User Tag List

Էջ 4 6-ից ԱռաջինԱռաջին 123456 ՎերջինըՎերջինը
Ցույց են տրվում 46 համարից մինչև 60 համարի արդյունքները՝ ընդհանուր 85 հատից

Թեմա: Աղոթքների շտեմարան

  1. #46
    Սկսնակ անդամ Ալիք-ի ավատար
    Գրանցման ամսաթիվ
    22.06.2009
    Հասցե
    ՀՀ, ք. Աբովյան
    Գրառումներ
    61
    Mentioned
    0 Post(s)
    Tagged
    0 Thread(s)
    ԲԱՆ Ա ՍՐՏԻ ԽՈՐՔԵՐԻՑ ԽՈՍՔ ԱՍՏԾՈՅ ՀԵՏ
    Ա
    Սրտիս ողբաձայն հառաչանքների աղաղակն, ահա,
    Դէպ երկինքն ի վեր` քեզ եմ ընծայում, գաղտնատե՛ս Աստուած.
    Եւ իմ սասանեալ հոգու իղձերի պտուղն այրուող`
    Անձս տոչորող թախծութեան հրի վրայ դնելով`
    Կամքիս բուրվառով առաքում եմ քե՛զ:
    Նայի՛ր, ո՜վ գթած, հոտոտի՛ր դու այն առաւե՛լ սիրով,
    Քան պատարագը բոլորանուէր, մատուցուած ծխով ամէնառատ:
    Ընդունիր այս պարզ ու սեղմ խօսքերիս շարադրանքը դու
    Հաճութեամբ յօժար եւ ո՛չ բարկութեամբ:
    Բանաւոր զոհիս նուէրն այս սրտանց
    Մեղքերիս պարարտ ճարպի զօրութեամբ ողջակիզուելով,
    Թող որ խոհերի իմ խորհրդակիր սենեակի խորքից
    Բարձրանայ եւ քեզ հասնի անյապաղ:
    Եւ աղերսախառն երբ դատի նստեմ ես քեզ հետ, հզօ՛ր,
    Թող որ տաղտկալի չթուայ քեզ այդ,
    Ինչպէս ամբարիշտ Յակոբի ձեռքերի կարկառումն ի վեր,
    Որի դէմ բողոք է գրել Եսային
    Եւ կամ ինչպէս անիրաւութիւնը Բաբելոնի`
    Սաղմոսի եօթանասուներկուերորդ առակում ասուած:
    Այլ ընդունիր այն կամովին, ինչպէս խունկն հաճոյական,
    Որ մի ժամանակ բուրեց Սելովի խորանի մէջ այն,
    Որը նոր շուքով վերանորոգուած` Դաւիթը կանգնեց
    Յանուն գերեդարձ այն տապանակի,
    Որ նման է իմ կորուսեալ հոգու վերստին գիւտին:

    Բ
    Բայց եւ ահաւոր ձայնը հատուցման քո դատաստանի
    Վրէժխնդրութեան ձորում ուժգնապէս հնչելով ահա,
    Երկնում է իմ դէմ մարտի մաքառման գրգիռներ կրկին,
    Այժմուանից եւ իսկ զգում եմ իմ մէջ
    Էութիւնս հուզող շարժումներ ներհակ
    Ու խուռն ամբոխուող խռովութիւններ:
    Եւ չար ու բարի խորհուրդներ զինուած սուր ու սուսերով`
    Բախւում են ընդդէմ իրարու դարձեալ,
    Ինձ մահուան գերի դարձնելով համակ,
    Ինչպէս երբեմն, երբ դեռ չէր հասել քո շնորհը ինձ:
    Առաքելական դասի մէջ Պօղոսն` ընտրելագոյնը,
    Մովսէսի օրէնքն այս շնորհի հետ համեմատելով,
    Քրիստոսի բերած փրկութիւնն յաղթող է յայտարարում:
    Զի եթէ ճիշտ է, որ մօտ է Տիրոջ օրն, ինչպէս գիրքն է ասում,
    Հրապարակի մէջ Հովսափաթի եւ կամ
    Կեդրոնի հովտում նեղանձուկ,-
    Դատաստանի փոքր հանդիսատեղի եւ ժամադրավայր,
    Որոնք երկրային երեւոյթներով պատկերացնում են հանդերձեալն ինձ պարզ,
    Ապա եւ ինձ է մօտեցել յաւէտ թագաւորութիւնն մարմնացեալ Աստծոյ,
    Որը ենթակայ պիտի գտնի ինձ մեծապէս ծանր հատուցումների,
    Այն բազմապիսի մեղանչումների համար իմ բոլոր,
    Որոնք յիրաւի ամբաստանելով` դատեն ինձ պիտի աւելի սաստիկ,
    Քան թէ բարձրացող Նրա ձեռքն յուժկու,
    Որ մի ժամանակ եդովմայեցի եւ փղշտացի եւ այլ բարբարոս ազգերի զարկեց:
    Եւ, սակայն, նրանց չարչարանքները կարճատեւ եղան,
    Մինչ իմ մեղքերի պատիժը ո՛չ վերջ ունի, ո՛չ սահման:
    Վախ, գուբ, որոգայթ անճողոպրելի,-
    Ըստ մարգարէի եւ առակողի,-
    Սաստիկ տագնապով դուռս ափ առած`
    Մշտնջենական ամօթն են իրենց գծագրում արդէն:
    Եւ արդ, միայն դո՛ւ կարող ես գտնել հրաշագործ դեղեր,
    Ի կեանք կոչելու հոգիներն ամէն` մատնուած վարանման եւ տարակոյսի,
    Քաւի՛չ բոլորի, անսահմանելի բարձրութեանդ մէջ
    Քո անճառ փառքով գովուա՜ծ յաւիտեան:

    ԲԱՆ Բ ՍՐՏԻ ԽՈՐՔԵՐԻՑ ԽՈՍՔ ԱՍՏԾՈՅ ՀԵՏ
    Ա
    Քանզի մարմնաւոր շուրթերով, ահա, ուղերձ ես կարդում բարձրեալ Աստծուն,
    Որ գործերով է գրաւում միայն եւ չի կաշառւում բանաստեղծութեամբ,
    Եւ քո սրտի մէջ նայում ես դու միշտ դէպի Եգիպտոս,
    Համապատասխան քեզ ի՞նչ օրինակ դնեմ ես այստեղ, անձ իմ յանցաւոր:
    Պատժակից եմ ես քանդուած Սոդոմին,
    Պապանձուած դատախազն եմ Նինուէի,
    Սոսկալի բարբարոս` աւելի, քան տիկինն հարաւային,
    Քանանից վատթար աւելի եւ Ամաղեկից յամառ,
    Կուռքերի քաղաք անբժշկելի,
    Հին Իսրայէլի ապստամբութեան մնացած բեկոր,
    Յիշատակարան պահուած`
    Յուդայի ուխտազանցութեան:
    Կշտամբուած եմ ես աւելի, քան Ծուրը
    Եւ Ծայդանից աւելի տարամերժուած.
    Խորթաբարոյ աւելի, քան Գալիլիան,
    Եւ քան անհաւատ կափառնայումն աններելի.
    Պարսաւուած եմ ես, ինչպէս Քորազինը եւ
    Բեթսայիդայի հետ բամբասուած.
    Անպարկեշտութեան մէջ սպիտակած մազերն եմ Եփրեմի.
    Աղաւնու նման մեղմ եմ ես` յիմարութեամբ եւ ո՛չ հեզութեամբ.
    Օձ եմ ես բանաւոր եղեռնական` առիւծի կորիւններից ծնուած.
    Ժանտութեամբ լցուած քարբի ձուերի կերպարանքն ունեմ,
    Պատկերն եմ ես Երուսաղէմի վերջին հարուածների,
    Ըստ գուշակութեան տեսանողների եւ տէրունական խօսքի համաձայն:
    Կործանման հասած մերժուած տաղաւար եմ ես,
    Կրկնակի ներկուած շինուածք եմ խօսուն`
    Խորտակուած դռան ջարդուած փականքով:
    Ժառանգութիւն եմ վայելուչ թէեւ, սակայն եւ թողնուած,
    Մոռացուած տուն եմ աստուածակերտ,
    Ինչպէս ասել են Մովսէսը,
    Դաւիթն ու Երեմիան:
    Բորոտութեամբ վարակուած բանական մի տուն եմ ես`
    Ապաշխարութեան խրատին ենթարկուած,
    Օրէնքով նորոգուած եւ ծեփուած կաւով` ողոք հեզութեան,
    Բայց ճարահատուած այլեւս բուժման մի ելք գտնելուց`
    Շինողի ձեռքով կրկին քանդուած,
    Եւ հրամանով Հզօրի, իբրեւ արդար հատուցում,
    Դուրս նետուած անսուրբ մի վայր` անխնայ,
    Հեռու վտարուած եւ տարագրուած:
    Հողի տակ թաղուած դրամն եմ անպէտ`
    Աւետարանի աւանդակորոյս ուրացողի քանքարի նման:

    Բ
    Սակայն դու, ո՜վ Աստուած,
    Աստուա՛ծ հոգիների բոլոր ու մարմինների,
    Աստուածաշնորհ Մովսէսի դաւանութեամբ,
    Եւ ըստ ձայնի երկայնամիտ ու բազումողորմ սուրբ Յովնանի,-
    Տուր ինձ ուժ, որպէսզի քո օրհնեալ կամքին ի հաճութիւն
    Կարողանամ աւարտել աղօթամատեանն այս ողբերգական,
    Որ սկսել եմ ես ահաւասիկ:
    Եւ մինչ արցունքով եմ սերմանում խօսքերս
    Մեզ համար պատրաստուած օթեւաններդ տանող
    Ճանապարհի վրայ ոտք դրած պահին այս իմ,
    Թող որ, երբ հասնեմ հունձքն հաւաքելուն`
    Դառնամ բերկրալից ու երջանիկ եւ լիովին քաւուած`
    Բարի օրանների երանական արդիւնքով:
    Մի՛ տար ինձ սրտի արգանդ անորդի
    Իսրայէլի պէս,
    Եւ ոչ էլ ցամքած ստինքներ աչքի, ո՜վ ամենագութ:
    Լսի՛ր բանական աղաչաւորիս, հզօ՛ր ողորմած,
    Նախքան երկնքին, երկինքը` երկրին, երկիրը` գինուն, ցորենին, ձէթին,
    Եւ սրանք բոլորն էլ Իսրայէլին` ի՛նձ լսիր.
    Երկնաւորների աղերսը առ քեզ`
    Թող ազդի հոգուս, քան թէ տարրերին ապականացու:
    Ստեղծիչ ես դու, եւ ես ինքս` կաւ.
    Հեծեծագին այս աղօթքներիս նախամուտքում.
    Յայտնի՛ր, գթառատ, քաղցր կամքըդ ինձ` տարակուսեալիս,
    Որպէսզի այստեղ, երկրի վրայ իսկ զօրանամ ես,
    Եւ, երբ որ բացուի երկինքը վերին,
    Չլինի՛ որ ես լոյսը վայելելու անվարժ, անընտել`
    Մոմի պէս հալուեմ, սպառուեմ իսպառ, ջնջուեմ մէջտեղից:
    Սիրտ տուր զրկուածիս, ինչպէս ասողն է գոչել աղօթքով,-
    Ուժ` թալկացածիս եւ կեանք մաշուածիս խղճի խայթերից,
    Եւ ո՛չ անձկութեամբ ու չարչարանքով քեզ որոնելուց:
    Ա՛ռ մաղթանքներիս աւանդն այս եւ տուր ողորմութիւնը քո շնորհների:
    Ընդունիր դու այս փոքրը տկարիցս եւ շնորհիր մեծը հզօրիդ կողմից:
    Զղջումիս խօսքերն արա՛ զօրաւոր, մեզ ուղարկելով հոգիդ բարձունքից,
    Պատգամներով այն աստուածաշունչ, որոնք դրել եմ ես այս գրքիս մէջ:
    Հաճի՛ր, բարերա՛ր, լուսաւորելով ճշմարտապատում առակն Եսայու,
    Մատուցելու ինձ` մահուան արժանուս
    Գոյութեանս անարգաձայն պղնձի փոխարէն` շնորհիդ ոսկին`
    Անզարդ, սեւաթոյր երկաթի տեղակ` հրաշեկ պղինձը Լիբանանի,
    Որ օրինակ է առաքինութեան:

    Գ
    Ինչո՞ւ կարծրացնես սիրտը եղկելուս, անճա՜ռ ահաւոր,
    Որ չթափանցի երկիւղըդ այնտեղ:
    Թող որ չլինեմ ես անպտուղ` փոքր այս վաստակիս մէջ`
    Անբերրի հողում, իզուր, ապարդիւն սերմանողի պէս:
    Չլինի, որ երկնեմ ես, եւ չծնեմ,
    Ողբամ` եւ չարտասուեմ, խորհեմ` եւ չհառաչեմ,
    Ամպեմ, եւ չանձրեւեմ, ընթանամ` եւ չհասնեմ,
    Ես ձայն տամ, եւ դու չլսես, պաղատեմ` եւ անտես մնամ,
    Կողկողեմ` եւ ինձ չողորմես, աղաչեմ` բայց ոչինչ շահեմ,
    Զոհ մատուցեմ, եւ չմխամ,
    Տեսնեմ քեզ` եւ դատարկ դուրս գամ:
    Դեռ քեզ չդիմած լսիր ձայնս դու, ո՜վ միայն հզօր:
    Մեղքերով ապրած օրերիս չափով
    Տանջանքի տուգանք վճարել մի՛ տայ ինձ` չարագործիս:

    Դ
    Փրկի՛ր ինձ, գթած, լսիր, ողորմած,
    Մարդասիրաբար ներիր ինձ, ներող,
    Խնայիր, երկայնամիտ, պաշտպանիր, ապաւեն,
    Բարերարիր, հզօր, ազատիր, ամենակալ,
    Կեանք տուր, նորոգող, վերականգնիր, ահաւո՛ր,
    Լուսաւորիր, երկնային, բժշկի՛ր, ձեռնահաս, քաւի՛ր, անքնին,
    Պարգեւատրիր, առատաձեռն, շնորհազարդիր, աննախանձ,
    Հաշտուիր, անախտակիր, ընդունիր, անոխակալ,
    Ջնջիր պարտքերս, օրհնեա՜լ:
    Երբ հասնի վերջին օրս թշուառ,
    Եւ ես յառեմ աչքերս տեսնելու վտանգները կրկնակի,
    Քո փրկութի՜ւնը տեսնեմ թող, յո՜յս եւ խնամակալ:
    Եւ երբ ուշադիր նայեմ դէպի վեր` ամենագրաւ ճամփին սոսկալի,
    Խաղաղութեան հրեշտակդ թո՛ղ քաղցրութեամբ հանդիպի ինձ:
    Երբ վերջին օրը իմ շունչը փչեմ, ցոյց տուր ինձ դու, Տէ՜ր,
    Երկնաւորներից եկած երջանիկ, մաքուր մի ոգի,
    Որ լուսաթռիչ` ի՜նձ հասնի` սիրուդ պարգեւը առած:
    Հասցրու ինձ նոյնպէս կարեկից մի` մեռած արդարներից.
    Յուսահատ օրս դու չարագործիս քո անակնկալ բարին պարգեւիր:
    Քա՜ւ լիցի, թէ դու, ո՛վ բարեբանեալ, որ փրկութիւնն ես բոլորի,
    Հիւանդ ոչխարիս դժնդակ գազան եւ մի տաս ուղեկից.
    Պարգեւիր վերին կեանք` անապական մեղքով մեռածիս,
    Եւ փրկութիւն` պարտքերի տակ կործանուածիս:

    Ե
    Մի՞թէ պիտի մոռանաս բարերարելդ, ո՜վ ակնկալութիւն.
    Պիտի անտեսե՞ս գթասիրելդ, ո՜վ խնամող.
    Պիտի փոփոխե՞ս մարդասիրելդ, ո՜վ անփոփոխ.
    Պիտի նահանջե՞ս կենսագործելուցդ, անվախճա՜ն.
    Պիտի թողնե՞ս ողորմութիւնդ, երջանի՛կ պտուղ.
    Պիտի աղաւաղե՞ս բարեշնորհ ծաղիկը քո քաղցրութեան.
    Պիտի անպատուե՞ս նիւթը պանծալի քո հարստութեան.
    Պիտի պակասեցնե՞ս փառքը վարսերի քո բարձրապանծ,
    Պիտի չպահե՞ս պսակիդ պայծառ զարդը վայելուչ:
    Եթէ ողորմածներին է երանութիւնը,
    Եւ դու, որ համակ արքայութիւն ես սիրով լիուլի,
    Մի՞թէ չպիտի պարգեւես դու քո փրկութիւնն ամբողջ.
    Դեղ չդնե՞ս պիտի իմ վէրքերին
    Եւ սպեղանի` խոցուածներիս եւ տկարութեանս` դարման չպիտի՞ տանես,
    Պիտի չծագե՞ս լոյս` խաւարի մէջ -
    Ինձ, որ զօրութեանդ վրայ եմ միայն իմ յոյսը դրել,
    Տիեզերակա՛ն դու կենսապարգեւ:
    Դո՛ւ միայն ունես փառք իսկ ի բնէ, մշտնջենապէս,
    Եւ արարածներն համայն առյաւէտ վկայում են այդ:
    Օրհնուած ես դու եւ փառաւորուած յաւիտենութեան մէջ եռապատիկ
    Եւ իմանալի յաւիտեանների սահմանից էլ վեր`
    Միշտ ու միշտ. ամէն:
    "Я видел след Божий в Его творении; и везде, даже в самых мелких незаметных Его произведениях – что за сила! Что за мудрость! Что за неизреченное совершенство!"
    Линней

  2. #47
    Սկսնակ անդամ Ալիք-ի ավատար
    Գրանցման ամսաթիվ
    22.06.2009
    Հասցե
    ՀՀ, ք. Աբովյան
    Գրառումներ
    61
    Mentioned
    0 Post(s)
    Tagged
    0 Thread(s)
    Վա՜յ ինձ, որ յիշում եմ, թէ`
    Աստծոյ բարկութեան նետերն հրեղէն են.
    Վա՜յ ինձ յիմարիս, որ չըմբռնեցի,
    Թէ ծածուկ գործերն հրապարակուելու են անպայման.
    Վա՜յ ամբարիշտիս, որ միշտ անդադրում չարութիւնների ոստայն հիւսեցի.
    Վա՜յ ինձ, որ պարարեցի մարմինս իբրեւ կեր անմեռ որդերի,
    Ես ինչպէ՞ս պիտի տոկամ թունաւոր այդ կտտողներին.
    Վա՜յ ինձ, երբ ըմպեմ բաժակը մահուան,
    Եւ ինչպէ՞ս պիտի կրեմ ես տուգանքն յաւիտենական.
    Վա՜յ ինձ, երբ ելնի եղկելի մարմնիցս անարժան հոգիս,
    Ինչպէ՞ս պիտի ներկայանամ ճշմարիտ դատաւորին.
    Վա՜յ ինձ, երբ լապտերիս իւղն սպառուի,
    Զի եթէ մարի, էլ չի վառուի նա,
    Վա՜յ ինձ պակուցման համար այն ահեղ ու տագնապալից,
    Երբ առագաստի մուտքը փակուի.
    Վա՜յ ինձ, երբ լսեմ երկնաւոր թագաւորի վճռով կնքուած
    Սիրտս դող հանող եւ սարսափելի այս խօսքն ահաւոր,-
    "Քեզ չեմ ճանաչում":

    հատված "Մատյան"-ից
    "Я видел след Божий в Его творении; и везде, даже в самых мелких незаметных Его произведениях – что за сила! Что за мудрость! Что за неизреченное совершенство!"
    Линней

  3. #48
    Սկսնակ անդամ Ալիք-ի ավատար
    Գրանցման ամսաթիվ
    22.06.2009
    Հասցե
    ՀՀ, ք. Աբովյան
    Գրառումներ
    61
    Mentioned
    0 Post(s)
    Tagged
    0 Thread(s)
    Արդ, յիշենք այստեղ Տիրոջ պաշտելի խօսքը խրախուսիչ,
    Թէ` "Ամենայն ինչ հնարաւոր է նրան, ով հաւատում է":
    Եթէ ընտրեալների աստուածահաճոյ բարեմասնութեանց չափն այստեղ քննենք.
    Հաւատքը պիտի գտնենք գերազանց, ամէն ինչից վեր,
    Քանզի նրանով կարող են մտնել սուրբ խորանից ներս:
    Առանց հաւատքի փառաց տէրն անգամ
    Չհաճեց ցոյց տալ իր հրաշագործ զօրութիւնը մեզ,
    Այլ նախ եւ առաջ իբրեւ լծակից իր բարերարութեանը,
    Մեր հաւատքը նա պահանջեց մեզնից:
    Նա՛ է մօտեցնում մարդուն Աստծոյ,
    Կեանք ընձեռելով մեզ իր ինքնիշխան ընդունակութեամբ,
    Զի օրհնաբանուած Աստծոյ բերանն էր, որ վկայեց,
    Թէ` "Հաւատքը քո փրկեց քեզ":

    հատված "Մատյան"-ից
    "Я видел след Божий в Его творении; и везде, даже в самых мелких незаметных Его произведениях – что за сила! Что за мудрость! Что за неизреченное совершенство!"
    Линней

  4. #49
    Սկսնակ անդամ Ալիք-ի ավատար
    Գրանցման ամսաթիվ
    22.06.2009
    Հասցե
    ՀՀ, ք. Աբովյան
    Գրառումներ
    61
    Mentioned
    0 Post(s)
    Tagged
    0 Thread(s)
    Եւ արդ, ես հետինս դաւանողների, բարիքներից ունայն`
    Մտքիս աչքերով դիտելով սկիզբն իմ եղելութեան,
    Որը տեղի ունեցաւ Արարչի ձեռքով, անէութիւնից,- հաւատում եմ լիայոյս,
    Թէ Յիսուս Քրիստոս կարող է անել, ինչ որ կամենայ:
    Քանզի հաւատացի, ուստի եւ խօսեցի,
    Պօղոսից խրատուած եւ սովորած` Դաւթից.
    Ուրեմն այժմ թող նրանց կենդանի աղօթքն ինձ օգնի`
    Հաւատքով ճանաչել նրան ճշմարտապէս
    Եւ նրա յարութեան զօրութեանն, ըստ առաքեալի,
    Հաղորդակից լինել նրա չարչարանքներին,
    Եւ այն բոլորը, որոնք յիշւում են յաջորդ տողերով:
    Կցորդ է սրան եւ յոյժ նմանատիպ`
    Հաւատալն իսկապէս եւ այն նոր փոփոխութեան,
    Որով մեղաւորը դուրս է գալիս քաւուած,
    Չարագործն` արդարացած եւ անմաքուրը` սրբուած,
    Եւ անքաւելի մահացու մեղքով յանցաւորըս ես` անդատապարտելի երանութեան
    Եւ ստրկական կապանքներից զերծ`
    Երկնաւոր ազատութեան տիրացած:
    "Я видел след Божий в Его творении; и везде, даже в самых мелких незаметных Его произведениях – что за сила! Что за мудрость! Что за неизреченное совершенство!"
    Линней

  5. #50
    Սկսնակ անդամ Ալիք-ի ավատար
    Գրանցման ամսաթիվ
    22.06.2009
    Հասցե
    ՀՀ, ք. Աբովյան
    Գրառումներ
    61
    Mentioned
    0 Post(s)
    Tagged
    0 Thread(s)
    Իսկ ես ոչ միայն կանչում եմ նրան,
    Այլ հաւատում եմ նրա մեծութեանն ամէնից առաջ.
    Ոչ թէ գալիս եմ խնդրելու նրա պարգեւները ես,
    Այլ նոյնիսկ իրեն, որ կենդանութիւնն է ճշմարտապէս,
    Շնչառութիւնն իսկ, առանց որի չի՛ք շարժում եւ ընթացք:
    Ո՛չ այնքան յոյսի հանգոյցով, որքան սիրոյ կապով եմ ես կապւում նրան.
    Ու ոչ թէ տուրքի, այլ այն տուողի կարօտով եմ ես վառւում շարունակ:
    Ոչ թէ փառքն է ինձ համար անձկալի,
    Այլ փառաւորեալն է համբուրելի,
    Ոչ թէ ապրելու կեանքի փափագով,
    Այլ կենարարի յիշատակով եմ տոչորւում ես միշտ:
    Ոչ թէ վայելքի տարփանքով եմ ես հեծում ողբաձայն,
    Այլ այն կազմողի տենչանքովն եմ խոր հառաչում սրտանց:
    Չեմ փնտրում հանգիստ, այլ աղաչում եմ երեսը տեսնել Հանգստարարի:
    Ոչ թէ հարսանքատան խնջոյքի, այլ փեսայի անձկութեամբ եմ մաշւում,
    Որի զօրութեան շնորհիւ` վստահ ակնկալութեամբ,
    Հաւատում եմ ես աներկմիտ յոյսով,
    Որ վերոգրեալ մեղքերի բեռներն ունենալով հանդերձ`
    Ապաստանելով ամենակարողի ձեռքին,
    Ոչ միայն պիտի հասնեմ քաւութեան, այլեւ պիտի տեսնեմ իրեն,
    Ընդունելու գութն ու ողորմութիւնը եւ ժառանգելու երկինքը նրա,
    Թէեւ յո՜յժ մերժելի եմ:
    "Я видел след Божий в Его творении; и везде, даже в самых мелких незаметных Его произведениях – что за сила! Что за мудрость! Что за неизреченное совершенство!"
    Линней

  6. #51
    Սկսնակ անդամ Ալիք-ի ավատար
    Գրանցման ամսաթիվ
    22.06.2009
    Հասցե
    ՀՀ, ք. Աբովյան
    Գրառումներ
    61
    Mentioned
    0 Post(s)
    Tagged
    0 Thread(s)
    Ընդունի՛ր սիրով, Տէր Աստուած հզօր, աղաչանքներն իմ դառնացած սրտի.
    Քաղցր գթութեամբ մօտեցիր դու ինձ` ամօթահարիս.
    Փարատի՜ր, ամենապարգե՛ւ, ամօթալի տխրութիւններս,
    Վերցրո՛ւ ինձնից, ողորմա՛ծ, անտանելի ծանրութիւններս,
    Հեռացրո՛ւ, հնարագէտ, սովորութիւններս մահացու.
    Խափանի՜ր, մի՜շտ յաղթող, հրապոյրները խաբողի.
    Վանի՜ր, վերնային, մառախուղը մոլորեցնողի.
    Կասեցրո՛ւ, կեցուցիչ, ընթացքը կորուսչի.
    Ցրի՛ր, ծածկատե՛ս, չար հնարքները կապկապողի.
    Խորտակիր, անքնի՛ն, յարձակումները մարտնչողի.
    Տյառնագրի՛ր անունովդ լուսացոյց երդն իմ յարկի.
    Պարփակիր քո ձեռքով առաստաղը տաճարիս.
    Գծագրիր քո արիւնով սեմը սենեակիս մուտքի.
    Դրոշմիր քո նշանը աղօթեալիս ճանապարհին,
    Ամրացրու քո աջով խշտեակն իմ հանգստի.
    Զերծ պահիր թակարդներից ծածկարանն իմ անկողնի.
    Պահպանիր քո կամքով տառապած հոգիս.
    Անխարդախ արա՛ քո շնորհած շունչը մարմնիս.
    Կանգնեցրո՛ւ շուրջն իմ` պարը երկնային քո զօրքերի,
    Որպէս դիմամարտ` դեւերի գնդին:
    "Я видел след Божий в Его творении; и везде, даже в самых мелких незаметных Его произведениях – что за сила! Что за мудрость! Что за неизреченное совершенство!"
    Линней

  7. #52
    Սկսնակ անդամ Ալիք-ի ավատար
    Գրանցման ամսաթիվ
    22.06.2009
    Հասցե
    ՀՀ, ք. Աբովյան
    Գրառումներ
    61
    Mentioned
    0 Post(s)
    Tagged
    0 Thread(s)
    Դու Տէ՜ր բարերար, բացարձակ բարի, լո՜յս խաւարի մէջ,
    Օրհնութեան դու գանձ, ողորմած, գթած, մարդասէր, կարող,
    Զօրեղ, անպատում, անքնին, անճառ,
    Դու` յո՜յժ ձեռնհաս, ըստ սուրբ Յակոբի.
    Հնարաւորութիւն միշտ դիւրապատրաստ` ամէն անհնար բաների դէպքում,
    Մեղքի խռիւներն սպառող կրա՛կ,
    Կիզանուտ ճաճանչ դու ընդհանրական եւ մեծախորհուրդ թափանցողութեամբ:
    Յիշի՛ր ինձ, օրհնեալ, քո ողորմութեամբ եւ ո՛չ ըստ իրաւունքի,
    Ներողութեամբ քո եւ ո՛չ պատժելով,
    Երկայնամտութեամբ եւ ոչ թէ հաւաստի համոզուածութեամբ:
    Եթէ կամենաս կշռել ծանրութիւնն իմ մեղքերի,
    Արա՛ քաղցրութեամբ քո մարդասէրի եւ ո՛չ արդարութեամբ.
    Քանզի ըստ առաջին պայմանի` շա՜տ են թեթեւ նրանք,
    Իսկ ըստ վերջինի` սաստիկ ծանրակիր:
    "Я видел след Божий в Его творении; и везде, даже в самых мелких незаметных Его произведениях – что за сила! Что за мудрость! Что за неизреченное совершенство!"
    Линней

  8. #53
    Սկսնակ անդամ Ալիք-ի ավատար
    Գրանցման ամսաթիվ
    22.06.2009
    Հասցե
    ՀՀ, ք. Աբովյան
    Գրառումներ
    61
    Mentioned
    0 Post(s)
    Tagged
    0 Thread(s)
    Մի՛ խստութեամբ ընդհարուիր մեծդ փոքրիս հետ,
    Լոյսդ` ստուերիս հետ,
    Բնութեամբ բարիդ` ի բնէ չարիս հետ,
    Ողկոյզդ օրհնութեան` անիծեալ պտղիս հետ,
    Քաղցրութիւնդ ճշմարիտ` համակ դառնութեանս հետ,
    Փառաւորեալդ անփոփոխ` իսպառ անարգիս հետ,
    Կենաց նշխարդ` կաւեղէն զանգուածիս հետ,
    Տէրերի Տէրդ` երկրային տիղմիս հետ,
    Աննուազ լիութիւնդ` չքաւոր ստրուկիս հետ,
    Անկապուտ ճոխութիւնդ` անպատսպար տառապեալիս հետ,
    Անկարօտ բարութիւնդ` ամենաթշուառ աղքատիս հետ:
    Քանզի ո՞վ է նա, որ առաւօտեան լոյսին հասնելով`
    Կտարակուսի, թէ խաւարի մէջ կարող է ընկնել,
    Կամ մօտ լինելով կեանքին` մահանալ,
    Կամ ազատութեան` եւ բռնութեան ենթարկուել,
    Կամ շնորհին` եւ դատապարտուել,
    Կամ փրկութեան` եւ մատնուել,
    Կամ նորոգման` եւ քայքայուել,
    Կամ օրհնութեան` եւ տարագրուել,
    Կամ բժշկութեան` եւ վիրաւորուել,
    Կամ լիութեան` եւ նուազել,
    Կամ առատ հացի` եւ քաղցել,
    Կամ հոսող գետերի` եւ պապակել,
    Կամ մայրական գթութեան` եւ նրանից նենգուել,
    Կամ աստուածային խնամող աջիդ` եւ տառապել:
    "Я видел след Божий в Его творении; и везде, даже в самых мелких незаметных Его произведениях – что за сила! Что за мудрость! Что за неизреченное совершенство!"
    Линней

  9. #54
    Սկսնակ անդամ Ալիք-ի ավատար
    Գրանցման ամսաթիվ
    22.06.2009
    Հասցե
    ՀՀ, ք. Աբովյան
    Գրառումներ
    61
    Mentioned
    0 Post(s)
    Tagged
    0 Thread(s)
    Չկայի երբեմն, եւ ստեղծեցիր,
    Ես աղաչեցի, եւ դու գոյացրիր,
    Դեռ աշխարհ չեկած` տեսար դու ինձ,
    Չէի յայտնուել, եւ դու գթացիր,
    Չէի խնդրել ես` խնամարկեցիր,
    Չէի բարձրացրել ձեռքս` նայեցիր,
    Չէի պաղատել` եւ ողորմեցիր,
    Չէի ձայն հանել, եւ դու լսեցիր,
    Չէի հառաչել` եւ ունկնդրեցիր,
    Գիտէիր, թէ ինչ կպատահի ինձ, եւ չանտեսեցիր,
    Նախատես աչքով քո նկատեցիր չարագործութիւնը պատժապարտիս եւ յօրինեցիր ինձ:
    "Я видел след Божий в Его творении; и везде, даже в самых мелких незаметных Его произведениях – что за сила! Что за мудрость! Что за неизреченное совершенство!"
    Линней

  10. #55
    Մշտական անդամ
    Գրանցման ամսաթիվ
    02.05.2014
    Հասցե
    Երկիր
    Գրառումներ
    495
    Mentioned
    0 Post(s)
    Tagged
    0 Thread(s)
    Երբ հասնի վերջին օրս թշուառ,
    Եւ ես յառեմ աչքերս տեսնելու վտանգները կրկնակի,
    Քո փրկութի՜ւնը տեսնեմ թող, յո՜յս եւ խնամակալ:
    Եւ երբ ուշադիր նայեմ դէպի վեր` ամենագրաւ ճամփին սոսկալի,
    Խաղաղութեան հրեշտակդ թո՛ղ քաղցրութեամբ հանդիպի ինձ:
    Երբ վերջին օրը իմ շունչը փչեմ, ցոյց տուր ինձ դու, Տէ՜ր,
    Երկնաւորներից եկած երջանիկ, մաքուր մի ոգի,
    Որ լուսաթռիչ` ի՜նձ հասնի` սիրուդ պարգեւը առած:
    Հասցրու ինձ նոյնպէս կարեկից մի` մեռած արդարներից.
    Յուսահատ օրս դու չարագործիս քո անակնկալ բարին պարգեւիր:
    Քա՜ւ լիցի, թէ դու, ո՛վ բարեբանեալ, որ փրկութիւնն ես բոլորի,
    Հիւանդ ոչխարիս դժնդակ գազան եւ մի տաս ուղեկից.
    Պարգեւիր վերին կեանք` անապական մեղքով մեռածիս,
    Եւ փրկութիւն` պարտքերի տակ կործանուածիս:

  11. Գրառմանը 1 հոգի շնորհակալություն է հայտնել.

    Sambitbaba (03.06.2014)

  12. #56
    Exterminate Rhayader-ի ավատար
    Գրանցման ամսաթիվ
    20.09.2006
    Հասցե
    Մակոնդո
    Տարիք
    37
    Գրառումներ
    6,277
    Բլոգի գրառումներ
    21
    Mentioned
    0 Post(s)
    Tagged
    0 Thread(s)
    Այստեղ միայն քրիստոնեական աղոթքներ չեն, չէ՞

    Ափսե մեր որ փլաւքամիչն ես,
    Քամվող եղիցի լապշա Քո։
    Եկեսցէ լապշա Քո։
    Եղիցին կոլոլակ Քո
    մսեղ, որպէս յերկինս եւ յերկրի։
    Զսոուս մեր հանապազորդ
    տուր մեզ այսօր։
    Եւ թող մեզ մեր պակասը ծովահենության,
    որպես և մենք ծովահենում ու մաքսանենգում ենք նրանց դեմ,
    ովքեր ծովահենության պակաս են անում մեր դեմ:
    Եւ մի տանիր զմեզ ի բուսակերություն,
    այլ փրկեա զմեզ ի ոչ կարմիր մսի սոուսէ:
    Զի քո է փլաւքամիչ
    Եւ լապշա եւ սոուս,
    յավիտեանս յավիտենից:
    Ռ'ամեն:
    "Sir, do you have a moment to talk about our lords and saviors the Daleks?"

    Voice of the Nightingale - իմ բլոգը

  13. Գրառմանը 4 հոգի շնորհակալություն են հայտնել.

    Freeman (04.06.2014), մարդագայլուկ (14.05.2015), Նիկեա (29.01.2016), Ռուֆուս (03.06.2014)

  14. #57
    Պատվավոր անդամ Mephistopheles-ի ավատար
    Գրանցման ամսաթիվ
    25.05.2008
    Գրառումներ
    13,982
    Mentioned
    6 Post(s)
    Tagged
    0 Thread(s)
    սովածացա…

  15. Գրառմանը 1 հոգի շնորհակալություն է հայտնել.

    Rhayader (03.06.2014)

  16. #58
    Մշտական անդամ
    Գրանցման ամսաթիվ
    02.05.2014
    Հասցե
    Երկիր
    Գրառումներ
    495
    Mentioned
    0 Post(s)
    Tagged
    0 Thread(s)
    Եղբայրս չկա ակումբում,բայց շատ էր ուզում իր աղոթքը տեղադրեի այստեղ,նա մարդասիրություն գիժ է:

    Տե՛ր, մեզ մեր անհատական հոգևոր հավատամքի համար երբեք չեն հալածել ուժեղները, բայց միշտ թույլերը/անգիտակիցները հալածել են մեզ մեր հավատամքի համար, որոնք մարդ կոչումի հետ ոչ մի կապ չունեն, խնդրում եմ քեզ տուր մեզ ուժ, որպեսզի ուժեղանա մեր հանդուրժողականությունը և նրանց չուղարկենք այն նույն ճանապարհով այնտեղ, որտեղից դուրս են պրծել: Ամեն:
    Վերջին խմբագրող՝ Moonwalker: 04.06.2014, 13:24: Պատճառ: ԱՄբողջովին մեծատառ գրառման փոխարկում

  17. #59
    Սկսնակ անդամ HolySpirit-ի ավատար
    Գրանցման ամսաթիվ
    14.05.2015
    Գրառումներ
    26
    Mentioned
    0 Post(s)
    Tagged
    0 Thread(s)
    Մեջբերում Rhayader-ի խոսքերից Նայել գրառումը
    Այստեղ միայն քրիստոնեական աղոթքներ չեն, չէ՞

    Ափսե մեր որ փլաւքամիչն ես,
    Քամվող եղիցի լապշա Քո։
    Եկեսցէ լապշա Քո։
    Եղիցին կոլոլակ Քո
    մսեղ, որպէս յերկինս եւ յերկրի։
    Զսոուս մեր հանապազորդ
    տուր մեզ այսօր։
    Եւ թող մեզ մեր պակասը ծովահենության,
    որպես և մենք ծովահենում ու մաքսանենգում ենք նրանց դեմ,
    ովքեր ծովահենության պակաս են անում մեր դեմ:
    Եւ մի տանիր զմեզ ի բուսակերություն,
    այլ փրկեա զմեզ ի ոչ կարմիր մսի սոուսէ:
    Զի քո է փլաւքամիչ
    Եւ լապշա եւ սոուս,
    յավիտեանս յավիտենից:
    Ռ'ամեն:
    Դուք այս ձեր «սրամտությամբ» ձեր ցածր արժեքն եք ցույց տալիս բոլորին։ Տեր Աստվածը հաջող թեկնածու չէ ձեռք առնելու համար, և այդքան լկտի մեկնաբանություն անելու տեղը կարդացեք ֆորումի աղոթքները և մաքրվեք։

  18. #60
    գիշատիչ Վոլտերա-ի ավատար
    Գրանցման ամսաթիվ
    05.12.2012
    Հասցե
    Բլրակ
    Տարիք
    28
    Գրառումներ
    1,523
    Բլոգի գրառումներ
    4
    Mentioned
    4 Post(s)
    Tagged
    0 Thread(s)
    Մեջբերում HolySpirit-ի խոսքերից Նայել գրառումը
    Դուք այս ձեր «սրամտությամբ» ձեր ցածր արժեքն եք ցույց տալիս բոլորին։ Տեր Աստվածը հաջող թեկնածու չէ ձեռք առնելու համար, և այդքան լկտի մեկնաբանություն անելու տեղը կարդացեք ֆորումի աղոթքները և մաքրվեք։
    Էն էլ ֆորումի աղոթքները
    Մենք որ աղոթենք, ռոք լսելով ու գլուխներս թափ տալով ենք աղոթելու, ավելի վատ ա լինելու:

  19. Գրառմանը 1 հոգի շնորհակալություն է հայտնել.

    Աթեիստ (14.05.2015)

Էջ 4 6-ից ԱռաջինԱռաջին 123456 ՎերջինըՎերջինը

Թեմայի մասին

Այս թեման նայող անդամներ

Այս պահին թեմայում են 1 հոգի. (0 անդամ և 1 հյուր)

Համանման թեմաներ

  1. nkar.at.ua - նկարների շտեմարան
    Հեղինակ՝ karakala14, բաժին` Վեբ կայքերի քննարկում
    Գրառումներ: 15
    Վերջինը: 01.05.2011, 19:25
  2. nkar.at.ua - նկարների շտեմարան
    Հեղինակ՝ karakala14, բաժին` Արվեստ և դիզայն
    Գրառումներ: 1
    Վերջինը: 23.11.2010, 16:34
  3. nkar.at.ua - նկարների շտեմարան
    Հեղինակ՝ karakala14, բաժին` Լուսանկարչություն
    Գրառումներ: 1
    Վերջինը: 23.11.2010, 16:34

Էջանիշներ

Էջանիշներ

Ձեր իրավունքները բաժնում

  • Դուք չեք կարող նոր թեմաներ ստեղծել
  • Դուք չեք կարող պատասխանել
  • Դուք չեք կարող կցորդներ տեղադրել
  • Դուք չեք կարող խմբագրել ձեր գրառումները
  •