Զվարճալի պատմություններ

[Smokie]

Մի անգամ ես «Փորձարկումներ» թեմայում Արէայի կողմից կատարված մի գրառում տեսա՝ շատ գեղեցիկ շարադրված «Անկապ օրագրային» գրառում էր, մտածում եմ ինչի՞ հենց էս թեմայում: Րոպեներ անց Արէայից նամակ եմ ստանում:

- Գևորգ ջան բարև: Ախպեր ջան մի անհամեստ հարց տամ էլի, էն կետերիս տակ ինչի ես շնորհակալություն դրել

[Տրիբուն]

Աղջիկս օդանավակայանում հռետորական հարց բարձրացրեց. «Էս Արմավիան ինչի՞ բանկրոտ եղավ», ու մինչև ես մի քանի վարկյան մտածում էի, թե ոնց պարզ ու հասկանալի բացատրեմ, տղես ինչպես միշտ ինձանից առաջ ընկավ. «Նայի, ոնց որ դու լիքը ուտելիք ունենաս, որով կարաս մի հատ եքա մանկատուն կերակրես, բայց դնես էտ սաղ ուտելիքը մենակդ ուտես: Վարջում համ դու ես տրաքում, համ էլ երեխեքն են սոված մնում»:

[Ուլուանա]

Ուրեմն ուսումնական կիսամյակը նոր ա սկսվել։ Ամուսինս իր ուսանողներին գրավոր աշխատանք ա հանձնարարում, հետո ստուգելիս տեսնում ա՝ ուսանողներից մեկի թղթի սկզբում գրված ա Shawn Speaks, որին հետևում ա հանձնարարությունը։ Դե, մտածում ա՝ երևի մարդը նկատի ունի, որ Շոնն ա խոսում, էլի ։ Հետո ուսանողների ցուցակի մեջ նայում ա, պարզվում ա՝ Speaks–ը Շոնի ազգանունն ա ։ Փաստորեն, ամեն տեղ իր անուն–ազգանունը գրելիս ստացվում ա. «Ուշադրություն, Շոնն է խոսում» ։

[Smokie]

Գիշերները հազվադեպ ա լինում, որ մեր շքամուտքի լույսը վառ լինի:
Ուրեմն մի անգամ ուզում էի իջնեի ներքեւի հարկ, նախօրոք ֆոնարը վերցրեցի, դուռը բացում եմ՝ տեսնում եմ լույսը վառ ա: Ուրախանում եմ, մի-չորս հինգ քայլ եմ անում, ֆոնարը տեղը դնում, հետ եմ գալիս դուռը բացում... արդեն անջատել են

[Mephistopheles]

Բանակում Գագոն՝ ընկերս միշտ մորից նամակ էր ստանում մոտավորապես սենց բովանդակությամբ "ազիզ ջան, ցավդ տանեմ, մեռնեմ կյանքիդ, մուրազիկս, բալիկս, կյանքս… " ու տենց մի երկու էջ, վերջում էլ գրում էր "Պապան ու քույրիկը լավ են,քեզ բարևում եսն" ու մի հատ մեծ կես էջանոց պամադայով պռոշների դրոշմ յուղերը կողքերից ներծծված թղթի մեջ…

մի օր Գագոն ոնց որ միշտ կարդում էր "Մեֆ հլա տես մամաս ինչ ա գրել"… ես էլ վերցրի ու վերլուծեցի նամակը, քննարկեցի… "Գագո ջան, ըստ էության քո ստացածը նամակ չի, այլ նամակից խուսափել ա… իրականում նամակի մեջ բովանդակություն չկա…" "ո՞նց Մեֆ…" այ սենց… ուրեմն նամակը պտի ունենա բովանդակություն ու ինֆորմամցիա մինչդեռ քո նամակը լացված ա անբովանդակ սիրո արտահայտություններով որ ցանկացած մայր կարա ունենա իր որդու նկատմամբ… տենց չի՞… կարող ա՞ դու չգիտես որ մամադ քեզ սիրում ա… նորություն ա՞… ի՞նչ կարիք կա ամեն անգամ դա շեշտել, մինչդեռ կարար փոխարենը գրեր թե ինչ ա կատարվում տանը, քաղաքում, բարեկամների կյանքում ընկեր ընկերունիերիդ մասին և այլն… իրականում քո նամակը էն մի քանի տողն ա որ ասում ա "պապան լավ ա, քույրիկը լավ ա" ուրիշ ոչինչ… դատարկություն, պարապ տեղը թղթի վատնում մի բանի համար որ առանց իրա էլ դու գիտես… ու էս ամբողջ մեղքիս վրա էլ, վերջում պամադայոդ պռոշներ… խաբում են քեզ Գագ… մտածի"

էս որ ա սի, Գագոն վեր թռավ ու մի անգամից փորձեց ձեռքերով կոկորդս բռնել… ես էլ հո հարիֆ չե՞մ, արդեն տեսնում էի որ հրաբուխի խառնարանում ինչեր ա կատարվում… մի անգամից դուրս վազեցի ու ու չաստով մեկ Գագոն սկսեց ինձ լարել… ես վազում եմ ու գոռում "Գագո՛, սխալ ե՞մ ասում, տենց չի՞… " Գագոն ինձ չբռնեց, ու երբ երկուսս շնչակտուր կանգնեցինք, հեվելով մոտացա Գագոյին ու ասեցի… "Գագ, բայց դու շատ դոդն ես, է՜…"

[Նաիրուհի]

Մի խոսքով՝ քույր Արուսյակը մի անձրեւոտ օր դասախոսություն է կարդում կրթահամալիրի դասարաններից մեկին: Մինչ այդ նույն սենյակում այլ խումբ է դաս ունեցած լինում: Քույր Արուսյակի դասախոսության ընթացքում դասարանի դուռը բացվում է, ու մի երեխա ասում է.
-Քույր Արուսյակ, կարելի՞ է զոնտիկս...
-Դուռը դուրսեն ծածկի՛ր:
Անցնում է մի քանի րոպե. տեսարանը կրկնվում է.
-Քույր Արուսյակ, թույլ կտա՞ք զոնտիկս...
-Ասացի՝ մի՛ խանգարեր դասը, դուռը գոցե՛:
Քիչ անց դուռը բացվում է երրորդ անգամ.
-Քույր Արուսյակ, ախր ես ընդամենը ուզում էի զոնտիկս...
Քույր Արուսյակը շրջվում է դեպի դասարանը՝ արդեն բարկացած.
-Մեյ մը ոտքի կանգնիր, տեսնեմ ո՞վ է այդ Զոնտիկը...

Քույր Արուսյակը երբ ուզում է դիմել միանձնուհիներից մեկին ու էդ պահին անունը մոռանում է, ասում է «քույր Բան»

[CactuSoul]

Ով չգիտի՝ նախապես նշեմ, որ եղբայրս իր ընտանիքով Նյու Յորքում է ապրում, իր զոքանչն էլ ապրում է հենց կողքի բնակարանում:
Ուրեմն, որոշ ժամանակ առաջ եղբայրս տանը մուկ էր նկատել: Ու նույնիսկ որ թե մեկն, այլ երկուսը: Միջոցներ էր ձեռնարկել, թակարդ-մակարդ: Երբ զոքանչին պատմել են, որ տանը մկներ կան, վերջինս ասել է՝ «ոնց որ թե իմ տանը մուկ չկա, չեմ նկատել»: Կողքից Անուշը՝ եղբորս չորսամյա աղջիկն ասել է. «Ոչինչ, տատի, մենք 2 հատ ունենք, մեկը քեզ կտանք»

[Jarre]

Դե ես առավոտից իրիկուն աշխատում եմ միայն ռուսախոս և անգլախոս մարդկանց հետ։ Ոչ ռուսերենս ա ռուսերենի նման, ոչ էլ անգլերենը՝ անգլերենի։ Հայերենն էլ ձեռի հետ կամաց-կամաց վատանում ա
Իսկ ստեղի պաշտոնական լեզուն իսպաներենն ա....
Արդյունքում ոչ լեզվով մարդավարի չեմ խոսում
Էս որպես նախաբան։

Հարսանեկան բաժնից գործընկերներս տեսան, որ մեքենայով եմ խնդրեցին ճանապարհին մտնեմ հյուրանոցներից մեկը ու ծաղկեփունջ փոխանցեմ նորապսակներին։ Անընդհատ մտքումս կրկնում եմ, թե հյուրանոցի ընդունարանում ինչ պիտի ասեմ. «Խնդրում եմ փոխանցեք այս ծաղկեփունջը մեր զույգին», «Խնդրում եմ փոխանցեք այս ծաղկեփունջը մեր զույգին»։ Ու ստեղ զույգ բառի համար գործածում են pareja (պարեխա) բառը, թեև իսպաներենում կան ուրիշ բառեր։ Բայց քանի որ սա տուրիստական զոնա է, արդեն տասը տարուց ավել բոլորը նորասպակներին պարեխա են կոչում։ Ես էլ մտա հյուրանոց, ծաղկեփունջը ձեռքս, լայն ժպիտով մոտեցա ռիսեփշնի աշխատողին ու խնդրեցի ծաղկեփունջը փոխանցել մեր pajera-ներին (մի տառ շփոթեցի pareJa-ի փոխարեն ասացի paJera)։ Իսկ պախերա նշանակում է *էդիկ։

ՀԳ՝ չնայած դոմինիկացիք մեր հայերենը չգիտեն, բայց հայավարի խոմ մե խինդ ուրախություն չկապեցին էնտեղ...... Խայտառակ էղա պրծա։

[Jarre]

Խայտառակությունների միամսյակը շարունակվում է

Էսօր մեր նոր պարտնյորներից մեկին նամակ եմ գրում, ու Уважаемая Юля-ի փոխարեն գրեցի Уважаемая Бля
Ստեղնաշարի վրա ռուսերեն տառադասավորվածությունը էնպիսին ա, որ Ю-ն ու Б-ն իրար կողք են։ Խայտառակ էղա։

[Նարե91]

Բարեկամուհիս երեքամյա թոռնիկին, ով մեր տանը շալվարի վրա հյութ էր թափել, համոզում էր.
- Անի ջան, արի´ շալվարդ հանեմ հա՞, բալա´:
Անին.
- Ցէ´, տատի´, ցեմ ուզում:
Բարեկամուհիս մի քանի անգամ պնդեց, բայց Անին անդրդվելի էր:
Ապա արդեն զայրացած մոտեցավ թոռանն ու շալվարակոշիկախառը հանեց:
Անին քարացավ, մեզ մի պահ թվաց` ուր որ է կլացի: Բայց սխալվեցինք:
Տեղից վեր կացավ մեծ մարդու նման,
նայեց հենց նոր տատիկի ձեռքով հանած շալվարին ու ասաց.
-Ապե ´ս , իմ սալվար, որ կոսիկներիս էլ հետդ հանեցիր:

[Ուլուանա]

Ուրեմն տարիներ առաջ մեր հարևաններից մեկի դուռը փակվել էր, բանալին էլ ներսում էր մնացել։ Իրենց բնակարան մուտք գործելու միակ ձևն էլ հարևանի պատշգամբից ինչ–որ կերպ մտնելն էր։ Էդ մարդն էլ նենց շատ հանգիստ, իներտ ու դանդաղախոս մարդ էր։ Հիմա իրենց դիմացի հարևանուհին, որն էդ ժամանակ լրիվ անտեղյակ ա եղել իրավիճակից, պատմում ա, որ էս մարդն իրենց դուռը ծեծում ա, ներս ա գալիս՝ ձեռքին պարան, որը ցույց տալով՝ իր անվրդով ու ծորուն ձայնով լուրջ–լուրջ ասում ա. «Ես ե՛կել եմ, որպեսզի կա՛խվեմ »։ Էս կնոջ սիրտը վատանում ա. «Ախր ինչի՞, ... ջան , ի՞նչ ա պատահել... (Ու ընդհանրապես ինչի՞ հենց մեր տանը, էլի)։ Տենց, մինչև հասկանում ա, որ նա ուզում ա ընդամենը իրենց պատշգամբից կախվելով՝ իր տունը մտնել, էս խեղճ կինը սարսափից գնում էն աշխարհ, գալիս ա ։
Դրանից հետո մեր հարևանության մեջ էդ արտահայտությունը թևավոր խոսք էր դառել. «Ես ե՛կել եմ, որպեսզի կա՛խվեմ» ։

[Նաիրուհի]

Նախապես ներողություն եմ խնդրում Այբից։

Ուրեմն ամեն ինչ սկսվեց Այբի՝ «Անկապում» արած էս գրառումից

Տարօրինակ երազ եմ տեսել: Երազումս 2 հատ տուգանային էի ստացել ու ինձ իբր արգելափակել էին:
Հիմա մարդ վախենում է գրառում անի...Անեմ-չանեմ, անեմ-չանեմ...

Սատանեն ականջիս ասաց՝ մի քիչ հոգու հետ խաղա
Բռնեցի սենց նամակ գրեցի՝

Նաիրուհի-ի խոսքերից

Խախտում/Այբ. Թեմայից դուրս գրառում

Հարգելի Այբ

Դուք ստացել եք 15 տուգանային միավոր «Դար» ակումբում։ Այդ պատճառով հնարավոր են որոշ տեխնիկական սահմանափակումներ։
Խնդրում ենք պահպանել ֆորումի կանոններն ու կատարել միայն արժեքավոր գրառումներ, հակառակ դեպքում կարգելափակվեք։

Դե մտածեցի՝ միանգամից կհասկանա, որ կատակ է, քանի որ նշված չէր՝ որ գրառման համար եմ տուգանում, համ էլ անկապ տուգանային տեքստ էր, էլի, ինչ մտքիս եկավ՝ գրեցի, թեմայից դուրս գրառումը երբվանի՞ց է 15 միավորով տուգանվում

Բայց Այբը հերիք չի՝ պատասխան նամակում գրեց

Ներողություն եմ խնդրում:

Մի հատ էլ գնաց օրագրում սենց գրառում արեց

Երազս կատարվեց...

Հիմա չգիտեմ՝ վա՞տ զգամ, թե՞ ամեն դեպքում թեթև նայեմ

Այբ ջան, մի անգամ էլ կներես

[My World My Space]

Էրեկ Մարտունիում մտնում եմ քաղաքապետարան, երրորդ հարկում Զագսն ա, մոտենում եմ պետի սենյակին, դուռը փակ ա։ Դիմում եմ կողքի սենյակում նստած աչոնին.քցում
- Ներողություն, չե՞ք կարող զանգել ձեր պետին, ես չեմ կարող սպասել։
- Ընդման իմա՞լ ա կէղի, էդ մարդն գացե հաց ուտի։ Չէղի՛, էնն ա, դռան վրա հայերն տառերով գրուգ ա՝ պե-ռե-րիվ։
Դուրս եմ գալիս, պետի դռան վրա հայերեն տառերով գրուգ ա՝ ընդմիջում։ Խնդալով մտնում եմ քաղաքապետի ընդունարան, Զագսի պետի համարը վերցնում եմ, զանգում եմ ու իջնում եմ ներքև՝ ծխելու։ Տաս րոպե հետո բարձրանում եմ, մտնում եմ Զագսի պետի մոտ, աչոնն ընդեղ ա։
Իրա լեզվով հարցնում եմ.
- Բը կըսես՝ չէղի՞… Բ՚իմա՞լ էղավ։
- Բը յես հի՞նչ գինամ, որ ձեր հմար կէղի,- կարմրում ա աչոնը։
- Թուղթն փոխա, գրա՝ պեռերիվըն դոգմա չէ,- լուրջ-լուրջ խորհուրդ ա տալիս պետը,- էրկու բաժակ կոֆե բե…

[Տրիբուն]

Աղջիկս էս տարի միջին դպրոցն ավարտեց ու որոշեց, որ ավագ դպրոցի փոխարեն գնա ֆրանսիական քոլեջ: Էն օրը դասերից եմ հարցնում, զրուցում ենք: Պարզվում ա ֆրանսերենի ուսուչուհին խնդրել ա, որ իրեն դիմեն մադմուազել Անի, իսկ հայերենի ուսուցիչը՝ Հայկ Գևորգովիչ Տղես էլ դպրոցում ռուսերենի դասատու ունի՝ Ծովինառ Օգանյեզովնա

[CactuSoul]

Մի օր ընկերներիցս մեկը, ով երաժիշտ է, խոսքի մեջ սկսեց գլուխ գովել ու թվարկել, թե ինչքան շատ հայտնի մարդկանց հետ է առիթ ունեցել շփվելու: Բնականաբար երաժիշտների անուններ էր տալիս, մեկ էլ էդ շարքում՝ Ջոնի Դեպ: Զարմացա.
- Ո՞նց, Ջոնի Դեպի՞ն որտեղ ես տեսել:
- Որ մեկնել էինք Լոս Անջելես՝ համերգների, պարզվեց՝ իր ակումբում էինք նվագում: Մի անգամ համերգից հետո աշխատողներից մեկը մոտեցավ ու ասաց, որ ակումբի տնօրենն ինձ իր մոտ է կանչում, ուզում է հետս զրուցել: Ու պարզվեց, որ տնօրենը հենց Ջոնի Դեպն էր…
- Բայց կարող ա ուղղակի նմանացրել ես… Հաստա՞տ ինքն էր:
- Հաստատ: Ձեռքը մեկնեց, ներկայացավ ու ասաց՝ "Mister Johnny Depp":
- Է, երևի հայ է եղել, ասել է՝ «Միսթր Ջոն, ի դեպ»…