Արցախի հիմնախնդիրը

[Tig]

Վիշապը էս հոդվածի հղումն էր տեղադրել, բայց իմ կարծիքով էնքան հաջողված վերլուծությունա, որ որոշեցի տեքստը ամբողջությամբ տեղադրել: Խորհուրդ կտամ կարդաք ու ամենավերջի պարբերությունը մի 3 անգամ կարդացեք …


Մեր պատմության հայելին

Հայ քաղաքական ու պատմագիտական միտքը, մեծ հաշվով, երկու տեսակետ է ներկայացնում երիտթուրքերի կողմից Հայոց ցեղասպանության կազմակերպման փաստի և դրան հաջորդած իրադարձությունների պատճառների կապակցությամբ։ Բնականաբար, կան նաև այլ կարծիք ունեցողներ, բայց ճնշող մեծամասնությունն այն մոտեցումներն ունի, որոնք քննության կառնենք ստորև։

Մարդկանց մի խումբը (պայմանականորեն նրանց անվանենք քիրվայականներ) այն կարծիքին է, թե ցեղասպանությունը տեղի ունեցավ, քանի որ որոշ հայ արկածախնդիրներ իրենց անհնազանդ վարքագծով գրգռեցին թուրքերին՝ նրանց դիմադրելով և Ռուսաստանի հետ սեպարատ քայլերի գնալու պատրաստակամություն ցուցաբերելով։

Քիրվայականները համոզված են, որ եթե շարունակվեր այն կատարյալ (ըստ էության՝ հոտային) հնազանդությունը, որը հայերը դարեր շարունակ դրսևորել էին թուրքերի հետ հարաբերվելիս, ապա մենք անվտանգ կապրեինք ու չէինք կոտորվի։

Մյուս խումբը (պայմանականորեն նրանց անվանենք ծովիցծովականներ) ելնում է «թուրքը մնում է թուրք» սկզբունքից և գտնում, որ թուրք ժողովրդի էությունն է այդպիսին, և ցեղասպանությունն անխուսափելի էր։ Ծովիցծովականներն իրենց հերթին մեղադրում են քիրվայականներին այն տեսանկյունից, որ նրանք կղերապահպանողական հնազանդություն ցուցաբերեցին և պահանջատեր չեղան։

Նկատենք, որ երկու մոտեցումների կրող սուբյեկտներն իրենց քայլերում երրորդ ուժին ապավինելու հայեցակարգով էին առաջնորդվում և հետագայում, երբ անհաջողություն էր լինում, բնականաբար, մեղադրում էին նույն այդ երրորդ ուժին։

Քիրվայական-կղերապահպանողականները կարծում էին, որ պետք էր հնազանդությունը պահպանել այնքան, մինչև երրորդ ուժը գա և փրկի հայերին, իսկ եթե այդ արտաքին ուժը չգա, ուրեմն թուրքական լծի տակ տառապելն ու գոյությունը քարշ տալը մեր ճակատագիրն է։ Սրան հակառակ՝ ծովիցծովականները գտնում էին, որ հերիք ու բոլ եղավ թուրքերին հնազանդվել, բայց ... կրկին ապավինում էին երրորդ ուժին, որպեսզի նրա միջոցով թուրքերից ազատագրվեն ու պետություն ստեղծեն։

Ուշագրավ է, որ քիրվայականությունը, որը Արևմտյան Հայաստանի բնակչության ճնշող մեծամասնության կոդն էր, իր առաջնորդ հոգևոր հովիվների միջոցով երբեք չի դրել անկախ պետություն ստեղծելու խնդիր, ի տարբերություն «արկածախնդիրների», որոնց մի մասին, այնուամենայնիվ, հաջողվեց զրկանքների գնով ստեղծել թույլ, բայց ամեն դեպքում պետական միավոր՝ 1-ին հանրապետությունը, որն էլ իր հերթին հնարավորություն տվեց ունենալու այսօրվա անկախ Հայաստանը։

Գաղտնիք չէ, որ վերը նշված երկու մոտեցումների ներկայացուցիչները միմյանց նկատմամբ խոր ատելություն ունեն և տարակարծիք են։ Սակայն երկու խմբի ներկայացուցիչներն էլ միակարծիք են այն հարցում, որ Հայոց ցեղասպանությունը կազմակերպելու մեջ կար այլ երկրների հակահայկական դավադրություն։ Ոմանք մեղադրում են գերմանացիներին, մյուսները՝ ռուսներին, իսկ երրորդները հերսոտած են անգլիացիներից և նույնիսկ հրեաներից։ Բայց ճիշտն այն կլիներ, որ ինքներս մեզ հարց տայինք, թե ինչպե՞ս կարողացան թուրքերն առանց մեծ դիմադրության կոտորել 1,5 միլիոն հայի և տեղահանել միլիոնավոր մարդկանց։ Ինչո՞ւ կազմակերպված դիմադրություն չեղավ։ Սրանք հարցեր են, որոնք պետք է ամենայն մանրամասնությամբ քննության առնվեն ու համապատասխան եզրակացություններ արվեն։

Ըստ իս՝ թուրքական ագրեսիային չդիմադրելը հետևանք էր նաև այն բանի, որ դարեր շարունակ պետականություն չէինք ունեցել, և, հետևաբար, անվտանգության զգացողությունը բթացել էր կամ, ավելի ճիշտ, վերացել։

Թուրքական իշխանության և հայ համայնքի միջև խնդրող-միջնորդի գործառույթ կատարող Հայ Առաքելական եկեղեցին շատ մեծ դրական դեր էր կատարել հայապահպանության գործում, բայց նույն եկեղեցին ինքնապաշտպանության անընդունակ հնազանդ գառնուկ էր դարձրել հայ մարդուն, որը զենք վերցնելու ունակ չեղավ, երբ իր աչքի առաջ մորթում էին իր ընտանիքին։

Առաքելական եկեղեցին հայ գյուղացու մեջ սպանել էր նաև պետականության ձգտումը, ինչը քաղաքական իմաստով մեզ դարձրել էր թերազգ։

Նկատենք, որ Հայ Առաքելական եկեղեցին այսօր էլ նույն ձևով է իրեն պահում։ Հոգևոր դասն այժմ թուրք սուլթանին փոխարինել է ոչ լեգիտիմ հայ նախագահով, և նույն կատարյալ հնազանդությունն է ցուցաբերում իշխանությանը, անկախ երկրի քաղաքացիներից պահանջում է համանման հնազանդություն և փորձում յուրօրինակ լեգիտիմություն հաղորդել իշխանական բոլոր ապօրինություններին։ Ավելին՝ Հայ Առաքելական եկեղեցին կամաց-կամաց ինտեգրվում է գործադիր իշխանությանը և նպաստում կրոնապետության ստեղծմանը, ինչը շատ վտանգավոր է և մեզ կտանի դեպի հետամնաց միջնադար։

Մարդկության զարգացման փորձը ցույց է տալիս, որ երբ եկեղեցին ու պետությունը տարանջատված չեն լինում, ապա այնպիսի կեղտոտ համակարգեր են ստեղծվում, որոնք հետագայում պատճառ են դառնում արյունոտ հեղափոխությունների, քաղաքացիական բախումների և որից հետո երբեմն հասարակությունն ընկնում է մյուս ծայրահեղության գիրկն ու սկսում աթեիստական էթիկայով ապրել, որը նույնքան անընդունելի է, որքան սրբազան ավազակաորջի գոյությունը։

Այն Եվրոպան, որին պաշտոնապես ձգտում է ինտեգրվել ՀՀ-ն, պետության և եկեղեցու տարանջատման արդյունքում է ստեղծվել։ Քաղաքագիտական կանոն է, որ քաղաքացիական հասարակությունը չի կարող կայանալ կրոնապետության պայմաններում։ Հետևաբար, երբ խոսում ենք մեր հանրային կյանքի բարեփոխման մասին, պետք է նկատի ունենալ, որ ռեֆորմացիայի կարիք ունի նաև Հայ Առաքելական եկեղեցին։ Պետականության բացակայության պայմանների խաղի կանոններով հնարավոր չէ անկախ պետության շրջանակներում գործել ու դեռ մի բան էլ տարածել պետականազուրկ շրջանի արժեհամակարգը պետական կառույցներում։

///շարունակելի

[Tig]

Կղերականության մուտքը պետական համակարգ կվտանգի նաև ազգային անվտանգությունը։ Կղերապահպանողական կամ որ նույնն է՝ քիրվայական մտածողությունը պետականազուրկ ազգերի դավանանք է, և պատահական չէ, որ Հայաստանի առաջին հանրապետությունը կարճ կյանք ունեցավ։ Ճիշտ է, պետական մտածողության կրողներ կային (Արամ Մանուկյան, Գարեգին Նժդեհ, բանակի ղեկավարության առանձին անհատներ), սակայն նրանք այդպես էլ չհասկացված մնացին մեծամասամբ քիրվայական մտածողության ազդեցության տակ գտնվող ժողովրդի լայն շերտերի կողմից և, ըստ էության, պետական կառավարման համակարգից հեռացված էին։ Իսկ նրանք, ովքեր 1918-1920թթ. պետք է որոշումներ կայացնեին, խճճվել էին արտաքին դաշնակիցների ընտրության, ներքին կյանքի կազմակերպման ու պետության զարգացման ուղու հարցերում։

Սևրի դաշնագրի հետևից ընկած՝ առաջին հանրապետության իշխանությունները փորձում էին խուսանավել հակադիր ճամբարներում գտնվող՝ Անգլիայի գլխավորած կոալիցիայի ու բոլշևիկյան Ռուսաստանի միջև, բայց կորցրին և՛ հնարավոր բոլոր դաշնակիցներին, և՛ պետությունը։ Մնացին մենակ։

Բնականաբար, հայ քաղաքական միտքն այս ամենում մեղադրում է կա՛մ բոլշիկներին, կա՛մ անգլիացիներին։ Բայց ճիշտ կլիներ՝ առաջինը մեզ մեղադրեինք ու համապատասխան հետևություններ անեինք։ Չենք արել ու այսօր կրկին նույն սխալներն ենք գործում։

Հայերը մի կողմից ուզում են ծովից ծով Հայաստան ունենալ, բայց խուսափել բանակում ծառայելուց ու պետականաշինության ոլորտում ճիգեր գործադրելուց, իսկ մյուս կողմից ընկնում են թերարժեքության բարդույթի գիրկն ու լավ ապրելը պատկերացնում միայն քիրվայական գաղափարախոսությամբ, որի շրջանակներում կիրականանա միջին հայի՝ բանակում չծառայելու ու պետականաշինությամբ չզբաղվելու ցանկությունը, բայց նույն այդ միջին հայն, ըստ քիրվաների, պետք է մոռանա ծովից ծովի մասին։ Իմ խորին համոզմամբ՝ երկու մոտեցումներն էլ ծայրահեղական են ու ոչ իրատեսական։ Մեկի պարագայում ունենում ենք ֆրուստրացիա, իսկ մյուսի պարագայում՝ ինքնաոչնչացում։

Սևրի դաշնագրի հետ կապված գործընթացները լավագույնս են ապացուցում ասվածի ճշմարտացիությունը։ Մերոնք ուզում էին «շուստրիություն» անել ու այլոց ձեռքերով Տուն կառուցել։ Բնականաբար չստացվեց։

Պատկերացրեք, թե ի՞նչ կլինի, եթե Հայաստանն այսօր որոշի հա՛մ ՆԱՏՕ-ի, հա՛մ ՀԱՊԿ անդամ լինել (ի դեպ, Սերժ Սարգսյանը նման մի բան է ուզում անել, բոլորի համար անհասկանալի «խաղեր» է տալիս և արդյունքները տեսնում ենք)։ Այն ժամանակ մոտավորապես այդպիսի վարքագիծ են ունեցել Հայաստանի իշխանությունները, երբ մի ձեռքով Սևր էին ստորագրում, որը հակաբոլշևիկյան կոալիցիայի փաստաթուղթ էր, իսկ մյուսով՝ բոլշևիկների հետ «խաղեր» տալիս։ Դրա հետևանքով մնացինք մենակ ու հետո սկսեցինք բողոքել, թե «աշխարհը մեր դեմ է». կարծես աշխարհն էլ ուրիշ դարդ ու ցավ չուներ և առավոտյան զարթնում էր՝ հայերին վնաս տալու մտասևեռմամբ։

Սերժ Սարգսյանը հիմա նույն ոճի սխալներ է թույլ տալիս և անհուսալի ու անհասկանալի գործընկերոջ համբավ ձեռք բերում թե՛ Արևմուտքի, թե՛ Ռուսաստանի համար։ Ու հիմա որքանո՞վ է ճիշտ մեղադրել Օբամային, Մեդվեդևին ու Սարկոզիին, ովքեր կոչ են անում արագ լուծել (փաստացի՝ արագ հանձնել) Արցախի խնդիրը։ Նրանք հիմք են ընդունել Հայաստանի իշխանությունների և հայաստանյան մյուս հիմնական ուժերի մոտեցումները։ Չէ՞ որ Հայաստանի քաղաքական դաշտի ճնշող մեծամասնությունը հանձնելուց է խոսում։ Աշխարհի հզորներն էլ ասում են՝ եթե ազգովին ուզում եք զիջեք, որպեսզի լավ ապրեք, ապա մեզ մնում է միայն այդ հարցում ձեզ օգնել։

Բա ուրիշ ի՞նչ հայտարարեն ԱՄՆ–ն, ՌԴ–ն ու Ֆրանսիան, երբ Հայաստանի նախագահը հարցազրույց է տալիս ու ասում, թե պատրաստ է հաշված ժամերի ընթացքում ազատել անվտանգության գոտին և միջազգային հանրությանն ու Ադրբեջանին հաշվետվություն է տալիս ազատագրված տարածքները չբնակեցնելու մասին, իսկ նախագահի աթոռի համար փողոցային «մարտեր» մղող «էջմիածնական միաբանը» «էն գլխից» պայքարի մեջ է մտել հողերը շուտափույթ հանձնելու քիրվայական վճռականությամբ ու, ըստ էության, Հայաստանի այսօրվա վիճակի հիմնական պատճառ է համարում այն, որ Արցախում հաղթել ենք և հողեր ազատագրել։ «Հենց էդ հողերը տանք՝ Սերգո ջանը լավ կապրի»,-հայտարարում է «միաբանը», և դա Հայաստանում գնահատվում է որպես խորաթափանց ու գերիմաստուն քաղաքականության դրսևորում։ Սա՛ է մեր քաղաքական գործիչների դեմքն ու մտածողությունը, ինչի՞ մասին է խոսքը, ումի՞ց ենք բողոքում։

Պատմական զուգահեռներ անցկացնելով՝ եկեք ինքներս մեզ հարց տանք ու հասկանանք, թե ի՞նչ մեղք են գործել դրսի ուժերը Սևրի դաշնագրի ու «ֆուտբոլային» դիվանագիտության պահով։ Որ չե՞ն կռվել մեր փոխարեն, որպեսզի ապահովեն Սևրի քարտեզով մեզ հատկացված տարածքների հայկականացումը, կամ որ մեր «նախաձեռնողական» գյուլամոլությունը չե՞ն կանխել։ Բայց չէ՞ որ ոչ մի ազգ այլ ազգի համար պարտավոր չէ կռվել ու հող գրավել, իսկ հետո նվիրել այդ հողերն ու, իր պարտքը կատարածի գիտակցությամբ, գնալ տուն։ Սակայն ուշագրավ է, որ հայ քաղաքական միտքը հենց այդպես էլ պատկերացնում էր ծովից ծով Հայաստան ստեղծելու ծրագիրը։ Նուբար փաշան նույնիսկ Կիլիկիան էր պահանջում և անգամ Սևրից գոհ չէր։ Եվրոպացիներին այդ ամենը երևի մի լավ զվարճացրել է, բայց նրանք նրբանկատորեն չեն արտահայտվել՝ հասկանալով, որ ցեղասպանությունից մի կերպ փրկվածները բարոյական իրավունք ունեն պահանջներ դնելու, բայց արտաքին քաղաքականության մեջ բարոյականությունն առաջին տեղերում չէ։ Միայն «չոր» անգլիացիները մեզ ուղիղ հասկացրին, որ իրենց նավերը մեր լեռները բարձրանալ չեն կարող, ու դրա համար էլ հայ քաղաքական միտքը չի սիրում անգլիացիներին, քանի որ մշտական փորլուծով տառապող այդ «նագլի» ազգը չեկավ ու մեր փոխարեն չկռվեց թուրքերի դեմ։

Մի պահ մերոնք անգամ հույներին էին փորձում համոզել, թե ինչքան լավ կլինի, որ հույներն Աթաթուրքի դեմ մեծ ճակատ բացեն Թուրքիայի արևմտյան հատվածներում, որպեսզի արևելյան հատվածները բեռնաթափվեն թուրքական զորքից, բայց հույներն էլ «թարախ» դուրս եկան ու մտահոգված էին բացառապես սեփական ազգային խնդիրներով ու այդ լայն ճակատը չբացվեց: Իսկ մենք հույների վրա այդքա՜ն մեծ առաքելություն էինք դրել... (Սևրի դաշնագրի ու դրան նախորդած ու հաջորդած գործընթացների մասին՝ խորհուրդ կտամ կարդալ դիվանագետ Ավետիս Ահարոնյանի «Սարդարապատից մինչև Սևր և Լոզան» գիրքը. ապշեցուցիչ միամտություն է եղել մեր արտաքին քաղաքականության մեջ, ինչի համար պարզապես ամաչում եմ)։

Այն ժամանակ հայերը պահանջում էին 160 հազ. քառակուսի կիլոմետր, բայց կորցրին այն ամենի մի մասը, ինչ կար փաստացի։ Հիմա վիճակը ճիշտ հակառակն է, բայց հայերս կրկին անհասկանալի ենք մեզ պահում։ Արցախի պատերազմի արդյունքում մեր զորքը կանգնած է այն տարածքներում, որոնք փաստացի մեր վերահսկողության տակ են, բայց հայ քաղաքական միտքը և հանրության մի ստվար մասը կարծում է, որ ԼՂՀ-ի ազատագրված տարածքները պետք է հանձնել, որպեսզի լավ ապրել։

Ասել է թե՝ հայ ժողովուրդը մշտապես սխալ կոդերի մեջ է հայտնվում։ Նախկինում տարածք չունեինք, բայց առանց կռվի ուզում էինք դա ստանալ, իսկ հիմա տարածք ունենք, բայց ուզում ենք առանց կռվի դրանք հանձնել։ Համաձայնե՛ք, որ սրանք պետականազուրկ ազգի մտածողության և քաղաքական անմեղսունակության վառ օրինակներ են, և դա է պատճառը, որ պարբերաբար մնում ենք առանց դաշնակիցների ու հետո հայտարարում, թե «աշխարհը մեր դեմ է, հետևաբար պետք է զիջենք, որ փրկվենք»։ Ու այդպես զիջելով մի օր կարող ենք նաև Երևանին էլ հասնել։ Երևանը, որ հանձնենք՝ ընդհանրապես լավ կապրենք, քանի որ ոչ միայն փակ սահման չենք ունենա, այլև սահման ընդհանրապես չի լինի ու կարելի է պատկերացնել «Սերգո ջանի» կենսամակարդակի հետ կապված զարգացումները ... Հը՞։ Ի՞նչ ասեցիք, հարգելի՛ քիրվաներ։ Միգուցե այդպե՞ս շարժվենք։

Այդ կղերապահպանողական–քիրվայական մտածողությունը պետք է արմատախիլ անել մեր միջից ու քաղաքական դաշտից, եթե, իհարկե, որոշել ենք ուշացած ազգի կարգավիճակից հրաժարվել ու դառնալ ժամանակակից երկիր։ «Պահանջել ու հանձնել» մոտեցումներին պետք է փոխարինի «պահել ու զարգացնել» կոդը, որը ենթադրում է պետականաստեղծ աշխատանք և արժանապատիվ արտաքին ու ներքին քաղաքականություն։ Այս դեպքում դաշնակիցներ միշտ էլ կգտնվեն ու երբեք մենակ չենք մնա։

Անդրանիկ Թևանյան
http://7or.am/hy/news/2010-06-29/15635/

[mkofranc]

Ռուսաստանի Դաշնության արտաքին գործերի նախարար Սերգեյ Լավրովը երեկ հանդիպել է Մոսկվա այցելած Եվրոպայի խորհրդի Խորհրդարանական վեհաժողովի (ԵԽԽՎ) նախագահ Մևլութ Չավուշօղլուի հետ:

Թուրքական Anadolu գործակալության փոխանցմամբ` ՌԴ արտաքին քաղաքական գերատեսչության ղեկավարը հանդիպումից առաջ հայտարարել է, որ Ռուսաստանը ցանկանում է ԵԽԽՎ-ի հետ զարգացնել կառուցողական և երկխոսության վրա հիմնված համագործակցություն՝ նշելով, որ Չավուշօղլուի պաշտոնավարման ընթացքում ԵԽԽՎ-ն սկսել է հրաժարվել «արհեստական քաղաքականությունից»:

Սերգեյ Լավրովը, ողջունելով այդ հանգամանքը, անդրադարձել է Երկրորդ աշխարհամարտի իրողություններին՝ հայտարարելով, որ պատմությունը պետք է թողնել պատմաբաններին:

«Շատ կարևոր է` չաղավաղվեն Երկրորդ աշխարհամարտի հետ կապված պատմական իրողությունները: Պատմությունը պետք է թողնել պատմաբաններին: Իսկ քաղաքական գործիչները պետք է զբաղվեն պատմության` մեզ թողած աշխարհի կառուցմամբ»,- հայտարարել է ՌԴ արտգործնախարարը:

Tert.am

Ինչ կապ ունի այս գրառումը թեմայի հետ, ունի այնէլ ինչքան..
Ռուսները սկսում են իրենց արևին լայնամասշտաբ քաղաքականությունը , ինչպես ցեղասպանության տարիներին հիմա էլ պատմությունը կրկնվում է, բայց էլի վերջում ռուսները մեզ կդավաճանեն ու իրենք էլ կմնան կոտրած տաշտակի առջև... Իմ կարծիքով ամենաճիշտ քայլը Ռուսաստանի լծից ազատվելն է, չնայած հիմիկվա դիկտատորները լրիվ վաճառել են ռուսներին իբր թե երկրին օգնելու համար , բայց ես սրանից լավ հոտ չեմ առնում, ինչպես Ռուսաստանը դավաճանեց Իրանին, ապա մեզ կդավաճանի որ կդավաճանի, ժամանակի հարց է, միայն վախենում եմ , որ դրանից հետո ընդհանրապես մեր 30.000 քառակուսի կիլոմետրից ոչինչ չի մնա....... Ազերիների ու թուրքերի աչքը Զանգեզուրի ու Սևանա լճի վրա է , Հայաստանի կյանքի համար կարևոր և անհրաժեշտ տարածքները.... Սևանը Կովկասի ամենաջրառատ և խաղցրահամ ջրի պաշարով առաջին տեղն է զբաղեցնում, իսկ Զանգեզուրը բացի նրանից որ հիմա ապահովում է մեր բյուջեի եկամուտների առյուծի բաժինը, ունի Հանքային մեծ պաշարներ , նաև մեզ կապում է Իրանի հետ:

[mkofranc]

«Հայ պետպաշտոնյաների մեկնաբանություններից տպավորություն է ստեղծվում, որ նրանք չեն կարդում թերթեր, չեն ծանոթանում ՄԱԿ Անվտանգության խորհրդի, Եվրախորհրդարանի, ԵԱՀԿ-ի, Եվրոպայի խորհրդի բանաձևերին, համանախագահող երկրների նախագահների հայտարարություններին, որտեղ սևով սպիտակի վրա նշվում են ադրբեջանական գրավյալ տարածքների փաստերը»։ Այս մասին, ինչպես հայտնում է 1news.az-ը, հայտարարել է Ադրբեջանի ԱԳՆ պաշտոնական ներկայացուցիչ Էլհան Պոլուխովը՝ մեկնաբանելով ՀՀ փոխարտգործնախարար Շավարշ Քոչարյանի այն հայտարարությունը, որ «Ադրբեջանը պետք է դուրս բերի իր զինված ուժերը ԼՂՀ օկուպացված տարածքներից»։

«Ցավոք, այսօր Հայաստանի արտաքին քաղաքական ղեկավարությունում են մարդիկ, որոնք բավականին հեռու են ինչպես դիվանագիտությունից, այնպես էլ հենց ղարաբաղյան հակամարտության կարգավորման գործընթացից։ Երբ այսօր բանակցային գործընթացում նկատվում են որոշակի դրական շարժերի ուրվագծերը, նման հայտարարությունները անհամաձայնության մեջ են մտնում Հայաստանի ղեկավարության տեսակետի հետ»,- ասել է ադրբեջանցի պաշտոնյան։

Tert.am

[mkofranc]

Եթե հայկական կողմը շփման գծում իրեն պասիվ դրսևորի, չի բացառվում, որ ադրբեջանական կողմի ճնշումներն ավելանան։ Այսօր լրագրողների հետ հանդիպմանը նման տեսակետ հայտնեց ԼՂՀ նախկին արտգործնախարար Արման Մելքիյանը՝ նշելով, որ հայկական կողմը պետք է ողջամիտ լինի։

Խոսելով ադրբեջանական դիվերսիոն խմբի հարձակման մասին՝ Մելիքյանը նշեց, որ կատարվածում կա նաև հայկական կողմի մեղքը։ Սակայն մեղմացուցիչ հանգամանք էլ կա, քանի որ դիվերսիոն խմբի և հայ զինվորների ուժերի միջև տարբերություն է եղել։ «Այլ հարց է, որ հայ հրամանատարները պետք է հաշվի առնեին նաև այդ կարգի դեպքերը և պատրաստ լինեին։ Պետք է լուրջ հետաքննություն կատարվի՝ պարզելու, թե ինչո՞ւ են ադրբեջանցիները հենց այդ տարածքում գրոհել։ Արդյո՞ք գիտեին, որ հայկական դիրքերը թուլություն են ցուցաբերել այդ հատվածում»,- նշեց Մելիքյանը։

Ըստ բանախոսի՝ ԼՂՀ հարցում Հայաստանի ղեկավարությունը պարտավոր է քաղաքական նոր շեշտադրումներ մտցնել։ Այդ հնարավորությունը կա, սակայն ՀՀ-ն ու ԼՂՀ-ն, Մելիքյանի խոսքով, դրանից շարունակաբար չեն օգտվում։ «Ցավոք, Ղարաբաղից շատ բան կախված չէ, քանի որ քաղաքական ուղեգիծը որոշվում է Երևանում»,- նշեց նա՝ հավելելով, որ ԼՂՀ-ն շատ է ուզում մասնակցել բանակցային գործընթացին, սակայն որևէ մեկը նրան դա թույլ չի տալիս։

Միակ ուժեղ քաղաքական կազմավորումը, որն ունակ էր և պարտավոր էր քաղաքական գծի փոփոխություն պահանջել և նոր առաջարկներ ներկայացնել, Մելիքյանի խոսքով, ՀԱԿ-ն է, որը, սակայն, նույն դիրքերում է գտնվում, ինչ գործող իշխանությունը։ «Քանի այդ քաղաքական ուժը նոր մոտեցումներ չի ներկայացրել հանրությանը, պետք չէ ակնկալել իշխանափոխություն, շատ դժվար է ակնկալել քաղաքական գծի փոփոխություն, այն էլ ներսի ճնշման ներքո։ Այսօր, ավաղ, ՀԱԿ-ը գործող իշխանության իրական հենարանն է Հայաստանում»,- ընդգծեց Մելիքյանը։

Tert.am

Ղարաբաղյան պատերազմի վետերանների միությունը վաղը կանցկացնի ակցիա՝ «աշխարհազոր կազմակերպելու և ոչ մի թիզ հող չզիջելու» պահանջով։
Ակցիան տեղի կունենա ժամը 12-ին ՀՀ նախագահի նստավայրի դիմաց։

Tert.am
Հ.Գ. Ազերի <<Ազատություն>> ռադիոկայանը տեղեկացնում է որ ազերի ընդիմադիր երկու կուսակցություններ տարբեր վայրերում հանրահավաք են կազմակերպելու ի բողոք <<Մադրիդյան սկբունքների>> , իսկ մեր այսպես կոչված ընդդիմադիրները լեթարգիական քուն են մտել, երևի ընտրություններին կարթնանան....

[Tig]

.............

Ղարաբաղյան պատերազմի վետերանների միությունը վաղը կանցկացնի ակցիա՝ «աշխարհազոր կազմակերպելու և ոչ մի թիզ հող չզիջելու» պահանջով։
Ակցիան տեղի կունենա ժամը 12-ին ՀՀ նախագահի նստավայրի դիմաց։

Tert.am

........

Առաջարկում եմ միանալ ակցիաին…

[Magic-Mushroom]

Հմայակ Հովհաննիսյանը Հիտլերի օրինակից հետևություն է արել. պատերազմ կլինի

15:40 • 02.07.10


Քաղաքագետ Հմայակ Հովհաննիսյանն այսօր լրագրողների հետ հանդիպմանը նշեց, որ իրականանում են իր բոլոր կանխատեսումները. հայ-ադրբեջանական պատերազմի վերսկսման վտանգ կա։

Ըստ նրա՝ եթե հայկական կողմն զգում է, որ պատերազմի վտանգ կա և վախենում է, նշանակում է՝ պատերազմ կլինի։

Ադրբեջանական դիվերսիոն խմբի հունիսի 18-ի հարձակումը Հովհաննիսյանին անցյալից դրվագներ է հիշեցնում. «Դա նույնն էր, ինչ տեղի ունեցավ ռուս-վրացական 5-օրյա պատերազմից առաջ։ Դա նույն քայլն է, ինչ Հիտլերն արեց պատերազմից 2 ամիս առաջ՝ հետախուզական ինքնաթիռ ուղարկելով Մոսկվա»։

Հովհաննիսյանի խոսքով՝ Ադրբեջանի այդ հարձակումը մեր կողմից արժանի հակահարվածի չարժանացավ, ինչն էլ հակառակորդին կմղի պատերազմի։ «Մեզ մոտ բոլորը լավատես են, ասում են՝ լավ կլինի»,- ընդգծեց նա։

[ministr]

Մեդվեդևն էլ պակասը չի: Ես որ իր ելույթները լսում եմ, մի քանի օր հայկական լուրեր չեմ նայում, որ մեր գործիչների խոսելը չլսեմ:
Իսկ Թալեյրանի մասով երևի շփոթում ես, Մինիստր ջան. ինքը երբեք չի գնացել մի քայլի, որը կհակասեր Ֆրանսիայի պետական շահերին:

Այն բանից հետո, երբ Նապոլեոնը Ավստրիան ծնկի էր բերել, գնաց ու Ավստրիայի համար ընտիր պայմաններով հաշտության պայմանագիր ստորագրեց: Նույնիսկ Նապոլեոնն էր սրտնեղել որ իր ձեռքերը կապկպել է դրանով: Միգուցե դա պետք էր վերագրել Թալեյրանի չափից դուրս "ավստրիասեր" լինելուն բայց ինչևէ: Նապոլեոնի հաղթանակներն էլ ընտիր առիթ էին սրանից նրանից փող կլպելու, իհարկե որոշակի արտոնությունների դիմաց, որոնք կատարվում էին ի հաշիվ Ֆրանսիայի:

[mkofranc]

Այսօր լրագրողների հետ հանդիպմանը քաղաքագետ Հմայակ Հովհաննիսյանը խորհուրդ տվեց գնել Երևանի կենտրոնական գրախանութում վաճառվող «Աշխարհի ատլաս» գիրքը, վերացնել դրա տպաքանակը, որպեսզի այն Հայաստանում գտնվող օտարերկրացիների ձեռքը չընկնի։ Գնելով ատլասը՝ Հովհաննիսյանը նկատել է, որ դրանում Լեռնային Ղարաբաղի Հանրապետությունն ընդհանրապես նշված չէ։

«Ղարաբաղ գոյություն չունի ոչ մի կարգավիճակով։ Սա էլ հո Ադրբեջանը չի՞ հրատարակել, Մոսկվայում է հրատարակվել»,- վրդովված ասաց նա։

Այնուհետև նա հավելեց, որ Բաքվում հնարավոր չէ գտնել մի գրախանութ, որտեղ վաճառվող քարտեզներում Ղարաբաղը չներկայացվի Ադրբեջանի կազմում. «Սա խոսում է այն մասին, որ իրենց հասարակությունը պահանջատեր է, կոշտ դիրքորոշում է ցուցաբերում»։

Ըստ Հովհաննիսյանի՝ ցանկալի է, որ մեր հասարակությունն էլ նման պահանջատիրություն դրսևորի։

Tert.am

[Tig]

Հմայակ Հովհաննիսյանը Հիտլերի օրինակից հետևություն է արել. պատերազմ կլինի

15:40 • 02.07.10


Քաղաքագետ Հմայակ Հովհաննիսյանն այսօր լրագրողների հետ հանդիպմանը նշեց, որ իրականանում են իր բոլոր կանխատեսումները. հայ-ադրբեջանական պատերազմի վերսկսման վտանգ կա։

Ըստ նրա՝ եթե հայկական կողմն զգում է, որ պատերազմի վտանգ կա և վախենում է, նշանակում է՝ պատերազմ կլինի։

Ադրբեջանական դիվերսիոն խմբի հունիսի 18-ի հարձակումը Հովհաննիսյանին անցյալից դրվագներ է հիշեցնում. «Դա նույնն էր, ինչ տեղի ունեցավ ռուս-վրացական 5-օրյա պատերազմից առաջ։ Դա նույն քայլն է, ինչ Հիտլերն արեց պատերազմից 2 ամիս առաջ՝ հետախուզական ինքնաթիռ ուղարկելով Մոսկվա»։

Հովհաննիսյանի խոսքով՝ Ադրբեջանի այդ հարձակումը մեր կողմից արժանի հակահարվածի չարժանացավ, ինչն էլ հակառակորդին կմղի պատերազմի։ «Մեզ մոտ բոլորը լավատես են, ասում են՝ լավ կլինի»,- ընդգծեց նա։

Ժող, չգիտեմ ինչքանովա հավաստի, բայց լսել եմ, որ հայկական կողմից մոտ օրերս եղել է համարժեք՝ ու դեռ մի բան էլ ավել, պատասխան… բայց հետաքրքիրա, որ ազերիները շուխուր չեն դրել…

[Magic-Mushroom]

tig դու ճիշտ ես հեսա նայի http://news.yandex.ru/yandsearch?cl4...436.html&cat=0

[Adriano]

Ժող մի հետաքրքիր միտք. ինչպես եք կարծում արդյոք կապ չկա Քոչարյանին Հաագայի դատարան հանձնելու և ղարաբաղյան հակամարտության խնդրի միջև?Միտքս ինչումն է, ըստ ինձ ԱՄՆ բարձրագույն հովանու ներքո, աննախադեպ ճնշումների տակ Սերժենց փորձ է արվում ստիպել զիջումների գնալ: Եվ ահա ԱՄՆ պետքարտուղարը գալիս է ևս մեկ անգամ նախազգուշացնելու Սերժանտական ռեժիմին թե ինչեր են սպասվում, եթե հակամարտության կարգավորման ուղիները կանգնեցվեն ՀՀ ներկայիս վարչակազմի կողմից: Եվ ահա այդ սպասելիքներից մեը Քոչարյանի վրա մեծ գործ բացելն է, որից հետո ՀՀ լիակատար իշխանափոխությունը:

[Magic-Mushroom]

Ադրբեջանը կհայտնվի one way ticket իրավիճակում. Ռուս պատգամավոր

16:44 • 02.07.10


Ռուսաստանի Պետդումայի պատգամավոր Կոնստանտին Զատուլինը իրարամերժ տպավորություններ ունի պատերազմի վերսկման հնարավորության առնչությամբ։

«Ես չգիտեմ, գուցե աչքերս շղարշված են... ես շատ երկար հետևում եմ իրադարձություններին, ամենաքիչը 93 թվականից մշտապես հետևում եմ, թե ինչ է տեղի ունենում ղարաբաղյան հակամարտության գոտում։ Ես ամեն դեպքում կարծում եմ, որ պատերազմ չի լինի։ Կարող են լինել սադրանքներ և կարող են լինել վտանգավոր սադրանքներ, ինչպես այն, որը եղավ բոլորովին վերջերս։ Ցավոք, այդ սադրանքների հետևանքով կարող են զոհեր լինել»,- ասաց Զատուլինը այսօր Երևանում կայացած ասուլիսին։

Ըստ ռուս պատգամավորի՝ Ալիևների դինաստիան, որը իշխանության է եկել ղարաբաղյան հակամարտության արդյունքում, կրկին վտանգի չի ենթարկի իր և Ադրբեջանի ճակատագիրը։ «Պատերազմի ճակատագիրը միշտ կշեռքի նժարին է։ Պետք է շատ նպատակասլաց լինել՝ սեփական բարեկեցության հիմքերը քանդելու և անորոշ արդյունք ստանալու համար։ Չէ՞ որ պատերազմը կարող է ավարտվել տարբեր կերպ, և դա, կարծում եմ, լավ են հասկանում նաև Ադրբեջանում»,- ասաց նա։

Միաժամանակ, այս հարցում Զատուլինը տեսնում է մեկ խնդիր։ Ըստ պատգամավորի՝ ամեն անգամ ավելի ռազմաշունչ հայտարարություններ անելով՝ Ադրբեջանի իշխանությունները իրենց փակուղի են մտցնում։ «Նրանք այդ հայտարարություններն անում են Ադրբեջանում տաք գլուխների վերահսկման համար, և քանի որ որոշում չի կայացվում, նրանք գնալով ավելի սուր հայտարարություններ են անում, և դա կարող է փակուղու հանգեցնել»,- ասաց Զատուլինը։

Ռուս պատգամավորը հավելեց, որ այդ ամենը կարող է հանգեցնել one way ticket իրավիճակի, երբ այնքան շատ ես մի բանի մասին խոսում, որ պարզապես ստիպված ես քայլ անել։

«Վերջին միջադեպը, հնարավոր է, կապված էր դրա հետ։ Էլ ի՞նչ կարելի է անել։ Կարելի է ևս 200 մլն. նվիրել Լուկաշենկոյին՝ ցույց տալով Ռուսաստանին, որ մենք կտապալենք ձեր ծրագրերը նույնիսկ այնտեղ, որտեղ դուք չէիք սպասում։ Բացի նյարդայնացնելուց դա ոչնչի չի հանգեցնում»,- եզրափակեց ՌԴ Պետդումայի պատգամավորը։

[mkofranc]

tig դու ճիշտ ես հեսա նայի http://news.yandex.ru/yandsearch?cl4...436.html&cat=0

ապե իրանք քո ասած ձի հայտարարություններ շատ շատ են անում, իրանց մոտ դա խրոնիկ բնույթ է կրում, եթե ամեն օր ես հետևել նրանց կայքերին, ապա ամեն օր նույն ֆորմատով նույն հիմար մեկնաբանություններով << Հայկական կողմը խախտել է հրադադարը և այլն, և այլն>>

---------- Ավելացվել է՝ 01:41 ---------- Սկզբնական գրառումը՝ 01:22 ----------

Այսօր ղարաբաղյան հակամարտության գոտում ռազմական գործողությունների հավանականությունը մեծ է, քան երբեւէ։ Civilitas-ի կողմից կազմակերպված քննարկումների ժամանակ նման կարծիք է հայտնել զինված հակամարտությունների հարցերով հայտնի փորձագետ Ժերար Շալյանը։

Այդ համատեքստում, նշել է նա, հայկական կողմը պետք է պատրաստ լինի անսպասելի հարձակման եւ կարճաժամկետ ռազմական գործողությունների։ Նա նկատել է, որ ռմբակոծումների պետք է սպասել ոչ միայն առաջին, երկրորդ, երրորդ եւ չորրորդ գծերում, այլ նաեւ Ստեփանակերտում։ Շալյանի կարծիքով, ռազմական գործողությունները կշարունակվեն մինչեւ Ռուսաստանի միջամտությունը եւ նրա կողմից իր խաղաղապահներին Ղարաբաղում տեղակայելը։

Խոսելով Լեռնային Ղարաբաղի ինքնորոշման ապահովման հեռանկարների մասին՝ Շալյանը կոչ է արել չմոռանալ, որ ներկայիս աշխարհը երկակի ստանդարտների աշխարհ է։ «Արժե պատասխանել այն հարցին, թե կա՞ն արդյոք Ղարաբաղի անկախությամբ շահագրգիռ երկրներ»,- նշել է նա։ Փորձագետը շարունակել է, որ մի կողմից Հայաստանը պնդում է Ղարաբաղի անկախության, իսկ Ադրբեջանը՝ սահմանների անձեռնմխելիության եւ տարածքային ամբողջականության հարցում։ Սակայն հակամարտության սառեցվածությունը ձեռնտու է հայկական կողմի համար եւ հեռանկարները դարձնում է ոչ այնքան անհույս։ Այս փուլում Ղարաբաղի՝ Հայաստանի ձեռքերում մնալը Ռուսաստանի համար նշանակում է վերահսկել Ադրբեջանին՝ թույլ չտալով, որ նա 100 տոկոսով անցնի ԱՄՆ ազդեցության տակ։
news.am

[Magic-Mushroom]

Կարելի է վիրավորել, հայհոյել, շշպռել միջազգային հանրությանը. Գալուստ Սահակյանը

15:09 • 03.07.10


ԱՄՆ պետքարտուղարի այցը Հայաստան Ղարաբաղյան հիմնախնդրի լուծման հարցում հետընթացի չի հանգեցնի, ընդհակառակը՝ առաջընթաց կլինի։ Այսօր լրագրողների հետ հանդիպմանը նման տեսակետ հայտնեց ԱԺ ՀՀԿ խմբակցության ղեկավար Գալուստ Սահակյանը։

«Տեղում կքննարկվեն որոշ հարցեր։ Բայց այն հրապույրները, որ կարող են ունենալ հասարակությունը կամ քաղաքական գործիչները, թե ինչ-որ մի բան պետք է կտրուկ փոխվի, դա այդքան էլ այդպես չէ։ Պետք է ոչ ոգևորվենք, ոչ էլ տխրենք։ Համենայնդեպս, արդյունքներ կգրանցվեն»,- նշեց նա։

Անդրադառնալով այն լուրերին, թե Քլինթոնի այցի նպատակը հայկական կողմին միակողմանի զիջումների նախապատրաստելն է, Սահակյանը նշեց. «Ես կարծում եմ, որ որևէ իշխանություն միակողմանի զիջման չի գնա։ Խնդիրն այն է, որ ժողովուրդը չզիջի։ Դա մեզ համար այսօր քննարկելու հարց չէ»։

Արձագանքելով մի շարք գործիչների այն պնդումներին, թե Հայաստանի դիվանագիտությունը պարտություն է կրել՝ ՀՀԿ խմբակցության ղեկավարը նշեց. «Կարելի է, իհարկե, նաև վիրավորել, նույնիսկ հայհոյել, ինչպես ժողուրդն է ասում, մի լավ շշպռել միջազգային հանրությանը։ Սակայն դիվանագիտությունը դա չէ»։

Նա նաև նշեց, որ ավելի ուժեղ դիվանագիտություն է, երբ Սամվել Բաբայանն ասում է՝ ոչ մի թիզ հող, իսկ Կոմանդոսն ասում է, որ մենք ավելի պետք է հզորանանք։

Կլիներ շատ ուրախ,եթե չլիներ այսքան լացելու