Զվարճալի պատմություններ

[armen9494]

Մի օր փոքր ժամանակ հիշում եմ, տատիիս հարցրեցի` «Տատ, ո՞նց կլինի չանգյալը ռուսերեն», ասեց «պատառաքաղ»

[Ameli]

Ընկերուհիս պատմում է.
-Սկեսուրս ֆիզիկայի դասատու ա …

Ուրեմն նույն ընկերուհիս, իր նույն սկեսրոջ // , այլ աշակերտի մասին.
-Սկեսուրս էս աշակերտին ասում ա. "а քառակուսին բաժանի а-ի", էս երեխեն թե. "Չեմ կարա է , ո՞նց բաժանեմ, а-ն а-ի հետ կրճատվում ա, բա էն 2-ը ու՞մ գլխին դնեմ "

[John]

Փոքր ախպերս այգում վազվզում էր՝ մի տարեց մարդ մոտեցավ, հարցրեց.
-Տղա ջան, դու ո՞րտեղացի ես:
Էս ախպերս (4 տարեկան էր էդ ժամանակ), ժղայն դեմքով պատասխանեց.
-Չեմ ըսե...
-Արդեն ասեցիր...

[VisTolog]

Իրական դեպք.

Երկու հոգի խոսում են.

- ... հիմա Գերմանիայում եմ
- Լու՞րջ
- Հա
- Չեմ հավատւմ
- Խի՞
- Որովհետև Գերմանիայում օդնոկլասսնիկի չկա:

[Վահե-91]

մի հետամնաց հաճախորդ ունեմ ինետ կլուբում, շուտ-շուտ գալիս երգա քցում հեռախոսի մեջ (քարե դարնա լրիվ իրա մոտ ): Երեկ երգ քցելու վախտ ասումա.
-Ախպերս, կարաս հեռախոսիս մեջ ԳԼՈԲՈՒՍ քցես

[Ժունդիայի]

Փոքր ժամանակ ահավոր լացկան էի: Սադա գուլայի, սադա գուլայի: Այդպիսի օր չկար, որ աչքերիցս արցուքներ չցայտեին (ցայտել բառիս բուն իմաստով): Մի օր չգիտեմ ոնց ա լինում, ամբողջ օրը սուս ու փուս, առանց ողբ ու կականի եմ անց կացնում, էս քեռիս տարօրինակ նայում ա տնեցիքիս, նայում ա ինձ ու ասում.

-Իա´, Ռաֆի՞գ: Էսօր հբը չե´ս լացե, մե հադըմ լա´: (ու էդ «լա´» բառը լեղաճաք անող տոնով)

Քիչ անց:

-Զխկու՜ն, լամուգի մեգը:

[armen9494]

Այսօր մեր հարևանի երեխաները գնդակ էին խաղում ու բարձր բաձր գոռալով հաշվում էին`
վաթսունյո՛թ.... վաթսունու՛թ.... վաթսունինը՛.... վաթսունտա՛ս

Ես չկայի, բայց իրոք, շատ հեշտ մեթոդ էր հաշվելու համար

[Lusinamara]

Այսօր մեր հարևանի երեխաները գնդակ էին խաղում ու բարձր բաձր գոռալով հաշվում էին`
վաթսունյո՛թ.... վաթսունու՛թ.... վաթսունինը՛.... վաթսունտա՛ս

Ես չկայի, բայց իրոք, շատ հեշտ մեթոդ էր հաշվելու համար

Ֆրանսերենում տասնյակներն այսպես են հաշվում ՝ տաս, քսան, երեսուն, քառասուն, հիսուն, վաթսուն, վաթսունտաս, չորս հատ քսան, չորս հատ քսան տաս
Օրինակ՝ 1991 - ը լինում է հազար ինը հարյուր չորս հատ քսան տասնմեկ
Միլ նյոֆ սան կյաթխը վյան օնզ

[Reh32]

Տատս ասումա դու ժողովրդական էլ կարաս երգես, էստրադային էլ, և ռոք և քոք

[VisTolog]

Երթուղայինի դուռը բացվեց: Բարձրացան 1-2 դասարանի տղան ու իր պապը՝ պայուսակը իր ձեռքին: Թոռը գնաց ձեռքերը տարածած նստեց երկրորդ շարքի ազատ նստարանին: Նայեց տեսավ ամենահետևը տեղ կա.
- Պապ հետևը տեղ կա, գնա նստի

Պապը մի կերպ տեղավորվեց: Էս երեխեն իրանից գոհ նստելա կողքերնա նայում, մեկ էլ հանեց հեռախոսն ու սկսեց ինչ-որ խաղ խաղալ: Տեսնելով որ տետրիսային խաղը մարդկանց ուշադրությունը չի տանում իր կողմը, դրեց ականջին ու սկսեց յանմ խոսալ:

- Մամ հեռախոսիս մեջ փող չկա, բայց սաղ նորմալա: Էն ոչխար դասատուի դասից էլ էսօր չունեինք:

Անջատեց, գլուխը հենեց դիմացի նստարանին, միացրեց մի հատ «Վայ մամա ջաաաան, վայ դաժաաաան կյանք» տիպի մի հատ երգ ու սկսեց տառապյալ դեմքի հայացքով նայել շուրջը:

Իջնելուց դուռը բացեցին, երեխեն ձեռքը պարզած հեռախոսնա ցույց տալիս համ մինչև իջնելը, համ էլ իջնելուց հետո (մնումա հեռախոսը թողեր մեջը, հետո հետ գար վերցներ):

Էհ:

[VisTolog]

Մի բան էլ պատմեմ գնամ քնեմ:

Երեկ դասախոսին պետքա ասեի «Թեմայից դուրս հարց կարելի՞ա», ասում եմ «Թեմայից դուրս գրառում կարելի՞ա»:

[Lion]

Վերջերս էլ ես մեկի հետ հեռախոսով խոսելիս փոխանամ ասեմ. "Մի բան էլ ասեմ ու գնամ", հազիվ չասացի. "Մի բան էլ... գրեմ ու գնամ"

[Ժունդիայի]

Երեկ աշխատանքից տուն վերադառանալիս, փողոցով քայլում եմ, որոշեցի ծխախոտ վառեմ, մեկ էլ մայթի մյուս կողմից կրքից տնքացող մի ձայն շեղեց ուշադրությունս:
-Մի հատ կտա՞ս, սիրու՜նս:
Այդ կրքոտ կանչից փշաքաղված շրջվեցի ու քիչ էր մնում ուշքս գնար, նայեցի ու մտածեցի «կտա՜մ, էնել ո՜նց կտամ. սիրտս, հոգիս ու մարմինս նույնիսկ կտամ»: Գեղեցկուհին սիգարետ էր ուզում… Համաձայնությունս տվեցի, ու երբ փորձեց անցնել փողոցը, որպեսզի վերցնի ծխախոտը, կես ակնթարթ տևեց իմ՝ փողոցի մյուս ծայրում իրա կողքին բախտավոր ու հպարտ դեմքով հայտնվելը: Իսկ, ո՞րն էր այս ամենի զվարճալին… Այն, որ անցորդները տարօրինակ նայում էին ինձ, թե ինչպես էի ամոթի էսկավատրով գետինը փորում, որ պառտկվեմ բոլորի հայացքներից:

Նա կոկորդին խնձորիկ ուներ:

Բա՜, չմեռանք, գյա´լըբո............

[VisTolog]

Մարշուտնով գնում ենք, կարմիր լույսի տակ կանգնավ. մայթից մի կին արագ-արագ եկավ, դուռը բացեց որ նստի

Շուտ արա շուտ մայրիկ, կողքից մեքենայա գալիս (չնայած ոչ մի մեքենա էլ չկար)

Կինը նստեց - ապրես տղես
Վարորդ - Ուրեմն մի հատ կանֆետ ստանամ
Կինը - Կանֆետ չունեմ, բայց կարամ պիցցա տամ, ուզու՞մ ես
Վարորդ - Հաաա, ուզում եմ

Էդ կինը հանեց մի կտոր պիցցան ու տվեց: Կերավ պրծավ, կատակով ասեց - էլ չկա՞
Էս կինն էլ - կա, ոնց չկա, հեսա էս մեկն էլ տամ
Վարորդ - չէ չէ այ մորքուր, չեմ ուզում
Կինը - դե վերցրա, հո ձեռքս սենց չեմ պահելու
Երկար չեմուչումից հետո դա էլ վերցրեց:

Ես - կլնի՞ դուք ամեն օր նստեք
Կինը - հա տղես, դու՞ էլ ես ուզում
Ես - դե չէի հրաժարվի
Կինը - վաղը կգաս Պեպինո, կտամ

Մինչև էդ շոֆերն ասում էր - գնամ տու~ն, հաց ուտեմ, պարկեմ քնեմ
Ես էլ - լավա, էլ տուն չես գնա, մի անգամ էլ կարաս իջնես
Ինքը - հաա ախպեր, հաստատ: Էս մեր մորքուրն էլ աչքիս էսօր ձրի գնաց տուն
Ես էլ - աչքիս մի բան էլ դու պետքա իրան տաս:


Սենց ուրախ-զվարթ գնացինք պրես եղած 44-ով: Ու եթե նստեք 44, տեսնեք աջ կողմում կպցվածա թուղթ ու վրան գրած`

077/ 017726
Պատվերով

ուրեմն իմացեք, նստել եք մի կայֆարիկ տղու մարշուտկա:

[Նարե91]

Առհասարակ մեր ֆակուլտետում հեռակա բաժին չի եղել /դե լեզուն հեռակա ո՞նց պիտի սովորես/, բայց հենց իմ ընդունված տարին էր, որ բացվեց հեռական ու բնական էր, որ որոշ ուսանողուհիներ ցանկություն հայտնեցին տեղափոխվելու՝ առկայում սովորելու:Մեր իտալական խումբ բերեցին հեռակայում սովորող մոտ 7-8 ուսանողուհիներ... Բայց քանի որ մենք իրենցից ծրագրով շատ առաջ էինք /իրենք համարյա կարդալ չգիտեին/, որոշեցին առանձին խումբ բացել: Էդպես բոլորի համար էլ լավ էր: Երբ Իտալիայից ժամանեց մեր իտալուհի դասախոսը, նրան առաջարկեցին երկու լսարանները մտնելուց հետո որոշել, թե որ խմբի հետ նրան ավելի հեշտ կլինի աշխատել, նա ընտրեց մեր խումբը՝ պատճառաբանելով, որ մենք ավելի ուժեղ ենք, քան հեռակայի ուսանողների հիման վրա բացված խումբը: Այդ խմբում մեր իտալուհին բարձրաձայն դասախոսներից մեկին ասել էր.<<Questo grupo e' molto debole>>, որը թարգմանաբար նշանակում է. <<Այս խումբը շատ թույլ է>>: Մեր հեռակայի՝ <<իտալերենից բավականին լավ գլուխ հանող>> ուսանողուհիներն էլ շատ խիստ վիրավորվել էին, թե չմեռանք իտալուհին մեզ դեբիլ էլ անվանեց Debole բառը նրանք թարգմանել էին որպես դեբիլ