Հոկտեմբերի 17-ին հանրահավաք. Մատենադարանին հարող տարածքում

[Chuk]

ԸՆԴԴԻՄՈՒԹՅԱՆ ՀԱՅՑԸ ՄԱՍՆԱԿԻ ԲԱՎԱՐԱՐՎԵԼ Է

[13:14] 08 Հոկտեմբերի, 2008

Այսօր Վարչական դատարանի դատավոր Արծրուն Միրզոյանը մասնակիորեն բավարարել է Հայ Ազգային կոնգրեսի հայցն ընդդեմ քաղաքապետարանի որոշման:

Ինչպես ՚Ա1+ՙ-ին տեղեկացրեց Կոնգրեսի ներկայացուցիչ Արտակ Զեյնալյանը, դատարանը քաղաքապետարանի որոշումը անվավեր Է ճանաչել, սակայն քանի որ Հյուսիսային պողոտան շինհրապարակ է, արգելել է այդ հրապարակում զանգվածային- հրապարակային միջոցառում անցկացնելը եւ որոշել է թույլ տալ հանրահավաքի անցկացումը Մատենադարանում:

Հիշեցնենք, որ քաղաքապետարանը մերժել էր Հայ Ազգային կոնգրեսին հոկտեմբերի 17-ին Հյուսիսային պողոտայում հանրահավաք անցկացնելը:

Աղբյուր՝ Ա1+

հ.գ.Վաղուց էսքան չէի ծիծաղել

[Kuk]

Սրանք իսկականից հոգեխանգարվել են Քանի կար Մատենադարանի մոտ չէին թողնում, տեսան Հյուսիսայինում են անում ու ավելի հարմար ա` ձայնը ավելի լավ ա հնչում Հյուսիսայինում, հիմա էլ Հյուսիսայինում չեն թողնում, թե գնացեք Մատենադարան

[Chuk]

Արման Մուսինյանը հակաիրավական է որակել հոկտեմբերի 17-ի հանրահավաքի անցկացման վայրի փոփոխման վերաբերյալ դատարանի որոշումը

19:19 • 08.10.08


Հայաստանի առաջին նախագահ, ընդդիմության առաջնորդ Լևոն Տեր-Պետրոսյանի մամուլի քարտուղար Արման Մուսինյանը հակաիրավական է որակել Վարչական դատարանի այսօրվա որոշումը, որը թույլ է տալիս հոկտեմբերի 17-ի հանրահավքն անցկացնել ոչ թե Երևանի Հյուսիսային պողոտայում, այլ` Մատենադարանին հարող տարածքում։

Ա.Մուսինյանի խոսքով, Հայ ազգային կոնգրեսը դատական կարգով ցանկանում էր հաստատել ոչ թե հանրահավաքի անցկացման իրավունքը, այլ վիճարկում էր Երևանի քաղաքապետարանի արգելքի օրինականությունը։

«Մենք խնդիր չէինք դրել դատական կարգով վերականգնել հանրահավաքի անցկացման իրավունքը։ Դատարանն իրավունք չուներ այլ վայր առաջարկել մեր զանգվածային միջոցառման կազմակերպման համար` չեղյալ հայտարարելով Հյուսիսային պողոտայում հանրահավաքի անցկացումն արգելելու մասին Երևանի քաղաքապետարանի որոշումը», - պարզաբանել է Լևոն Տեր-Պետրոսյանի մամուլի քարտուղարը։

Պատասխանելով ընդդիմության հետագա քայլերի վերաբերյալ հարցին` Արման Մուսինյանը հաղորդել է, որ Հայ ազգային կոնգրեսի ղեկավարությունն առաջիկայում կքննարկի ստեղծված իրավիճակը և վերջնական որոշում կկայացնի այն մասին, թե որտեղ է մտադիր կոչ անել հավաքվել իր կողմնակիցներին հոկտեմբերի 17-ին։ «Վերջնական որոշման կայացումից հետո մենք անմիջապես կտեղեկացնենք հասարակայնությանը», - եզրափակել է ընդդիմության առաջնորդի մամուլի քարտուղարը։

Նշենք, որ այսօր Երևանի վարչական դատարանի դատավոր Արծրուն Միրզոյանը մասնակիորեն բավարարել է ընդդիմության հայցը, որով վիճարկվում էր Հյուսիսային պողոտայում հոկտեմբերի 17-ին հանրահավաք եւ երթ անցկացնելու հայտը մերժելու վերաբերյալ Երեւանի քաղաքապետարանի որոշման օրինականությունը։ Իր որոշումը հիմնավորելով Հյուսիսային պողոտայում շինարարական աշխատանքների անցկացմամբ` դատարանը թույլատրել է հանրահավաքն անցկացնել Մատենադարանին հարող տարածքում։ Իսկ ավելի վաղ իշխանությունները բազմիցս հրաժարվել են համաձայնություն տալ հենց Մատենադարանին հարող տարածքում ընդդիմության հանրահավքների անցկացմանը։

Աղբյուր՝ tert.am

[REAL_ist]

Հյուսիսայինը դզում էր տնից ելույթները լսում էի
Օպերան էլ լավ վախտին ջոգե փագելեն

[Gayl]

Սրանք իսկականից հոգեխանգարվել են Քանի կար Մատենադարանի մոտ չէին թողնում, տեսան Հյուսիսայինում են անում ու ավելի հարմար ա` ձայնը ավելի լավ ա հնչում Հյուսիսայինում, հիմա էլ Հյուսիսայինում չեն թողնում, թե գնացեք Մատենադարան

Բարևներս ակումբի մասնակիցներ:
Ինձ թվում է նրանք ոչ թե հոգեխանգարվել են այլ ճիշտ դիրք են բռնել,հոկտեմբերի տասնյոթից պայքարը նոր փուլ է թևակոխելու և շատ վճռական,եթե այդ հանրահավքն էլ ձախողվի ինչպես նախորդներն էին ապա նորից ոչինչ չի ստացվի,իսկ եթե այս անգամ շատ մարդ հավաքվի ապա նստացույց կսկսվի,շատերը հիասթափվել են և մի փոքր բոց է պետք եթե այդ բոցը լինի ապա իշխանությունը լուրջ խնդիրների առաջ կգանգնի:

[Ձայնալար]

Մոդերատորական: Վիրավորանք պարունակող գրառումը ջնջվել է, հեղինակը՝ զգուշացվել:

[keyboard]

Հունվար ամսից մի բան է ասվում Պայքարը տեղափոխվում է մեկ այլ ավելի ուժեղ փուլ, բայց փաստերը ցույց են տալիս հակառակը:

[Մեղապարտ]

Ընդվզումը բացարձակ անհրաժեշտություն է ,հարկավոր է հայաստանում նոր շունչ ,
ստրկությունը Հայաստանում դիտվում է բնականոն երևույթ:
Կեցցեն այն երիտասարդները, որոնք դեմ են բռնության ,անհավասարության և գնա վաղը արի ինչպես նաև գոտկատեղից ներքևով մտածողներին:

[Աբելյան]

Եթե օգոստոսի մեկի չափ մարդ հավաքվեց, ուրեմն շարժումը սաղ ա
Երթի ժամանակ էլ ես կչափեմ, քանի րոպեում են մարդիկ մտնում Հյուսիսային Պողոտա:

[Ձայնալար]

Մոդերատորական: Խնդրում եմ չջրիկանալ:

[Ambrosine]

Հունվար ամսից մի բան է ասվում Պայքարը տեղափոխվում է մեկ այլ ավելի ուժեղ փուլ, բայց փաստերը ցույց են տալիս հակառակը:

ուժեղ փուլը նկատի չունեն <<ուժային փուլը>>. ընդդիմությունը որդեգրել է խաղաղ ձևը
փաստը էն ա, որ մարդիկ չեն դադարեցրել պայքարը, կարևորը, որ դեռ գիտակցում են իշխանափոխության անհրաժեշտությունը. պետք է միայն համբերություն

[Ձայնալար]

Մոդերատորական: Մատենադրանին սպառնացող վտանգի մասին զգուշացնող և դրան արձագանքած 36 գրառումներ ջնջվել են, քանի որ անխուսափելիորեն թեման վեր էր ածվում զավեշտի: Նման բաների մասին խնդրում եմ շարունակեք զրույցը «Զվարճալի» բաժնում: Այս բաժինը քաղաքական քննարկումների համար է նախատեսված:

[Աբելյան]

Դավիթ Հակոբյանը երեկ ասել ա հանրահավաքին չի մասնակցելու

[Ձայնալար]

Դավիթ Հակոբյանը երեկ ասել ա հանրահավաքին չի մասնակցելու

Կարծում եմ կորուստը մեծ չէ

[Աբելյան]

ես էլ
երեկվա ելույթով ինքը ոչ թե շարժման հեղինակությունն ա վտանգում, այլ հենց իրանը