«Կրոն» բաժնի թեմաներից դուրս քննարկումներ

**Gayl** · 30.12.2009, 23:43

Monk-ի խոսքերից

Գումարտակ պետք չի, մեր հասարակության և պետության օժանդակությունն է պետք:

Պետության կողմով բան չեմ կարող ասել,բայց հասարակության օժանդակությունը կա միայն թե Կաթողիկոսի օժանդակությունն է պետք իրական օգնությունը:

**Ambrosine** · 30.12.2009, 23:46

Օրինակ՝ հասարակության աջակցությունը կլինի քարոզչությունը ինչպես մեր շրջապատում, այնպես էլ օտար: Հիմա յութուբի վիդեոների մեկնաբանությունները հիմնականում էսպես են՝ ամոթ, իրենք էլ կոչվում են քրիստոնյա... եթե անգլերենով լիներ գոնե Մոնկի գրառումը, կարելի էր տեղադրել որպես մեկնաբանություն, բայց էդքանը թարգմանել ա պետք

Մեկ էլ Մոնկի անունը, ազգանունը՝ որպես հեղինակ:

**Monk** · 31.12.2009, 00:03

Gayl-ի խոսքերից

Պետության կողմով բան չեմ կարող ասել,բայց հասարակության օժանդակությունը կա միայն թե Կաթողիկոսի օժանդակությունն է պետք իրական օգնությունը:

Հասարակության օժանդակությունը խիստ դիպվածային և հատուկենտ է: Իսկ Մայր Աթոռը երբեք էլ անտարբեր չի նայել այդ հարցին: Շատ հարցեր ուղղակի հրապարակայնացնելու ենթակա չեն: Բայց մեր լծակներն այս հարցում շատ չեն, դե յուրէ Երուսաղեմի եկեղեցական համայնքների առաջնորդները ներքին հարցերում անկախ են և դուրս են ճնշումներից: Մեզ երբեք չեն էլ ասում՝ լավ ենք անում, շատ դեպքերում ներքին նամակագրությունների պատասխանը ներողություն խնդրելն ու մեր պահանջների նկատմամբ համաձայնությունն է լինում, այլ կերպ չի էլ կարող լինել, քանի որ պահանջներն այս հարցերում լիովին արդարացի են: Բայց էլի շարունակում են իրենց էշը քշել: Մեր բոլոր ռեսուրսների ճնշումներն են անհրաժեշտ՝ զսպվածություն պարտադրելու համար: Հրեան թքում է հայի վրա, մեր Ընծայարանի ուսանողը պատժում է նրան դրա համար, բայց հայ ուսանողին են աքսորում երկրից: Կաթողիկոսն ի՞նչ կարող է անել, երբ որ քաղաքացիների պաշտպանը միջազգայնորեն պետական կառույցն է: