Ֆասիեն ու Բրայզան իրատեսական տարբերակ են առաջարկում
Լեռնային Ղարաբաղի Հանրապետության անկախության ճանաչումը, ինչպես նաև այդ տարածքն Ադրբեջանին վերադարձնելու փորձը, կարող են վերածվել նոր պատերազմի։ Այդ մասին Վիեննայում կայացած ֆորումի ժամանակ, որը նվիրված էր Լեռնային Ղարաբաղի խնդրին, հայտարարել է ԵԱՀԿ Մինսկի խմբի ֆրանսիացի համանախագահ Բեռնար Ֆասիեն։
Ըստ վերջինիս՝ ներկա իրավիճակի դրական տեղաշարժի համար «առավել իրատեսական է Ադրբեջանին հայկական զորամիավորումների կողմից վերահսկվող տարածքների վերադարձը, անվտանգության երաշխավորությամբ Լեռնային Ղարաբաղի ժամանակավոր կարգավիճակի մշակումը, որն ընդունել է թե՛ Բաքվի, թե՛ Երևանի համար»։ «Խնդրի այլ կողմն այժմ լուծելի չէ, և միայն 5-10 կամ 15 տարի անց ադրբեջանական համայնքին ԼՂՀ-ը վերադարձնելուց հետո հնարավոր է Լեռնային Ղարաբաղի ժողովրդի ինքնորոշումը»,- մեջբերել է ֆրանսիացի համանախագահի բառերը Независимая газета-ն։
Այդ առաջարկի շուրջ իր աջակցությունն է հայտնել նաև ԵԱՀԿ ՄԽ ամերիկացի համանախագահ Մեթյու Բրայզան, ով հիշեցրել է Բեռլինյան պատի փլուզման մասին, ինչը «երկար ժամանակ անհնարին է համարվել»։
«Մենք հասկանում ենք Ղարաբաղի հայերի մտավախությունները, ովքեր, ելնելով անվտանգության նկատառումներից, չեն ցանկանում վերադարձնել վերահսկվող տարածքները, բայց չէ՞որ այդ ամենը կկատարվի միջազգային երաշխավորությունների ներքո, այլ ոչ թե միայն Ադրբեջանի»,- նշել է Բրայզան։
Tert.am
Վիշապ-ի խոսքերից
Մեջբերել
Էջանիշներ