Սեմպտեմբերի 15-ի հանրահավաքը

[Koms]

Սերժը լուրջ պռոբլեմներ ունի քաղաքական բուրգի ներսում իսկ ավելի կոնկրետ որոշ օլիգարխիկ շրջանակների հետ:

Մտածում եմ, որ սեպտեմբերի 21-ի "սպասվող" ամնիստիան կլինի այն ուղենիշը, որով շատ բաներ պարզ կլինի: Եթե ամնիստիա չլինի` ուրեմն միանշանակ է նախորդ նախագահի վերադարձը` վարչապետի պաշտոնում:

[Marduk]

Իսկ միգուցե ԼՏՊ-ի ոչ ռադիկալությունը պայմանավորված է ավելի պռոզայիկ բաներով:
Օրինակ սա
http://www.golos.am/index.php?option...=view&id=34589

[Մարկիզ]

Իսկ միգուցե ԼՏՊ-ի ոչ ռադիկալությունը պայմանավորված է ավելի պռոզայիկ բաներով:
Օրինակ սա
http://www.golos.am/index.php?option...=view&id=34589

Լեւոն Տեր-Պետրոսյանը երբեւէ «ռադիկալ» չի եղել:
Համոզված եմ, նշածդ բացարձակապես որեւէ ազդեցություն չի ունեցել Շարժման ընտրած մարտավարությանը:

Ավելացվել է 2 րոպե անց

Էսօր Սերժը ինչքան Լևոնի հետ ա կոնտռ, էդքան էլ՝ ՌՔ-ի օդերն ա փորձում փակել: Կամ՝ գոնե տակ չտալ: Բայց դե՝ ՌՔ-ն էնքան մեծ հակառակորդ չի, որ ՍՍ-ն ու ԼՏՊ-ն իր դեմ միանան: Այսինքն մեծ ա, բայց՝ ուրի՛շ բան: Իսկ խորհրդարանական արտահերթ ընտրությունները ՍՍ-ի համար քաղաքական մահ են լինելու, որովհետև նորընտիր խորհրդարանի առաջին օրինագիծը նախագահի իմպիչմենտն է լինելու: Լա՛վ, էս արդեն ուրիշ թեմա է:

Հանրահավաքի մասին. էնքան մուսռ կար աջուձախ, որ հոտից գլուխներս ֆռռում էր: Է՛լ ջրցան մեքենաներ, է՛լ լիքը ոստիկանական ավտոբուս, վահան-սաղավարտների մասին՝ էլ չասած: Ա. Խաչատրանի արձանի մոտ վերջում դուբինկավոր հերոսները վրա տվեցին ժողովրդի վրա. «ցրվե՛ք հլը, արա՛», ընդ որում՝ ամեն ինչ անում էին, որ հանգիստ ցրվելու տեղ չլինի: Տեսա, թե ոնց են մի երկու կնոջ քարշ տալիս դեպի իրենց մեքենաները:

Անցած հանրահավաքից շատ մարդ կար: Մոտ 70-90 հազար: Ափսոս՝ երթ չեղավ, երթերի ժամանակ ավելի լավ է երևում:

Հայկօ ջան, աչքիս շփոթում ես Հայաստան-Թուրքիա խաղի հետ: Այնտեղ գոնե մի 35-40 հազար մարդ կար…

[Հայկօ]

Դե ես աչքաչափից էնքան էլ լավ չեմ Վերջում ինչքա՞ն կլինեինք, մասնակիցնե՛ր:

[Amaru]

ինչքա՞ն... դե հո չասեցիք, էս անգամ լավ քիչ էիք... լենտա.ռու-ն ասում ա՝ 5000... դե կարող ա նաև մի քիչ ավել

[Chuk]

Ինչպես միշտ խոսակցությունն անցավ մասնակիցների քանակի քննարկմանը: Սկզբից մասնակիցների քանակը 10-15 հազար էր, վերջում 50 հազարից ավել ըստ իմ և այլոց աչքաչափի, բայց ինչպես միշտ՝ դա չէ կարևորը:

[Amaru]

Ինչպես միշտ խոսակցությունն անցավ մասնակիցների քանակի քննարկմանը: Սկզբից մասնակիցների քանակը 10-15 հազար էր, վերջում 50 հազարից ավել ըստ իմ և այլոց աչքաչափի, բայց ինչպես միշտ՝ դա չէ կարևորը:

օօ... դե դու էլ գիտես, որ քանակը էական չէ բայց ինչ վատ աչքաչափ ունեմ...

ամսի քանիսի՞ն ենք պայքարում 25, թե՞ 26

[Chuk]

օօ... դե դու էլ գիտես, որ քանակը էական չէ բայց ինչ վատ աչքաչափ ունեմ...

ամսի քանիսի՞ն ենք պայքարում 25, թե՞ 26

Ամառ, այս բաժինը նախատեսված է ոչ թե էմոցիոնալ զրույցների, այլ քննարկումների համար
Մենք պայքարում ենք հիմա էլ, հանրահավաք անելու ենք 26-ին, իսկ դու սպասելու ես քո հերթին: Եթե քեզ այդպես հաճելի է, հանրահավաքին եղել է 1436 մարդ: Դա իսկապես էական չէ սիրուն աղջիկ

[Աբելյան]

էս անգամ հաստատ հունիսի 20-ի ու հուլիսի 4-ի համեմատ շատ մարդ կար

[Վարպետ]

Կարծում եմ, որ այս թեմայի անվանումը ժամանակն է փոխելու Մանավանդ, որ արդեն քանի օր է` սեմպտեմբերի "մ"-ն աչքս սղոցում է մի այլ կարգի

[Chuk]

Մոդերատորական. Վերջին 9 թեմայից դուրս գրառումները ջնջվել են:

[Chuk]

Չնայած սեպտեմբերի 15-ի հանրահավաքը արտոնված էր, այնուամենայնիվ, Երեւանի փողոցները լցված էին աննախադեպ քանակի ոստիկաններով:

Հայ ազգային կոնգրեսի մամլո խոսնակ Արման Մուսինյանն այսօր հայտարարեց, թե իրենց տվյալներով` Երեւան են բերվել ոստիկանական ստորաբաժանումներ բոլոր մարզերից, բացառությամբ Սյունիքի մարզի, որոնք դրսեւորել են ագրեսիվ պահվածք:

՚Հանրահավաքին նախորդեց բռնությունների դեպքեր, հարձակումներ երիտասարդ ակտիվիստների վրա, բռնությունների կիրառում, ակնհայտ ագրեսիվ պահվածք: Այդ օրը մեզ պարզ դարձավ մի բան, որ իշխանությունները մտադրված են գնալ սադրանքի եւ իրականացնել քաղաքացիների ջարդ բառիս բուն իմաստով: Մենք, իհարկե, չգնացինք պրովոկացիայի, Համաժողովրդական շարժումը բավարարվեց միայն հանրահավաքով եւ երթ չանցկացնեց` դրանով խափանվեց ոստիկանության ծրագիրըՙ,- հայտարարեց Արման Մուսինյանը, ապա ավելացրեց, թե դա վկայում է այն մասին, որ. ՚Հայաստանում ահաբեկչությունը դրվում է պետական հիմքերի վրա. նույնիսկ արտոնված միջոցառումների ժամանակ պետական մարմինները իրենց դնում են օրենքից դուրսՙ:

Արման Մուսինյանը վստահեցրեց, որ դա իրենց պարտավորեցնում է ՚որոշակի սրբագրումներ կատարել ռազմավարության մեջՙ, սակայն պնդեց, որ դա ամենեւին չի նշանակում ակտիվության պակասեցում, բայց. ՚Քանի որ մեր դիմաց կանգնած ուժը ցուցադրում է ահաբեկչական վարքագիծ, մենք պարտավոր ենք որոշակի սրբագրումներ կատարել` հիմքում ունենալով մեր քաղաքացիների անվտանգությունը, բայց կրկնում եմ` մեր ակտիվությունը չի պակասելու, լինելու է միայն օրինական դաշտումՙ: Իսկ թե ինչ սրբագրումներ են, Արման Մուսինյանը դրանց մասին խոստացավ խոսել հաջորդ մամուլի ասուլիսի ժամանակ: Արտաքին քաղաքական գործընթացների մասին խոսելով` Հայ ազգային կոնգրեսի մամլո խոսնակը նշեց, թե իրենց տպավորությամբ` Սերժ Սարգսյանը, չունենալով որեւէ ռեսուրս երկրի ներսում, Հայաստանի շահերի հաշվին գործարքների է գնում միջազգային հանրության հետ` ինչ-որ կերպ պահելով իր իշխանությունը:

՚Համաժողովրդական շարժումը մտահոգված է մի շարք իրողություններով: Ըստ էության` երեք հիմնական հայտարարություններ են շրջանառվում տեղեկատվական հոսքերով` մեկը, որ կարող է փոխվել ԵԱՀԿ Մինսի խմբի ֆորմատը, եւ Թուրքիան ստանձնում է միջնորդի դեր, երկրորդ` Թուրքիայի նախագահի հայտարարությունը, որ Սերժ Սարգսյանը պատրաստակամություն է հայտնել հանձնել գրավյալ տարածքները, երրրորդ` ՀՀ կառավարությունը համաձայնվել է հայ-թուրքական պատմաբանների հանձնաժողով ստեղծելու առաջարկին,- թվարկեց Արման Մուսինյանը,-Այդ երեք հայտարարություններից առ այսօր իշխանությունները արձագանքել են ԵԱՀԿ Մինսկի խմբի ձեւաչափին վերաբերվող տեղեկատվությանը` գտնելով, որ Մինսկի խմբի ֆորմատը փոխելու կարիք չկա: Իհարկե, կարիք չկա, սակայն այստեղ այլ խնդիր կա` հայտարարությունն արվել է, բայց իրականում փաստվել է, որ Նյու Յորքում առաջիկա շաբաթվա մեջ կկայանա եռակողմ հանդիպում, նույնիսկ տեղեկություններ կան, որ նախնական ոչինչ չպարտավորեցնող փաստաթղթեր ստորագրվեն, ինչը վկայում է, որ Թուրքիան ակտիվ դերակատարություն է ստանձնել ԼՂՀ լուծման բանակցություններում: Մյուս երկու հարցերում ընդհանրապես լռություն է պահպանումՙ:

Աղբյուր՝ Ա1+

Իսկ ես դեռ իմ տպավորությունները չեմ գրել, ժամանակ չի եղել ափսոս: Լավ, կարճ ասեմ որ կատաղած եմ իշխանիկների վրա ու ընդդիմության վարքը համարում եմ շատ ճիշտ, գնահատում գերազանց: Հետո ժամանակ ունենամ, կծավալվեմ

[Chuk]

՚ՏԵՌՈՐԻՍՏ ԻՇԽԱՆՈՒԹՅԱՆ ՀԵՏ ՊԵՏՔ Է ԶԳՈՒՅՇ ԼԻՆԵԼՙ

[14:31] 25 Սեպտեմբերի, 2008

՚Սերժ Սարգսյանի իշխանությունը քարտ բլանշ է ստացել ընդդիմությանը ջախջախելուՙ,- այսօր հայտարարեց Հայ ազգային կոնգրեսի համակարգող Lեւոն Զուրաբյանը: Իսկ քարտ բլանշի վերաբերյալ նրա ենթադրությունները պայմանավորված են այն քայլերով, որ վերջին շրջանում անում է Սերժ Սարգսյանը: Ըստ Զուրաբյանի, այսօր Սերժ Սարգսյանն անում է այն, ինչ միջազգային ուժերը ուզում էին, որ աներ Հայաստանի իշխանությունը շատ երկար տարիներ: Խոսքը Թուրքիայի նախագահի հետ հանդիպումների, եռակողմ բանակցությունների եւ Ղարաբաղյան հարցի լուծման հնարավորություններին է վերաբերում:

Լեւոն Զուրաբյանը ընդգծում է, սակայն, որ իր բռնազավթած իշխանության այդօրինակ լեգիտիմացումը ՀՀ նախագահի աթոռը զբաղեցնող Սերժ Սարգսյանը կատարում է ի հաշիվ ազգային պետական շահի:

Այսօրվա ասուլիսում Լեւոն Զուրաբյանը հայտարարեց, որ իշխանությունը եւս մեկ բախում է փնտրում ժողովրդի հետ եւ որ նրանց թվում է, թե եթե մեկ անգամ էլ բախում եղավ, կկարողանան կոտրել համաժողովրդական շարժումը: ՀԱԿ համակարգողը տեղեկացրեց, որ իրենք հստակ տեղեկություն են ունեցել, որ սեպտեմբերի 15-ին հատուկ նպատակով հանրահավաքի բերված մարդիկ են եղել, որոնք երթի ժամանակ պետք է անկարգություններ եւ բռնություններ կատարեին, ինչից հետո ոստիկանությունը պիտի սկսեր վերականգնել հասարակակն կարգը: Իսկ ի՞նչն է իշխանությունների այսպես սանձարձակ գործելու հիմնական պատճառը:

Ըստ նրա` հետեւյալն է, որ մինչեւ տարածշրջանում տեղի ունեցած ռուս-վրացական պատերազմը, Հայաստանը ԵԽ անդամ միակ երկիրն էր, որտեղ համատարած խախտվում էին մարդու իրավունքները, որտեղ կար 75 քաղբանտարկյալ, որտեղ խաղաղ ցուցարարներին արգելում են հանրահավաքներ անել եւ ԵԽ-ն խոշորացույցի տակ էր պահում մեր երկիրը:

Այսօր իրավիճակը փոխվել է եւ ուշադրության կենտրում են ռուս-վրացական հակարամտության արդյունքում մարդու իրավունքների բազմաթիվ խախտումները: Դրա համար Հայաստանը պատշաճ ուշադրության չի արժանանում: Այս իրավիճակում, ինչպես նկատեց Լեւոն Զուրաբյանը, Հայ Ազգային Կոնգրեսը պետք է կատարի վերանայումներ եւ շտկումներ իր ռազմավարության մեջ: Բայց դա կանի Կենտրոնի ընտրություններից հետո:

Իսկ մինչ այդ, սեպտեմբերի 26-ին Հյուսիսային պողոտայում տեղի կունենա Արարատ Զուրաբյանի հանդիպումը Կենտրոնի ընտրողների հետ, որին հնարավոր է, որ մասնակցի Առաջին նախագահ Լեւոն Տեր-Պետրոսյանը:

Մատենադարանում նախապես հայտարարված հանրահավաքը ըստ էության կանցկացվի պողոտայում: Իսկ հարցին, թե միեւնույնն է հանդիպումը արտոնված չէ, ինչո՞ւ չանել Մատենադարանում` Լեւոն Զուրաբյանն ասաց, որ միշտ էլ չարտոնված հանրահավաքներ արել են Մատենադարանում, բայց այս անգամ խնդիրն այն է, որ ստիպված են լինելու հաղթահարել ոչ միայն ոստիկանության դիմադրությունը, այլեւ ստիպված կոնֆլիկտի մեջ կմտնեն այն միջոցառման կազմակերպիչների հետ, որոնք այդ օրը Մատենադարանում կազմակերպել են գրքի տոն: Մեր դիտարկմանը՝ թե, ընդդիմության շնորհիվ Երեւանը դառնում է ՚տոնականՙ քաղաք, Լեւոն Զուրաբյանն ավելացրեց, ՚Նաեւ մեր շնորհիվ քաղաքաշինությունն է զարգանում, որպեսզի տարածք չհատկացնեն հանրահավաքի համար՝ շինարարություն են սկսում տվյալ տեղումՙ,- ապա կեսկատակ նկատեց, թե որ համայնքում խնդիրներ կան, թող դիմեն ընդդիմությանը, այդ համայնքում իրենք հանրահավաք կազմակերպեն՝ թող բարեկարգեն վիճակը:

Իսկ հանրահավաքային մարտավարության վերանայման կապակցությամբ էլ հայտարարեց՝ տեռորիստ իշխանությունների հետ պետք է զգույշ լինել:

՚Ընդհանրապես ահաբեկիչների հետ բանակցում են, որպեսզի պատանդ վերցրած մարդկանց առողջությանը վտանգ չսպառնա, մենք էլ պետք է այդ սկզբունքնով առաջնորդվենքՙ,- ասաց Լեւոն Զուրաբյանը` միաժամանակ ընդգծելով, բայց տեռորիստի հետ բանակցելիս, միշտ հարմար պահ են փնտրում նրանից ազատվելու համար: Զուրաբյանը տեղեկացրեց, որ հետեւողական պայքարը շարունակվում է եւ ուրեմն ՚պայքար,պայքար մինչեւ վերջՙ:

Աղբյուր՝ Ա1+

հ.գ. Անձամբ ես վաղը լինելու եմ Հյուսիսային պողոտայի հանրահաքին՝ լիահույս, որ այս անգամ մլիցեքը չեն որոշի ժողովրդին ծեծել կամ սադրանքներ կազմակերպել... իրականում հավատս չի գալիս