User Tag List

Էջ 2 159-ից ԱռաջինԱռաջին 1234561252102 ... ՎերջինըՎերջինը
Ցույց են տրվում 16 համարից մինչև 30 համարի արդյունքները՝ ընդհանուր 2379 հատից

Թեմա: «Կրոն» բաժնի թեմաներից դուրս քննարկումներ

  1. #16
    ^ ^ Արամ-ի ավատար
    Գրանցման ամսաթիվ
    29.10.2006
    Հասցե
    Երևան
    Գրառումներ
    4,981
    Mentioned
    4 Post(s)
    Tagged
    0 Thread(s)

    Re. Կանանց քահանայությունը

    Մոդերատորական. Անիմաստ, բովանդակություն չունեցող գրառումը ջնջվել է:
    Վերջին խմբագրող՝ Chuk: 10.09.2008, 21:01:

  2. #17
    Պատվավոր անդամ ars83-ի ավատար
    Գրանցման ամսաթիվ
    14.06.2008
    Գրառումներ
    2,966
    Mentioned
    0 Post(s)
    Tagged
    0 Thread(s)

    Re. Կանանց քահանայությունը

    Մեջբերում Մտահոգ-ի խոսքերից Նայել գրառումը
    Աստվածաշնչի մեջ գրված է որ Եկեղեցու պետք է լիինեն - դպիրներ, սարկավագներ, աբեղաներ, վարդապետներ, ծայրագույն վարդապետներ, եպիսկոպոսներ՞ ԱՅՈ կամ ՈՉ
    Քանի որ այս հարցում նշված ծառայություններից ոմանց համար պատասխանը այո է, իսկ ոմանց համար՝ ոչ, մանրամասն գրեմ։

    Դպիր – ոչ
    Սարկավագ – այո (տես Ա Տիմ. 3.1-7)
    Աբեղա – ոչ
    Վարդապետ – այո (տես Եփես. 4.11)
    Ծայրագույն վարդապետ – ոչ
    Եպիսկոպոս – այո (տես Ա Տիմ. 3.8-13)

    Սակայն, պետք է նշեմ, որ Եկեղեցին հիմնվում է Աստվածաշնչի և ս. հայրերին տրված աստվածային հայտնությւոնների (եկեղեցական ավանդույթ) վրա, և հնարավոր է, որ մնացած եկեղեցական ծառայությունները ներմուծվել են ավանդույթի վրա։ Հնարավոր է նաև, որ դրանք համապատասխանում են Աստվածաշնչում նշված այլ ծառայություններին (տես, օրինակ, Ա Կորնթ. 12.28)։ Ստույգ չեմ կարող ասել, քանի որ չգիտեմ, միգուցե, Մո՞նկը մանրամասնի։

    Բուժողը, ապաքինողը Աստված է- հետևապես կարիք կա բժիշկների՞
    Հարցը չեմ հասկանում։ Բժիշկներ, ի նկատի ունես հասարակ բժիշկների՞ն, օրինակ, քիթ–կոկորդ–ականջ։

    Աստվածաշնչում կա գրված որ պետք է խաչակնքվել ԱՅՈ կամ ՈՉ
    Ոչ։ Ինչքանով գիտեմ, սա եկեղեցական ավանդույթի հիման վրա է։ Սակայն չկա նաև գրած, որ չեն խաչակնքվել։

    շարունակեմ՞
    Ինչպես կամենաս։

    երբ պատասխանես հարցերին հետո կկարդաս քո նախորդ գրառումդ ու վստահ եմ այլևս թեման չես շարունակի
    Կարծես, թեմա չկա շարունակելու։ Իմ ասածն այն էր, որ Եկեղեցին հասարակական կազմակերպություն կամ քաղաքական ուժ չէ և նրա նպատակը պետության հասարակա–քաղաքական կյանքին մասնակցելը չէ։ Եվ համարում եմ, որ նման բան պահանջել պետք չէ Եկեղեցուց։

    իսկ "Խաչակրաց արշավանքների" նպատակների ու պատճառների մասին, ուղղակի խորհուրդ կտամ առնվազն կարդալ ԽՍՀՄ սովետական Հանրագիտարանի համապատասխան բաժինը, հետո կասես թե այն հալածյալների պաշտպանության համար էր թե "Տիրոջ սուրբ գերեզմանի" ազատագրման
    Եղավ, երբ ժամանակ ունենամ, կփորձեմ գտնել և կարդալ, չնայած որ սովետական տարիների աթեիստական տեսակետն, անշուշտ, կողմնակալ կլինի։ Բայց, եթե հիշողությունս ինձ չի դավաճանում, բացի «Տիրոջ սուրբ գերեզմանից» «նեղյալ հավատակից եղբայրներ» էլ կային, որոնք «պաշտպանության կարիք ունեին»։

  3. #18
    Պատվավոր անդամ Մտահոգ-ի ավատար
    Գրանցման ամսաթիվ
    06.03.2008
    Գրառումներ
    681
    Mentioned
    0 Post(s)
    Tagged
    0 Thread(s)

    Re. Կանանց քահանայությունը

    ինչ հետաքրքիր ձևով ես վիճաբանում.. ասում ես մի միտք հետո ինձ վերագրում մի այլ միտք ու սկսում վերլուշել այն...
    սկսեցիր նրանից որ հոգևորականները պարտավոր չեն պատշպանելու հալածյալներին.. քանի որ դրա մասին Ացետարանը ոչինչ չի ասում.. քեզ հարցրեցի համեմատության համար մի քանի բաներ որոնց մասին ավետարանը նույնպես ոչինչ չի ասում... հավանաբար միտքը չհասկացար ու հիմա էլ ասում ես որ եկեղեցին հասարակական կազմակերպություն չի և այլն և այլն, ով ասեց որ Է՞, կներես ընգեր.. բայց շատ ես խառնիխուռն մտքեր արտահայտում... ու ես ոչ ժամանակ ունեմ ոչ էլ նեռվեր որ քո միտումնավոր ու "կռուտիտոտ" մտքերը ժխտեմ.. ցույց տամ դրանց հակասությունը միմյանց.. ներող ինձ ավելի հետաքրքիր անելիքներ ունեմ..
    ..եթե դուք դժբախտ եք եղել այնքան որ չեք ապրում նրա հետ ում սիրում եք, գոնե խելացի եղեք այնքան, որ սիրեք նրան ում հետ ապրում եք...

  4. #19
    Պատվավոր անդամ ars83-ի ավատար
    Գրանցման ամսաթիվ
    14.06.2008
    Գրառումներ
    2,966
    Mentioned
    0 Post(s)
    Tagged
    0 Thread(s)

    Re. Կանանց քահանայությունը

    Մեջբերում Մտահոգ-ի խոսքերից Նայել գրառումը
    հավանաբար միտքը չհասկացար ու հիմա էլ ասում ես որ եկեղեցին հասարակական կազմակերպություն չի և այլն և այլն, ով ասեց որ Է՞, կներես ընգեր.. բայց շատ ես խառնիխուռն մտքեր արտահայտում... ու ես ոչ ժամանակ ունեմ ոչ էլ նեռվեր որ քո միտումնավոր ու "կռուտիտոտ" մտքերը ժխտեմ.. ցույց տամ դրանց հակասությունը միմյանց.. ներող ինձ ավելի հետաքրքիր անելիքներ ունեմ..
    Բարի, ես էլ իմ գործով կզբաղվեմ։ Ես չեմ ասում, թե դու այս կամ այն միտքն ես արտահայտել, ես իմ միտքն եմ արտահայտում։ Իսկ նյարդանալ պետք չէ, "витамины пропадают", ինչպես մուլտֆիլմում էր ասվում։ Լավ մնա

  5. #20
    Պատվավոր անդամ Մտահոգ-ի ավատար
    Գրանցման ամսաթիվ
    06.03.2008
    Գրառումներ
    681
    Mentioned
    0 Post(s)
    Tagged
    0 Thread(s)

    Re. Կանանց քահանայությունը

    Մեջբերում ars83-ի խոսքերից Նայել գրառումը

    Կարծես, թեմա չկա շարունակելու։ Իմ ասածն այն էր, որ Եկեղեցին հասարակական կազմակերպություն կամ քաղաքական ուժ չէ և նրա նպատակը պետության հասարակա–քաղաքական կյանքին մասնակցելը չէ։ Եվ համարում եմ, որ նման բան պահանջել պետք չէ Եկեղեցուց։»։
    սրանք հավանաբար ես եմ գրել, հա՞
    Ով է եկեղեցուց պահանջում նման բան, ես ասել եմ նման բան՞
    փակենք թեման... զահլա չկա...
    ..եթե դուք դժբախտ եք եղել այնքան որ չեք ապրում նրա հետ ում սիրում եք, գոնե խելացի եղեք այնքան, որ սիրեք նրան ում հետ ապրում եք...

  6. #21
    Պատվավոր անդամ ars83-ի ավատար
    Գրանցման ամսաթիվ
    14.06.2008
    Գրառումներ
    2,966
    Mentioned
    0 Post(s)
    Tagged
    0 Thread(s)

    Re. Կանանց քահանայությունը

    Մեջբերում Մտահոգ-ի խոսքերից Նայել գրառումը
    սրանք հավանաբար ես եմ գրել, հա՞
    Ով է եկեղեցուց պահանջում նման բան, ես ասել եմ նման բան՞
    փակենք թեման... զահլա չկա...
    Ա՜յ քեզ բան։ Ո՞րտեղ եմ գրել, որ սա քո խոսքերն են։ Սա իմ տեսակետն է, այ եղբայր, ի՛մ։ Կարո՞ղ եմ իմ տեսանկետն արտահայտել, թե՞ ոչ։ Ես այս միտքը քեզ չեմ վերագրում։ Այս պահանջը կար կողքի թեմայում տեղադրած քո հոդվածի մեջ, օրինակ, բայց, կարծում եմ, հոդվածի հեղինակը դու չես։

    Մոնկ, ներողություն քո բացած թեմայում թեմայից դուրս գրառումներ անելու համար։
    Վերջին խմբագրող՝ ars83: 10.09.2008, 22:45:

  7. #22
    Պատվավոր անդամ Մտահոգ-ի ավատար
    Գրանցման ամսաթիվ
    06.03.2008
    Գրառումներ
    681
    Mentioned
    0 Post(s)
    Tagged
    0 Thread(s)

    Re. Կանանց քահանայությունը

    Մեջբերում Monk-ի խոսքերից Նայել գրառումը
    Ընդամենը տեղեկացման կարգով ասեմ, որ Նորայր և Կյուրեղ աբեղանները ինքնակամ են թողել հոգևոր կոչումը:
    դու ճանաչում եք վերոհիշյալ անձանց՞
    խիստ կասկածում եմ ինքնակամ թողելու մասով...
    ինչևէ...

    Պատժե՞լ, թե՞ չպատժել կարգազանց միաբանին
    «Առավոտում» տպագրված «Հրամանատարների լռության հետեւանքը» հոդվածի առիթով խմբագրությունը շարունակում է արձագանքներ ստանալ: Հիշեցնենք, որ այն հատվածներ էր՝ կարգալույծ արված հոգեւորականի՝ տ. Հարություն աբեղա Հարությունյանի բաց նամակից, ուր նա ներկայացնում է իր մտահոգությունը երկու հիմնահարցի շուրջ: Սեւանի Վազգենյան դպրանոցի նախկին տեսուչը մատնանշում է հոգեւորականների պատրաստման գործընթացում առկա խնդիրները եւ Գարեգին Երկրորդ կաթողիկոսի կողմից հոգեւորականների հանդեպ դրսեւորվող քմահաճ եւ ոչ հայրական վերաբերմունքը: Խմբագրությունը նամակ է ստացել Կարինե Մարկոսյանից, ուր գրում է. «Կարգալույծ արված հայր Գարեգինին ճանաչում եմ դեռեւս ուսանողական տարիներից: Այսօր մի անձի քմահաճույքով նա զրկվել է իր՝ տարիների ընթացքում ձեռք բերած հնարավորությունից՝ հոգեւոր սպասավոր դառնալու իր ընտրած առաքելությունից: Հայր Գարեգինը Մայր աթոռի միաբան էր եւ ոչ ոք համարձակություն չունեցավ ձայն բարձրացնել ի պաշտպանություն նրա: Թեպետ այն նամակը, որ նա է գրել, կարող են ստորագրել միաբանների ճնշող մեծամասնությունը: Հոգեւոր գերագույն խորհրդում էլ աշխարհիկ անդամներից շատերը մարդիկ են, որոնց վստահված է ուսանողների ապագան եւ երկրի ճշմարտությունը: Այսօր թե նրանցից, թե բարձրաստիճան հոգեւորականներից որեւէ մեկը (վերջիններիս կարելի է հասկանալ. վախենում են վեհափառի վրեժխնդրությունից) չի հետաքրքրվել իր կյանքի լավագույն տարիները Մայր աթոռում անցկացրած երիտասարդի ճակատագրով»: «Ներկայիս իրավիճակը մի թագավորություն է հիշեցնում, ուր սանձարձակ արքան ամեն օր տեղի կամ անտեղի մահապատժի է ենթարկում իր զինվորներից մեկին: Իսկ զորքի հրամանատարները լռում են: Բայց եթե այսպես շարունակվի, այդ երկրում այլեւս ոչ մի գիտակից երիտասարդ չի ուզենա զինվոր դառնալ»,- գրել է հայր սուրբը «Առավոտին» ուղարկած նամակում: Մեկ այլ նամակում, որ ուղղված է վեհափառին, մի խումբ հավատացյալներ գրում են. «Քանի որ հոգեւոր դասը այդպիսի «ճղճիմ» հարցերով չի զբաղվում, չի խառնվում գահակալի մենաշնորհային որոշումներին, մեր պարտքը համարեցինք արձագանքելու երիտասարդ հոգեւորականի ցավին: Նույն բախտին են արժանացել մեր բոլորի կողմից սիրված ու հարգված հայր Մակարը, հայր Խորենը, հայր Մաշտոցը եւ ուրիշներ: Ուստի չենք կարող լռել՝ մինչեւ վերջ չտրվի այս հոգեւոր սպանդին... Այն ո՞ր հայրն է, որ զայրանալով որդու կարգազանցության վրա, իր ընտանիքից մեկընդմիշտ վռնդում է իր իսկ դաստիարակած զավակին: Այսպես՝ 35 հոգի: Այն ընտանիքում, որտեղ սեր կա, հարցի լուծման հազար հնարք կա: Կարգալույծ անելը, եկեղեցուց հեռացնելը պատժի լավագույն միջոցը չէ: Հավատացյալներիս վստահությունը, հավատը կորել է՝ անվստահության, միմյանց նկատմամբ ատելության, կասկածամտության մթնոլորտով ներծծված եկեղեցու նկատմամբ... Նամակի հեղինակներից երկուսը աղանդավորական խմբերից են եկել Առաքելական սուրբ եկեղեցի՝ ձեր կողմից կարգալույծ արված վարդապետի քարոզով: Դիմելով եկեղեցու հոգեւոր դասին, խնդրում ենք՝ մի՛ լռեք, արթնացեք թմբիրից, թոթափեք վախը, փոխեք ձեր փարիսեցու կերպարը, արդարությամբ դատեք... Ակնկալում ենք, որ դուք հոգեւոր գործունեության մեջ ձեզ կշրջապատեք ուսյալ հոգեւոր բանակով, իսկ պատժիչ գավազանը կփոխարինեք հոգեւոր քարոզով եւ աղոթքով»: Քանի որ թե՛ Հարություն Հարությունյանի նամակում, թե՛ այս արձագանքներում մեղադրանք է հնչեցվում Մայր աթոռի բարձրագույն մարմինների հասցեին, որոշեցինք պարզաբանումներ ստանալ Գերագույն հոգեւոր խորհրդի աշխարհիկ անդամներից, հասկանալի պատճառով շրջանցելով հոգեւորականներին: Նկատենք, որ նրանցից ոչ մեկը չի տեսել կարգալույծ արվող երիտասարդին եւ չի լսել նրան: Ռադիկ Մարտիրոսյանն այս առիթով ընդամենն ասաց. «Լսել եմ, որ այդ երիտասարդը, լինելով Հայաստանում, չի մասնակցել եկեղեցական միջոցառումներին ու կարծեմ թե հրաժեշտի նամակ է գրել: Մնացած ինֆորմացիային չեմ տիրապետում»: Իսկ Վլադիմիր Բարխուդարյանի համոզմամբ. «Դա կաթողիկոսի որոշումն է: Խորհուրդը խորհրդակցության համար է»: Վիլեն Հակոբյանը սկզբում ասաց, որ իրենք տեղեկացված չեն, սակայն քիչ անց հիշեց. «Նա կամայականություններ է անում, հանձնարարությունները չի կատարում: Հայտարարել է, որ չի ուզում հոգեւորական դառնալ (՞): Նա վարկաբեկել է Էջմիածնի բարձրագույն հոգեւորականությանը (՞): Մեզ ասացին, որ երկու անգամ հրավիրել են հոգեւոր խորհրդին, որից նա հրաժարվել է»: Հարություն Հարությունյանը վեր հանած խնդիրների լուծման համար առաջարկում է՝ կարծես պատասխանելով նաեւ խորհրդի անդամներին. «Մայր աթոռի միաբանները պետք է պատժվեն միայն Եպիսկոպոսական ժողովի համապատասխան որոշումից հետո: Մինչ այդ անհրաժեշտ է ստեղծել հատուկ հանձնախումբ, որը զբաղվելու է կանոնազանց եկեղեցականի խնդրի քննությամբ: Ցանկացած մեղադրվող միաբան պետք է հնարավորություն ստանա անձամբ ներկայանալու Եպիսկոպոսաց ժողովին եւ արտահայտելու խնդրի առնչությամբ իր տեսանկյունը»:
    aravot.am
    2006-03-10

    Ավելացվել է 4 րոպե անց
    ՀՐԱՄԱՆԱՏԱՐՆԵՐԻ ԼՌՈՒԹՅԱՆ ՀԵՏԵՎԱՆՔԸ

    Մայր աթոռի նախկին միաբանի բաց նամակը Մայր աթոռ այսօր լուրջ ճգնաժամ է ապրում: Բազմաթիվ հիմնախնդիրներից մեկն է հոգեւորականներ պատրաստելու գործընթացը, որը եկեղեցու առաքելության իրականացման կարեւոր նախապայմաններից է: Տվյալ խնդրին առիթ եմ ունեցել անձամբ առնչվելու, երբ ոչ հեռավոր անցյալում Սեւանի Վազգենյան դպրանոցի տեսուչն էի եւ միաժամանակ Գեւորգյան ճեմարանում ընդհանուր եկեղեցու պատմություն էի դասավանդում: Չափազանց տխրում ես, երբ լսում ես, որ ճեմարանականներից ոմանք, երկար տարիներ սովորելուց հետո, չնչին կարգապահական խնդիրների պատճառով հեռացվում են: Վանական դպրոցները միշտ էլ խստապահանջ են եղել, սակայն, երբ վերին օղակների հետ անձնական խնդիրներ ունենալու պատճառով ավարտական լսարաններից հիանալի երիտասարդներ են հեռացվում, ցավ ես ապրում: Ակնհայտ է, որ նշված պարագաներում տվյալ ուսանողների հանդեպ վերեւներից եկող յուրահատուկ թշնամանք կա (երեւի թե սեփական մտածելակերպ ունենալու համար), իսկ հրապարակվող պրիմիտիվ մեղադրանքները միայն պատրվակներ են: Այլապես ինչո՞ւ արտաքսվող տղաները հետապնդվում են իրենց հետագա ողջ կյանքում: Ներկայիս կաթողիկոսի կեցվածքը նման հարցերում շատ հստակ է: Սակայն ոչ միայն ուսանողներն են հայտնվում նման դժբախտ իրավիճակում, այլ նաեւ հոգեւորականները: Նրանց նկատմամբ կիրառվում է վտարման գրեթե նույն մեթոդը՝ ավելի մշակված եղանակով, որը կոչվում է հայրապետական տնօրինությամբ կարգալույծ հռչակել: Հիշենք միայն Մաշտոց աբեղա Ժոռոյանի դեպքը: Գեւորգյան ճեմարանը գերազանց առաջադիմությամբ ավարտելուց հետո նա Գարեգին Առաջին կաթողիկոսի կողմից ուղարկվեց Վիեննա, որտեղ փայլուն գնահատականներով ավարտելով աստվածաբանության ֆակուլտետը՝ ստացավ մագիստրոսի աստիճան: Թե հայ, թե ավստրիացի ականատեսների վկայությամբ, իրենց կյանքում նման սրբակենցաղ հոգեւորական եւ ազնիվ անձնավորություն երբեւէ չեն տեսել: Այսօր նա մեր եկեղեցուց վտարված է, որովհետեւ ներկայիս կաթողիկոսի կողմից կարգալույծ է արվել անհնազանդության մեղադրանքով: Նույնատիպ դեպք կատարվեց ինձ հետ: Դու որոշակի պարտականություն ունես, ասենք՝ ասպիրանտ ես համալսարանում (Հ. Հարությունյանը սովորում է Գերմանիայի Մյունսթերի համալսարանում եւ մի քանի ամսից պիտի ստանա դոկտորի կոչում- խմբ.): Հանկարծ կաթողիկոսը հիշում է քո մասին եւ կարգադրում, որ թողնես ամեն բան, գաս եւ մեկ այլ պաշտոնի անցնես: Դու ասում ես, որ ուսմանդ ավարտին գրեթե բան չի մնացել եւ պատրաստակամությունդ ես հայտնում այն վերջացնելուց հետո գալ Մայր աթոռ եւ ստանձնել պաշտոնդ: Ներկայիս հայրապետի համար նման պատասխանն անընդունելի է, հավասարազոր անձնական վիրավորանքի: Գրածդ բոլոր բացատրական նամակներդ, անգամ պրոֆեսորներիդ միջամտությունն անօգուտ է: Անձնական վիրավորանքը վերածվում է բացահայտ թշնամության, եւ ապա մի գրություն ես ստանում Էջմիածնից, ուր մոտավորապես հետեւյալն է ասվում. «եթե հենց հիմա չեկար...»: Ընկնում ես երկընտրանքի մեջ. եթե գնամ, ապա կրթությունս ջուրն է ընկնելու եւ օտարների աչքին մեր եկեղեցու պատիվն է խայտառակվելու: Իսկ եթե չգնամ, կաթողիկոսը ինձ չի ների: Որոշում ես գնալ: Երբ հասնում ես Մայր աթոռ, արդեն շատ ուշ է, հայրապետը հայտնում է, որ քեզ այլեւս կյանքում չի ներելու: Մտածում ես՝ գոնե ուսումդ վերջացնել: Երբ վերստին տեղդ ես հասնում եւ փորձում ավարտաճառիդ վրա կենտրոնանալ, հանկարծ մամուլում հրապարակվում է՝ «հնազանդության ուխտի խախտման» պատճառաբանությամբ կարգալույծ հռչակվելուդ հայրապետական հաղորդագրությունը: Մեր բոլոր եկեղեցականներն էլ գիտեն այս ամենը: Յուրաքանչյուր եպիսկոպոս լսել է հայր Մաշտոցի անարդար պատժման, անհամար ճեմարանականների անհիմն հեռացումների եւ Երուսաղեմի ընծայարանում ծեծվող աշակերտների մասին, սակայն բոլորն էլ լռում են: Ոչ Եպիսկոպոսաց դասը, ոչ Գերագույն հոգեւոր խորհուրդը, ոչ էլ Միաբանական ժողովը չեն ուզում որեւէ միջամտություն կատարել, որովհետեւ մեծամասնությունը վախենում է, ոմանք էլ անտեղյակ են ձեւանում կամ վերածվում կամակատարների: Ես վստահ եմ, որ եթե այսպես շարունակվի, ապա պատմությունը դատապարտելու է ներկայիս հոգեւոր դասին, որովհետեւ ներկայիս կաթողիկոսը, դժբախտաբար, այլեւս չի գիտակցում, որ ինքը պարզապես շեղվել է ճշմարտությունից եւ հայ եկեղեցու անվան հետ է խաղում: Շատ եմ ցավում, որ մեր եկեղեցու ներքին խոհանոցին վերաբերող խնդիրները պարտադրված եմ այսօր հրապարակելու, սակայն եթե մենք իսկապես հավակնում ենք ազգային եկեղեցի կոչումին, ապա ազգը պետք է տեղյակ լինի, թե ինչ է կատարվում եկեղեցու ծոցում եւ ինչ ճակատագրի են արժանանում մեր ժողովրդի նվիրատվություններով կրթվող երիտասարդները: ՀԱՐՈՒԹՅՈՒՆ ՀԱՐՈՒԹՅՈՒՆՅԱՆ Մայր աթոռի նախկին միաբան
    Չփորձելով ազդել ընթերցողի կարծիքի վրա՝ այնուամենայնիվ նշենք, որ հոգեւորականի ծառայությունը, մեր տեսակետից, խստագույն կարգապահություն է պահանջում, այլապես իմաստ չունի: Պատրաստակամ ենք հրապարակել նաեւ Մայր աթոռի պարզաբանումները:
    aravot.am
    2006-02-22
    Վերջին խմբագրող՝ Մտահոգ: 13.09.2008, 16:57: Պատճառ: Գրառման ավելացում
    ..եթե դուք դժբախտ եք եղել այնքան որ չեք ապրում նրա հետ ում սիրում եք, գոնե խելացի եղեք այնքան, որ սիրեք նրան ում հետ ապրում եք...

  8. #23
    Պատվավոր անդամ Մտահոգ-ի ավատար
    Գրանցման ամսաթիվ
    06.03.2008
    Գրառումներ
    681
    Mentioned
    0 Post(s)
    Tagged
    0 Thread(s)

    Re. Կանանց քահանայությունը

    Մեջբերում ars83-ի խոսքերից Նայել գրառումը
    ։ Հենց Եկեղեցին սկսել է «պաշտպանել հալածյալներին», առաջացել են խաչակրաց արշավանքներն ու նման բաներ։
    Պաշտպանել հալածյալին՝ կարող եմ հասկանալ, օրինակ, երբ մահացու վտանգ է սպառնում եղբորդ, դու էլ կյանքդ զոհում ես՝ հանուն նրա փրկության։ Հիմա դա՞ էր պահանջվում հոգևորականներից։

    ։



    ՀՈԳԵՎՈՐ ԱՌԱՋՆՈՐԴԸ՝ «ԳԱԼԱ»-Ի ՊԱՇՏՊԱՆ
    Շիրակի թեմի առաջնորդ Միքայել արքեպիսկոպոս Աջապահյանի խոսքերով՝ ինքը, որպես հոգեւորական, չի կարող լինել հալածողի կողմից: Երեկ Գյումրիի «ԳԱԼԱ» անկախ հեռուստաընկերությունը նշում էր իշխանություններին «դիմակայելու ու առճակատելու» երեք ամիսը: Ինչպես «Առավոտի» հետ զրույցում փոխանցեց հեռուստաընկերության սեփականատեր Վահան Խաչատրյանը, իրենք չեն բավարարվելու ազատ խոսքը հալածող պաշտոնյաներին լռեցնելով: Սեփականատերը նկատի ունի Գյումրիի քաղաքապետին, հարկային տեսչության պետին: Վերջինիս դեմ «ԳԱԼԱ»-ն սկսել է ինքնատիպ պայքար: Հեռուստաընկերությունը հետաքննական նյութ է պատրաստում վերոհիշյալ պաշտոնյայի գործունեության մասին, օրինակ՝ ստուգում են, թե նրա՝ բանկերից վերցրած վարկերը նպատակայի՞ն են եղել, թե՝ ոչ: Մի քանի օր է՝ «ԳԱԼԱ»-ն կոչ է անում հարկային տեսչության պետի հետ երբեւէ գործ ունեցած գյումրեցիներին օգնել իրենց՝ Մարտին Զիլֆիմյանի աշխատանքային գործունեությանը նվիրված ֆիլմաշարը առավել հետաքրքիր դարձնելու համար: Վահան Խաչատրյանի ասելով՝ արդեն իսկ մեծ թվով գյումրեցիներ արձագանքել են իրենց խնդրանքին: Հեռուստաընկերության շուրջ կատարվող իրադարձություններին արձագանքում է նաեւ Շիրակի թեմի հոգեւոր առաջնորդը, որը, ի տարբերություն այլոց, հեռուստաընկերությանը ոչ թե հնազանդվելու ու լռելու ստրկամիտ կոչեր է անում, այլ համարձակորեն պաշտպանում է հալածվողին. «Ես ազատ խոսքի կողմնակից եմ ու շատ դրական եմ գնահատում «ԳԱԼԱ» հեռուստաընկերության աշխատանքը Շիրակի մարզում: Հուսով եմ, որ այն առաջիկայում էլ կաշխատի եւ իր օգտակարությունը կբերի: TV-ն ունի իր կարծիքը, մոտեցումները եւ իրոք ուզում է հավատարիմ լինել անկախ լրատվական ալիք լինելու կոչմանը: Մենք պետք է լավ զգանք սրանից: Մարդիկ ուզում են անկախ լինել, թող անկախ լինեն, ո՞ւմ է խանգարում իրենց անկախությունը: Ինձ չի խանգարում, այնպես որ, եթե կա հալածանք, եթե ստեղծվել է մի իրավիճակ, երբ կա հալածող եւ հալածվող, նույնիսկ պետք էլ չէ ենթադրել, թե սրբազանը ում կողմն է: Բնական է, որ սրբազանը պետք է լինի հալածվողի կողմը: Բայց, անշուշտ, այստեղ պարագաներ կան, որոնց հարցում ես դատավորի դեր չեմ կարող ստանձնել: Ես չեմ կարող ասել՝ 26 միլիոն դրամ պարտքը նկարած է, թե նկարած չէ, դա իմ գործը չէ: Ես չեմ կարող ասել, թե հեռուստաաշտարակը «ԳԱԼԱ»-ինն է, քաղաքապետարանին չի պատկանում... Բայց, անշուշտ, դեպքերի զարգացումը ինձ մղում է այն համոզման, որ այս ամենը եթե կազմակերպված է, լավ չէ: Ինչո՞ւ հանկարծ հեռուստաաշտարակի հարկային պարտավորությունների մասին հիշեցին հիմա: Այս բոլորը, անշուշտ, չես կարող բացատրել զուտ օրինականության սահմաններից եւ պարզ է, որ այստեղ հարցեր կան, անդրկուլիսային խնդիրներ, որոնք մեզ տեսանելի չեն: Ինչ վերաբերում է հեռուստաընկերությանը, անշուշտ՝ եւ՛ քաղաքապետարանը, եւ՛ հարկային տեսչությունը, եւ՛ պետական մարմինները պետք է նպաստեն, որ հեռուստաընկերությունը աշխատի, ոչ թե խանգարեն: Ես այդպես եմ տեսնում պետական կառույցների դերը, եւ եթե նույնիսկ «ԳԱԼԱ»-ն ինչ-որ թերացումներ ունի, պետք է օժանդակել, որ այդ թերացումները սրբագրվեն եւ նա շարունակի իր աշխատանքը:
    Եթե 26 միլիոն դրամը նկարված է, թող պարզեն, որ այդպես է եւ մարդկանց հանգիստ թողնեն: Եթե հեռուստաաշտարակը իրոք քաղաքապետարանինը չէ, եթե նույնիսկ քաղաքապետարանինն է, թող քաղաքապետարանը այն նվիրի «ԳԱԼԱ»-ին, որ գնա աշխատի, բայց նորից եմ կրկնում՝ բացարձակապես չեմ ուզում մտնել այն ասպարեզը, որը եկեղեցունը չէ»:

    «Առավոտը» հետաքրքրվեց, թե այսպիսի համարձակ կարծիք արտահայտելու համար չե՞ն ճնշում թեմի առաջնորդին: «Իմ հանդեպ երբեւէ որեւէ ճնշում որեւէ ատյանի կողմից չի եղել: Կարծում եմ՝ չի եղել ոչ թե նրա համար, որ իրենք հարգում են իմ ազատությունը, այլ երեւի հասկանում են, որ Շիրակի թեմի առաջնորդը էն մարդը չէ, որին կարող են սպառնալ: Ես ազատ մարդ եմ եւ ազատ եմ եղել միշտ: Խորհրդային տարիներին անգամ եղել եմ ազատ: Նախորդ անգամ, երբ նույն հարցով որոշ արտահայտություններ էի արել, շատ շատերին դրանք դուր չէին եկել, բայց որեւէ մեկը չհամարձակվեց որեւէ բան ասել, ինչի համար շատ շնորհակալ եմ: Եթե կա մի ատյան, որը պետք է չորրորդ իշխանությունից ավելի անկախ լինի, դա եկեղեցին է: Ես այս քաղաքի բնակիչ եմ, այստեղ ծնված եւ մեծացած մարդ, ինձ այստեղ ժամանակավոր բնակիչ չեմ համարում եւ եթե ես նույնիսկ առաջնորդ էլ չլինեմ, էլի գյումրեցի եմ մնում, հետեւաբար եւ Գյումրիի հետ կապված ցանկացած խնդիր ինձ որպես մարդ անհանգստացնում է ու անհատական կարծիք ունենալը իմ ազատ իրավունքն է: Եվ ընդհանրապես Շիրակի մարզի բնակչությունը, մանավանդ՝ գյումրեցիները, շատ ազատամիտ են: Ո՞վ չգիտի, որ Գյումրին միշտ իր օրենքներով է ղեկավարվում, Գյումրին չի ղեկավարվել ոչ Ռուսական կայսրության օրենքներով, ոչ Առաջին հանրապետության, ոչ Սովետական միության, ոչ էլ այսօրվա Հայաստանի Հանրապետության օրենքներով: Մյուս կողմից՝ ազատամիտ լինելով հանդերձ, գյումրեցիները, շիրակցիները միտինգային ժողովուրդ չեն: Յուրաքանչյուրն իր ազատամտությունը արտահայտում է այնպես, ինչպես ինքն է ցանկանում ու այն շատ դժվար է վերածել մասսայական ազատամտության: Գյումրեցուն հնարավոր չէ ահաբեկել, գյումրեցին ոչ մեկից չի վախենում, ոչ քաղաքապետից, ոչ մարզպետից, ոչ երկրի նախագահից, ոչ էլ նույնիսկ հոգեւոր առաջնորդից... Չեմ կարծում, թե ժամանակին Ստալինից էլ վախեցած լինեն»,- ասում է Շիրակի թեմի առաջնորդը:
    aravot.am
    2008-01-16

    պոտենցիալ կարգալույծ լինելու թեկնածու է
    ..եթե դուք դժբախտ եք եղել այնքան որ չեք ապրում նրա հետ ում սիրում եք, գոնե խելացի եղեք այնքան, որ սիրեք նրան ում հետ ապրում եք...

  9. #24
    Կապելլան Monk-ի ավատար
    Գրանցման ամսաթիվ
    25.12.2007
    Տարիք
    43
    Գրառումներ
    1,608
    Բլոգի գրառումներ
    8
    Mentioned
    1 Post(s)
    Tagged
    0 Thread(s)

    Re. Կանանց քահանայությունը

    Մեջբերում Մտահոգ-ի խոսքերից Նայել գրառումը
    դու ճանաչում եք վերոհիշյալ անձանց՞
    խիստ կասկածում եմ ինքնակամ թողելու մասով...
    ինչևէ...
    Այո, ճանաչում եմ:

  10. #25
    Կապելլան Monk-ի ավատար
    Գրանցման ամսաթիվ
    25.12.2007
    Տարիք
    43
    Գրառումներ
    1,608
    Բլոգի գրառումներ
    8
    Mentioned
    1 Post(s)
    Tagged
    0 Thread(s)

    Re. Կանանց քահանայությունը

    Մեջբերում ars83-ի խոսքերից Նայել գրառումը
    Այս բաժինը մոդերատոր չունի, տեսնես ա՞յդ է պատճառը, որ այստեղի օֆ–տոպը դեռ տեղափոխված չէ քո բացած բաժինը…
    Երևի, բայց հուսամ վերջիվերջո կլուծվի այդ հարցը:

  11. #26
    Պատվավոր անդամ ars83-ի ավատար
    Գրանցման ամսաթիվ
    14.06.2008
    Գրառումներ
    2,966
    Mentioned
    0 Post(s)
    Tagged
    0 Thread(s)

    Re. Կանանց քահանայությունը

    ՀՈԳԵՎՈՐ ԱՌԱՋՆՈՐԴԸ՝ «ԳԱԼԱ»-Ի ՊԱՇՏՊԱՆ ...
    Հետաքրքիր հոդված էր։

    Մեկ անգամ էլ կարդացի գրածդ (իդեպ, պաշտոնական աղբյուրը ո՞րն է).
    Թարմ օրինակ բերեմ՞ Նորին Սրբություն, Ամենայն Հայոց Հովվապետ Տեր Տեր Գարեգին Բ-ն մի քանի օր առաջ իրեն այցելած նախկին քաղբանտարկյալներին ի պատասխան բանտում նստածների աջակցության հորդորին ասել էր "Մենք պաշտպանում ենք արդարներին այլ ոչ թե հալածյալներին" պատկերացրեցիր թե մանրամասեցնեմ թե այս միտքը ինչ է նշանակում՞
    Կաթողիկոսի միտքը այն է, կարծում եմ, որ պաշտպանում են նրանց, ովքեր անմեղ տեղն են հալածվում, կամ հալածվում են արդարության համար։ Հիմա, նա, հավանաբար չի համարում, որ այդ մարդիկ հալածվում են անարդարացիորեն, այդ պատճառով էլ չի պաշտպանում։ «ԳԱԼԱ»–յի պարագայում արքեպիսկոպոսը համարում է, որ հեռուստաընկերությունն անարդարացի է հալածվում, դրա համար էլ պաշտպանում է։ Մարդիկ տարբեր տեսակետներ ունեն։ Հո չենք կարող մեղադրել այս կամ այն տեսակետն ունենալու համար։

    Այն, ինչ որ դու ասում ես՝ պաշտպանել հալածյալին, մի քիչ մանրամասնելու կարիք ունի։ Համաձայն եմ, որ պետք է ձեռք մեկնել հալածյալին, եթե նա հալածվում է անարդարացի կերպով, արդարության համար։ Իսկ եթե մարդն, օրինակ, սպանություններ գործի և նրան փորձեն բռնել և բանտ գցել, ապա այստեղ պաշտպանելը ճիշտ չի, եթե մարդը չի զղջում իր արարքի համար։ Խնդրում եմ վերջին պարբերությունը կարդալ մեր քննարկության կոնտեքստից դուրս, որպես ընդհանուր տեսակետ։

    Հ.Գ.
    Ո՞վ չգիտի, որ Գյումրին միշտ իր օրենքներով է ղեկավարվում, Գյումրին չի ղեկավարվել ոչ Ռուսական կայսրության օրենքներով, ոչ Առաջին հանրապետության, ոչ Սովետական միության, ոչ էլ այսօրվա Հայաստանի Հանրապետության օրենքներով
    Մի տեսակ պարծենկոտության և ինքնագոհության հոտ է գալիս այս խոսքերից։ Ընդգծված մասը հեչ պարծենալու առիթ չի տալիս, կարծում եմ։

  12. #27
    Սկսնակ անդամ
    Գրանցման ամսաթիվ
    05.09.2008
    Գրառումներ
    25
    Mentioned
    0 Post(s)
    Tagged
    0 Thread(s)

    Re. Կանանց քահանայությունը

    նախ ողջունում եմ բոլորին, քանի որ առաջին անգամ պետք է գրառում անեմ այս ֆորումում....
    այս շեղված թեմայում մի քիչ էլ ես շեղվեմ, մեկ է, էլ շեղվելու տեղ չկա...
    ինչ հետաքրքիր ժողովուրդ ենք բայց մենք, նախ միշտ շեղվում ենք թեմաներից, հետո շեղվում ենք շատ կարևոր բաներից, բայց մեզանում կան մարդիկ, որ բացառություն են կազմում երբեմն ... նրանք արդեն շուրջ 6 ամիս է, ինչ չեն կարող շեղվել մի թեմայից, ու այդ թեման տեղի անտեղի բերում կապում են <<անարդար ու հալածվողների կողքին չկանգնող հոգևորականների հետ>>
    համենայն դեպս թեման ահագին հետաքրքիր էր կարդալը

  13. #28
    Պատվավոր անդամ Մտահոգ-ի ավատար
    Գրանցման ամսաթիվ
    06.03.2008
    Գրառումներ
    681
    Mentioned
    0 Post(s)
    Tagged
    0 Thread(s)

    Re. Կանանց քահանայությունը

    Մեջբերում sarkavag-ի խոսքերից Նայել գրառումը
    նախ ողջունում եմ բոլորին, քանի որ առաջին անգամ պետք է գրառում անեմ այս ֆորումում....
    այս շեղված թեմայում մի քիչ էլ ես շեղվեմ, մեկ է, էլ շեղվելու տեղ չկա...
    ինչ հետաքրքիր ժողովուրդ ենք բայց մենք, նախ միշտ շեղվում ենք թեմաներից, հետո շեղվում ենք շատ կարևոր բաներից, բայց մեզանում կան մարդիկ, որ բացառություն են կազմում երբեմն ... նրանք արդեն շուրջ 6 ամիս է, ինչ չեն կարող շեղվել մի թեմայից, ու այդ թեման տեղի անտեղի բերում կապում են <<անարդար ու հալածվողների կողքին չկանգնող հոգևորականների հետ>>
    համենայն դեպս թեման ահագին հետաքրքիր էր կարդալը
    Բարի գալուստ Սարկավագ բարեշնորհ
    Քանի որ այս թեմայում հիմնականում ես եմ շեղվել թեմայից, ենթադրում եմ որ "դիվանագիտական" տողատակերով լեցուն գրառումդ վերաբերվում էր ինձ: Հետևապես ես պատասխանեմ ու ինչքան էլ տարօրինակ թվա, կարդալով գրառումդ շատ ուրախացա, այն մեկ անգամ ևս ինձ ապացուցեց, Աստծո սպասավորների, <<անարդար ու հալածվողների կողքին չկանգնող հոգևորականների>> մասին իմ կարծիքը ճիշտ է, քանի որ եթե նույնիսկ սարկավագները դրա ամենաուժեղ հակափաստարկը համարում են այն, որ մարդիկ չեն մոռանում դրա մասին:
    Չնայած ես չեմ համարում որ <<անարդար ու հալածվողների կողքին չկանգնող հոգևորականների>> թեմայից իմ ՉՇԵՂՎԵԼԸ արդարացնում է այդ հոգևորականների նման վարմունքը, սակայն առնվազ ուրախալի է, որ նման հակափաստարկ բերելով՝ գոնե չեք ժխտում ակնառուն, ու դա ինձ հավատացնում է որ հայ հոգևորականության վարի էշելոններում դեռ կան ապագա վարդապետացուներ ու եպիսկոպոսացուներ, որոնք գոնե չեն փորձում զոհվածներին կոչել "այսպես կոչված անմեղ զոհեր"(Տ. Շահե) կամ Աստվածաշնչին հավատալու ամենամեծ ապացույցը համարում են վեցամյա "զրկանքներով"" լի իրենց ճեմարանական կյանքը(Տ. Շմավոն):
    ..եթե դուք դժբախտ եք եղել այնքան որ չեք ապրում նրա հետ ում սիրում եք, գոնե խելացի եղեք այնքան, որ սիրեք նրան ում հետ ապրում եք...

  14. #29
    Պատվավոր անդամ Մտահոգ-ի ավատար
    Գրանցման ամսաթիվ
    06.03.2008
    Գրառումներ
    681
    Mentioned
    0 Post(s)
    Tagged
    0 Thread(s)

    Re. «Կրոն» բաժնի թեմաներից դուրս քննարկումներ

    Ինչու՞ ենք գալիս եկեղեցի: Չէ՞ որ աղոթել կարելի է ցանկացած տեղ և ցանկացած պահի:

    Պատասխան - Աղոթքը միշտ և ամենուրեք ընդունելի է Աստծո կողմից: Եկեղեցի գալիս ենք Աստծոն մոտ լինելու համար: Եկեղեցին Աստծո և մարդու հանդիպման վայրն է: Եկեղեցին Աստծո տունն է, որի մեջ մշտանորոգ ներգործում է Մխիթարիչ Սուրբ Հոգին: Եկեղեցու նվիրապետական կարգը մնայուն է եկեղեցում, որը ծեսի միջոցով մարդուն առաջնորդում է առ Աստված: Ծեսը քրիստոնեական աղոթքի ձև է և Աստծո հետ հաղորդակցվելու լավագույն միջոցն է: Հայ Առաքելական Եկեղեցում յուրաքանչյուր կիրակի և տոն օրերին պատարագ է մատուցվում:
    Տ. Թովմա քահանա Անդրեասյանը
    http://araratian-tem.am/qpage.php?id=77

    ինչ որ մեկը կարող է բացատրել թե ինչ է նշանակում կարմիրով նշված նախադասությունը՞
    այս կայքի հարց ու պատասխանները կարդալիս տպավորություն է ստեղծվում, որ հոգևորականները պլան են կատարում, այն կատարում են իլահհի, իմիջիայլոց ու համարում որ ինչքան խրթին ու անիմաստ լինեն պատասխանները այնքան տպավորությունը մեծ կլինի:

    Այս մեկը ուղղակի "մտքի գոհար է"

    Հարց - Որոշ ժամանակ եղել եմ աղանդավոր, բայց հիմա այնտեղ չեմ հաճախում: Ինձ վախեցնում են, որ կգնամ դժոխք: Ես զղջում եմ, ցանկանում եմ խոստովանել քահանային, բայց չգիտեմ, թե ինչպես:

    Պատասխան -Նախ ոչ ոք չգիտի, թե ով կգնա դժոխք կամ դրախտ: Այդպիսի պատասխանատու հայտարարություն անելն իսկ մեղք է:Ինչո՞ւ չի կարելի հարել աղանդներին: Մոտավորապես այսպիսի օրինակ բերեմ: Հայրս ունի ամուր ընտանիք: Ես խախտում եմ մեր տան անդորրը եւ տուն եմ բերում մի կին, որը ժամանակին թեթեւաբարո կյանքով է ապրել: Մի՞թե այդ կնոջ հետ ամուսնանալով՝ ես գայթակղության առիթ չեմ դառնա:
    Տ. Թովմա քահանա Անդրեասյանը
    http://araratian-tem.am/qpage.php?id=77

    հարգելի սարկավագներ, հետաքրքիր կլինի լսել ձեր կարծիքը: Հիսուս ներեց Մագթաղենացուն, խաչված ավազակին դրախտ խոստացավ, իսկ հարգելի քահանան գայթակղություն ու մեղք է համարում ամուսնանալ մի կնոջ հետ որը ԺԱՄԱՆԱԿԻՆ ապրել է թեթևաբարո կյանքով, որտեղ է քրիստոնեական հանդուրժողականությունը՞ որտեղ է սերը, որտեղ է մեղավորին սխալ ճանապարհից հանելու կոչումը, արդեն մեղավորի դարձին էլ չեն հավատում մեր հոգևորականները՞
    հիշեցի Թորիկի ու քահանայի երկխոսությունը "Ես վատ բան չեմ ըներ, մեղավոր հոգի մը կազատեմ դժոխքի ճիրաններէն"...
    Փաստորեն Թորիկից մինչ մեր օրերը ոչինչ չի փոխվել...հասարակության հոգևոր բժիշկ հադիսացող քահանան մնացել է նույն տերտերը:

    Հարց - Հայ Եկեղեցին որքանո՞վ է այսօր կարողանում կատարել հայապահպանության առաքելությունը սփյուռքում։
    Պատասխան - Կարծում եմ՝ Հայ Եկեղեցին միշտ ձգտում է անշեղ մնալ Իր առաքելությունից և լավագույն ձևով իրականացնում։

    Հարգելի սարկավագներ, դուք նույնպես համարում եք որ Հայ Եկեղեցու առաքելությունը հայապահպանությունն է, թե նաև հայապահպանությունն է: Իսկ այս պատասխանի բովանդակության մասին ժամանակի առկայության դեպքում ավելի մանրամասն ու օրինակներով կգրեմ - Կիպրոսի Մեգոնյան կրթահամալիրի ողբերգական վիճակը, տարեց տարի փակվող հայկական դպրոցները սփյուռքում, ԱՄՆ և Կանադայի, հայերեն հազիվ հազ խոսող ամուսնացյալ քահանաները, ԱՄՆ-ի մեր "բարգավաճ" թեմերի եկեղեցիներում անգլիատառ բայց հայերեն լեզվով պատարագամատույցների ու աղոթագրքերի ներկայությունը - այնքան էլ համոզիչ չի դարձնում այդ "առաքելության" լավագույն իրականացումը: Բայց սրա մասին հետագայում ու ավելի մանրամասն:
    Վերջին խմբագրող՝ Մտահոգ: 17.09.2008, 17:53:
    ..եթե դուք դժբախտ եք եղել այնքան որ չեք ապրում նրա հետ ում սիրում եք, գոնե խելացի եղեք այնքան, որ սիրեք նրան ում հետ ապրում եք...

  15. #30
    Կապելլան Monk-ի ավատար
    Գրանցման ամսաթիվ
    25.12.2007
    Տարիք
    43
    Գրառումներ
    1,608
    Բլոգի գրառումներ
    8
    Mentioned
    1 Post(s)
    Tagged
    0 Thread(s)

    Re. «Կրոն» բաժնի թեմաներից դուրս քննարկումներ

    Հարգելի Մտահոգ, ես իհարկե դեմ չեմ վերոնշյալ թեմաների քննարկմանը, բայց չգիտեմ, թե ինչքանով է ճիշտ, եթե փորձեմ պարզաբանել, թե ինչ իմաստներ են անթեղված այս կամ այն հոգևորականի խոսքերի խորքում: Առավել ևս, որ, փառք Աստծո, այդ մարդիկ ողջ և առողջ են, և իրենց ասածների պարզաբանումը հենց իրենցից իմանալը մեծ խնդիր չի ներկայացնում: Դա կարելի է անել հենց տվյալ կայքէջի կոնտակտային միջոցներով կամ էլ, ծայրահեղ դեպքում, կայքէջի պատասխանատու կառույցի հետ հեռախոսով կապվելով:

Էջ 2 159-ից ԱռաջինԱռաջին 1234561252102 ... ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. «Անեկդոտներ» բաժնի թեմայից դուրս քննարկումներ
    Հեղինակ՝ Շինարար, բաժին` Անեկդոտներ
    Գրառումներ: 97
    Վերջինը: 24.06.2020, 01:19
  2. «Ճարտարապետություն» բաժնի թեմայից դուրս քննարկումներ
    Հեղինակ՝ Mephistopheles, բաժին` Ճարտարապետություն
    Գրառումներ: 249
    Վերջինը: 10.07.2018, 18:46
  3. Առանձին թեմաներից դուրս գրական քննարկումներ
    Հեղինակ՝ Շինարար, բաժին` Ստեղծագործողի անկյուն
    Գրառումներ: 233
    Վերջինը: 28.07.2017, 11:36

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •