Զվարճալի պատմություններ

[Գաղթական]

էնպես էր ստացվել, որ մի ազերի երիտասարդի հետ նույն սենյակն էի կիսում..
մի օր սա բողոքում է, թե.
- էս Հոլանդիայում եղանակն ուղղակի անտանելիա.. նայում ես էդ օրը անձրևա գալիս, մյուս օրը անձրևանոցով ես դուրս գալիս - շոգ արևա անում.. անձրև չկա, մյուս օրը թեթև ես հագնվում՝ թրջվում ու սառչում ես.. էստեղ ապրելուս սկզբի տարիներին էնքան տանջվեցի, մինչև մի հոլանդացի կարգին խորհուրդ տվեց..
- ??
- ասեց՝ էդ օրը, տանից դուրս գալուց առաջ, եղանակի տեսություն նայի..

[Երվանդ]

մի ընկերոջ հետ մի օր սենյակումս նստած նարդի էինք խաղում, մեկ էլ՝ դուռը ծեծեցին..
մի սևամորթ էր.
- իմացել եմ ազատ սենյակ ունեք, կարելի՞ է նայել..
ոնց որ թե դուրն եկավ..
- իսկ դուք ո՞ր երկրից եք..
- Հայաստան..
Հայերեն.
- իյաա, բայլուուուս.. իմա՞լ ես..
ընկերոջս հետ իրար նայեցինք.. Հայերեն մի քանի բառ արտասանող այլազգիների շատ էի հանդիպել.. բայց սևամորթ՝ 3-րդ անգամ..
- իսկ դո՞ւ որ երկրից ես..
- Յամայկա..
- բա Հայերե՞ն որտեղից գիտես..
- մեր մոտ Հայեր կային շինարար.. ինձ մի քանի բառ Հայերեն էին սովորեցրել ու շատ օղի խմել..

դե բնական է՝ «իմալ ես» սովորեցնողները առանց օղի խմել սովորեցնելու յոլա չէին կարողանա գնալ..

Օղի ու «իմալ՞» ես, հաստատ մեյդ ին Մարտունի

[tikopx]

չեք փոշմանի վերջնա,տարին մեկա սենց պատմություն լինում

http://yfrog.com/jmimg0001ztj- բացեք կայքը ու ներքևի մասում սղմեք zoom

[Ռուֆուս]

ես թեման հարմար եղավ ետ րոպեին կարաս փոխի ստեղ

Տնաշեն, ես էլ ստիպված էդ անտեր հոդվածը երկու անգամ կարդացի՝ զվարճալի վրիպակ ման գալով, էն էլ չկար ոչ մի վրիպակ

[Գաղթական]

Օղի ու «իմալ՞» ես, հաստատ մեյդ ին Մարտունի

կամ էլ՝ Գավառ

[Գաղթական]

էդ անհաջողություններով լի օրվա ամենահետաքրքիր դրվագը, թերևս, միայն այն էր, որ մի գեղեցկուհի համաձայնեց հետս բար գալ..
էն ել՝ պատվերներով լի երեկոյի վերջում պարզվեց, որ դրամապանակս էլ եմ կորցրել..

ուսանողականս «զալոգ» թողեցի՝ որոշելով դիմել տղերքի օգնությանը..

էս աղջկան ճամփու դրեցի ու նստեցի «Մոնումենտ» իջնող մի Երազ..

էն դիքի վրա, ընկերոջս տանը դեռ չհասած, վարորդին խնդրեցի, որ պահի իջնեմ..
ինչին ի պատասխան լսեցի ներվայնացած.
- ախորժակիդ քացախ.. դու լուչշե պինդ բռնվի՝ տոռմուզներն ատկազ են արել..

[Reh32]

Գնացել էինք Արագածի շուրջը շուրջպարի, մեզ մի հատ չոլ էին տվել էտտեղ պետք ա տեղավորվեինք. Հետ գալուց մեր մեքենայի վարորդին խնդրեցինք, որ մի խանութի մոտ կանգնի գնանք մառոժնի առնենք. Վարորդը Ապարանի գյուղերից մեկում կանգնեց մի խանութի մոտ, ես ու ընկերս իջանք. Մեզնից առաջ մի երեխա բաժակով մառոժնի էր առնում.
-ձաձա էս մառոժնու հետ գդալ չկա?
-Չէ այ տղա ինչ գդալ, գնա տունը հացով կուտես էլի

[Yevuk]

Գարնան սկիզբն էր, երեկոյան շատ ուշ էր, արդեն մթնել էր: Դուրս եկա մեր բաց պատշգամբը, որ օդ շնչեմ. փողոցում մարդ չկար, սառնամանիք էր, մեկ էլ լսեցի կատվի մլավոցներ. ձայնը էնքան կամաց էր, որ չեի կողմորոշվում՝ որ կողմից ա գալիս: Մեկ էլ տեսա մեր պատշգամբին կպած ծառի հետևից մի կատու դուրս էկավ՝ ահավոր կամաց մլավելով: Որոշեցի կերակրել ու գնացի խոհանոց համապատասխան ուտելիք գտնելու. հաց վերցրեցի, բայց համարյա համոզված էի, որ կատուն հսատատ պոչ ա խաղացնելու իմ հացի վրա. հերիք չի սոված ա, մի հատ էլ հացս չի ուտի: Տարա, դեռ մլավելով սպասում էր ինձ: Հացից մի փոքր պոկեցի ու գցեցի: Ինչպես սպասում էի, կատուն մոտեցավ, հոտոտեց ու մի կողմ քաշվեց: Մի քիչ ջղայնացա, ճիշտ ա, բայց դրսում ախր շա՜տ ցուրտ էր ու մի բան պետկա խեղճին տայի: Էլի գնացի խոհանոց: Մամաս էդ օրը համով իշխան էր պատրաստել: Վերջը ձկնից մի պուճուր կտրեցի ու տարա պատշգամբ: Մեկ էլ ի՜նչ տեսնեմ. ևս մի կատու ա էկել ու երկուսով ձենները գլուխները գցած նայում են մեր պատշգմաբին: Մեկին գցեցի, կերավ, բայց դե հո մյւոսին էլ սոված չէի՞ թողնի: Էլի գնացի խոհանոց, ձկնից էլի կտրեցի, բերեցի: Տեսնեմ՝ երեք կատու: Ճաշարան էին գտել, ու ամեն մեկը սպասում էր իր հերթին: Երկրորդին էլ գցեցի ձուկը, միանգմաից կուլ տվեց: Մնաց երրորդը: Էլի գնացի խոհանոց, էլի պոկեց ու պատշգամբ գնալուց արդեն սպասում էի, որ էսա չորրորդն էլ հայտնվելու: Մեկ էլ որ հասա պատշգամբ, մեկ էլ լսում եմ՝ ինչ-որ մի կատվի մլավոցը ինչ-որ շա՜տ մոտիկից է գալիս: Մեկ էլ որ լավ չնայեցի, տեսնեմ էն առաջին կատուն մեր պատշգամբին կպած ծառի վրայա բարձրացել ու էնա-էնա թռնելույա գիրկս ու պահանջի երկրորդ ուտեստը: Արագ էն երրորդ կատվին իր հասանելիքը գցեցի ու դուրս էկա պատշգամբից:

[Annushka]

Մեր ծանոթներից մեկը՝ մի երիտասարդ տղա, գնում ա Ռուսաստան՝ աշխատելու: Սա էնքան վատ ռուսերեն էր խոսում, որ լսողին ինֆարկտ էր խփում, ու էդ հալով էլ որոշել էր սրճարանում մատուցող աշխատել: Ինչևէ, իսկականից մի սրճարանում անցնում ա աշխատանքի: Մի օր սրճարանի աշխատող աղջիկներից մեկին գրիչ ա պետք լինում ու մոտենում ա մեր երիտասարդին ա հարցնում: Սա էլ հիշում ա, որ շալվարի հետևի գրպանում գրիչ ունի ու իրա արևին ուրախ-ուրախ ասում ա ես աղջկան.
-Ручка там, в заднице, возьми .
Դե պատկերացրեք էս աղջկա ապշահար հայացքը ու կաֆեյի մյուս աշխատողների հռհռոցը: Էս տղեն էլ մտածում ա՝ գիժ են, ինչ են, ինչի են հռհռում, յանիմ ինչ ասեցի

[Annushka]

Ուրեմն ախպերս՝ Սամոն, երեք-չորս տարեկան հազիվ լիներ: Չեմ էլ հիշում ինչ էր ուզել մեզանից, մերժել էինք: Մեկ էլ ասեց.
-Հա՞, դե որ տենց ա էսա ես 10-րդ հարկից կթռնեմ ու կմեռնեմ ու ձեր ջանին դարդ կլինի, որովհետև էլ ինձանից չեք ունենա: Անուշ, հլը պարաշուտ բեր:
Ասում եմ.
-Սամ ջան, բա պարաշուտն ինչդ ա պետք:
- Իիի,որ հանկարծ չցխկվեմ

[Reh32]

Մեր բարեկամներից մեկը մեր տուն էր էկել, իրա հեռախոսի քարտն էլ արմեթելի հետվճարային քարտերից էր, տենց չեմ հիշում ինչի մի քանի օր էտ հեռախոսը մեր տունը պիտի մնար. ես էլ վերցրեցի խաղում էի, ուսումնասիրում, ու հիշեցի որ քարտը սիմ ա ու ուզում էի տեսնել թե էս ամիս ինչքանի ա խոսացել, դե բայց տանը արմենթել օգտագործող չկար, ես էլ ստիպված սաղ ծանոթներիս զանգելուց հետո հիշեցի, որ դիմացիս հաևանի աղջիկը կիմանա, ինքը տենց ամեն ինչ գիտի էլի, վերջը զանգեցի էս աղջկան, էս աղջիկն էլ առանց երկար բարակ մտածելու, բա թե զանգի հարյուրերկու. դե ես էլ բռնեցի ու զանգում եմ 102. Մի հատ խռպոտ ձենով մարդ վերցրեց հեռախոսը.
-Ալո
-բարև ձեզ, ուզում եմ քարտիս հաշիվը իմանամ, ինչ հավաքեմ որ իմանամ?
էս մարդը առանց պատասխանելու անջատեց, դե ճիշտն ասած իմ մոտ մի քիչ կռվարար տարիք էր, ես էլ մթոմ գժվա, որ հետս ինչ որ արմենթելի աշխատող կարա տենց առհամարաբար խոսա. գժված հետ զանգեցի. նորից նույն խռպոտ ձենը.
-Ալո
-չեմ ջոգում էտքան դժվար ա հարցիս պատասխանելը, որ չես բարեհաճում ասես թե հեռախոսիցս ինչ հավաքեմ, որ հաշիվս իմանամ ու ............
Նորից անջատեց.
արդեն վատացա, որ էս անգամ էլ անջատեց. ասի դու թքիր արա. նորից զանգեցի. նորից նույն խռպոտ ձենը.
-Ալո
-Արա էս ինչ ձև ես քեզ պահում?
-արա դու զզվցնում էս արդեն ինձ, պարապ էս մնացել?
Ստեղ նոր հասկացա, որ մի բան էն չի ու վռազ անջատեցի.
1-02 չզանգեք խռպոտ ձենով ոստիկաններ են նստած

[Մանուլ]

Ես էլ եմ մի անգամ 102 զանգել :
Վիվայից պիտի *122# հավաքենք, որ գրի, թե ինչքան ա մնացել հաշվի վրա: Ու նույն համարով որ զանգում ես, նույնը լսում ես: Բիլայինինն էլ *102#-ով ենք հաշիվն իմանում գրավոր ձևով: Մի անգամ պատահաբար լսել էի, թե բիլայնից ինչ համարով պիտի զանգենք, որ նույնը լսենեք, բայց չէի հիշում: Մտածեցի` որ վիվայինը նույն համարն ա, բիլայնինն էլ նույնը կլինի, էլի : Տենց զանգեցի, վերցրեց ու ասեց, որ ոստիկանություն եմ զանգել : Ես էլ ներողություն խնդրեցի, ասացի` սխալվել եմ, անջատեցի :


Էնքան էլ «Զվարճալի պատմություն» չի, բայց ասեմ :
Մի քանի օր առաջ Ակումբն էի «թերթում» , մեկ էլ մամաս էն սենյակից ասում ա.
- Էս ինչ լավ շամպուն ես առել. մազերս փափկել են:
- Հա՞, լավն է՞ր (որ առա, բույրից բողոքում էր ): Բայց իմ մազերը փչացել են: Կամ շամպունը համապատասխան չէր, կամ էլ էդ Նարեն ա փչացրել... էէէ, մուսը :
Էդ պահին բացել էի մի թեմա, որի վերջին գրառումը Նարեն էր կատարել, ու էջը հենց էդ գրառման վրա էր բացվել :

[Գաղթական]

մի անգամ ինձ մի Էստոնացի պատմում էր, թե երբ պատմում են, իբր իրենց մոտ Ռուսներին ճնշում են, սուտ է..
չգիտես ինչի հարցրեցի, թե արդյո՞ք իր կյանքի ընթացքում եղել է դեպք, երբ իր հայրենիքում որևէ մեկի հետ վիճվի՝ ազգային հողի վրա..
- այո.. մի անգամ.. մի Հայի հետ..
- Հայի՞.. էդ ո՞նց..
- գիշերվա կեսին խմած ու ծաղիկներով գնում էի ընկերուհուս հետ բարիշելու՝ իրենց հանրակացարան.. լրիվ պատահաբար կողքի շենքը մտա՝ տղաներինը.. բարձրացա «ընկերուհուս հարկը» ու ծեծեցի նույնանման դուռը.. դե ուսանողական հանրակացարան էր՝ բոլորը իրար նման.. ուժեղ էի ծեծում ու խնդրում, որ բացի, որ ես իրան սիրում եմ.. մեկ էլ՝ տռուսիկ-մայկով փռչոտ մեկը բացեց ու առանց բան ասելու տվեց բերնիս.. երբ ուշքի եկա՝ պարզվեց Հայա..
- ..հա բայց էտի ազգային հողի վրա չէր..
- կապ չունի.. իմ ազգային ինքնասիրությունն ավելի վիրավորվեց, երբ ես հլա չլվացված, ինքը զանգեց իր ծանոթ ոստիկանին՝ էլի Հայ, որն էլ իմ վրա բավական մեծ գումարի շտրաֆ գրեց..

[romanista]

Էս, ինչ-որ հիմա գրում եմ, անեկդոտ չի, այլ իմ հետ եղավ հենց երեկ... ուրեմն, չգիտեմ ի՟նչ ա ոտքս կծել, ուռել ա, գնացի պոլիկլինիկա ու ուղղակի ապշած եմ մնացել բժիշկներից)) մեկը ասում ա մոծակ ա կծե, մեկը ասում ա մեղու ա, մեկը բա թե կարիճ ա, մեկն էլ շատ լուրջ դեմքով սենց արեց... "հմմ, սա նոր թունավոր ճանճի սորտ ա, էդ ա կծե հաստատ" ըհը, հետո էլ ասում ես, գնա ու հույսդ դիր բժիշկների վրա))) ասում եմ կարող ա՟ իսկականից նոր թունավոր ճանճ ա կծել)))

[romanista]

Մի քանի տարի առաջ էր, կարծեմ 15 տարեկան էի, որ բակում տղաներից չեին լինում, ստիպված տանն եի, մի սենյականոց բնակարանոււմ էի գնդակ տշում... իհարկե թեթև էի խփում, որ բան ման չջարդեմ) վերջը... մեր պատուհանի ուղղությամբ էլ շենքի տակը մի հատ լալ պապի ունեինք, միշտ կանգնում էր ըտեղ... հիմա ասեմ, թե էս երկուսը իրար հետ ինչ կապ ունի)) մի օր էլի տենց տշմշում էի գնդակը, ու ուզեցի ճաշասենյակից այն անցկացնեմ պատշգամբ, բայց պատշգամբը ճաշասենյակից բաժանվում էր մի շատ փոքրիկ աստիճանով, ու ոնց էլ թեթև չեի խփում, գնում գնդակը հասնում էր էս աստիճանին ու կանգնում... նյարդայնացա, մի քիչ ուժեղ տշեցի)) մի քիչ ուժեղը որն ա՟ մի վայրկյան անց ես արդեն մեր պատշգամբի կոտրված (իմ կողմից` րոպե առաջ) պատուհանից նայում էի ներքև, թե ոնց են պատուհանի ապակու կոտրված կտորները գնդակի հետ միասին թափվում էս լալ պապու գլխին, որը փոխանակ թողեր փախներ, կանգնել էր տակը ու "աաաա", "իիիի', "ուուու" էր անում))) բարեբախտաբար նրան բան չեղավ... մենակ գնդակս տրաքեց