Արցախի հիմնախնդիրը

[Tig]

....................

Ղարաբաղյան պատերազմի վետերանների միությունը վաղը կանցկացնի ակցիա՝ «աշխարհազոր կազմակերպելու և ոչ մի թիզ հող չզիջելու» պահանջով։
Ակցիան տեղի կունենա ժամը 12-ին ՀՀ նախագահի նստավայրի դիմաց։

Tert.am
...............

Էն պահին հասա, երբ վետերանների միության նախագահը հարցազրույս էր տալիս: Հետո մի քանի վանկարկումներ եղան՝ «Ոչ մի թիզ թշնամուն…» և այլն: Հետո նամակ փոխանցեցին ՀՀ նախագահին… ու ցրվեցին… Բայց գիտե՞ք ինչ զգացի, որ եթե էլի պետք լինի՝ էդ մարդիկ հաստատ նորից կկռվեն…

Մեկ էլ մի քանի լուսանկարներ ակցիաից:

IMG_1355p.jpgIMG_1361p.jpgIMG_1356p.jpgIMG_1358p.jpgIMG_1359p.jpg

[Tig]

Երկու հատ էլ…

IMG_1357p.jpgIMG_1360p.jpg

[Magic-Mushroom]

Ես հպարտ եմ որ նման մարդիկ կան Հայաստանի Հանրապետությունում,ափսոս պետությունը համարժեք վերաբերմունք նրանց հանդեպ չի ցույց տալիս,նրանք իրենց զավակների այրան գնով պահպանեցին մեր հողերը,ինչու չէ նաեւ պետականությունը,իսկ պետության համար ընդունելի են Մադրիդյան սկզբունքները

[terev]

ափսոս պետությունը համարժեք վերաբերմունք նրանց հանդեպ չի ցույց տալիս

Դա դեռ, ինչ որ տեղ հասկանալի է:
Ցավալին այն է, որ մեր ժողովրդի 99 տոկոսը համարժեք վերաբերմունք ցույց չի տալիս:

[mkofranc]

Hurriyet. ԱՄՆ -ն Ղարաբաղը կվերադարձնի Ադրբեջանին Իրանի վրա հարձակվելու համար տարածքներ տրամադրելու փոխարեն

ԱՄՆ -ն Հայաստանի վրա ճնշում կգործադրի և կպահանջի ազատել Ադրբեջանի 7 օկուպացված տարածքները: Ինչպես հաղորդում է թուրքական Hurriyet թերթը ԱՄՆ իր հակաիրանական արշավի ժամանակ ցանկանում է Ադրբեջանին իր կողքին տեսնել, բայց Բաքուն իր համաձայնությունը կտա միայն իրեն` Ադրբեջանին ղարաբաղյան հարցում օգնություն ցուցաբերելու դեպքում:
Թերթի համոզմամբ այս նպատակով Հիլարի Քլինթոնը հայկական ղեկավարության հետ հանդիպումների ժամանակ ճնշում կգործադրի 7 շրջանները ազատելու գործում, փոխարենը ԱՄՆ -ն Հայաստանին կխոստանա Թուրքիայի և Ադրբեջանի հետ բոլոր տրանսպորտային հանգույցների վերաբացում և ֆինանսական մեծ օգնություն:
Հոդվածում նշվում է, որ ԱՄՆ -ի գլխավոր նպատակը Իրանն է. << Վաշինգտոնը կփորձի ղարաբաղյան հարցը լուծել ի օգուտ Ադրբեջանի` ստանալով Բաքվի համաձայնությունը Իրանի վրա հարձակվելու համար Ադրբեջանի տարածքները օգտագործելու հարցում>>, - գրում է թերթը:
regnum.ru hurriyet.com թարգմանությունը` Մկոֆրանկի
http://www.hurriyet.de/haberler/duny...daili-bosaltin

Հ.Գ. խայտառակ պատմությունը կրկնվում է ...
Եթե հայերը համաձայնվեն վերջում կոտրած տաշտակի առջև կհայտնվեն, էլ չեմ ասում ներքաղաքական պայթյունի մասին
Հետաքրքիր է Իրանը ինչ կանի Հայաստանի և Ադրբեջանի հետ այդ պարագայում, և Ռուսաստանի շահը որը կլինի, ԱՄՆ -ի ներդրումները .... շատ կասկածելի է թվում...

[Magic-Mushroom]

Հիմա արդեն ժամանակն է որ Իրանը մեզ աջակցի ու իր լավ զենքերից տրամադրի

[mkofranc]

Ամերիկայի հայ դատի հանձնախմբի գործադիր տնօրեն Արամ Համփարյանը, արձագանքելով Հայաստանում ԱՄՆ պետքարտուղար Հիլարի Քլինթոնի և Էդվարդ Նալբանդյանի համատեղ մամուլի ասուլիսին, ասել է, որ իրենք հիասթափված են այն պատճառով, որ Քլինթոնը և՛ Բաքվում, և՛ Երևանում կրկնեց ուժ չկիրառելու՝ պետդեպարտամենտի հորդորը՝ ուղղված երկու կողմերին՝ խուսափելով Բաքվին մեղադրելուց։

«Դիվանագիտական այսպիսի լեզուն, թեև առաջին հայացքից անկողմնակալ է թվում, սակայն հաշվի առնելով ԱՄՆ շահագրգռվածությունը տարածաշրջանային կայունության հարցում, գործնականում հակաարդյունավետ է, քանի որ անտեսում է և նույնիսկ քաջալերում ադրբեջանական ագրեսիայի շարունակականությունը»։,– ասել է նա։

«Մեր ամերիկյան անկախության տոնից ոգեշնչված՝ մենք հույս ունեինք, որ Քլինթոնը ուղղակիորեն կոչ կանի Լեռնային Ղարաբաղի հակամարտության տևական լուծում գտնել՝ հիմնվելով ժողովրդավարության հիմնարար արժեքների և ինքնորոշման իրավունքի վրա։ Ի վերջո, եթե 1776թ. հիմնադիր հայրերը շարժվեին պետդեպարտամենտի տրամանաբությամբ, ԱՄՆ–և մինչև հիմա բրիտանական գաղութ կլիներ»։

Tert.am

[mkofranc]

«Google» որոնողական համակարգի «Վիկիպեդիա» ցանցից հեռացվել է 26 հոգանոց ադրբեջանական խումբը։ Խմբի ղեկավարի մուտքը հիշյալ ցանց արգելափակվել է 6 ամսով, մյուսներինը՝ ավելի քիչ ժամանակով։ Այս մասին այսօր լրագրողների հետ հանդիպմանը տեղեկացրեց Տեղեկատվական անվտանգության մասնագետ Տիգրան Քոչարյանը։
Խմբի մուտքը «Վիկիպեդիա» արգելափակվել է մոտ երկու ամիս առաջ այն պատճառով, որ խմբի անդամներն այդ կայքում հակահայկական նյութեր էին տեղադրում և համախմբված ձևով պայքարում էին այն անձանց դեմ, որոնք հայկական կամ պրոհայկական մոտեցումներ էին դրսևորում։

Ինչպես տեղեկացրեց մամուլի ասուլիսին մասնակցող ֆոտոլրագրող, տեղեկատվական տեխնոլոգիաների մասնագետ Սեդրակ Մկրտչյանը, իրենց նախաձեռնությամբ «Վիկիպեդիայի» նման հայկական ռեսուրս է ստեղծվել, որն արդեն գործում է երկու ամիս։ Մկրչտյանի խոսքով, նոր www.hayqpress.com ռեսուրսում ցանկացած մարդ կարող է տեղադրել ինֆորմացիա, բայց այն «ձերբազատված է ադրբեջանական, թուրքական և օտար ներխուժումներից»։

Tert.am

[mkofranc]

«Սարդարապատ» շարժման անդամներ Զարուհի Փոստանջյանը, Ալեք Յենիգոմշյանը և Ժիրայր Սեֆիլյանը հայտարարություն են տարածել Արցախի շուրջ ընթացող վերջին զարգացումների վերաբերյալ։

««Միջազգային հանրության» կողմից արցախյան հիմնահարցը կրկին անգամ շահարկման առարկա դարձավ հունիսի 18-19-ին Արցախի պաշտպանական դիրքերի վրա ադրբեջանական կողմի կատարած ավազակային հարձակման պատճառով, որին հաջորդեց Մինսկի խմբի համանախագահ երկրների ղեկավարների հունիսի 26–ի հայտարարությունը:

Արձանագրելով գոյություն ունեցող իրողությունները, կրկին անգամ փաստում ենք, որ.

- Արցախը (Լեռնային և Դաշտային Ղարաբաղը) հայկական տարածք է։ Հայերը համարվել և համարվում են այդ տարածքի բնիկ ժողովուրդ, և այն հանդիսանում է հայ ժողովրդի էթնիկական հայրենիքը։

- 1921թ. Ստալինի կամքով և որոշմամբ Արցախը (Լեռնային և Դաշտային Ղարաբաղը) և Նախիջևանը բռնությամբ կցվեցին կովկասյան թաթարների վերահսկողության ներքո գտնվող տարածքին, որը միայն 1918 թվականից է կոչվել Ադրբեջան։


- Ադրբեջան պետությունը գոյության 70 տարիների ընթացքում փորձել է ձուլել և օտարել իրենց հայրենիքներից այդ տարածքում բնակվող բազմաթիվ բնիկ ժողովուրդների՝ լեզգիների, թաթերի, թալիշների, հայերի, ուդիների և այլն։

- 1988թ. Ադրբեջանի իշխանությունները ԼՂԻՄ–ում բնակվող հայերի կամարտահայտմանը՝ ինքնորոշման միջոցով մայր հայրենիքին միանալը, պատասխանեցին բռնությամբ, սպանդով և ցեղասպանությամբ, իրականացնելով ջարդեր հայ բնակչության նկատմամբ Բաքվում, Սումգայիթում, Գանձակում և այլ վայրերում։


- Հայ ժողովուրդը, ի պատասխան Ադրբեջանի կողմից Արցախի խաղաղ բնակչության նկատմամբ իրականացրած ագրեսիայի և սանձազերծած պատերազմի, դիմեց ինքնապաշտպանության և իր զավակների արյան գնով 1990-94 թթ. ազատագրեց Արցախի մի մասը։

Մինսկի խմբի համանախագահ երկրները բանակցային սեղանի վրա դնելով եղեռնածին «մադրիդյան սկզբունքները», ըստ էության փորձում են կրկին անգամ կյանքի կոչել 1921թ. ստալինյան ապօրինի որոշումը, հայերին զրկել իրենց Հայրենիքում ապրելու և արարելու անօտարելի իրավունքից, ինչն էլ իրականում հող է նախապատրաստելու և հրահրելու է Ադրբեջանին հայերի նկատմամբ փորձել իրականացնել մի նոր ցեղասպանություն։

Ե՛վ ՀՀ–ում, և՛ Արցախում, և՛ արտերկրում բնակվող հայերը, ինչպես քսան տարի առաջ, այնպես էլ այժմ թույլ չեն տա կյանքի կոչել ոճրագործ հակահայ ծրագրերը, որոնք փորձում ենք պարտադրել հայ ժողովրդի վստահության քվեն չստացած, ոչ լեգիտիմ ՀՀ իշխանություններին, որոնց ստորագրած բոլոր փաստաթղթերը առ ոչինչ են։

Հունիսի 18–19–ի դեպքերը հետևանքն է հայ քաղաքական ղեկավարության հանցավոր ինքնագոհության և ընդհանրապես ներկա համակարգի մեղքով երկրում տիրող անառողջ մթնոլորտի։

Կոչով դիմում ենք համայն հայությանը, գիտակցելու, որ մեր պարտականությունը լոկ Հայոց ցեղասպանության ճանաչման հետապնդումը չէ, այլ Հայաստանի և հայ ժողովրդի առջև ծառացած արդի մարտահրավերների դիմակայելն է, որոնց մեջ ամենահրատապներից են Արցախի ազատագրված տարածքների բնակեցումը և երկրի ներսում հայ մարդու համար բարոյական, արդար և արժանապատիվ կյանքի պայմանների ստեղծումը»։

Tert.am

[Magic-Mushroom]

Ադրբեջանը խախտել է հրադադարի ռեժիմը

18:17 • 05.07.10

Հուլիսի 4-ի լույս 5-ի գիշերը և օրվա ընթացքում ղարաբաղա-ադրբեջանական զորքերի շփման գոտու մի շարք հատվածներում արձանագրվել են հրադադարի ռեժիմի խախտման դեպքեր: Հակառակորդը տարբեր տրամաչափի հրաձգային զենքերից և դիպուկահար հրացաններից գնդակոծել է Նուզգեր, Չախրլը, Քյուրդլար, Հորադիզ, Քարվենդ, Չեյիլ, Կուրապատկինո, Մարզիլի, Սարըջանլու, Քենգեռլի, Բաշ-Քարվենդ, Թաղիբեյլի, Ջրաբերդ, Թալիշ, Գյուլիստան, Կարախանբեյլի, Աշաղը Աբդուռահմանլի, Աշաղը Սեյիդահմեդլի, Աշաղը Վեյսալի և Լևոնարխ ուղղություններում տեղակայված ղարաբաղյան դիրքապահների հենակետերը:

Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռե

[Երվանդ]

Ադրբեջանը խախտել է հրադադարի ռեժիմը

18:17 • 05.07.10

Հուլիսի 4-ի լույս 5-ի գիշերը և օրվա ընթացքում ղարաբաղա-ադրբեջանական զորքերի շփման գոտու մի շարք հատվածներում արձանագրվել են հրադադարի ռեժիմի խախտման դեպքեր: Հակառակորդը տարբեր տրամաչափի հրաձգային զենքերից և դիպուկահար հրացաններից գնդակոծել է Նուզգեր, Չախրլը, Քյուրդլար, Հորադիզ, Քարվենդ, Չեյիլ, Կուրապատկինո, Մարզիլի, Սարըջանլու, Քենգեռլի, Բաշ-Քարվենդ, Թաղիբեյլի, Ջրաբերդ, Թալիշ, Գյուլիստան, Կարախանբեյլի, Աշաղը Աբդուռահմանլի, Աշաղը Սեյիդահմեդլի, Աշաղը Վեյսալի և Լևոնարխ ուղղություններում տեղակայված ղարաբաղյան դիրքապահների հենակետերը:

Պաշտպանության բանակի առաջապահ ստորաբաժանումների ձեռնարկած պատասխան գործողություններից հետո հակառակորդը լռե ...

Աչքիս պրյամոյ ռեպորտաժ էր

[աշոտ24]

Ադրբեջանաթուրքական կազմակերպված դիվերսիա Fecabook-ում (լուսանկարներ)
22:00 • 05.07.10

Ադրբեջանցիները թուրքերի օգնությամբ հուլիսի 5-ին՝ Հայաստանի Սահմանադրության Օրը, կազմակերպված դիվերսիա են կազմակերպել Ֆեյսբուք սոցիալական ցանցի հայերեն տարբերակի վրա՝ այդպիսով փչացնելով կայքի հայ օգտատերերի տոնական տրամադրությունը։
Նրանք դա արել են՝ օգտագործելով «Թարգմանություններ» ծրագիրը, որի օգնությամբ ստեղծվել են ցանցի ոչ միայն հայերեն, այլ նաև՝ մյուս գրեթե բոլոր տարբերակները՝ հենց օգտատերերի կողմից։ Քանի որ հայերենը դեռ գտնվում է Beta տարբերակում և փակ չէ նոր թարգմանությունների կամ քվեարկությունների համար, սկզբունքորեն յուրաքանչյուր ոք կարող է առաջարկել նոր տարբերակներ ցանկացած բառի համար կամ քվեարկել այս կամ այն տարբերակի համար։ Փաստորեն, ադրբեջանցիները և թուրքերը մեկ օրում իրենց դիվերսիոն տարբերակների օգտին քվեարկել են ավելի շատ, քան մինչ այդ հայերեն տարբերակների օգտին քվեարկել էին հայ ֆեյսբուքականները։
AZERBAIJAN, KARABAKH IS AZERBAIJANI TERRITORY, AZPATRIOT FROM AZERBAIJAN, F**K ARMENIA, LONG LIVE AZERBAIJAN և մի շարք այլ գրառումների կարելի է հանդիպել ցանցի գրեթե բոլոր բաժիններում և էջերում՝ սկսած Բարի գալուստ էջից։
Մի քանի տասնյակ հայ օգտատերեր արդեն իսկ ձեռնամուխ են եղել Ֆեյսբուքի ադմինիստրացիային բողոքելու և խնդիրը չեզոքացնելու գործին։ Այս պահին կայքում իսկական պատերազմ է։





http://tert.am/am/news/2010/07/05/facebook/

----------------

Անհավատալի ա

[aerosmith]

իսկ ես լսել էիլ որ հուլիսի 4-ի գիշերը համը 01,00-04,00 -ի հատվածում կոտրել են 7 հատ հայկական կայք ու քանի որ աղբյուրը չեմ գտնում այդ իսկ պատճառով էլ չտեղադրեցի։ Ու գիտեք ոնց զարմանալի ա բայց ես ուրախանում եմ, որտև հայերը վերջապես կզգան որ արժի մի քիչ շատ փող ծախսել և ժամանակ, բայց ստեղծեն որակյալ , պաշտպանական տարբեր նաղաձեռնություններ ունեցող կայքեր։

[mkofranc]

իսկ ես լսել էիլ որ հուլիսի 4-ի գիշերը համը 01,00-04,00 -ի հատվածում կոտրել են 7 հատ հայկական կայք ու քանի որ աղբյուրը չեմ գտնում այդ իսկ պատճառով էլ չտեղադրեցի։ Ու գիտեք ոնց զարմանալի ա բայց ես ուրախանում եմ, որտև հայերը վերջապես կզգան որ արժի մի քիչ շատ փող ծախսել և ժամանակ, բայց ստեղծեն որակյալ , պաշտպանական տարբեր նաղաձեռնություններ ունեցող կայքեր։

Ադրբեջանցիների կողմից հերթական անգամ 10-ից ավելի հայկական կայքեր են կոտրվել: Դրանց թվում են` http://apahovagrum.am, http://iravunq.am, http://www.systems.am, http://amsterflowers.am, http://avangardinvest.am, http://downloader.am, http://fculis.am, http://kanachdraxt.am, http://teliamed.am, http://azdagir.am, http://armstartup.com, http://akntour.com, http://erebunuastgh.com, http://fero.am, http://hoyakert.com:

Նշենք, որ կոտրված կայքերի թիվը շատ ավելին է եղել, սակայն դրանց մի մասը արդեն վերականգնվել է:

NEWS.am

[mkofranc]

Ահա այսպսի <<գրառումներ >> են տեղադրել

սեղմիր այստեղ Capture.jpg

անհեթեթ ապատեղեկատվություն