Իտալիայի ներքին գործերի նախարարությունը համաձայնության է հասել բրիտանացի իրենց գործընկերների հետ, որ Չեմպիոնների Լիգայի այս մրցաշրջանի եզրափակիչ հանդիպման ժամանակ, որը կկայանա Հռոմի «Ստադիո Օլիմպիկոյում», բրիտանացի ոստիկանները կներգրավվեն մարզադաշտում, ինչպես նաև Հռոմի փողոցներում անվտանգություն ապահովելու համար։
Այս մասին հայտարարել է իտալական ոստիկանության ղեկավար Անտոնիո Մանգանելլի։ Արդեն հիմա պարզ է, որ վերոնշյալ եզրափակիչում կխաղա գոնե մեկ անգլիական ակումբ, քանի որ կիսաեզրափակիչ 4 մասնակիցներից երեք ներկայացնում են անգլիական Պրեմիեր–Լիգան։ Այդ իսկ պատճառով Իտալիայի ոստիկանությունը առնվազն 40.000 անգլիացի երկրպագու է ակնկալում տեսնել Հռոմում։
Մեջբերել
Էջանիշներ