Վեհափառի ուշադրության տակ են բոլոր վանքերն ու եկեղեցիները. Մայր Աթոռը հերքում է հուշարձանագետին
17:35 • 19.07.11
Մայր Աթոռ Սուրբ Էջմիածնի տեղեկատվական համակարգի պատասխանատու Վահրամ քահանա Մելիքյանը, Tert.am–ի խնդրանքով մեկնաբանելով Հայկական հուշարձաններն ուսումնասիրող կազմակերպության նախագահ, պատմաբան ՍամվելԿարապետյանի հայտարարությունը, հերքեց այն տեղեկատվությունը, ըստ որի՝ Գարեգին Բ-ն ասել է, թե ինքը որևէ գործ չունի լեռներում գտնվող վանքերի և եկեղեցիների հետ:
«Արմինֆո» գործակալությանը տված հարցազրույցում Կարապետյանն ասել է, թե Սանահինի վանական համալիրի հարցը բարձրացրել է Ամենայն Հայոց կաթողիկոսի մոտ՝ առաջարկելով նոր եկեղեցիների կառուցման համար նախատեսված միջոցների թեկուզ մի մասն ուղղորդել Սանահինի խնդրի լուծմանը: Ըստ հուշարձանագետի՝ ի պատասխան՝ կաթողիկոսը հայտարարել է, որ որևէ գործ չունի լեռներում գտնվող վանքերի և եկեղեցիների հետ:
«Պաշտոնապես հերքում եմ, որ նման բան է ասվել, և պատշաճ չեմ համարում նման ճանապարհներով Հայաստանյայց առաքելական եկեղեցին վարկաբեկելը։ Ծիծաղելի է Սամվել Կարապետյանի հայտարարությունը և պատշաճ կլիներ, որ նա իր անունից խոսեր և ոչ թե վերագրումներ աներ Ամենայն Հայոց կաթողիկոսին»,– ասաց տեր Վահրամը։ Նա շեշտեց, որ կաթողիկոսի ուշադրության տակ են հայկական բոլոր վանքերն ու եկեղեցիները՝ հավելելով. «Գուցե Վեհափառը ասած լինի, որ Սանահինի վանքը Գուգարաց թեմի ենթակայության տակ է, և նա պետք է հոգ տանի Սանահինի մասին»։
Tert.am
հ.գ. ծիծաղելին գիտեք ո՞րն է, որ վեհափառին պիտի ասեն, որ նոր ինքը իմանա, որ անտերուդուզ թողնված եկեղեցիներ ունենք, որ դրանց տիրություն անել է պետք: Ու որ աչքներիս տեսածին հավատա՞նք, թե Մայր Աթոռի հերքումների՞ն: Գուցեև Կարապետյանը չափազանցացնում է, բայց փաստը այն է, որ նման անտերության մատվնած լիքը հուշարձաններ ունենք ու առավելապես եկեղեցիներ ու խաչքարեր...
Իսկ "գուցե"-ով հերքում անելը ամենածիծաղելին էր
Մեջբերել
Էջանիշներ