Տեր-Մանուկ քահանա Մնացականյան-ի խոսքերից
Աթեիստ հայը հայ չէ դատարկաբանությունը զարմանալիորեն չափազանց լայն շրջանակներում արձագանք ունեցավ և որոշ մարդկանց Հայ եկեղեցուն քննադատելու առիթ տվեց, սակայն այդպես էլ Հայ եկեղեցու ներկայիս պաշտոնյաներից ոչ մեկը համարձակություն չունեցավ հայտարարելու, որ դա չի ներկայացնում Հայ առաքելական սուրբ եկեղեցու դիրքորոշումը, ինչպես դա արվեց վերջերս ռոք երաժշտության մասին հրապարակված անկապ նյութի պարագայում:
Բնականաբար ես չեմ կարող այսօրվա գործող Հայ եկեղեցու համապատասխան պաշտոնյաների փոխարեն հայտարարություններ անել, սակայն օգտվելով իմ կարծիք արտահայտելու իրավունքից ասեմ, որ մի պոռոտախոս եկեղեցական "չինովնիկի" զառանցանքի պատճառով հարկ չկա քարեր նետել Հայ եկեղեցու ուղղությամբ: Հայ եկեղեցու համար հայ են բոլոր նրանք, ում հայրը ազգությամբ հայ է` անկախ նրանից նույնիսկ ինքն իրեն հայ համարում է, թե ոչ: Ընդունված ճշմարտություն է հայոց մեջ, որ անհատի ազգային պատկանելիությունը որոշվում է իր հոր ազգային պատկանելիությամբ: Հասկանալ կարելի է նաև այն տեսակետը, համաձայն որի մարդու ազգային պատկանելիությունը որոշվում է իր մոր ազգային պատկանելիությամբ: Հայ լինելու որևէ այլ նախապայման լինել պարզապես չի կարող: Եթե ծնունդով հայ մարդը փաստաթղթերով իր ազգությունը փոխի կամ հայտարարարի թե ինքը հայ չէ, միևնույն է նա չի դադարում հայ լինելուց, նա հայ է, սակայն իր ազգությունը փոխած կամ ուրացած հայ: Նույնիսկ անհարմար է այս պարզ ճշմարտությունը քննարկման առարկա դարձնելը: Կիսագրագետ ու անպատասխանատու եկեղեցական պաշտոնյա է մի բան է ասել է սրտներիդ մոտիկ մի ընդունեք և ավելի լուրջ հարցեր քննարկենք:
Մեջբերել
Էջանիշներ