Մեջբերումներ Աստվածաշնչից

[luys747]

33Լսեցէ՛ք իմաստութիւնը, եւ դուք կը լինէք իմաստուն. մի՛ շեղուէք դրանից։ 34Երանի այն մարդուն, որ կը լսի ինձ,եւ այն մարդուն, որ կը պահի իմ ճանապարհները, մշտապէս կը տքնի իմ դռների առջեւ եւ կը պահպանի իմ դռների շեմերը։ 35Իմ ուղիները կեանքի ուղիներ են, եւ Տէրն է սահմանել իմ կամքը։ 36Բայց ովքեր մեղանչում են իմ դէմ, նրանք ամբարշտանում են իրենց հոգու մէջ, եւ ովքեր ատում են ինձ, նրանք սիրում են մահը։
Առ.(8:33-36) Առաջին դեմքով խոսում է Աստծո Իմաստությունը

[einnA]

Լսելով կլսէք և չէք իմանալ, և տեսնելով կտեսնէք և չէք տեսնիլ:
Մատթէոս 13:14

Երկնքի արքայությունը նման է խմորի, որ մի կին առավ և երեք չափ ալյուրի մէջ թաքցրեց մինչև որ բոլորը խմորուեցավ:
Մատթէոս 13:33

[luys747]

1Ամէն ոք, ով հաւատում է, թէ Յիսուսն է Քրիստոսը, Աստծուց է ծնուած. եւ ամէն ոք, ով սիրում է ծնունդ տուողին, սիրում է նաեւ նրանից ծնուածին։ 2Սրանո՛վ ենք ճանաչում, թէ սիրում ենք Աստծու Որդուն, երբ սիրենք Աստծուն եւ կատարենք Նրա պատուիրանները. 3քանզի ա՛յս է Աստծու հանդէպ մեր սէրը. որ պահենք Նրա պատուիրանները։ 4Եւ Նրա պատուիրանները ծանր չեն, քանի որ ամէն ոք, որ Աստծուց է ծնուած, յաղթում է աշխարհին։ Եւ ա՛յս է այն յաղթութիւնը, որ յաղթում է աշխարհին՝ մեր հաւատը։ (1 Հովհ 5:1-5)

[einnA]

Եվ ես ասում եմ ձեզ. Խնդրեցէք` և կտրուի ձեզ, որոնեցէք և կգտնէք, դուռը թակեցէք` և կբացուի ձեզ:Որովհետև ամեն ով որ խնդրում է` առնում է, և ով որ որոնում է` գտնում է, և ով որ դուռը թակում է` բացվում է նորան:

ՂՈՒԿԱՍ 11:9-11:10

[luys747]

3Պարծեցէ՛ք Նրա սուրբ անունով, թող ուրախ լինի սիրտը նրանց, ովքեր փնտռում են Տիրոջը։ 4Փնտռեցէ՛ք Տիրոջն ու հզօրացէ՛ք, փնտռեցէ՛ք Նրա երեսն ամէն ժամ։
(Սաղմոս 104:3-4)

[Leo Negri]

Մի՛ կարծէք, թէ եկայ խաղաղութիւն հաստատելու երկրի վրայ. չեկայ հաստատելու խաղաղութիւն, այլ՝ սուր. քանի որ եկայ, որ բաժանեմ որդուն իր հօրից, եւ դստերը՝ իր մօրից, եւ հարսին՝ իր կեսուրից։ Մարդու թշնամիները իր տնեցիները կը լինեն։ - Մատթ. 10. 34-36

---------- Ավելացվել է՝ 17:42 ---------- Սկզբնական գրառումը՝ 17:29 ----------

Կարծում էք, թէ երկրին խաղաղութի՞ւն տալու եկայ. ո՛չ, ասում եմ ձեզ, այլ՝ բաժանում. որովհետեւ մէկ տան մէջ այսուհետեւ հինգ հոգի իրարից բաժանուած պիտի լինեն. երեքը՝ երկուսի դէմ, եւ երկուսը՝ երեքի։ Հայրը պիտի բաժանուի որդու դէմ, եւ որդին՝ Հօր, մայրը՝ աղջկայ դէմ, եւ աղջիկը՝ մօր, կեսուրը՝ հարսի դէմ, եւ հարսը՝ իր կեսրոջ: - Ղուկաս, 12:51-53

---------- Ավելացվել է՝ 17:43 ---------- Սկզբնական գրառումը՝ 17:42 ----------

Եթէ մէկը ինձ մօտ գայ եւ չնախընտրի ինձ իր հօրից ու մօրից, կնոջից ու որդիներից, եղբայրներից ու քոյրերից, նոյնիսկ իր անձից անգամ, չի կարող իմ աշակերտը լինել. - Ղուկաս 14:26

[wem]

Օգնության պահին ես Տիրոջը կանչեցի, Նա լսեց ինձ, և հանադարտության առաջնորդեց:

[einnA]

Ճշմարիտ ճշմարիտ ասում եմ ձեզ. Ծառան իր տէրիցը մեծ չէ. ոչ էլ ուղարկուածը մեծ է իրան ուղարկողիցը:
ՅՈՀԱՆՆԷՍ 13:16

Յիշեցէք այն խօսքն, որ ես ասեցի ձեզ ծառան իր Տէրիցը մեծ չէ. եթէ ինձ հալածեցին, ձեզ էլ են հալածելու. եթէ իմ խօսքը պահեցին` ձերն էլ կպահեն:Բայց այս ամենը կանեն ձեզ իմ անունի համար. որովհետև չճանաչեցին ինձ ուղարկողին :
ՅՈՀԱՆՆԷՍ 15:20-21

Հունձքը շատ է, բայց մշակները քիչ. ուրեմն աղաչեցէք հունձքի Տիրոջը, որ մշակներ հանէ իր հունձքը:
ՂՈՒԿԱՍ 10:2

[unknown]

Մոտեցեք Աստծուն, և Նա կմոտենա ձեզ:
Հակոբոս 4: 8

[luys747]

45Դարձեալ՝ երկնքի արքայութիւնը նման է մի վաճառականի, որ գեղեցիկ մարգարիտներ էր որոնում. 46եւ գտնելով մի թանկարժէք մարգարիտ՝ գնաց վաճառեց իր ամբողջ ունեցածը եւ այդ մարգարիտը գնեց։
Մատթ(13:45-46)

[luys747]

4եւ պիտի սրբի նրանց աչքերից ամէն արտասուք. եւ այլեւս մահ չկայ. ո՛չ սուգ, ո՛չ աղաղակ, ո՛չ ցաւ եւ ո՛չ չարչարանք, քանի որ առաջինն անցաւ»։ 5Եւ գահի վրայ նստողն ինձ ասաց. «Ահա՛ւասիկ ամէն բան նոր եմ դարձնում»։ Ապա ինձ ասաց. «Գրի՛ր, այս խօսքերը ճշմարիտ եւ վստահելի են»։
(Հայտն:21:4-5)

[Skeptic]

Հրեաներին Եհովայի` Հիսուս Քրիստոսի հոր, հետևաբար /ըստ քրիստոնեական կրոնի/ նաև հենց իր` Քրիստոսի տված օրենքներից 2-ը:
/անչափահասներին խորհուրդ չի տրվում նայել/

 •

• 

 Սեղմել՝ ցույց տալու համար

Եթէ մէկը չնշանուած կոյս աղջկայ հանդիպի ու բռնութեամբ պառկի նրա հետ, ապա աղջկան բռնաբարող տղամարդը աղջկայ հօրը պէտք է տայ յիսուն երկդրամեան արծաթ, իսկ աղջիկը պէտք է դառնայ նրա կինը։ Տղամարդը երբեք չպէտք է յանդգնի լքել նրան։ - Երկրորդ Օրենք 22:28-29

 •

• 

 Սեղմել՝ ցույց տալու համար

Եթէ երկու մարդ՝ երկու ազգակից իսրայէլացի եղբայրներ կռուեն միմեանց հետ, եւ նրանցից մէկի կինը իր ամուսնուն ազատելու նպատակով մօտենայ իր ամուսնու հետ կռուողին եւ ձեռքը մեկնելով՝ բռնի նրա ամորձիքներից, ապա առանց խղճալու պէտք է կտրես նրա ձեռքը։ - Երկրորդ Օրենք 25:11-12

[luys747]

4Այսպիսի մի վստահութիւն ունենք առ Աստուած՝ Քրիստոսի միջոցով. 5մենք անձամբ մեզնից որեւէ բան խորհելու կարող չենք, այլ Աստծուց է մեր կարողութիւնը, 6որը եւ կարող դարձրեց մեզ նոր Ուխտի պաշտօնեաներ լինելու՝ ոչ թէ գրով, այլ հոգով, քանի որ օրէնքը, որ գիր է, սպանում է, իսկ հոգին՝ կենդանացնում։ (2Կոր.3:4-6)

[Լեո]

ՍԻՐԵԼ ՄԵՐՁԱՒՈՐԻՆ

... 27 Մի՛ յապաղիր կարօտեալին բարութիւն անել, երբ քո ձեռքը կարող է օգնել նրան:
28 Չասես թէ՝ «Գնա՛, կը գաս՝ վաղը կը տամ», մինչդեռ կարող ես բարութիւնդ անել, քանի որ չգիտես, թէ վաղն ինչ է բերելու քեզ:
29 Չարիք մի՛ նիւթիր բարեկամիդ դէմ, որը քեզ վստահում է եւ յոյս է դրել քեզ վրայ:
30 Զուր տեղը մի՛ թշնամացիր մարդու հետ վիճելով, որ նա քեզ չարիք չպատճառի:
31 Զգուշացի՛ր չարագործ մարդկանց նախատինքներից եւ մի՛ նախանձիր նրանց ճանապարհներին,
32 քանզի անօրէնը պիղծ է Տիրոջ առջեւ եւ չի հաղորդակցում արդարների հետ:
33 Տիրոջ անէծքն ամբարիշտների տներում է, մինչդեռ արդարների տներն օրհնւում են:
34 Տէրը հակառակ է ամբարտաւաններին. նա շնորհ է տալիս խոնարհներին: Փառքը պիտի ժառանգեն իմաստունները, իսկ ամբարիշտները պիտի բազմացնեն իրենց անարգանքը:

ԱՌԱԿՆԵր 3,4

[Skeptic]

ԱՌԱԿՆԵր 3,4

«Առակների» հետ կապված. զգացեք տարբերությունը`

Առակաց 5:3
1. Ամբողջ սրտով յոյսդ դի՛ր Աստծու վրայ եւ մի՛ հպարտացիր քո իմաստութեամբ։ /Արևելահայերեն նոր թարգմանություն/

2. Տէրոջ վստահէ ամբողջ սիրտովդ, ու քու խելքիդ մի ապաւինիր: /Արեւմտահայերեն թարգմանություն անգլերենից/