Ազատամարտիկ Լինելը Չի Արտոնում Իրեն Լինել Անպատժելի։ Ես նաեւ դեմ եմ նախագահի եւ Ազգային Ժողովի պատհամավորների անձեռնամխելիությանը։ Սա ինչ ֆյոդալական մտածելակերպ է, հը՞ն։ Որնց փորձում ենք մանարխիզմից մի կողմ քաշվել, հեծլանի պես գալիս կպնում է ջաններս։ Ազտամատրիկ է եղել մարդը. Փառք ու պատիվ իրեն։ Իսկ եթե անմեղ է, սակայն ձերբակալվել է, թող պաշտանի իր անմեղությունը։
Աշխարհում առաջին հայալեզու բլոգը. իմ կարծիքը նախկին Բրիտանական գաղութ Ամերիկայի Միացյալ Նահանգներից։
Հակոբ ջան, ես քեզ ասում եմ` փաստ բեր, դու ասում ես` դե մի բան արած կլինի էլի, կներես, բայց սենց մերկապարանոց արտահայտություններ չեմ ընդունում, ո՞նց կարելի ա չիմացած բանի մասին խոսել: Ախր իրավապահ համակարգ գոյություն չունի: Եթե դու չես տեսել տենց դեպք, որ մարդուն անտեղի ձերբակալեն, ես տեսել եմ, ինձ անտեղի ձերբակալել են: Նենց որ, եթե կոնկրետ ասելիք ունես, ասա, եթե չէ, անհիմն արտահայտություններ մի արա` դե մի բան արած կըլնի էլի:
Ճամփաները բոլոր դեպի մահ են տանում…
Կարող ես չպատասխանել, ոչ ոք չի մտածի, որ վախեցար կամ պատասխան չունես. գոնե կարդա
Մեֆիստֆել ջան, ախր մեր պրոբլեմը հենց էդ ա, որ չկա երրորդ տարբերակ, չունենք. նույն ձևով ես էլ շատ անգամ ասել եմ, որ եթե գտնվի մեկ երիտասարդ գործիչ /որովհետև հին գործիչները այս կամ այն կերպ թեկուզ քո պահանջներին չեն բավարարի/, որը կգա կասի` դուրս ենք գալիս բոլորի դեմ` և Լևոնի, և Սերժիկի. չենք ուզում, որ նրանցից մեկնումեկը մեզ նախագահ լինի, էդ ժամանակ իրա կողքին կկանգնենք: Բայց չկա ախր, չկա. մեր երկրում չկա առաջնորդի հոգեբանությամբ այդ երիտասարդը կամ, ինչպես դու ասիր, ֆինանսավորումն ա խնդիրը: Ուրեմն ինչ անենք? երնեկ քո ներվերին, որ կարում ես անմասն մնաս էս պրոցեսին. ես չեմ կարողանում
հետո, Լևոնը ընդունում եմ, շատ, շաաաաատ վատ բաներ ա արել, բայց մի բան ասեմ էլի. էն ժամանակ գոնե ազատությունը կար. բոլորի պատմածներից, իմ հիշողություններով ես այդ եզրակացությունն եմ արել. չգիտեմ պատմել եմ, թե չէ, բայց Գերմանիայի իմ բարեկամը մտադիր էր վերադառնալ հայրենիք, բայց 6 օր մնաց ՀՀ-ում ու փախավ. իսկ ինձ գնալուց ասեց, որ կգերադասեր սոված 96 թիվը, քան` էս լկտի իրականությունը: Եթե 6 օրվա մեջ էդ մարդը էդ եզրահանգմանն ա եկել, պատկերացրու կամ դու էլ պատկերացնում ես, թե ինչքան զզված ենք էս ամեն ինչից
ուրեմն` ՊԱՅՔԱՐ, ՊԱՅՔԱՐ ՄԻՆՉԵՎ ՎԵՐՋ
Հայերիս էլ խորհուրդ կտամ Ուկրաինայի հարցին նայել Հայաստանի պետականության տեսանկյունից, ոչ թե պրո- կամ հակառուսական տեսանկյունից… (c) Mephistopheles
Սաք ջան, քեզ կպատասխանեմ, էն էլ սիրով, որովհետև գիտեմ քո մարդկային արժեքը, գիտեմ մարդ ես, գիտեմ որ դու էլ ինձ կարող ես պատասխանել ու նորմալ, քաղաքակիրթ բանավեճ ծավալվի մեր մեջ: Օրինակ այս թեմայում բնավ ցանկություն չունեմ հակոբանման տարրերին պատասխանել, քանի որ նրանց հետ բանավիճելը ֆանտաստիկայի ժանրից մի նյութ է:
Ու քեզ էլ պիտի խնդրեմ, որ պատասխանելու բան ունենալու դեպքում պատասխանես, որովհետև էլի եմ կրկնում, մենք իրար հետ կարող ենք հանգիստ բանավիճել:
Հիմա կարճ ասեմ, որ պատասխանդ ինձ չբավարարեց այն տեսակետից, որ դու պատասխանել ես իմ կոնկրետ մտքերի, նախադասությունների, բայց չես նկատել իմ խորքային, բուն ասելիքը ու ստացվել է հակասություն, ստացվել է, որ դու ինձ չես հասկացել և/կամ չես հավատացել:
Սերժական, Լևոնական բաժանում մեր երկրում գոյություն չունի: Այդ հեքիաթը ներմուծվել ա որոշակի ուժերի, այսպես կոչված «հակալևոնական» ուժերի կողմից: Ճիշտ է, որ կան երկու տիպի մարդիկ.
1. նրանք, ովքեր նորմալ են համարում երկրում տիրող վիճակը
2. նրանք, ովքեր աննորմալ են համարում
Աննորմալ համարողները իրենց հերթին բաժանվում են մի քանի մասի, ոչ ճշգրիտ դասակարգում անեմ.
2.1. նրանք, ովքեր աննորմալ համարելով հանդերձ ինչ-որ մի շահից ելնելով «պառկել են» սերժի տակ
2.2. նրանք, ովքեր վեր են կացել պայքարի
2.3. նրանք, ովքեր հուսահատված են ու պայքարելու իմաստն էլ չեն տեսնում
2.4. նրանք, ովքեր համարում են, որ պայքարող կողմի լիդերը նա չէ, ում հետևից կարելի է գնալ
Այս ամբողջ, թեկուզ ոչ ճշգրիտ կատարած բաժանումիցս միայն «1» տեսակի մի մասն է, ու «2.4» տեսակին պատկանողներն են (նեև 2.3-ի և 2.2-ի շատ փոքր մասը), որ խնդիրը պատկերացնում են «լևոնականանների» ու «սերժականների» բախում, ինչը, էլի եմ կրկնում, չկա:
Նայիր խնդրի դրվածքը որն ա: Եթե վաղը Քոչարյանը լինի այն անձը, ով կկարողանա ռեալ լուծում առաջարկել իմ երկիրը բարեկեցության տանելու համար, ապա ես կլինեմ նրա հետևից գնացողներից մեկը: Որովհետև գերակա արժեք է, տվյալ դեպքում, ոչ թե մարդը իր դրական ու բացասական կողմերով, արած լավ ու վատ արարքներով, այլ իմ երկրի ապագան, իմ համերկրացիների, հայրենակիցների արժանապատիվ ու հանգիստ կյանքը: Ուրիշ հարց, որ անձի խնդիր միշտ էլ որոշ չափով մտնում է ու անձամբ ինձ համար ֆանտաստիկայի ոլորտից է թվում հնարավորությունը, որ Քոչարյանը կարող է նման բան անել՝ հաշվի առնելով իր մարդկային արժեքները... բայց իրականում դա չափազանց սուբյեկտիվ խնդիր է:
Հիմա եթե ես ասում եմ, որ չեմ հասկանում, թե ոնց չեք միանում, ես նկատի ունեմ միայն ու միայն մարդկային բնավորության գիծը, որովհետև ես ակամա զուգահեռներ եմ անցկացնում իմ հետ, ու տեսնում, որ տվյալ դեպքում ես ոտքի չկանգնել չէի կարող: Մնացած բոլոր հարցերում դու իհարկե իրավունք ունես պայքարին չմասնակցելու, քանզի դա անհատի ընտրությունն է, ժողովրդավարությունն էլ հենց ընտրության հնարավորություն է նախատեսում: Այլ հարց է, որ վաղը դու կարող է ստիպված լինես հաշվետու լինել ասենք թոռներիդ մոտ, թե ինչու պայքարին չես մասնակցում: Անձամբ ես կարծում եմ, որ մեր պայքարի արդյունքն այնպիսին է լինելու, որ այդպես հաշվետու լինելու կարիք կունենաս:
Ինչ վերաբերվում է իմ ու Կուկի հետևից գալուն, ապա ես դրան չեմ հավատում, քանի որ իմ հետևից եկողներն այսօր պայքարի մեջ են, և քանի որ ինչպես ասել եմ նախորդ գրառմանս մեջ չկա անթերի ու ցանկացած առաջնորդի մեջ տեսնելու ես (իմ կարծիքով) բացասականը, քոչարյանանմանությունը, լևոնանմանությունը ու որոշես, որ էլի այն անձը չի, ում հետևից պիտի գնաս, եթե նույնիսկ ես լինեմ այդ անձը, որովհետև ակամա հիշելու ես ակումբից իմ արգելափակած անձանց, ովքեր աջուձախ հայտարարելու են, որ ես ժողովրդավար չեմ և այլն, և այլն, և այլն:
Հիմա մի փոքր հեռանամ թեմայից (առանց էն էլ շատ ենք հեռացել) և փորձեմ մտորումներս կիսել քո հետ: Այսօր պայքարի է ելել ժողովրդի ակտիվ զանգվածի մեծամասնությունը, այն տիպի մարդիկ, ովքեր պայքարում էին 88-ին, ովքեր պայքարում էին 96-ին: Այո՛, նույն Լևոնի դեմ 96-ին պայքարողների հոծ բազմություն այսօր մեր հետ է, մեր կողքին: Այսինքն այդ քո ասած երրորդ բևեռը կազմված է պասիվ հատվածից, ովքեր երբևէ ակտիվ պայքարի չեն ելնելու: Նրանց մեջ եղած ակտիվը բավարար չէ այդպիսի պայքարի համար: Հիմա մի պահ տեսականորեն ենթադրենք, որ մեր շարժումը տանուլ է տալիս: Գիտե՞ս դա ինչ է նշանակում, ի՜նչ կատաստրոֆա կլինի: Դա կնշանակի միայն մի բան. ակտիվ մասսայի վերջնական հիասթափում: Դա կնշանակի որ մինչև հաջորդ սերնդափոխություն, թերևս, այլևս պայքարի ելնող չի լինի ու կլինեն միայն համակերպվողներ ու մի վայրկյանում հոդս կցնդեն Ձեր երրորդ ուժի մասին արված հեքիաթները (երբ գրեցիր երկու քարի արանքում ընկած լինելու մասին, արդեն հասկացա թե որ «ուժի» մերկապարանոց խոսքերի տրամադրության տակ ես): Դա աղետ կլինի: Այսինքն քո դիրքորոշման տեսակետից, եթե համարում ես, որ Լևոնը նույն փորձանքն է, ապա քեզ միայն մի տարբերակ է ձեռք տալիս, որ այս շարժումը հաղթի: Այդ դեպքում եթե Լևոնը նույն կերպ իրեն պահի, գոնե հուսահատված մասսա չի լինի, այս ակտիվ պայքարող մասսան նորից պատրաստ կլինի պայքարելու, առավել ևս իմանալով, որ իր պայքարը արդյունք է բերում, ու եթե հանկարծ ու հրաշք լինի, ձեր ասած երրորդ կողմը, սպասված հեքիաթային լիդերը հայտնվի, ապա նրա հետևից գնացող կլինի. քո ասելով դու, իմ ասելով՝ մենք: Այսինքն դու այդ դիրքորոշումն ունենալով միայն մի բան պիտի անես. հուսաս, որ մենք հաղթենք ու հնարավորին չափ օժանդակես դրան:
Այս ամենը գրում եմ զուտ նրա համար, որ հասկանաս իրավիճակի լրջությունը: Բարեբախտաբար նման խնդիր, համենայն դեպս իմ կարծիքով, գոյություն չունի ու մեր պայքարը պսակվելու է միանշանակ հաղթանակով: Աստիճանաբար, դանդաղ, բայց համառ ու վճռական գնալու ենք դրան, առանց ընկճվելու, առանց փախնելու:
Այսքան մի բան, Սաք ջան, դու սերժական չես, ճիշտ այնպես, ինչպես որ ես լևոնական չեմ:
Քայլ առ քայլ՝ դարից դար
Խենթ եմ
Մեֆիստոֆել ջան, մոռացա էն անգամ անդրադառնամ <<քո նմանների>> հարցին. դու դրա մմեջ չես մտնում. ես լրիվ անտարբերներին ի նկատի ունեմ կամ առանց գիտակցելու խոսացողներին. էս սենց
հաջորդը` կապված Լևոնի հետ. Թուրքիային վտանգ էր սպառնում Իբրահիմը, եվրոպական երկրները չէին ցանկանում օգնել Թուրքիային և միայն Նիկոլայ 1-ինն էր իր օգնությունը առաջարկել: Կ. Պոլսում Անգլիայի դեսպանը հարցրել էր սուլթանին, թե արդյոք չեն վախենում ռուսական օգնության վտանգից, սուլթանը պատասխանել էր, որ եթե խեղդվելիս լինի, և իր առջև տեսնի թեկուզ միայն օձին, ապա կբռնվի օձից, միայն թե փրկվի:
մեր օձն էլ թող Լևոնը լինի
Հայերիս էլ խորհուրդ կտամ Ուկրաինայի հարցին նայել Հայաստանի պետականության տեսանկյունից, ոչ թե պրո- կամ հակառուսական տեսանկյունից… (c) Mephistopheles
Քանի որ թեմայից շատ ենք շեղվել, ոմանք էլ, ինչպես տեսնում ենք, տեղյակ չեն թե այս թեման ում մասին է, մեջբերում եմ Հացպանյանի հոկտեմբերի 9-ի հարցազրուցը.
Չի«Հույսս Հայաստանի ժողովուրդն է»
Հայաստանում ապրող Ֆրանսիայի քաղաքացի Սարգիս Հացպանյանի` Մաշտոցի 41 հասցեում գտնվող բնակարանն արդեն երեք օր է, ինչ պաշարված է ՀՀ ոստիկանության աշխատակիցների կողմից: Շուրջօրյա հերթապահություն իրականացնող ոստիկանները վստահ են, որ Սարգիս Հացպանյանը ներսում է, եւ սպասում են, մինչեւ վերջինս դուրս գա բնակարանից: Հացպանյանի կինը դիմել է Ֆրանսիայի դեսպանատանը եւ Հայաստանում Մարդու իրավունքների պաշտպանի գրասենյակին: Ի դեպ` Սարգիս Հացպանյանը մշտապես մասնակցել է ընդդիմության հանրահավաքներին, մարտի 1-ին Ազատության հրապարակում ենթարկվել է հարձակման եւ այս ընթացքում գտնվում էր ընդհատակում: Երեկ մենք զրուցեցինք Հացպանյանի հետ:
- Մեզ հայտնի դարձավ, որ Ձեզ հանձնվել է ծանուցագիր, որտեղ նշված է, թե Դուք պետք է ներկայանաք իրավապահ մարմիններին:
- Իրենք ծանուցագիր բերել են այսօր (այսինքն` երեկ -հեղ.) ժամը 19:30-ի համար, ես այն հանձնել եմ «Ժառանգություն» խմբակցության պատգամավոր Արմեն Մարտիրոսյանին: Ինքը իմ ֆիզիկական վիճակը տեսավ եւ ասաց, որ կարող եմ դա որպես հարգելի պատճառ ներկայացնել ու չներկայանալ: Ես 72 ժամ, այս փորձությունից ի վեր, չեմ քնել եւ գերհոգնած եմ, երեխաներն էլ այս տագնապին չեն դիմանում: Նա ինձ ասաց, որ գրեմ հարգելի պատճառի մասին եւ վաղը ներկայանամ: Ասաց, որ հավանաբար, կընդունվի: Մենք այդպես էլ արեցինք ու իրենք ընդունեցին, բայց մինչեւ հիմա ոստիկանները նստած են դռան մոտ:
- Իսկ Դուք վաղը ժամը 16:00-ին գնալո՞ւ եք, թե՞ ոչ:
- Այո, իհարկե, պետք է գնամ: Եթե գնալու չլինեի, ապա ես կգրեի« որ չեմ գալու, կմերժեի եւ այլն:
- Ծանուցագրում նշված է, որ Ձեր գործը վարչական դատարանի վարույթում է, եւ Դուք մեղադրվում եք 201 հոդվածով, այսինքն` զանցանք կատարելու մեջ: Դա ճի՞շտ է:
- Այո, ծանուցագրում նշված է 204 հոդվածի առաջին մասը` զանցանք, զանցարար:
- Մինչեւ մարտի 1-ը, թե՞ դրանից հետո եք զանցանքի մեջ մեղադրվում:
- Այդտեղ ոչ մի ժամանակաշրջան, ոչ մի բան նշված չէ: Ասվում է, միայն, որ Դուք, որպես զանցանք կատարած անձ, որպես զանցարար պետք է ներկայանաք համապատասխան տեղը:
- Դուք փաստաբան ունե՞ք:
- Ես փաստաբան չունեմ եւ դեռ չգիտեմ էլ ինչ պետք է լինի: Բայց կարծում եմ, որ ինձ հետ մեկը կգա, ով ծանոթ է օրենքին եւ մասնագետ է, որովհետեւ ես լավատես չեմ:
- Իսկ Ֆրանսիայի դեսպանատնից արձագանքներ կա՞ն:
- Ֆրանսիայի դեսպանությունն, ի զարմանս ինձ, իրեն շատ պասիվ է պահել: Եվ ես հիմա արդեն գիտեմ դրա պատճառը: ՀՀ-ում Ֆրանսիայի արտակարգ եւ լիազոր դեսպան պարոն Սերժ Սմեսոֆֆը ընտրությունների ժամանակ ասաց, որ Սերժ Սարգսյանն առաջին փուլով ընտրվել է, երբ դեռ Հայաստանում Կենտրոնական ընտրական հանձնաժողովը տվյալներ չէր ասել: Նիկոլա Սարկոզին շնորհավորեց Սերժ Սարգսյանին: Բայց դա ազատության երկիր Ֆրանսիային պատիվ չէր բերում: Այդպիսի բան արվեց, բնականաբար, այդ դեսպանի ցուցումով, քանի որ Ֆրանսիան ինքն է ներկայացնում Հայաստանում: Հայաստանում ապրող Ֆրանսիայի միակ քաղաքացին եմ եղել, որ ասել եմ` Դուք, եթե ուզում եք Հայաստանը Եվրոպա մտնի, եւ մենք դառնանք դեպի Ֆրանսիա քայլող բան, եւ ոչ թե Ֆրանսիան դեպի Հայաստան գա, ուրեմն` չպետք է այդպես անեիք: Պարոն Սմեսոֆֆի հասցեին ասել էի, որ ինչ էլ լինի, նա Հայաստանի ժողովրդի աչքում պերսոնա նոն գրատա է մնալու: Նա Ա1+ի հետ խոսելիս ասել է, որ օրենքի շրջանակներում է Հայաստանի իշխանությունների պահվածքը եւ այստեղ մեր քաղաքացուն սպառնացող որեւէ բան չկա, մտահոգվելու առիթ չկա: Բայց այդպես չէ:
- Ասում են, որ Ռոբերտ Քոչարյանի հրամանագրով Ձեր կեցության կարգավիճակն այլեւս դադարելու է գործել, միաժամանակ Ձեզ փորձում են պատասխանատվության ենթարկել, իբր, զանցանքի համար: Հիմա այս երկուսից ո՞րն են փորձում կիրառել:
- Դա Ձեր մեկնաբանությունն է: Ես կեցության մասին որեւէ տվյալի չեմ տիրապետում: Կոնկրետ ինձ այդ մասին ոչինչ չեն ասել: Իսկ ծանուցագրի մեջ էլ չկա նշված որեւէ պատճառ կամ հանգամանք: Ես չգիտեմ, թե ինձ ի՞նչ են ասելու կամ ի՞նչ են հարցնելու: Բայց ինչ արած. մենք ամեն օր ապրում ենք այդ Հայաստանում:
- Ի՞նչ եք պատրաստվում անել այս իրավիճակում: Ո՞րն է լինելու Ձեր հաջորդ քայլը:
- Հաջորդ քայլի մասին, կներեք, բայց հասարակությունը պետք է մտածի: Հույսս Հայաստանի ժողովուրդն է ու իր քաղաքացիական դիրքորոշման արտահայտությունը: Ես Ֆրանսիայից Հայաստան տեղափոխված գրեթե առաջին ծիծեռնակներից եմ: Խորհրդային Միության փլուզումից հետո եկել եմ Հայաստան, մասնակցել եմ Արցախի պատերազմին, ամուսնացել եմ Հայաստանում, երեխա եմ ունեցել այստեղ, եւ այս երկիրը որպես մշտական բնակության կետ եմ ընտրել: Սա է իմ տունը, եւ եթե ինչ-որ մարդիկ ցանկանում են, որ սա չլինի, էդ դեպքում իրենք Սփյուռքին, Արցախին պետք է բացատրեն, թե ինչու: Բայց սա իրենք չեն կարող բացատրել:
- Ոստիկանները շարունակո՞ւմ են դրսից հսկել Ձեր բնակարանը:
- Այո, նրանք նստած են դռան մոտ: Կինս ասում է` մեղք եք, տուն գնացեք, Սարգիսը, որ փախչող լիներ, Հայաստան չէր վերադառնա (ի դեպ` երեք օր է, ինչ Հացպանյանը Հայաստան է վերադարձել-հեղ.), իրենք էլ ասում են, թե մենք ենթակա ենք, մեզ կարգադրել են` մենք էլ եկել ենք: Երկրորդ օրն է մենք տանը փակված ենք, եւ երեխաներն են ամենաշատը սա ծանր տանում: Գիտեք, թե սա երեխաների համար հետո ինչ տրավմա է լինելու: Երեխաս` 12-ամյա Մարիամիկը, այսօր ինձ հարց ուղղեց, եւ ես հուզվեցի: Պապա, ասում է, ինչի՞ համար ես դու մեզ Հայաստանում պահում, գնանք Ֆրանսիա, մարդու նման ապրենք: Աչքերին նայեցի ու ասացի` Մարիամիկ, մենք էլ գնանք մեկ ուրիշ Մարիամ է այս Հայաստանի հետ այսպես անհաշտ լինելու: Ուստի մենք պետք է անցնենք այս ճանապարհը, որ գալիք Մարիամները, ուրիշ հայեր, որ Հայաստանի պես երկիր են ընտրում, որ ապրեն, չունենան այսպիսի անհեթեթ իրավիճակներ: Մի հատ սերունդ պետք է այդ հարցերով զբաղվի: Հավանաբար մեզ է բախտ վիճակվել այդ ճանապարհը անցնելու: Պետք է անցնենք: Իմ տունը, իմ երկիրը Հայաստանն է, ես իմացած լինելով եմ այստեղ եկել եւ ոչ թե հենց այնպես: Երբեք տուրիստավարի չեմ ապրել այս Հայաստանում: Ես գտնում եմ, որ ինքս վաստակ ունեմ այս երկրի պետականության կայացման գործում, Արցախի պատերազմում, բանակաշինության մեջ, սփյուռքահայության` իրենց հայրենիքի հետ կապվելու գործերում: Ես միշտ փորձել եմ առավելագույնը անել: Եվ այսօր ես բոլորի աչքերին ուղիղ նայելու հպարտությունն ունեմ:
10.10.08
Վերջին խմբագրող՝ Kuk: 12.10.2008, 17:03:
Ճամփաները բոլոր դեպի մահ են տանում…
Էս մեկն էլ նրանց համար, ովքեր Հացպանյանի անունն առաջին անգամ այս թեմայում են կարդացել.
Հայ Ազգային Կոնգրեսի կենտրոնական գրասենյակՀայաստանում, Սփյուռքում եւ Լեռնային Ղարաբաղում քաջ հայտնի Սարգիս Հացպանյանը այն եզակի սփյուռքահայերից է, որը 1988-ի Ղարաբաղյան շարժման առաջին իսկ օրերից իրեն մինչեւ վերջ նվիրեց Ղարաբաղյան շարժմանը: Նա Ղարաբաղյան պատերազմի հերոս է, առաջին իսկ օրից մինչեւ վերջ ազատագրական պայքարի մասնակից եւ Ղարաբաղին ամենաբազմազան օգնությունների կազմակերպիչ: Այդ մասին շատ լավ գիտեն ե՛ւ Ռ. Քոչարյանը, ե՛ւ Սերժ Սարգսյանը: Այդ ամենը, սակայն, նրանց համար ի չիք դարձավ, երբ պարզվեց, որ Սարգիս Հացպանյանը վերջին նախագահական ընտրությունների առիթով ծավալված Համաժողովրդական շարժման կողմնակիցն է: Մարտի 1-ի սպանդից հետո Ազատության հրապարակում իր մի քանի ելույթների համար հետապնդումների ենթարկվեց նաեւ Սարգիս Հացպանյանը£ Վերջին օրերին, երբ նա վերադարձել է իր բնակարան, ոստիկանությունը շրջափակել է այն՝ հանձնարարություն ունենալով նրան բռնի արտաքսել Հայաստանից: Իր կատարած բազմաթիվ հանցանքների պատճառով սեփական ժողովրդից սարսափած վարչախումբը որպես գոյատեւման հիմնական միջոց շարունակում է ապավինել ապօրինությունների, մասնավորապես` քաղաքական ընդդիմության ներկայացուցիչների նկատմամբ: Հենց այդ սարսափն է նրան ստիպում անազատության մեջ պահել բազմաթիվ քաղբանտարկյալների, իսկ Համաժողովրդական շարժման տասնյակ առաջամարտիկների, քաղաքական գործիչների նկատմամբ չդադարեցնել հալածանքները: Սարգիս Հացպանյանին Հայաստանից արտաքսելու վարչախմբի որոշումը ոչ միայն անհիմն է ու անբարոյական, այլեւ կոպտորեն խախտում է ՀՀ մի շարք օրենքներ: Մենք դատապարտում ենք այն եւ պահանջում անհապաղ դադարեցնել Արցախի հերոսներից մեկի նկատմամբ հալածանքն ու բռնությունները:
Ճամփաները բոլոր դեպի մահ են տանում…
...ՔԱՂԱՔԱԿԱՆ ՀԵՏԱՊՆԴՄԱՆ ԴՐՍԵՎՈՐՈՒՄ
Հայ Ազգային Կոնգրեսի Ժողովրդավարական Հայաստան քաղաքացիական նախաձեռնությունը խստորեն դատապարտում է նախկին ազատամարտիկ Սարգիս Հացպանյանի նկատմամբ վարչախմբի կողմից իրականացված քաղաքական հետապնդման ակնհայտ դրսեւորումը:
Բացարձակապես անընդունելի ենք համարում այն փաստը, որ արդեն երկրորդ անգամ, ազատամարտիկ Ժիրայր Սեֆիլյանից հետո, փորձ է արվում Հայաստանից արտաքսել Արցախյան գոյապայքարին իր կյանքը զոհելու պատրաստ մի հայորդու, որ եթե երեկ պայքարում էր հանուն Արցախի, ապա այսօր պայքարում է հանուն Հայաստանի ժողովրդավարացման:
Նման արարքով այս վարչակարգը կրկին ապացուցում է, որ քաղաքական հակառակորդներից ձերբազատվելու նպատակով պատրաստ է դիմելու ցանկացած միջոցի, առանց մտահոգվելու դրա հետեւանքների մասին:
Ելնելով վերոհիշյալից, պահանջում ենք անհապաղ դադարեցնել Սարգիս Հացպանյանի նկատմամբ կիրառվող քաղաքական ճնշումները, չեղյալ հայտարարել նրա արտաքսման մասին առնված անօրինական որոշումը եւ հանուն Հայաստանի արժանապատիվ ապագային ու միջազգային վարկին` ազատ արձակել բոլոր քաղաքական բանտարկյալներին:
ՀԱՅ ԱԶԳԱՅԻՆ ԿՈՆԳՐԵՍԻ
Ժողովրդավարական Հայաստան
Քաղաքացիական նախաձեռնության
Մամուլի ծառայություն
Աղբյուր՝ Ա1+ՖՐԱՆՍԻԱՅԻ ՀՅՈՒՊԱՏՈՍԸ ԳԻՏԵ՞Ր ՄԱՐՏԻ 1-Ի ՄԱՍԻՆ
[19:29] 16 Հոկտեմբերի, 2008
Փետրվարի 29-ին ՀՀ-ում Ֆրանսիայի հյուպատոսը զրուցել է Ֆրանսահայ ազատմարտիկ, կինոռեժիսոր Սարգիս Հատսպանյանի հետ եւ որպես ֆրանսիայի քաղաքացի նրան խուրհուրդ է տվել հեռանալ: Արդյո՞ք դա նշանակում է, որ մարտի 1-ից 1 օր առաջ Ֆրանսիայի հյուպատոսը գիտեր, թե ինչ է սպասվում. ազգագրագետ Հրանուշ Խառատյանի հարցին ի պատասխան` Հատսպանյանը հրաժարվեց պատասխանել եւ միայն ասաց, որ իր եւ հյուպատոսի միջեւ տեղի ունեցած մեկ ու կես ժամանոց զրույցն ամբողջությամբ ձայնագրված է, գտնվում է արտասահմանում եւ նա տղամարդավարի խոստացել է այն երբեւէ չհրապարակել:
Իսկ այսօր Հատսպանյանը ասուլիս էր հրավիրել հայտարարելու համար. ՚Ես Սարգիս Գեւորգի Հատսպանյանս անկախ Հայաստանի վարչական տարածքում ապրել եմ, ապրում եմ եւ պիտի ապրեմ ավելի շատ, քան Ռոբերտ Քոչարյանն ու Սերժ Սարգսյանը: Ես Սարգիս Գեւորգի Հատսպանյանս ԼՂՀ-ի անկախության հռչակումից հետ այնտեղ ավելի շատ եմապրել, քան Ռոբերտ Սեդրակի Քոչարյանն ու Սերժ Ազատի Սարգսյանըՙ:
Նա նշեց, որ որեւէ խնդիր չունի Քոչարյանի եւ Սերժ Սարգսյանի հետ, սակայն միաժամանակ չի կարող լռել. ՚Ես չեմ կարող հանդուրժել, երբ իշխանությունն այդ աստիճան անտեսում է իր քաղաքացիների ձայնը եւ փետրվարի 20-ին Ազատության հրապարակում հայտարարել եմ այդ մասին: Շնորհիվ Լեւոն Տեր-Պետրոսյանի մեր ժողովուրդը զարթնեց, որի ապացույցն էր Ազատության հրապարակը, որը ՀՀ-ի վերջին ընտրատեղամասն էր: Ժողովուրդը եկել էր այնտեղ քվեարկելու -20 աստիճան ցրտին, այնտեղ ծեծ ու ջարդ, կեղծիք, շղթաներ չկային, տոնական տրամադրություն էր: Ավելի օրինական բան քան Ազատության հրապարակում մնալը, անկախ Հայաստանի պատմության մեջ չի եղելՙ:
Իր տեսակետները Հատսպանյանը հայտնել է նաեւ այդ օրերին ՀՀ-ում գտնվող եվրոպական դիտորդներին եւ միջազգային հայտնի եւ հեղինակավոր ԶԼՄ-ներին: ՚Սերժը չէր կարող եվրոպական դիտորդներին ասել, որ այս ժողովուրդը ինձ է ընտրել, բայց հիմա եկել է Լեւոնի կողքին է կանգնել: Նրանք պետք է խեղդեին այդ օրինական միջոցառումը եւ տեղի ունեցավ մարտի 1-ի սպանդըՙ:
Մարտի 1-ին Ազատության հրապարակում ծեծի ենթարկվելուց հետո Հատսպանյանն իր ընկերների օգնությամբ տեղափոխվել է ԼՂՀ եւ այնտեղ մնացել մինչեւ օգոստոսի 20-ը: Իր տարեց ծնողների առողջական վիճակի վատթարացման մասին տեղեկանալով` օգոստոսի 21-ին ստիպված է եղել մեկնել Փարիզ` ծնողներին տեսության: Հոկտեմբերի 9-ին նա վերդարաձել է Երեւան եւ պարզել է, որ մարտի 10-ին, երբ Երեւանում արտակարգ իրավիճակ էր, Ռոբերտ Քոչարյանը որոշում է կայացրել իրեն ՀՀ կացության կարգավիճակից զրկելու մասին: Քոչարյանի այս որոշումը` առանց որեւէ կնիքի Կենտրոնի ոստիկանությունում Հատսպանյանին է հանձնել ոստիկանապետ Արթուր Մեհրաբյանը, որն էլ այն ստացել է ֆաքսով: Որպես իրավաբան Հատսպանյանը ընդգծեց, որ մինչ օրս իր ձեռքի տակ չունի Քոչարյանի որոշման բնօրինակը, իսկ դա նշանակում է, որ այդ որոշումը անօրինական է եւ որեւէ մեկը իրեն ՀՀ-ից վտարելու իրավունք չունի:
1997թ. Երբ Քոչարյանը եկել է Հայաստան եւ ստանձնել վարչապետի պաշտոնը, Հատսպանյանը, հետեւելով նրա օրինակին, որպես օտարեկրյա քաղաքացի նույնպես դիմել է ՀՀ քաղաքացիություն ստանալու համար, սակայն նրան մերժել են: 1995թ. նա ամուսնացել է ՀՀ քաղաքացի Հասմիկ Պողոսյանի հետ եւ այժմ 2 անչափահաս երեխա ունի: Ուստիեւ ՀՀ-ում գործող օրենսդրության համաձայն` կարող է մշտապես բնակվել Հայաստանում:
ԿԵՐԵԼ Է ՍԵՐԺ ՍԱՐԳՍՅԱՆԻ ՄՈՐ ՁԵՌՔԻ ՀԱՑԸ
Ինչո՞ւ է այսօր Սարգիս Հատսպանյանի իրավունքները Հայաստանում ոտնահարվում, արդյո՞ք իրեն Հայաստանից վտարելու որոշում կայացրած Ռոբերտ Քոչարյան հետ նա ունի անձնական խնդիրներ. ՚Ա1+ՙ-ի հարցին Հատսպանյանը պատասխանեց, որ Քոչարյանի հետ ընդամենը մեկ անգամ է առնչվելու առիթ ունեցել, երբ Արարատ գինու կոմբինատի 51 տոկոսի բաժնետերերի հարցով դատարանում ներկայացրել է 7 սփյուռքահայ ներդրողների շահերը.
՚Դատը շահել էինք, սակայն այդ մարդկանց սկսեցին սպառնալ եւ նրանք դիմեցին Քոչարյանին պաշտպանվելու խնդրանքով, սակայն ինչ-որ սափրագլուխներ թույլ չտվեցին սփյուռքահայ գործարարներին մտնել կոմբինատ: Գինու կոմբինատը բռնի ուժով Գագիկ Ծառուկյան անուն ազգանունով դարձավ Ռոբերտ Քոչարյանի սեփականությունը: Արարատ գինու կոմբինատը գրպանել է Ռոբերտ Սեդրակի Քոչարյանը: Ես զանգահարել եմ Արմենչիկ Գեւրոգյանին եւ ասել, որ նախագահիդ կասես, որ արտասահման գնալիս այլեւս սփյուռքահայերին չասի, որ ես երաշխիք եմ` եկեք ներդրումներ արեքՙ: Ինչ վերաբերում է Սերժ Սարգսյանին, ապա Հատսպանյանն ասաց, թե ԼՂՀ-ում բավականին երկար ժամանակ ապրել է Սերժ Սարգսյանի տանը, կերել է նրա մոր ձեռքի հացը:
Հատսպանյանը գտնում է, որ, իրեն Հայաստանից վտարելու որոշում կայացնելով, ՚Ռոբրետ Քոչարյանը փորում է Սերժ Սարգսյանի տակըՙ: Հատսպանյանը վստահ է, որ որ մարտի 1-ը սպանդի բոլոր կազմակերպերպիչները եւ իրականացնողները ենթարկվելու են պատասխանատվության:
Քայլ առ քայլ՝ դարից դար
Խենթ եմ
Չգիտեմ: Հակված չեմ դատողություններ անել: Համենայն դեպս, լևոնականների արարքներն ու մեթոդները ստիպում են ինձ ամեն հարցում պաշտպանել կառավարության մեթոդները, որքան էլ դրանք անարդար չլինեն: Իսկ եթե նա մասնակցել է մայիսմեկյան կատակերգության կազմակերպմանը, ապա արժանի է:
"Sir, do you have a moment to talk about our lords and saviors the Daleks?"
Voice of the Nightingale - իմ բլոգը
Բարև: Եթե ուզում ես այսօրվա հանրահավաքը վերածվի կատակերգության, ապա արի հանդիպենք ու քեզ «մայիսմեկյան կատակ» ցույց կտամ:
Հետաքրքիր է, ի՞նչ կապ ուներ քո գրածը ազատամարտիկին երկրից վետարելու հետ: Այ եթե Չուկի հետ խնդիր ունես, դա ուրիշ հարց է: Իսկ որ ես քո հետ խնդիր ունեմ, դա էլ է ուրիշ հարց:
Ինչևէ հույս ունեմ, որ այսօր ՀԱԿ-ի հրավարիած հանրահավաքում նա խոսքկ կունենա և մեզ կպատմի իշխանությունների կողմից ևս մի քանի անօրինական և անմարդկային արարքներ:
Չգիտեմ: Հակված չեմ դատողություններ անել: Բայց եթե մարդը ամեն հարցում պաշտպանում է կառավարության մեթոդները, եթե ինքը մարտիմեկյան ողբերգությունն անվանում է «մայիսմեկյան կատակերգություն», ապա արդեն իսկ որոշակի պատկերացումներ ես կազմում այդ մարդու «մարդկային որակների» մասին, հասկանում, որ նրան արժե վտարել բոլոր տիպի շրջապատներից, հասարակությունից
Քայլ առ քայլ՝ դարից դար
Խենթ եմ
Շատ հետաքրքիր է:
Խորհուրդ կտայի դիտել:
http://www.armenialiberty.org/armeni...000C7B0FD7.asp
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ