Նկատված վրիպակներ

[Chuk]

Ակումբի հարգելի անդամներ,
ինչպես երևի թե նկատել եք, ֆորումի միջավայրը թարգմանված է հայերեն:

Ցավոք դեռ թարգմանությունն ամբողջովին չի ավարտվել, իսկ ավարտուն մասերում կան մի շարք թերություններ, տառասխալներ, կետադրական սխալներ և այլ կարգի վրիպակներ:

Մենք աշխատում ենք այդ վրիպակները վերացնելու ուղղությամբ, բայց շատ շնորհակալ կլինենք, եթե դուք այդ գործում մեզ օգնեք: Այնպես որ խնդրում ենք, եթե կնկատեք ցանկացած տիպի ուղղագրական, շարահյուսական կամ այլ տիպի սխալներ, դրանց մասին գրեք այս թեմայում, որպեսզի մենք հնարավորություն ունենանք դրանք ուղղելու:

Կանխավ շնորհակալություն:

[Pchuk]

Տես կցորդ:

[Chuk]

Տես կցորդ:

Շնորհակալություն, առաջիկա օրերին ուղղված տարբերակը կտեղադրվի

[Egern.net]

Երբ որ մկնիկը պահում ենք attach արված նկարի վրա գրվում է.
Անուն ...
Դիտումներ ...
Չափբ պետք է լինի չափս

[Chuk]

Մի շարք վրիպակներ արդեն ուղղել եմ, այդ թվում այս թեմայում նշված վրիպակները:

Վրիպակների մասին տեղյակ պահելու համար շնորհակալություն եմ հայտնում Pchuk-ին, Egern.net-ին, Սահակին, Uluana-ին, Arnix-ին, Բյուրակնին: Անչափ շնորհակալություն օգնելու համար

[Արշակ]

Ներդրված մեջբերումներ չի լինում անել
Այսինքն՝ այն դեպքում, երբ մեջբերումը ինքը ևս մեջբերում է պարունակում, «ՄԵՋԲԵՐԵԼ» կնոպկայի միջոցով արված մեջբերման մեջ նրանում պարունակվող մեջբերումը արդեն չի լինում։ Բայց «ձեռով» ներդրված մեջբերումներ սարքել լինում է (երբ որ ինքնուրույն quote-ի tag-եր եմ դնում)

Գլուխս պտտվեց էնքան «մեջբերում» բառն ասեցի ։ Գոնե բան հասկացա՞ք ասածիցս

[Chuk]

Արշակ, ամեն ինչ ճիշտ է: Այդպես էլ պետք է լիներ:

Ի դեպ ներդրված մեջբերումներն այնքան էլ հաճելի երևույթ չի

[Արշակ]

Չուկ, համաձայն եմ, ներդրված մեջբերումներից պետք է հնարավորինս խուսափել, բայց երբեմն տեքստից մեջբերումները հանելու դեպքում միտքը անիմաստ ու անհասկանալի է դառնում։
Այն դեպքում, երբ առանց ներդրված մեջբերման հնարավոր է յոլա գնալ, մեջբերում անողը կարող է ինքնուրույն ջնջել դրանք։ Չե՞ որ ջնջելը շատ ավելի հեշտ է, քան հանված մեջբերումները ավելացնելու համար նոր տեգեր գրելը, այնուհետև հանված մեջբերումը գտնել, համապատասխան տեղում copy-paste անելը։
Իհարկե, սա զուտ իմ կարծիքն է, և եթե կտրականապես դեմ եք ներդրված մեջբերումներին, ապա կարող ենք առանց դրանց էլ յոլա գնալ

[Chuk]

Հարցը նույնիսկ դեմ կամ կողմ լինելուն չի հասնում, որովհետև որքան հիշում եմ վԲուլետինը հենց այդպես է սարքված, ու դրա ընտրության հնարավորությունը նախատեսված չէ:

Կարծում եմ, որ այսպես ճիշտ է, որովհետև, ճիշտ է, դու ասում ես, որ մեջբերումներն անողները, եթե կարիք չկա, ավելորդ մեջբերումները կջնջեն, բայց ինձ թվում է, որ շատերը պարզապես կալարեն ջնջել, իսկ մի մասի մտքով էլ չի անցնի ջնջելը:

[Egern.net]

Սմայլերը դնելուց, երբ որ էդիտորի մենյուից ես օգտվում, բացվում է ցանկ, որի վերջում գրված է.
Հավելյար ցանկ
Պետք է լինի հավելյալ

[Chuk]

Շնորհակալություն, կուղղենք

[Narinfinity]

Շնորհակալություն ՀՐԱՇՔ աշխատանք է արվել և արվում է ՁԵՐ կողմից:
Խնդրում եմ տեղեկացնել ,թե ինչու քիչ բարդ և ավելորդ ու շեղող սեղմակներ ու "լինկ" օպցիաներ կան շատ ,չգիտես թե որից օգտվես:
Բայց ՁԵՐ գործը ուղղակի հիանալի է ,դա հաստատ:

[Chuk]

Շնորհակալություն գովասանքի համար

Ինչ վերաբերվում է ավելորդ հղումներին, ապա հնարավոր է, որ դա միայն սովորելու (վարժվելու) հարց է և հետագայում ինքներդ այդ ավելորդություններից շատերը հարմարութան համար օգտագործեք

[StrangeLittleGirl]

Չուկ, երեկ ես մի վրիպակ եմ նկատել, բայց չեմ հիշում, տե վորտեղ էր: Դրա համար չեմ կարող screenshot անել: Բայց մոտավորապես այսպես էր. «Գրառումը խմբագրել է Uluana-ը»:

[Chuk]

Էհ, Բյուր, գիտեմ
Ու ամենատխուրն այն է, որ երևի թե ուղղել չեմ կարողանա