Նախօրեին ԱՄՆ-ում հասարակությանն է ներկայացվել մի փաստաթուղթ, որի իսկությունն ապացուցվելու դեպքում քրիստոնյա աշխարհը լուրջ սենսացիաների առաջ կկանգնի: Ավելին` բոլոր այն մասնագետները, փորձագետներն ու պատմաբանները, որ մինչ օրս պնդում էին, թե Հիսուս Քրիստոսը չէր կարող հետնորդներ ունենալ, փաստացի պետք է որ վերանայեն իրենց մոտեցումները: Հարվարդի համալսարանի թեոլոգիայի դպրոցի պրոֆեսոր Քերին Քինգը նախօրեին ԱՄՆ-ում ներկայացվել է հնագույն քոփթական մի մագաղաթ, որի ձեռագրում պահպանվել է ութ տողանի պսալոմ, որում իբր նշվում է, թե Հիսուս Քրիստոսը հիշատակել է կնոջը` «իմ կինը» բառերն արտաբերելով:
«ՌԻԱ Նովոստի»-ն գրում է, որ ձեռագրում նաև հիշատակվում է այն մասին, որ Հիսուսն ասում է նաև` «Կինս ունակ է դառնալ իմ աշակերտը»:
Համաձայն քրիստոնեական աղբյուրների, Հիսուսն ի սկզբանե ընտրել է 12 ամենամտերիմ աշակերտ-առաքյալներին, իսկ այնուհետ նաև ևս 70-ին, որոնց ևս առաքյալներն են անվանում: Իսկ Հիսուսին խաչելու պահին նա ունեցել է ավելի քան 500 համախոհներ:
Վաղ քրիստոնեական շրջանի ձեռագրերը մեծ մասամբ պահպանվել են քոփթական ու եգիպտական մագաղաթներում: Կոնկրետ այս, հիրավի սենսացիոն մագաղաթի մասին տեղեկատվություն, ինչպես նաև նրա սեփականատիրոջ անունները դեռևս չեն հրապարակվել: Իսկ փորձագետների նախնական ուսումնասիրությունները վկայում են, որ ներկայացվածը իրական պատմական փաստաթուղթ է:
Մեջբերել
Էջանիշներ