Հըըը՞Ներսես_AM-ի խոսքերից
Բանսարկություն ես անու՞մ
Եթե ես կոնկրետ օգտատիրոջ հասցեին ցանկանայի ինչ-որ բան գրել, ապա քո "միջազգային կոչերին" չէի նայելու և կգրեի ինչ-որ կցանկանայի և ճիշտ կհամարեի։
Կոնկրետ անուններ և գրառումներ չեմ նշել, քանզի նման երևույթներն անձնավորելն անիմաստ է։
Հ․Գ․
2025-ին այս թեմայում էլի կշարունակեք թեժ գրել և պրոբլեմներին "լուրջ" լուծումներ առաջարկել ու քննարկել, բայց էդ անգամ առանց ինձ ․․․
Վերջին խմբագրող՝ Varzor: 27.11.2020, 03:23:
Լոխ մունք ենք, մնացածը` լոխ են...
Փաստորեն լկտի սուտ էլի, Ներս ջան։
StrangeLittleGirl (27.11.2020)
Ողջույն Տիրան ջան։ Հաջորդ գրառմանս մեջ գրել եմ ինչի եմ տենց կարծում։
Գրել եմ էլի, Ներսես ջան։
Պատերազմի 40 օրվա ընթացքում ես աշխատում էի օրեկան 18-20 ժամ, որովհետև ամեն օր սպասում էի ծանուցման, ու պաշտոնական տեղեկատվությամբ սահմանափակված չլինելով, ու տարբեր ռազմական օնլայն քարտեզներից, բլոգներից ու վերլուծականներից ժամ առ ժամ տեղյակ լինելով ռազմաճակատի դրությանը, համոզված էի, որ չեմ վերադառնալու։ Իսկ էստեղ ես 2 մանկահասակ երեխա ունեմ, ու մոտ 10 000$ վարկ։ Պետք էր հնարավորինս քիչ հոգս թողնել ընտանիքիս վրա ապագա կյանքի ընթացքում։ Ու թոքաբորբով ու ջերմությունով գիշեր-ցերեկ աշխատում էի՝ որ գնալուցս հետո գոնե մի քանի ամիս ֆինանսական խնդիրներ չունենան։ Ես չգիտեմ ինձ մեղադրողներից քանիսն են էսպիսի էքզիստենցիալ խնդրի առաջ կանգնած եղել իրենց կյանքի ընթացքում, անկեղծ ցանկանում եմ որ ոչ ոք, երբեք էդ զգացողությունները չունենա։
Չգիտես ինչու մարդկանց թվում ա, երբ բարիդրացիական հարաբերությունների մասին եմ խոսում, ասում եմ հենց վաղվա համար, երբ հաղթանակից հարբած, ու ով գիտի քանի ընկեր ու հարազատ կորցրած ադրբեջանցի զինվորները պղծում են հայկական գերեզմաններն, ու խոշտանգում գերիներին։
Իսկ իմ ասածը վերեբերվում ա առաջիկա 10-20 տարիներին, երբ էս կրքերը հանդարտեցված, ոչ թե ավելի բորբոքված կլինեն։ Իսկ թե հանդարտեցնել, թե բորբոքել կարող ենք մենք, ադրբեջանցիների հետ միասին։
Ամենաառաջին քայլը՝ վերցնել հեռախոսը, զանգել Ալիևին, տեսնել էդ մարդիկ իրո՞ք Իրևանն ու Սյունիքն են ուզում, թե մենք ենք մեզ վախեցրել տարատեսակ մանիպուլյացիաներով։ Կասեն հա, ուզում ենք, հեռախոսը կանջատենք, կսկսենք «հզորանալ» (երևի ոնց որ մինչև հիմա էինք հզորանում), կասեն չէ՝, կասենք դե եկեք երկկողմ հանդիպումների շարք սկսենք, տեսնենք ոնց ենք դուրս գալիս էս վիճակից։ Ու 10 տարի հետո բերենք վերևը շարադրածս, շատերի կողմից անհեռատեսելի համարվող վիճակին։
Որտե՞ղ ա էս ամեն ինչի ռիսկերը պատերազմելու հետ համեմատած, որ ինձ անաստված սրբապիղծ են ասում։
Վերջին խմբագրող՝ Արէա: 27.11.2020, 10:43:
Ես էս ամբողջ ինֆոն ունեմ։ Հարցն էն չի, թե Սովետի սահմանը որտեղով ա անցել, հարցն էն ա, որ էդ հանքը Հայաստանն էր շահագործում, ՀՀ բյուջե էր փողը մտնում, կարելի էր փորձել պահել, բայց դե պետություն չկա։ Հանքի կեսը սենց նվեր են տալիս ազիկներին, ու մինչև էդ լկտիաբար հերքում էին իշխանությունները, թե Ադրբեջանը մտել ա հանքի տարածք։ Սենց ամեն մի քայլն արդարացնելով, բացատրելով վերջը հասնելու ենք նրան, որ ըստ ադրբեջանական քարտեզների Սյունիքն էլ ա Ադրբեջան, Երևանն էլ, տանք, պրծնենք։Ես կեսից ներվայնացա, սաղին ուղարկեցի գրողի ծոցը։ Բայց
Փաստ 1. Սովետական սահմաններով սահմանը անցնում ա հանքի ուղիղ մեջտեղով, Գուգլ մափսը բացելով կարելի ա համոզվել։
Փաստ 2. Սոտքի հանքու ու Սոտք գյուղը իրարից բավական հեռու են։
Փաստ 3. Տարիներ առաջ ինչ որ մեկը որոշել ա Սոտք–Քարվաճառ ճանապարհի վրա մի տեղ (սովետական սահմանից ուղիղ գծով 1.5կմ հեռավորության վրա) ցուցանակ տնկի «Ազատ Արցախը ողջունում է ձեզ»։ Էս քանի օրը ինչ որ խելոքներ տանում էդ հանրահայտ դարպասը տեղադրում են էդ ցուցանակի կողքը։ Բնականաբար Ադրբեջանը պիտի գար ասեր ռադ արեք դարպասը մեր տարածքում ա։
Մնացածը սաղ հիստերիկ ու անիմաստ մանիպուլյացիաներ են։
ՈՒ էս ամեն ինչի մեջ ամենահոռին էն ա, որ մի խումբ քաջեր մինչև հիմա Հադրութի շրջանի երկու գյուղեր ու Դիզափայտ սարը, Կատարո եկեղեցով պահում են, իսկ իրենց մասին ոչ մեկ չի խոսում ու գրում։ Լաչինի շրջանը հանձնելուց հետո էլ ով գիտի կհայտնվեն ամբողջական շրջափակման մեջ
Varzor (30.11.2020)
էս զանգ կախողներից ներվերս արդեն գնաց... Ո՞ՆՑ
Պետությունն ինչի՞ համար ա, եթե սկի չի կարում իրա սահմանները պահի։ Էդ ոնցն իմ պատասխանատվություն չի, երկրի ղեկավարների պատասխանատվությունն ա
Էս էլ թվերով բոլոր նրանց համար, որ ուրախանում են, որ պատերազմից հետո վերջապես տնտեսությունը կաշխուժանա։ Դե կորսված ցորենի արտերի ու արոտավայրերի մասին չեմ էլ խոսում։
Varzor (30.11.2020)
ախպեր էս ամեն ինչի ծանր հետևանքները բոլորին հայնտին ա, միակ լուսավորվածները դուք չեք: Կենացները թարգի ու միջազգային սահմաները փոխելու մի հատ աշխատող տարբերակ ասա, կամ քաղաքական հարթակում էլ հիմա էտքան զանգ կախող կա, իրանց ասա թող մի հատ տարբերակ առաջարկեն: Ինձ հայտնի միակ տարբերակը ուժն ա, էտ էլ չունենք:
Varzor (30.11.2020)
Իսկ հնարավոր չի՞ համ հզորանալ, համ հարաբերություններ կերտել հարևանների հետ։
Էլի դարձեք ուժեղ պետություն, բայց մի քիչ ռեալիստորեն գնահատեք ձեր ուժերը, ինչ կլինի։
Ասենք սենց բաներ կարդալուց, մտածում ես՝ էս պատերազմն էլ բան չփոխեց, էլի ընկնելու ենք երազանքների ու ինքնախաբեության գիրկը․
Աղքատության մեջ ապրող երկիրը, որ սկի իր զնիվորի օրվա խնդիրը լուծել չի կարող, ռոբոտալազերային տեխնոլոգիաներով պիտի պատերազմ հաղթի։ Հա․․․ երևի մի երկու հարյուրամյակ հետո։Հաջորդ պատերազմում պիտի հնարավորինս ոչ մի մարդկային զոհ չտրվի, այլ ամբողջ մարտը վարվի հայ գիտական մտքի ստեղծած ռոբոտալազերային տեխնոլոգիաների միջոցով:
Ու սենց կոչերով էլ սերունդներ են դաստիարակվում ու բառացիորեն խաբվում։ Մենք հզոր ենք, առյուծ ենք, ազերները էշ են, «հաղթելու ենք», «հաղթելու ենք», «հաղթելու ենք»։
Աթեիստի դրած տեսանյութը շատ լավն էր։ Էդ տղան (որի անունը ի դեպ հանգիստ կարող էր ասենք Բաբկեն լինել), ահագին հույս առաջացրեց, որ էդպիսի մարդիկ կան և գուցե հեչ էլ քիչ չեն։
Ի դեպ, շատ ճիշտ նկատառում էր անում մեր ազգերի նմանության մասին։ Հիմա ինչքան էլ սրբապղծություն լինի ասածս, բայց ես մանրադիտակով էլ փնտրեմ, մի բուռ տարբերություն չեմ գտնի էս երկու ազգերի նիստուկացի, ապրելակերպի ու մտածելակերպի մեջ։ Ու իմ կարծիքով, էս կոնֆլիկտը հենց նմանության վրա է հիմնված, ոչ թե տարբերությունների․ երկուսն էլ հաստակող, թշնամուն ատող, Ղարաբաղը սիրող, կոմպրոմիսների չգնացող, ու հա, վայրենի ազգ են։
Ադրբեջանցիների բարբարոսությունների մասին որ խոսում եք, հեչ մտածե՞լ եք, թե իննսունականների պատերազմի ժամանակ հայերն ինչեր են արել էդ տարածքներում ապրող ազերների հետ։ Թե՞ մեր սուրբ ազգը ոչ մարդասպան կարող է լինել, ոչ բռնաբար։ Տարբերությունն էն է, որ էն ժամանակ ինտերնետ չկար, էդ բարբարոսությունները չէինք կարող օնլայն նայել։ Քանի հարյուրավոր ադրբեջանցի է կորցրել իր տունը նախորդ պատերազմի ժամանակ։ Դրա մասին մտածե՞լ եք։ Թե՞ նրանց տունը հաշիվ չի․ հո մեր պապական հողի վրա էր։
Երկու կտոր քարի համար իրար են ջարդում սերունդներով՝ լրիվ միանման մտածողության արդյունքում։
Ինչ անել։ Էս հարցը իհարկե մի քանի ամսում ու նույնիսկ մի քանի տարում չի լուծվելու։ Բայց պիտի սկսել ազգային մենտալիտետի վրա աշխատել, իսկ սկսել կարելի է հենց դպրոցներից, որտեղ երեխաներին օրուգիշեր նացիոնալիստական պաթոս են կերցնում՝ մենք հզոր ազգ ենք, թշնամիներին պիտի ջարդենք և այլ տեսակի լոլոներով։ Դուք էդ երեխեքին հարցրե՞լ եք, նրանք ուզո՞ւմ են թշնամի ունենալ։ Դուք էդ էրեխեքին շանս թո՞ղնում եք, որ նրանք ուզենան ճանաչել, խոսել, հասկանալ իրենց կողքին ապրող մարդկանց։
Գտեք հակառակորդ կողմում մարդկանց, ովքեր դեմ են պատերազմին, ովքեր համերաշխություն են ուզում, թիմեր կազմեք, ակցիաների գնացեք, կամ վերջին հաշվով ուղղակի խոսեք իրար հետ։ Գուցե մի երկու սերունդ հետո էս կործանարար ատելությունը սկսի նահանջել, մարդիկ սկսեն լսել իրար ու փորձեն ապրել միասին՝ հարևանություն անելով ու ոչ թե թշնամություն։ Սա հնարավոր է։
Բայց դե չէ, մենք ռոբոտալազերային պատերազմի ենք պատրաստվում։
Ես երկու կողմին էլ հասկանում եմ։
Մի կողմից, բարի-դրացիական հարաբերություններին չեմ հավատում, դրանց համար ոչ մի նախադրյալ չկա։ Եվրոպացիները երկրորդ համաշխարհայինում միմյանց կոտորելուց հետո միավորվել են զուտ այն պատճառով, որ արտաքին ուժերի դեմ իրենցից ինչ-որ բան ներկայացնեն։ Ասենք, լեհերը էլի համարում են, որ Վիլնյուսն իրենցն է, գերմանացիները երևի համարում են, որ Բրեսլաուն ու Դանցիգն իրենց են, և այլն, և այլն, բայց այսօր դրա ժամանակը չէ, աշխարհում ԱՄՆ կա, Ռուսաստան կա, Չինաստան կա, ներքին պատերազմը ձեռնտու չէ նույնիսկ հաղթող կողմին։
Մեր դեպքում նման հեռանկար չի ուրվագծվում։ Կազմել ռեգիոնալ բլոկ Թուրքիայի, Ադրբեջանի, Վրաստանի հե՞տ։ Թուրքիան չափազանց ուժեղ է, իր ուզածն է թելադրելու, ոչ մի պատճառ չունի փոխզիջման գնալու։ Պիտի Ադրբեջանի պես ընդունենք իրենց որպես մեծ եղբայր, ինչը պատմամշակութորեն մեզ համար անընդունելի է։
Մյուս կողմից, էլի Ժիրայր Լիպարիտյանի վրա հղվեմ։
https://www.aravot.am/2017/03/05/861795/
Ես ինքս պատրաստ չեմ իմ կյանքը զոհաբերել պատերազմում, հետևաբար ոչ մի բարոյական իրավունք չունեմ հող տվողին քննադատել։ Գաղթականի ասած ռոբոտային պատերազմը հիանալի է հնչում, բայց այսօրվա բան չէ։ Այսօր, եթե պատրաստ չես զիջման, պիտի պատրաստ լինես քո կյանքը տալ։ Այո, հենց քո։ Այլ տարբերակ չկա։«Ոչ մի թիզ հողը» քաղաքական տեսակետ չի: Եթե ազատամարտիկներն ու զոհված զինվորների ծնողներն են «ոչ մի թիզ հող» ասում, դա, իհարկե, հասկանալի է, բայց եթե դա ասում է մեկը, ով իր զավակներին հնարավորինս հեռու է պահել Արցախից, բանակից ու պատերազմից, դա առնվազն անբարոյականություն է: Իսկ եթե «ոչ մի թիզ հող»են ասում քաղաքական գործիչներն ու նախընտրական դաշինքների ներկայացուցիչները, թող բարի լինեն և իրենց նախընտրական ծրագրերում ազնվորեն նշեն, որ դեմ են Արցախի հարցով բանակցություններին: Իրականում դա էլ է տեսակետ և եթե դա թաքցնում ես, կնշանակի՝ շրջանցում ես Արցախի հարցը: Մանավանդ որ՝ եթե մեկի տեսակետը քննադատում ես, պարտավոր ես քո տեսակետն ու տարբերակը ներկայացնել: Իրենց տեսակետի մասին ծպտուն անգամ չեն հանում:
Ես պետական պաշտոնյա չեմ, որ լուծումներ առաջարկեմ։ Իմ առաջարկած միակ լուծումն էն ա, որ ներկայիս իշխանությունները սաղովի պիտի ռադ ըլնեն, տեղն ավելի կոմպետենտ մարդիկ գան, որ ճգնաժամային էս իրավիճակում լայվ մտնելու ու տունը ախռաննիկներով շրջապատելու փոխարեն բանակցություններ ա անում գերիներին հետ բերելու, հնարավորինս քիչ տարածքային կորուստներով դուրս գալու ու տունը կորցրած մարդկանց հնարավորինս օգնելու։ Խնդրեմ, էս մեկը դառավ միջազգային սահման։ Մյուս գյուղը դատարկվեց, որովհետև ըստ Ադրբեջանի էսինչ շրջանում ա, երրորդը դատարկվեց անվտանգության նկատառումներից, չորրորդը դատարկվեց, որտև Ադրբեջանը տենց էր ուզում։ Դուք չե՞ք հասկանում, որ Հայաստան չկա, գոյություն չունի, ինչ ուզում, անում են առանց մեզ հարցնելու։ Իսկ կառավարությունը զբաղված ա ճիշտ տեղեկությունները հերքելով ու մեղավորներ ման գալով։ Հիմա պիտի քիթ սրբելու ժամանակ չունենային, պիտի ամեն հանձնվող սանտիմետրի համար լեզու թափեին։ Ու՞ր ա։
Շատ լավ լուծում ա, ինչ խոսք։ Մի երկու անուն կասե՞ս էդ ավելի կոմպետենտ մարդկանց, ու հատկապես ո՞վ ա որոշելու իրանց ավելի կոմպետենտ լինելը։
Աթեիստ (27.11.2020)
Չէ, չեմ ասի, Նիկոլն ամենակոմպետենտն ա։
Իսկ եթե լուրջ, հազար ձևի առաջարկներ են շրջանառվում, բացի, կարդա, մասնավորապես՝ կառավարող կոմիտե ստեղծելը բոլոր քաղաքական ուժերից բաղկացած, որտեղ որոշումները կընդունվեն կոնսենսուսով, ոչ թե միանձնյա, կամ նախագահի շուրջ համախմբումը, հազար ու մի տարբերակ կա։ Կոմպետենտությունը կարելի ա որոշել, գրողը տանի, նախկինում զբաղեցրած պաշտոններով օրինակ կամ կոնկրետ փորձով կոնկրետ ոլորտում։ Հա, նախկիններից պետք չի էդքան պարանոյայի մեջ ընկնել, ցանկացած նախկին, նույնիսկ ԼՏՊ-ն հիմա ավելի լավ ա, քան Նիկոլենք։
Բայց եթե ներկայիս իշխանություններից լավ այլընտրանք չկա, ուրեմն իսկականից մեծ քաքի մեջ ենք, ընդհանրապես պետք չի գոյություն ունենանք, եթե մեր ցուցաբերած լավագույն արդյունքը Նիկոլի նման անմեղսունակն ա ու իրան անվերապահորեն աջակցող թիմը։ Խնդրեմ, գերիներ, անհետ կորածներ ու տեղահանվածներ, կորսված տարածքներ, բայց մարդը լայվ ա մտնում, գեներալի ա քֆրտում ու բացատրում, թե իրա կնիկն ինչ գործ ուներ բունկերում։
Հա, լրիվ համաձայն եմ, Թուրքիայի հետ բլոկ կազմելը բացառված ա։ Ու ստեղ ռազմահայրենասիրական հարց չի, այլ կոնկրետ էդ պետության ակունքներն ու մշակույթը։ Իրանց պետությունը կառուցված ա արյան վրա, ուրիշներին մերժելու վրա։ Ու ստեղ մենակ մենք չենք։ Թուրքիան գրեթե ամեն տասնամյակ որոշակի էթնիկ զտման պրոցեդուրայի մասնակից ա էղել։ Սկսած առաջին համաշխարհայինի ժամանակ մեր, հույների, ասորիների ցեղասպանությունով, հետո 30-ականներին ալևիների ցեղասպանությունը, 50-ականներին հայերի դեմ պոգրոմները, էս ողջ ընթացքում քրդերը։ Սրանք մենակ իմ իմացածը ստեղից-ընդեղից։ Էդ պետությունը հալով չի մնում, իրա արած հանցագործություններից ոչ մեկը չի ճանաչում, մեզնից ներողություն չի խնդրում, ուրեմն իրանց հետ դաշնակցելը կարա սարսափելի վտանգավոր լինի։
Առաջարկում եմ նայել էս վիդեոն։
Բավական մանրամասն քննարկվում ա ներկայիս իշխանությունների դիվանագիտական ու թե ում հետ պետք ա դաշնակցել։ Մասնավորապես՝ ներկայիս աշխարհաքաղաքական վիճակով պայմանավորված արևմուտքը մեզ համար դաշնակից չի, պետք ա արևելյան բլոկ ստեղծել։
Վերջին խմբագրող՝ StrangeLittleGirl: 27.11.2020, 15:17:
Ժողովուրդը ընտրությունների միջոցով։ Հիմա իրանց տրված խոստումներից լրիվ հակառակ քայլեր են արել, եթե ժողովուրդը դեռ վստահում ա՝ դե հալալ լինի իրանց, չի վստահում, ում կընտրեն, նա էլ կլինի ավելի կոմպետենտ։
StrangeLittleGirl (27.11.2020), Varzor (30.11.2020)
Այս պահին թեմայում են 1 հոգի. (0 անդամ և 1 հյուր)
Ձեր իրավունքները բաժնում
Մեջբերել
Էջանիշներ