Վաշինգթոնը սպառնում է Ադրբեջանին ճանաչել Լեռնային Ղարաբաղի անկախությունը
Պաշտոնական Վաշինգթոնը, փաստորեն, Ադրբեջանին վերջնագիր է ներկայացրել՝ հասկացնելով, որ եթե «ադրբեջանցիները Լեռնային Ղարաբաղում ռազմական գործողության փորձ իրականացնեն, ապա ԱՄՆ–ը կճանաչի Լեռնային Ղարաբաղի անկախությունը»։
Այս մասին երեքշաբթի հայտարարել է ընդդիմադիր ադրբեջանական Yeni Musavat կուսակցությունը՝ սույն տեղեկատվությունը զետեղելով իր կայքում, հաղորդում է newsru.com–ը։
Բաքվում պնդում են, որ ԱՄՆ պետքարտուղարի օգնական Թինա Քեյդենաուն պատասխանել է վերջին շրջանում հաճախակի դարձած պաշտոնական Բաքվի ռազմատենչ հայտարարություններին։ Ավելին, ըստ նույն աղբյուրների, ամերիկացիները պնդում են, որ գիտեն, թե Ադրբեջանը պատերազմի է պատրաստվում։
Դիտորդների կարծիքով, Ադրբեջանի ռազմական հռետորությունը կապված է այն փաստի հետ, որ ղարաբաղյան հակամարտության շուրջ տարվող բանակցությունների ընթացքում չի քննարկվում Լեռնային Ղարաբաղի տարածքային ամբողջականության հարցը, ինչպես դա պահանջում է Իլհամ Ալիևը։
«Նոր տարածաշրջան» լրատվական գործակալությունը, անդրադառնալով այս թեմային, կարևոր փաստ է ընդգծում՝ Թինա Քեյդենաուն մինչ ներկայիս պաշտոնը զբաղեցնելը աշխատել է ԱՄՆ հատուկ ներկայացուցիչ Կոսովոյում, և համարվում է «կոսովյան սցենարի հիմնական ճարտարապետներից մեկը»։
Մեջբերել
Էջանիշներ