Ինչպես մանկան պես ուտել...
Ոլոռով շիլա - Վերցնում ենք մեծ և խորը ափսե: Ուղիղ կենտրոնում լցնում ենք կես շերեփ շիլա: Պատառաքաղով սկսում ենք տարածել շիլան այնքան, մինչև չքսվի ափսեի բոլոր կողքերին: Մի փոքր սպասում ենք, մինչև չորանա (այդ ընթացքում կարելի է վազել պատշգամբ ու ետ վազել, կամ մտնել սեղանի տակ): Այնուհետև վերցնում ենք պատառաքաղը (ատամները վերև) և ափսեի եզրից քերելով մի քիչ շիլա, մոտեցնում ենք բերանին և լպստում:
Կարտոֆիլի պյուրե - Պյուրեից բլրիկ ենք սարքում և գդալով թփթփացնելով հավասարացնում ենք վերևի մասը: Այնուհետև նույն գդալի պաչով մի քանի փոսիկներ ենք փորում, պատկերացնելով, թե դրանք լճակներ են: Լճակների մեջ լցնում ենք կետչուպ, այլ ճաշի ջուր կամ թեյ, նայած ինչ կա սեղանին: Գդալի պաչով լճակներից մինչև ափսեի եզրը գետակներ ենք փորում և հետևում, թե ինչպես է հոսում կետչուպը: Վերջում կարելի է զարդարել մի փունջ ռեհանով և, իհարկե, չուտել...
Նրբերշիկ - Անդադար խոսում ենք, թափահարում ենք նրբերշիկն օդում` պատկերացնելով, թե դիրիժոր ենք: Այնուհետև վերցնում ենք չորս նրբերշիկ և բոլորն իրար հետ մտցնում բերանը: Անկախ ամեն ինչից կծում ենք և ծամում: Առանց կուլ տալու շրջվում ենք դեպի կողքի նստած մարդը և լեզու ենք հանում նրան: Փակում ենք բերանը և կուլ ենք տալիս նրբերշիկները:
... Հա, և վերջում անպայման միամիտ ժպտում ենք:
Մեջբերել
Էջանիշներ