Աշխատանքի ընդունվելու հարցազրույցներ

[impression]

Լիլ ջան ,պատկերացում չունեմ թե ինչ ֆիրմայա , մենակ զանգել եմ, ասել են ինֆորմացիոն գործակալություն ա, ու վաղը կանչել են , ետ մի տեղն էր ,որ ետ չարաբաստիկ օտար լեզուն չէր պահանջվում ,մենակ ռուսերեն ,մեկել դիպլոմ ուզեցին …

Դե ռուսերենն ու դիպլոմիդ պատճեն դնում ես թևիդ տակ ու ասված ժամից դեռ հինգ րոպե առաջ տեղ հասնում /բայց շատ շուտ չգնաս/ :

[Սերխիո]

Դե ռուսերենն ու դիպլոմիդ պատճեն դնում ես թևիդ տակ ու ասված ժամից դեռ հինգ րոպե առաջ տեղ հասնում /բայց շատ շուտ չգնաս/ :

բա ,ես էլ մտածում էի ,ետ ռուսերենը ուր տեղավորեմ , ասի ամոթ կլինի ,որ տոպրակի մեջ դնմ

[Բարեկամ]

Քեզ հաջողություն եմ մաղթում, կսափրվես, կոկիկ կհագնվես: Կխոսես հնարավորինս առանց ձայնի ելևէջների մեծ տատանումների: Ռեզյումեդ հետդ վերցրու անպայման: Մի քանի բան կարդա այն կազմակերպության մասին, ուր դիմել ես: Շատ հնարավոր ա, որ քեզ հարց տան, թե ինչքան է քո գումարային սպասելիքը: Չկոտրատվես, կոնկրետ թիվ ասա, որը մոտավոր համապատախանում է աշխատավարձի քո պատկերացումներին: Դրանից ոչ ստանալիք գումարդ կպակասի, ոչ էլ կավելանա: Ուղղակի իրենց համար պարզ կլինի, թե որքանով են իրենց հնարավորությունները համընկնում քո ակնկալիքների հետ:
Դե եթե նեղեն, անունս տուր

Էրեխեք, բայց ես զարմացած եմ
փաստորեն Հայաստանում էլ ա արդեն նույն մոդելով ընթանում, ու տենց խստոտ…

Ավելացվել է 7 րոպե անց

Իմ կարծիքն էլ գրեմ։

Նախ, աշխատանքի ընդունման հարցազրույցի գնալուց պետք է լավ հագնվել։ «Լավ» չի նշանակում շքեղ ու զարդարված, այլ մաքուր, կոկիկ, ոչ հին հագուստ՝ հնարավորինս գործնական, ու նաև համապատասխանաբար լինել մաքուր ու հարդարված դեմքով։ Լավ ու ճաշակով հագնված մարդն ավելի մեծ հավանակոնություն ունի դրական տպավորություն թողնել և զգացնել տալ, որ գործատուի առաջ մեկն է, ով արժանի է հարգալից վերաբերմունքի և ինչու ոչ, նաև գիտի իր արժեքը։ Նաև կարևոր է այնպիսի տեսք ունենալ, որ ոչ մի առանձնահատուկ դետալ՝ լինի դա հագուստի դետալ, օծանելիքի ուժեղ հոտ, թե զարդեղեն, աչքի չընկնի։ Ասում են՝ լավագույնս հագնված է այն մարդը, ում հանդիպելուց տասը րոպե հետո չես կարող հիշել, թե կոնկրետ ինչ կար նրա հագին։ Արտաքին տեսքը, անխոս, շատ կարևոր է այս հարցում... և ոչ միայն այս։

Մյուս կարևոր գործոնն այստեղ վստահությունն է։ Դա ամենևին չի ենթադրում մեծամտություն կամ անտեղի հպարտություն։ Խոսքը հենց ինքնավստահության մաին է, որն արտահայտվում է հստակ խոսքում, հանգիստ շարժուձևում ու պահվածքում, ուղիղ հայացքում, մտածված պատասխաններում։ Արտաքին տեսքն ու վստահությունն իրար հետ, կարծում եմ, արդեն իսկ գործի կեսն են։

Հարցազրույցի գնալիս՝ լավ է միշտ վերցնել ռեզյումեն, անգամ, եթե նախապես այն ուղարկվել է գործատուին։ Ռեզյումեն էլ պիտի լավ կազմված լինի՝ համապատասխան ժամանակակից ստանդարտներին։ Ամեն կոնկրետ աշխատանքի դիմելիս աժե վերանայել այն, հանել տվյալ աշճատանքին ոչ անհրաժեշտ ինֆորմացիան, ավելի ընդգծել այդ աշխատանքին համապատասխանը։ Պիտի պատրաստ լինել տեղեկատվական ու հանագմանալից պատասախաններ տալ նախկին աշխատանքային փորձից, ուսումից, հատուկ ունակություններից, որոնք նշված են ռեզյումեում։

Մի կարևոր բան, որ կոնկրետ ես միշտ անում եմ, հնարավորինս շատ ինֆորմացիա հավաքելն է տվյալ կազմակերպության մասին մինչև աշխատանքի գնալը։ Ինտերնետը այսօր տալիս է այդ հնարավորությունը։ Ցանկացած գործատուին անչափ դուր է գալիս, երբ դու շատ բան գիտես իր կազմակերպությոան մասին, ինչը նաև գործատուին ակնահայտ է դարձում քո ընդծված հետաքրքրությունը տվյալ աշխատանքի հանդեպ։

Նաև լավ կլինի ուսումնասիրել կոնկրետ այն աշխատանքը, որի համար դիմել ես, ու կարողանալ հանարվորինս ցույց տալ հարցազրույցի ժամանակ, թե քո ունակություններն ու գիտելիքները որքան լավ են համապատասխանում այդ առաջարկվող աշխատանքին։

Մի խոսքով, հարցազրույցի գնալուց առաջ արժի լավ պատրաստվել, եթե իհարկե անպայման ուզում եք ստանալ այդ աշխատանքը։

Ճիշտ այդպես:
Ու մի բան կավելացնեի:
Աննկատ պետք է համոզես, թե ինչի հատկապես հենց քեզ վերցնեն ոչ թե ուրիշին: Էդ առումով քեզ մի պահ կամ ինչ-որ տեղ դնում ես գործատուի տեղը

[Economist]

Հայաստանում լավ աշխատանքի անցնելու համար կամ պետք է ունենաս լավ հովանավոր, կամ լավ գիտելիքների բազա...
Ձեր նկարագրած ձևերը հաճախ չեն օգնում ու նույնիսկ խանգարում են կենտրոնանալ...
Եթե շատ ջանասիրաբար եք պատրաստվում, այսինքն եթե իմանում եք, որ ձեզ կանչել են հարցազրույցի ու մի երկու օր առաջ սկսվում եք պատրաստվել՝ ինֆորմացիա, գիտելիքների թարմացում, տեսքի թարմացում//, իբր հոգեբանակն պատրաստում/ինքնաներշնչում/, ապա երբ ներկայանաք հարցազրուցի ապա շատ ձգված կլինեք և ձեզ լավ չեք դրսևորի...
Եթե ինչ-որ տեղից ձեզ կանչում են հարցազրույց, կարևորը մի լարվեք ու ձեզ պահեք այնպես ինչպես միշտ Միշտ հիշեք, որ եթե դուք արժանի եք որևէ աշխատանքի, ապա անպայաման կգտնենք այն...Մտածեք, որ եթե էս մի տեղը չանցա, ապա ,ի՞նչա եղել որ, մյուս տեղը կանցնեմ, չէ որ ես արժանի եմ դրան...

[impression]

Մեծ ուշացումով ասեմ, որ սույն թեման բացելիս նկատի ունեի լուրջ կազմակերպությունները, այլ ոչ թե մի կոմպ, ինը փայատեր ու վեց կոֆե դնող ունեցող "դուքանները":

[Սերխիո]

էսօր գնացի ,բայց չհամաձայնվեցի , ներկայացուցչի աշխատանք առաջարկեցին

[Artgeo]

էսօր գնացի ,բայց չհամաձայնվեցի , ներկայացուցչի աշխատանք առաջարկեցին

Աշխատավա՞րձը

[Սերխիո]

բանը չհասավ դրան , տեստ կար լրացրեցի ,հետո կանչեցին խոսալու ու ներկայացրին աշխատանքը , հենց ասեց ներկայացուցչի անունը ասեցի չեմ ուզում ,ասեցին , դօ սվիդանյա :

[Amaru]

նոր տեսա թեման...
ինչ ասեմ... սկսեք խորհուրդներ տալը որոշ ժամանակ հետո էլ իբր ես պիտի հարցազրույցի գնամ ախր էրեխու տեսք ունեմ եթե քսվեմ, քսված էրեխու տեսք կունենամ, նենց որ էդ չի փրկի
մի բան ասեք դե վայ

[impression]

նոր տեսա թեման...
ինչ ասեմ... սկսեք խորհուրդներ տալը որոշ ժամանակ հետո էլ իբր ես պիտի հարցազրույցի գնամ ախր էրեխու տեսք ունեմ եթե քսվեմ, քսված էրեխու տեսք կունենամ, նենց որ էդ չի փրկի
մի բան ասեք դե վայ

էսքան ասել ենք, Ամառ
կարդացի՞ր ամբողջը, ոչ մի օգուտ չեղա՞վ փակե՛ք թեման...

[Amaru]

դե գիտես՝ բանն ինչն ա... ես ուզում եմ, որ հնարավորինս չափ լուրջ ընդունեն ինձ... կներեք արտահայտությանս համար՝ առաջին անգամն ա...)))

[Սերխիո]

դե գիտես՝ բանն ինչն ա... ես ուզում եմ, որ հնարավորինս չափ լուրջ ընդունեն ինձ... կներեք արտահայտությանս համար՝ առաջին անգամն ա...)))

ասա պատմական ավարտողին ո՞վ ա բանի տեղ դնում , այ Ամառ ջան

[Amaru]

ասա պատմական ավարտողին ո՞վ ա բանի տեղ դնում , այ Ամառ ջան

աչքների թայերը կհանեմ բայց չէ, էս ի՞նչ եմ խոսում... շեֆությանը սիրել ա պետք)))

[Artgeo]

բանը չհասավ դրան , տեստ կար լրացրեցի ,հետո կանչեցին խոսալու ու ներկայացրին աշխատանքը , հենց ասեց ներկայացուցչի անունը ասեցի չեմ ուզում ,ասեցին , դօ սվիդանյա :

Ներկայացուցիչը ո՞րն ա, է

[impression]

դե գիտես՝ բանն ինչն ա... ես ուզում եմ, որ հնարավորինս չափ լուրջ ընդունեն ինձ... կներեք արտահայտությանս համար՝ առաջին անգամն ա...)))

դե լավ փորձեմ մի քանի խորհուրդ տալ "առաջին անգամվա" համար
Երբ մտնես հարցազրույցի, ժպտալով բարևիր բոլորին, հարցերին պատասխանելիս նայիր աչքերին, հայացքդ մի փախցրու, երբ հրավիրեն նստելու, հարմար տեղավորվիր աթոռին, ծայրին չնստես: Ձեռքերիդ հետ աշխատիր չխաղալ, դա կմատնի հուզմունքդ: Ի դեպ, փորձիր չհուզվել, դու իրենց լավություն ես անում, թող իրենք շահագրգռված լինեն քեզ ընդունելու: Ի դեպ, հենց հիմա, ինքդ քեզ համար մի ցուցա կազմիր, թե քո կարծիքով, ինչու՞ պետք է ընտրեն հենց քեզ: նշիր առավելություններդ: Ու հետո կարդա, միանգամից ինքնավստահությունդ տեղը կգա: Եղիր հանգիստ ու անկաշկանդ, հարցերը լսիր ուշադիր, պատասխանելիս հիշիր, որ դիմացինդ նախ և առաջ քեզ ընկալում է որպես մարդ, գործի դիր անձնական հմայքդ, դու դրանից շատ ունես: