ԵՐԻՏԱՍԱՐԴԻՆ ԲԵՐՄԱՆ ԵՆ ԵՆԹԱՐԿԵԼ
[22:17] 12 Սեպտեմբերի, 2008
Մոտ 40 րոպե առաջ Կոնսերվատորիայի մոտից ոստիկանության Կենտրոնի բաժին է տարվել ՚Հիմաՙ երիտասարդական շարժման անդամ Նարեկ Հովակիմյանը: Նա եւ իր ընկերները այսօր Երեւանի կենտրոնական փողոցներում իրազեկում էին սեպտեմբերի 15-ի հանրահավաքի մասին: Ըստ ականատեսների` նրանց մոտեցել են կարմիր բերետավորներ եւ պահանջել չիրազեկել:
Երբ տղաներն հայտնել ե, թե հանրահավաքն արտոնված է, վերջիններս ասել են, որ այդպիսի բան չկա:
Նրանք սկզբում տղաներից պահանջել են բարձրախոսով չհաղորդել: Պահանջը կատարվել է: Երիտասարդները սկսել են գոռալ ՚Պայքար, պայքարՙ:
Ոստիկաննները հարձակվել են նրանց վրա: Նրանց հաջողվել է բաժին տանել Նարեկին, մյուսները կարողացել են խուսափել` դեպի Հյուսիասային պողոտա փախչելով եւ այդ մասին քաղաքական զբոսանքի մասնակիցներին տեղեկացնելով:
Անձամբ իր մասնակցությունն է այս ամենին, ըստ ականատեսների, ունեցելԵրեւանի ոստիկանապետ Ներսես Նազարյանը:
Ի դեպ, ոստիկանները չեն ճանաչել ՚Նոյան տապանՙ-ի լրագրողներին, եւ նրանցից մեկը հրամայել է իր գործընկերներին. ՚Կալանավորեքՙ: Դեպքից 10 րոպե անց լրագրողը այդ մասին ծիծաղելով պատմում էր Հյուսիսային պողոտայում:
Համաժողովրդական շարժման ներկայացուցիչներն այս պահին գտնվում են ոստիկանական բաժանմունքում` փորձելով ազատ արձակել Նարեկին:
Մեջբերել
Էջանիշներ