Գրկի՜ր

**Grieg** · 31.08.2008, 23:41

Հաճախ մենք չենք նկատում գեղեցիկը մեր կողքին և երբ արդեն ուշ է լինում մենք հիշում էնք այն կարոտով և ափսոսանքով...

Քայլելով Երևանյան փողոցներով, լցված տարբեր տեսակի կառույցներով` սրճարաններով, խանութներով և այլ օբԷկտներով,
մի չնչին ասֆալտապատած տարածքում նկատում ենք մի չորացող ծառ , քիչ հեռու մի այլ ծառ "զարդարված" տարբեր տեսակի աղբերով, կամ ցեմենտի և գաջի պարկերով:

Ծառը առողջության գրավականն է, եկեք անտարբեր չլինենք~
և
գրկենք Ծառ, Սեպտեմբերի 7-ին

ինչ կարծիքի եք?

**Մեղապարտ** · 31.08.2008, 23:48

Ես միանում են քեզ

**Հակոբ Գեւորգյան** · 01.09.2008, 00:01

Ես ձեզ հետ եմ։

տխուր ծառը

Ժամանակներ առաջ, մոտավորապես կես տարի, աշխատում էի մի փայտի քանդակի վրա, որի հետ ունեցած զգացմունքներս առ այսօր դեռ գաղափարախոսությանս հիմքն են հանդիսանում։

Գեղեցիկ էր, երբ նկատվեց։ Կտրվեց, հեռացվեց անտառից։ Բաժանվեց մասերի՝ մանրացվեց։ Վաճառվեց մարդկանց, եւ տրվեց ինձ, որպեսզի ես նրան զարդարեմ։ Զարդարանքի պահին խոսքերս դարձան զենքեր՝ դուր–դանակներ, ուժով լցված մուրճեր… Հնազանդ էր, երբեք չմերժեց։ Ինձ տվեց այն, ինչ–որ ուզում էի ես։ Հիմա, երբ էլ ինձ մոտ չէ, հեռու անտառից ու կտրված ամենքից, անհայտ վիճակում ապրում է մի տեղ՝ անհայտ իր քոքից։ Անհայտ է վիճակը նաեւ իմ՝ քանդակողիս. ո՞վ էր տերն այս ամենի. անտառը՞, ծառը՞, կացինը՞, փողը՞ թե՞ ես։ Անհայտի տերեր ենք մենք, խեղկատակ վիճակից փախստականի պես…

**Վարպետ** · 01.09.2008, 00:08

Սիրուն ա

**Հակոբ Գեւորգյան** · 01.09.2008, 00:46

Տեսնես այդ օրվա եղականակի տեսություն կա՞

**StrangeLittleGirl** · 01.09.2008, 00:51

Անպայման կգամ

Աբովյանի փողոցի ո՞ր մաս: Հրաշալի գաղափար է… Մանավանդ, որ ես իմ փոքրիկ ծառիկին հաճախ էի գրկում, երբ դեռ իմ սենյակում էր ապրում:

**Հակոբ Գեւորգյան** · 01.09.2008, 01:02

ՈՒՇԱԴՐՈՒԹՅՈՒՆ

Խորհուրդ է տրվում Կիրակի օրը՝ Սեպտեմբերի 7ին, չգրկել որեւէ ծառ։ Այդ օրը սպասվում է անձրեւային եղանակ։ Եթե կայծակի ժամանակ լինեք ծառի մոտակայքում, ծառի տակ, վրա, կամ ծառին գրկած, հնարավոր է կայծակահարվեք։