ՏԻՄ ընտրություններ

[Elmo]

Խոսքը ավագանու մասին ա՞:

[Mephistopheles]

ՏԻՄ

[Norton]

ԳԱԳԻԿ ԲԵԳԼԱՐՅԱՆԸ ԵԼՈՒՅԹ ԿՈՒՆԵՆԱ՞ ՄԱՏԵՆԱԴԱՐԱՆԻ ՄՈՏ

[13:42] 23 Սեպտեմբերի, 2008

Դեռեւս հայտնի չէ, թե այսօր Մատենադարանի հարող տարածքում տեղի կունենա Կենտրոն համայնքի ղեկավարի թեկնածու, գործող թաղապետ Գագիկ Բեգլարյանի հանրահավաքը: Կենտրոն թաղապետարանից ՚Ա1+ՙ-ին խոստացան պատասխանել ավելի ուշ ու այդպես էլ չպատասխանեցին:

Նշենք, որ սեպտեմբերի 16-ին Գագիկ Բեգլարյանի լիազոր ներկայացուցիչը Երեւանի քաղաքապետարան է ներկայացրել իրազեկում սեպտեմբերի 26-ին, ժամը 16-ին Մատենադարանի հարող տարածքում զանգվածային հրապարակային նախընտրական քարոզարշավ-միջոցառում անցկացնելու մասին: Երեւանի քաղաքապետարանը քննարկել է դիմումը եւ մերժել` առաջարկելով այն անցկացնել սեպտեմբերի 23-ին` այսօր, նույն ժամին, նույն տեղում:

Ի դեպ, սեպտեմբերի 26-ին զանգվածային հրապարակային նախընտրական քարոզարշավ-միջոցառում անցկացնելու մասին իրազեկում է ներկայացրել նաեւ Կենտրոն համայնքի ղեկավարի մյուս թեկնածու Արարատ Զուրաբյանը: Երեւանի քաղաքապետարանը մերժել է նաեւ վերջինիս դիմումը, ինչի փոխարեն առաջարկվել է հանրահավաքն անցկացնել սեպտեմբերի 26-ին ՚Դինամոՙ մարզահամալիրի հարակից տարածքում կամ սեպտեմբերի 22-ին Մատենադարանին հարակից տարածքում:

Կենտրոն համայնքի ղեկավարի թեկնածու Արարատ Զուրաբյանը ՚Ա1+ՙ-ին ասաց, որ իրենք քաղաքապետարան են ներկայացրել լրացուցիչ դիմում` առաջարկելով միջոցառում անցկացնել ՚Մոսկվաՙ կինոթատրոնի տարածքում, ինչը հիմա քննարկման փուլում է: Ավելացնենք նաեւ, որ արգելվել է նաեւ առաջին նախագահ Լեւոն Տեր-Պետրոսյանի եւ ՚Հանրապետությունՙ կուսակցության քաղաքական խորհրդի նախագահ Արամ Սարգսյանի լիազոր ներկայացուցիչ Արտակ Զեյնալյանի սեպտեմբերի 26-ին Մատենադարանի հարող տարածքում հանրահավաք անցկացնելու մասին դիմումը: Վերջիններիս առաջարկվել է այն անցկացնել ՚Հրազդանՙ մարզադաշտի հարավային տրիբունայի հարեւանությամբ գտնվող տարածքում:

՚Դա ծաղր է: Առաջարկը, իհարկե, չենք ընդունում,- ՚Ա1+ՙ-ին ասաց Համաժողովրդական շարժման ներկայացուցիչ Լեւոն Զուրաբյանը,- Այժմ մենք քննարկում ենք, թե ինչպես հանրահավաքը անցկացնելՙ:

www.a1plus,am/amu

[Norton]

՚ԳՈՂԻ ՁԵՌՔԸ ԱՄԲՈՂՋ ԺՈՂՈՎՈՒՐԴԸ ՊԵՏՔ Է ԲՌՆԻՙ

[13:01] 23 Սեպտեմբերի, 2008

՚Բոլոր ընտրություններն էլ կարեւոր են: Տեղական ինքնակառավարման ընտրություններն առավելապես, որովհետեւ տեղական ինքնակառավարումը ժողովրդին ամենամոտ իշխանությունն է եւ ժողովուրդը սովորաբար դատում է տեղական ինքանկառավարման մարմինների միջոցով: Նրանց հետ է ժողովրդի ամենօրյա գործըՙ,- սեպտեմբերի 28-ին Երեւանում նախատեսված ՏԻՄ ընտրությունների` հատկապես Կենտրոնի թաղապետի ընտրության առիթով ՚Ա1+ՙ-ին ասաց Առաջին նախագահ Լեւոն Տեր-Պետրոսյանը:

Կարեւորելով ՏԻՄ ընտրությունները` Առաջին նախագահն ասաց. ՚Ես երջանիկ կլինեի, եթե ՏԻՄ–ում մշտապես ընտրվեին ազնիվ, բանիմաց եւ ժողովրդի նկատմամբ հոգատար մարդիկ: Այս պարագայում խոսքը Կենտրոն համայնքի թաղապետի ընտրությունների մասին է, Արարատ Զուրաբյանը հենց այն մարդն է, որը համապատասխանում է իմ ասած պահանջներին, որը նա ապացուցել է իր աշխատանքովՙ:

Խոսելով կոնկրետ Կենտրոն համայնքի թաղապետի թեկնածու, ՀՀՇ վարչության նախագահ, Հայ ազգային կոնգրեսի անդամ Արարատ Զուրաբյանի մասին` ՀՀ առաջին նախագահը ընդգծեց. ՚Արարատ Զուրաբյանն ավելի լայն` հանրապետական մասշտաբի գործիչ է, եւ դեռ պատանի հասակից` 1988թ.-ից եղել է այս շարժման մեջ: 20 տարի է անցել եւ նա այն հազվագյուտ մարդկանցից է, որ երբեք չի դավաճանել ոչ շարժմանը, եւ ոչ էլ շարժման գաղափարներին: Այսօր մեր ժողովրդի վերաբերմունքն էլ շարժման նկատմամբ ցույց է տալիս, որ այդ շարժումն իրեն արդարացրել է` իր բոլոր թերություններով հանդերձ, որոնք բնորոշ են ցանկացած իշխանության: Շարժումը բռնել է ժամանակի փորձը, քննությունը: Կարծում եմ` ժողովրդի ընտրությունը պետք է կանգ առնի Արարատ Զուրաբյանի նման մարդկանց եւ ոչ թե պատահական մարդկանց վրա, որոնց համար համայնքի ղեկավարի պաշտոնը ոչ թե պետական գործ է, այլ սեփական բիզնեսը զարգացնելու միջոցՙ:

Հաշվի առնելով Երեւանի մյուս համայնքներում տեղի ունեցած ՏԻՄ ընտրությունները, որոնք ուղեկցվեցին կեղծիքներով, կաշառքի բաժանմամբ, բռնություններով, ընդհուպ դանակահարությամբ, ՚Ա1+ՙ-ը Առաջին նախագահից հետաքրրքվեց, թե արդյոք սեպտեմբերի 28-ին Կենտրոն համայնքում չի կրկրնվելու նախորդ ՏԻՄ ընտրությունների սցենարը:

՚Ինձ հենց դա է ցավ պատճառում: Ես հասկանում եմ, որ խրհրդարանական, նախագահական ընտրություններում իշխանությունները փորձում են եւ ամեն ամեն ինչ անում են իրենց իշխանությունը պահպանելու համար: Բայց որ նույնը կատարում են նաեւ ՏԻՄ ընտրություններում, դա արդեն ՚բեսպրեդել էՙ: Այն սահմանազանցությունն է, որի մասին ես խոսել եմ: Ի՞նչ էր իրենց խանգարում մի քանի ՏԻՄ ընտրություններում իսկապես արդար ընտրություններ անցկացնել: Ի՞նչ վնաս կարող էր հասցնել ընդդիմադիր թաղապետը իրենց իշխանությանը: Սրանք ոչ միայն դա չեն հանդուրժում, այլեւ չեն հանդուրժում, որ ժողովուրդը ընտրի իր գյուղապետին: Սա ցավով եմ ասում: Սա ոչ միայն իշխանատենչություն է, բռնատիրություն է, այլ գավառականության չափազանց ծայրահեղ արտահայտություն, որ ոչ մի այլախոհություն, ոչ մի օրինական բան չլինի այս երկրում: Մարդիկ այս հարցում ՚տաղանդՙ ունեն, ՚հանճարեղՙ ենՙ: Չեն ուզում, որ այս երկրում որեւէ օրինական պաշտոնի լինի, ուզում են բոլորին իրենց նմանեցնելՙ:

Տեր-Պետրոսյանը գտնում է, որ անգամ այս իրավիճակում ՀՀ շարքային քաղաքացին միշտ էլ արել է այն, ինչ պետք է անի. ՚Համարյա բոլոր ընտրություններում էլ հաղթել է ոչ իշխանական թեկնածուն: Բայց գիտենք, որ արդյունքները այլ կերպ են հրապարակվում: Փակում են ընտրական տեղամասերը եւ գրում ցանկացած արդյունքՙ:

Անկախ հանգամանքներից` Տեր-Պետրոսյանը ժողովրդին կոչ է անում բոլոր ընտրություններում լինել ավելի ակտիվ եւ գնալ քվեարկության.՚Ոչինչ, թող էլի գողանան: Բայց յուրաքանչյուր քաղաքացի պետք է կատարի իր պարտքըՙ: Իսկ մինչեւ ե՞րբ պետք է գողանան. ՚Ա1+ՙ-ի հարցին` Լեւոն Տեր-Պետրոսյանը պատասխանեց. ՚Մինչեւ նրանց ձեռքը բռնող լինի: Ես միայնակ քիչ եմ, ամբողջ ժողովուրդը պետք է նրանց ձեռքը բռնիՙ:

աղբյուր

[Norton]

ԳԱԳԻԿ ԲԵԳԼԱՐՅԱ՞Ն, ԹԵ՞ ԱՐԱՐԱՏ ԶՈւՐԱԲՅԱՆ

Սեպտեմբերի 28-ին տեղի են ունենալու Կենտրոնի եւ Նոր Նորքի համայնքապետերի ընտրությունները: Կենտրոնում սպասվում է թեժ պայքար, քանի որ "մենամարտում" են իշխանության եւ արմատական ընդդիմության կարկառուն դեմքերը, կամ` հին ու նոր թաղապետերը: Այս ընտրություններին մասնակցելու է նաեւ Եւրախորհրդի տեղական եւ տարածքային իշխանությունների կոնգրեսի պատվիրակությունը:

Համայնքային ընտրությունների մասին կարծիք են հայտնել կուսակցական եւ ոչ կուսակցական քաղաքական գործիչներ:

Նախագահի նախկին թեկնածու Արման Մելիքյան

"Չեմ կարծում, որ փոփոխություններ կլինեն, դրա համար նախադրյալներ չկան: Հերթական բախումների առիթ են: Որակական փոփոխություններ չեմ ակնկալում, սա հերթական խեղկատակությունն է լինելու: Որպես անկախ քաղաքական գործիչ, ելնելով այսօրվա իշխանության քաղաքականությունից, կարծում եմ, որ, այնուամենայնիվ, կհաղթի գործող թաղապետը":

Երեւանի նախկին քաղաքապետ, "Հանրապետություն" կուսակցության անդամ Սուրեն Աբրահամյան

"Ինչ-որ մի բան էս երկրում փոխվե՞լ ա: Իշխանության հույսին մնալով` ոչ մի լավ բան չի կարելի ակնկալել: Կոնգրեսի մասնակցության պայմաններում պայքարի սրությունը եւ, առհասարակ, հսկողությունը ուժեղ կլինի: Ընդդիմության ճնշումն ավելի մեծ է լինելու, որովհետեւ Արարատ Զուրաբյանը մեծ ընտրազանգված ունի եւ կարող է տոնել հաղթանակ: Իսկ Կենտրոնի ընտրությունները ոչ միայն աշխարհագրական դիրքով, այլեւ քաղաքական առումով` վստահ եմ, որ տարբերվելու է, փողի եւ այլ ֆակտորները չեն գործելու: Իսկ իշխանության հույսը, երեւի, հանձնաժողովներն են: Թվում է` թեժ պայքար է լինելու, եւ ես ակնկալելու եմ Արարատ Զուրաբյանի հաղթանակը":

"Հայաստանի քրիստոնեադեմոկրատական միության" նախագահ Խոսրով Հարությունյան

"Ես կարծում եմ, որ այս ընտրությունները, իրոք, տարբերվելու են: Ես կարող եմ նշել երկու պատճառ: Առաջինը, որ ընդդիմության ներկայացուցչի մասնակցությունը լրացուցիչ վերահսկողության հնարավորություն կտա: Երկրորդը, անցած ընտրությունները հասարակության գիտակցության մեջ կոշտ ու կոպիտ խախտումների նստվածք են տվել: Իսկ հիմա թեկնածուներն աշխատում են սիրաշահել ընտրողներին, վստահություն ձեռք բերել: Երկու թեկնածուներն էլ շեշտը դնում են իրենց կողմնակիցների մասսայականության վրա: Հույսը դնում են ոչ թե նախկին ընտրական տեխնոլոգիաների վրա, այլ` ընտրողների բարի վերաբերմունքի: Հաջողությունը պայմանավորված է ընտրող եւ ընտրվող հարաբերություններով: Արարատ Զուրաբյանի եւ Գագիկ Բեգլարյանի ջանքերն այս առումով ես տեսնում եմ: Երկուսն էլ աշխատել են թաղապետ, բայց Գագիկ Բեգլարյանի գործերի տպավորությունները դեռ թարմ են, իհարկե, թերություններ էլ կան: Ես կցանկանայի, որ այս ընտրությունները լինեն մեկ քայլ առաջ: Մնում է ստանալ ընտրողների աջակցությունը":

Ժողովրդական կուսակցության նախագահ Տիգրան Կարապետյան

"Ես գիտեմ, որ տարբերություն այս անգամ կլինի, որովհետեւ ընդդիմությունն ամբողջ ուժով պայքարելու է: Ինչքան ազնիվ, ինչքան արդար անցնի` այնքան լավ: Թե ով կընտրվի, չեմ կարող ասել, բայց ուղղակի մտածում եմ, որ ընդդիմությունը կհաղթի: Կոնգրեսն ունի ներուժ` մի թաղամաս պահելու համար: Ընտրակեղծիքներ որոշակի կլինեն, բայց ոչ էն թափով, որ միշտ կա":

ՀՅԴ պատգամավոր Արտյուշա Շահբազյան

"Ոչինչ էլ չեմ ակնկալում: Ընտրակեղծիքներ միշտ էլ կարող են գործել, բայց ցանկալի է, որ չլինի: Չեմ կարող ասել` ինչպիսի պայքար կլինի, կպայքարեն` կտեսնենք: Ով էլ ընտրվի, ինձ համար մեկ ա, միայն թող արդար լինի":

Մաքսային վարչության նախկին պետ Երջանիկ Աբգարյան

"Եթե ընտրություններն ընթանան արդար, ուրեմն, Արարատ Զուրաբյանն անպայման կհաղթի: Նա բավական երկար ժամանակ եղել է այդ պաշտոնում, եւ իր աշխատանքը մենք տեսել ենք: Ներկայիս պայմաններում Կենտրոնի թաղապետ ընտրվելու նրա շանսը մեծ է: Իշխանությունն իր հույսը ամբողջովին դրել է կեղծիքների ու բռնությունների վրա: Ընտրակեղծիքների հարցում իրենց սեւ գործը կանեն: Նրանք վախենում են որեւէ պարտությունից, որովհետեւ դա կլինի նրանց իշխանության վերջին ազդանշանը: Ինչ վերաբերում է ԵԽ դիտորդներին, ես հարգում եմ արեւմտյան քաղաքակրթությունը, բայց, դժբախտաբար, ներքին հարցերում, չպետք է ուշադրություն դարձնեն մեր ներքին հարցերի վրա":

"Ժառանգություն" խմբակցության ղեկավար Արմեն Մարտիրոսյան

"Կարծում եմ, որ Արաբկիրն իր օրինակով ցույց տվեց, որ թեկնածուները կարող են ստանալ իրենց ընտրողների ճիշտ հաշվարկը եւ բացառել կրկնակի ընտրություններ ու լցոնումներ: Կենտրոնում ընդդիմադիր ուժերը կարող են վերահսկել: Արաբկիրի փորձը ցույց տվեց, որ հաղթանակը պայմանավորված է լինելու քաղաքացիների մասնակցությամբ: Եթե Կենտրոնի բնակիչները գնան ընտրությունների, ուրեմն, Արարատ Զուրաբյանը կհաղթի, եթե ոչ, ուրեմն, ադմինիստրատիվ ռեսուրսը քվեները տեղափոխելու է ընտրական տեղամաս: Բախումներ, հուսով եմ, չի լինի":

"Սահմանադրական իրավունք միության" նախագահ Հայկ Բաբուխանյան

"Ճիշտն ասած` որեւէ ակնկալիքներ չունեմ: Ովքեր մասնակցում են, պարտավոր են ապահովել արդար եւ թափանցիկ ընտրությունները: Ովքեր հպարտանում են, թե ժողովուրդն իրենց թիկունքին է, թող ապացուցեն: Երկու թեկնածուներից էլ, որպես գործող թաղապետ, դժգոհ ենք: Ես հիմա Կենտրոնում եմ եւ պատուհանից տեսնում եմ մի աղբակույտ, որը եթե զբոսաշրջիկներն էլ տեսնեն, կփախչեն: Այդպիսին էր վիճակը նաեւ նախորդի ժամանակ: Որպես քաղաքականացված ընտրություններ` երկուսին էլ հնարավորություն է տրված ապացուցելու իրենց հեղինակությունը եւ ցույց տալու իրենց քաղաքական պլատֆորմը: ՀՀՇ-ն ամեն տեղ հպարտանում է, թե ժողովուրդն իր թիկունքին է, դե, ուրեմն, թող ապացուցի, որ այդպես է":

www.hraparak.am

[Grieg]

եթե չեմ սխալվում Արարատ Զուրաբյանը եղել է կենտրոնի համայնքապետը 1996-2000 թթ, ճիշտն ասած այդ ընթացքում ոչ մի լուրջ դրական փոփոխություն չեմ նկատել ..
ընտրություններում ֆավորիտ չունեմ ուստի դժվար թե մասնակցեմ ընտրություններին

[Koms]

Մամուլում ճիշտ հարցադրում կար Չոռնի Գագոյին - լավ ինչին է պետք իրեն 3 այս նոր թաղապետությունը? Դա արդեն իրոք ետնթաց է, համենայն դեպս ոչ առաջխաղացում, եթե նա գնում է Հանրապետականով; իսկ եթե նա գնար արդեն ուղղակի որպես զուտ այսպես ասաց "хозяйственник", ապա փառք ու պատիվ կլիներ իրեն, որովհետեվ թաղապետությունը` դա դասական "хозяйственник"-ի պաշտոն է, եւ թաղապետարանի "պատասխանատու" աշխատակիցները առանց կոստերի ու գալոների պետք է "աշխատեն" փողոցներում, այլ ոչ թե նստեն քարտուղարուհիներով կաբինետներում` համայնդեպս այդպես է ցիվիլ աշխարհում, եւ այդպես էլ կլինի` բայց ոչ մեզ մոտ, ցավոք,..

[voter]

Հիմա ՏԻՄ ընտրությունները չեն կարող հիմնվել ԱՂԲԱԿՈՒՅՏԵՐԻ ու լավ բան արած չարածի վրա, դրանք միջոց են քաղաքական դաշտը Հայաստանում վերականգնելու։
Ցանկացած գավառապետ վատն է, եթե չի ձգտում դառնալ նախագահ։

Ամեն նորմալ երկրում ՏԻՄ ընտրություններում իրենց ուժերը չափելով են կուսակցությունները սիրտ ու վստահություն ունենում հետագա ավելի մեծ գործողությունների դիմելու համար։

Իսկ եթե հայաստանցիների համար իրենց բակը անկապ է Հայաստանում տեղի ունեցող քաղաքական գործունեություններից - ես իմ ծառնա ուրիշ ջրով եմ ջրում, հասարակության ծառը ուրիշ ծառա ուրիշ ջրով պիտի ջրվի, ապա երբեք էլ զարմանալի չի լինի, որ համահանրապետական ընտրություններում ամեն ինչ իջնում է թաղի մակարդակի ու թաղի աֆտարիտետներով է ամեն ինչ որոշվում։

Քաղաքական պայքարն Բաղրամյան պողոտայով ու Ազատության հրապարակով չպիտի սահմանափակվի։

Ամեն թաղապետ, գյուղապետ, քաղաքապետ որոշակի մարդկանց քանակի համար պատասխանատու անձ է, այսինքն այդ բոլորի և քաղաքական և ընտանեկան և միջազգային նպատակների իրագործման համար պիտի իր ուժերն օգտագործի։

Այլասեռել են իջեցրել ընտրությունները Հայաստանում ՎՈԺԴ ընտրելու մակարդակին, որ միայ խոշոր չափի, լավ դռբով, հաստավիզ ալֆա-կենդանին ընտրվի, անկախ նրանից ուղեղներում քանի ծալք ունեն ու քանի նախադասություն իրար կապել կարող են։

Так держать - Տաք պահեք, ոչ մի ընտրություն առանց ընդիմության մի թողեք անցնի, միգուցե սառույցը իսկապես շարժվի...

[Chuk]

ԴՊՐՈՑԻ ՏՆՕՐԵՆԸ ՔԱՐՈԶՈՒՄ Է ԸՆՏՐԵԼ ԲԵԳԼԱՐՅԱՆԻՆ

[20:46] 25 Սեպտեմբերի, 2008

Այսօր երեկոյան Երեւանի Չեխովի անվան թիվ 55 դպրոցի տնօրեն Գայանե Սարուխանյանը բոլոր դասարանների աշակերտների ծնողներին հրավիրել էր ժողովի, որպեսզի կոչ անի ընտրել Կենտրոն համայնքի ղեկավարի թեկնածու Գագիկ Բեգլարյանին:

Տնօրենն ասել է, թե ինքն անձամբ ճանաչում է Գագիկ Բեգլարյանին եւ սկսել է թվարկել նրա արժանիքները:

Այս մասին ՚Ա1+ՙ-ին ասաց Հայ ազգային կոնգրեսի անդամ Հասմիկ Մանուկյանը, որը ներկա է եղել ծնողական ժողովին:

Ըստ Հասմիկի` դպրոցի տնօրենը թեեւ հայտարարել է, որ ընդդիմության թեկնածու Արարատ Զուրաբյանի դեմ ոչինչ չունի, բայց ծնողների համար օրաթերթից մի նյութ է ընթերցել, որը Զուրաբյանի դեմ է եղել:

՚Այնտեղ ընդդիմադիր ծնողներ կային, որոնք դժգոհեցին եւ դուրս եկան դահլիճիցՙ,- ասաց Հասմիկ Մանուկյանը: Ժողովին մասնակցել է նաեւ ՀՀՇ անդամ Գոռ Սարգսյանը, ով տնօրենի խոսքն ընդհատել է` ասելով, թե արյունով իշխանության եկածի հետնորդներից ոչ մի լավ բան չեն կարող անել երկրի համար` նկատի ունենալով գործող իշխանություններին:

՚Ա1+ՙ-ը զանգահարեց դպրոց` տնօրենից պարզաբանումներ ստանալու, սակայն մեր հեռախոսազանգերն անպատասխան մնացին:

Աղբյուր՝ Ա1+

Տիգրան Սարգսյան, ականջդ կանչի, թափդ հազիվ հերիքում է ընդդիմադիր դասախոսներին գործից հեռացնելուն, չէ՞

[Chuk]

Հատուկ ՏԻՄ ընտրության ջատագովների համար ծաղկաքաղ անեմ Ա1+ կայքից.

Կենտրոն համայնքի ղեկավարի թեկնածու Արարատ Զուրաբյանի շտաբից տեղեկացնում են, որ մի շարք ընտրատեղամասերում արձանագրվել են ընտրախախտումներ: Գրողների միության շենքում տեղակայված թիվ 10/49 տեղամասում ժամը 9:30-ի սահմաններում տեղի է ունեցել բաց քվերակություն: Նույն տեղամասից դուրս են հանելԱրարատ Զուրաբյանի վստահված անձին:

Թիվ 19 մանկապարտեզում գտնվող 10/07 տեղամասի ընտրական հանձնաժողովի նախագահ Արա Սադոյանը ոստիկանների օգնությամբ ընտրատեղամասից դուրս է հանել վստահված անձանց:

Իսկ Սպանդարյանի անվան դպրոցում տեղակայված թիվ 10/39 տեղամասում ընտրական հանձնաժողովի նախագահ Կարինե Մկրտչյանը և հանձնաժողովի անդամ Արևիկ Ղազարյանը ընտրողներից պահանջում են քվեախցից դուրս գալուց հետո բացել ծրարը և միայն քվեաթերթիկն իրենց ցույց տալուց հետո գցել քվետուփի մեջ:

Ժամը 10:45-ի սահմաններում միջադեպ է տեղի ունեցել Այգեստան թաղամասում գտնվող Ջ.Կիրակոսյանի անվան թիվ 20 դպրոցում տեղակայված N 10/03 ընտրական տեղամասում: Հանձնաժողովի նախագահ Սերգեյ Կոստանյանը ընտրողներից պահանաջել է կատարել բաց քվեարակություն, այսինքն` քվեաթերթիկը քվեատուփը գցել իրեն ցույց տալուց հետո: Թաղապետի թեկնածու Արարարատ Զուրաբյանի վստահված անձը պահանջել է դադարեՍԵցնել բաց քվերկությունը: Դրան ի պատասխան` Սերգեյ Կոստանյանը կանչել է տեղամասի մոտ հավաքված մի խումբ տղաների, որոնք քաշքշել ու հարվածել են Զուրաբյանի վստահված անձին:

Ժամը 10:55-ին բաց քվերակություն է կատարվել նաեւ Ծխախոտագործների 1 հասցեում գտնվող թիվ 10/32 ընտրական տեղամասում: Բաց քվերարկությունը դադարեցնել պահանջող վստահված անձանց ոստիկանները դուրս են հանել տեղամասից:

Մետաքս թաղամասում գտնվող թիվ 39 դպրոցում տեղակայված 10/33 ընտրական տեղամասում գործող թաղապետ Գագիկ Բեգլարյանի թիմակիցները ՚Գազելՙ-ներով ընտրողներին բերում են քվերկության, վստահված անձանց արգելում են մոտենալ ընտրացուցակներին եւ հանձնաժողովի անդամների թողտվությամբ ընտողների հետ մոտենում են քվեախցիկին` ստուգելու համար, որ նրանք ընտրել են Գագիկ Բեգլարյանին:

Իսկ Կիլիկիա թաղամասում տեղակայված թիվ 10/51 տեղամասում քիչ առաջ արգելել են լրագրողների մուտքը. լրագրողների թվում է եղել նաեւ Գյումրիի ՚Գալլաՙ հեռտուստաընկերության նկարահանող խումբը:

Հիդրոպնեվավտոմատիկայի ինստիտուտում տեղակայված թիվ 10/53 տեղամասում Ժամը 10:15-ի դրությամբ քվերակել է 50 ընտրող, մինչդեռ այս տեղամասից թիվ 10 ընտրատարածքային ընտրական հանձնաժողովին է ուղարկվել հաղորդագրություն, ըստ որի այդ պահի դրությամբ քվերակությանը մասնակցել է 150 ընտրող:

Մետաքս թաղամասում գտնվող թիվ 33 դպրոցում տեղակայված թիվ 10/29 ընտրական տեղամասում վստահված անձինք մեկուսացվել են, հանձնաժողովի նախագահ Միշա Սանթրյանի կարգադրությամբ տեղամասում գտնվող մի խումբ երիտասարդներ նրանց թույլ չեն տալիս տեղաշարժվել տեղամասում: Դա տեղի է ունեցել այն բանից հետո, երբ թաղապետի թեկնածու Գագիկ Բեգլարյանի համակիրները այս տեղամաս են բերել Կենտրոնի բնակիչներ չհանդիսացող քաղաքացիների, որոնք քվեարկել են` հանձնաժողովի նախագահի թույլտվությամբ քվեաթերթիկներ ստանալուց հետո: Այս տեղամասում գտնվող ՚Հայքՙ թերթի թղթակից Տաթեւ Մեսրոպյանին հանձնաժողովի նախագահի հետ ՚համագործակցողՙ ինչ-որ երիտասարդներ ահաբեկել են, սպառնալով` ՚եթե ուզում ես քո հետ վատ բան չլինի, հանգիստ նստի տեղդՙ:

Իսկ ժամը 11:25-ին Ծխախոտագործների 1 հասցեում գտնվող թիվ 10/33 տեղամասից դուրս է հանվել համայնքի ղեկավարի թեկնածու Արարատ Զուրաբյանի վստահված անձ, ՚Ժառանգությունՙ կուսակցության ներկայացուցիչ Անահիտ Մեսրոպյանը: Նույն տեղամասի հանձնաժողովի նախագահը ժամը 11:50-ին բացել է արդեն քվեարկված քվեաթերթիկները և Արարատ Զուրաբյանի օգտին քվեարկվածների վրա նշումներ անելով` դրանք դարձրել է անվավեր: Իսկ ժամը 11:30-ին ՚Հրազդանՙ մարզաթատերական համալիրում գտնվող թիվ 10/51 և Կիլիկա թաղամասի թիվ 22 գրադարանում տեղակայված 10/52 տեղամասեր է (դրանք գտնվում են հարեւանությամբ) մուտք գործել Դավիթ Օհանյան անունով ինչ-որ քաղաքացի և երկու հանձնաժողովների նախագահներին հրավիրել է տեղամասում գտնվող ոստիկանների սենյակ: Այդտեղից դուրս գալուց հետո հանձնաժողովների երկու նախագահներն էլ չհրկիզվող պահարաններից (սեյՖերից) հանել են քվեաթերթիկները և պահում են իրենց գրապաններում:

Ընտրակաշառք են բաժանում

Կենտրոն համայնքի ղեկավարի` այսօր ընթացող ընտրությունների գնացողներին թաղապետի թեկնածուներից մեկի` Գագիկ Բեգլարյանի թիմակիիցներն արդեն սկսել են ընտրակաշառք բաժանել:

Մասնավորապես, Կոնդ թաղամասի Ռուսթավելու անվան դպրոցում տեղակայված թիվ 10/47 և 10/48 ընտրատեղամասեր գնալուց առաջ մի շարք ընտրողներ, վստահված անձանց ուղեկցությամբ մտնում են մոտակայքում գտնվող ոմն Սմբատի տուն, ստանում գումարը (այս պահին գումարի չափը դեռևս հայտնի չէ) և համապատասխան ցուցակում իրենց անունը նշելուց հետո գնում են քվերկության:

Քվեարկում են ուրիշի անձնագրով

Ծխախոտագործների 1 հասեցում գտնվող թիվ 10/33 ընտրական տեղամսաում ժամը 11:05-ին արձանագրվել են ինչ-որ անձանց կողմից իրենց չպատկանող անձնագրերով քվերկելու դեպքեր: Նույնը տեղի է ունեցել Շևչենկոյի անվան N 42 դպրոցում գտնվող թիվ 10/40 ընտրատեղամասում: Ժամը 11:10-ին այլ անձի անձնագրերով այստեղ քվերակություն է կատարվել:

Մետաքս թաղամասում գտնվող թիվ 33 դպրոցում տեղակայված թիվ 10/29 ընտրական տեղամասում վստահված անձինք մեկուսացվել են, հանձնաժողովի նախագահ Միշա Սանթրյանի կարգադրությամբ տեղամասում գտնվող մի խումբ երիտասարդներ նրանց թույլ չեն տալիս տեղաշարժվել տեղամասում: Դա տեղի է ունեցել այն բանից հետո, երբ թաղապետի թեկնածու Գագիկ Բեգլարյանի համակիրները այս տեղամաս են բերել Կենտրոնի բնակիչներ չհանդիսացող քաղաքացիների, որոնք քվեարկել են` հանձնաժողովի նախագահի թույլտվությամբ քվեաթերթիկներ ստանալուց հետո: Այս տեղամասում գտնվող ՚Հայքՙ թերթի թղթակից Տաթեւ Մեսրոպյանին հանձնաժողովի նախագահի հետ ՚համագործակցողՙ ինչ-որ երիտասարդներ ահաբեկել են, սպառնալով` ՚եթե ուզում ես քո հետ վատ բան չլինի, հանգիստ նստի տեղդՙ:

Իսկ ժամը 11:25-ին Ծխախոտագործների 1 հասցեում գտնվող թիվ 10/33 տեղամասից դուրս է հանվել համայնքի ղեկավարի թեկնածու Արարատ Զուրաբյանի վստահված անձ, ՚Ժառանգությունՙ կուսակցության ներկայացուցիչ Անահիտ Մեսրոպյանը: Նույն տեղամասի հանձնաժողովի նախագահը ժամը 11:50-ին բացել է արդեն քվեարկված քվեաթերթիկները և Արարատ Զուրաբյանի օգտին քվեարկվածների վրա նշումներ անելով` դրանք դարձրել է անվավեր: Իսկ ժամը 11:30-ին ՚Հրազդանՙ մարզաթատերական համալիրում գտնվող թիվ 10/51 և Կիլիկա թաղամասի թիվ 22 գրադարանում տեղակայված 10/52 տեղամասեր է (դրանք գտնվում են հարեւանությամբ) մուտք գործել Դավիթ Օհանյան անունով ինչ-որ քաղաքացի և երկու հանձնաժողովների նախագահներին հրավիրել է տեղամասում գտնվող ոստիկանների սենյակ: Այդտեղից դուրս գալուց հետո հանձնաժողովների երկու նախագահներն էլ չհրկիզվող պահարաններից (սեյՖերից) հանել են քվեաթերթիկները և պահում են իրենց գրապաններում:

Ընտրակաշառք են բաժանում

Կենտրոն համայնքի ղեկավարի` այսօր ընթացող ընտրությունների գնացողներին թաղապետի թեկնածուներից մեկի` Գագիկ Բեգլարյանի թիմակիիցներն արդեն սկսել են ընտրակաշառք բաժանել:

Մասնավորապես, Կոնդ թաղամասի Ռուսթավելու անվան դպրոցում տեղակայված թիվ 10/47 և 10/48 ընտրատեղամասեր գնալուց առաջ մի շարք ընտրողներ, վստահված անձանց ուղեկցությամբ մտնում են մոտակայքում գտնվող ոմն Սմբատի տուն, ստանում գումարը (այս պահին գումարի չափը դեռևս հայտնի չէ) և համապատասխան ցուցակում իրենց անունը նշելուց հետո գնում են քվերկության:

Քվեարկում են ուրիշի անձնագրով

Ծխախոտագործների 1 հասեցում գտնվող թիվ 10/33 ընտրական տեղամսաում ժամը 11:05-ին արձանագրվել են ինչ-որ անձանց կողմից իրենց չպատկանող անձնագրերով քվերկելու դեպքեր: Նույնը տեղի է ունեցել Շևչենկոյի անվան N 42 դպրոցում գտնվող թիվ 10/40 ընտրատեղամասում: Ժամը 11:10-ին այլ անձի անձնագրերով այստեղ քվերակություն է կատարվել:

Միքայել Նալբանդյանի անվան թիվ 33 դպրոցում տեղակայված 10/29 ընտրատեղամասում, այսօր Կենտրոնի գործող թաղապետ Գագիկ Բեգլարյանի հանակիրներն ահաբեկել են ՚Հայքՙ օրաթերթի լրագրող Տաթեւ Մեսրոպյանին:

Մեսրոպյանը ՚Ա1+ՙ-ին հայտնեց, որ այդ տեղամասում վախի մթնոլորտ է տիրում. ՚Ամեն ինչ սկսվեց նրանից, որ նկատեցի թե ինչպես են նույն անձինք քվեարկելուց հետո հեռանում, ապա նորից վերադառնում եւս մեկ անգամ քվեարկելու համար: Երբ նկատեցի դա եւ փորձեցի պարզել, ինձ մոտեցան Գագիկ Բեգլարյանի համակիրները եւ ասացին. ՚Հանգիստ պահի քեզ. էստեղից հելնել կաՙ: Այս երիտասարդները չգիտես ինչու ազատ մուտք եւ ելք ունեն ընտրատեղամասՙ: Մեսրոպյանը զրուցել է նաեւ Արարատ Զուրաբյանի վստահված անձի հետ. ՚Նա տեղյակ էր այս ամենից, սակայն վախեցած էր եւ զգացվում էր, որ նրան ահաբեկել են ինչպես եւ ինձ: Երիտասարդները ցինիկաբար տարբեր սպառնալիքներ են հնչեցնում: Մասնավորապես տեսնելով, որ ես չեմ նահանջում նրանք սպառնացին մորթել ինձ: Ներկայումս էլ կավիճով գիծ են քաշել, թե իբր այստեղի առաջ չգասՙ:

Այս ընտրատեսամաս է եկել Հայ Ազգային կոնգրեսի անդամ Հրաչյա Սարգսյանը, որին ըստ Մեսրոպյանի մեծ դժվարությամբ են թողել ընտրատեղամաս: Տաթեւ Մեսրոպյանն այնուամենայնիվ շարունակում է մնալ ընտրատեղամասում:

Շենգավիթ համայնքի բնակիչ Ջուլիետա Հարությունյանը չի մասնակցելու ավագանու ընտրություններին, քանի որ իրեն ընտրությանը մասնակցելու ծանուցագիր չեն ուղարկել: ՚Առանց այդ էլ չէի ուզում ընտրել, հիմա ծանուցագիր չկա, առավել եւս չեմ գնաՙ,- ՚Ա1+ՙ-ի հետ զրույցում ասաց Ջուլիետան:

Նա միակը չէ, ում ծանուցագիր չեն ուղարկել: Համայնքի մեկ այլ բնակիչ` Անահիտ Մարգարյանն ՚Ա1+ՙ-ին ասաց, որ իրենց հասցեում գրանցված քրոջ ամուսնուն ծանուցագիր եկել է, իսկ իրեն` ոչ: ՚Քրոջս ամուսինը արդեն 7 տարի է բացակայում է երկրից, իսկ ես որ նախորդ բոլոր ընտրություններին մասնակցել եմ, այս անգամ չեմ գնալու, որովհետեւ չգիտեմ, անունս կա՞ ընտրացուցակում, թե ոչՙ,- իր դժգոհությունը հայտնեց Անահիտը: Նշենք, որ բնակիչներին ուղարկած ծանուցագրերում նշված է լինում ընտրատեղամասի համարն ու հասցեն:

Շենգավիթի ՚չծանուցվածՙ բնակիչները կարծում են, թե պետությունը չի կարեւորում ավագանու ընտրությունները, այդ պատճառով էլ հարկ չի համարել ծանուցագրեր ուղարկել:

[Chuk]

Շարունակենք.

Միքայել Նալբանդյանի անվան թիվ 33 դպրոցում տեղակայված 10/29 ընտրատեղամասում իրավիճակը շարունակում է մնալ լարված: Տեղամասը գտնվում է այսպես կոչված ՚Մետաքսՙ թաղամասում:

Նախկին թաղապետ, ներկայումս համայնքի ղեկավարի թեկնածու Արարատ Զուրաբյանի վստահված անձ Լուսիկ Հակոբյանը ՚Ա1+ՙ-ին տեղեկացրեց, որ ընտրատեղամասում իրավիճակը չի վերահսկվում. ՚Աննկարագրելի կեղծիքներ են տեղի ունենում: Հանձնաժողովի անդամները լինելով ՚Մետքասիՙ բնակիչներ, արդեն գիտեն` ով է գալու ընտրության, իսկ անդամներից մեկը ընտրողների հետ մտնում է քվեախցիկ` համոզվելու, որ նրանք ընտրում են Գագիկ Բեգլարյանին: Երբ ես ահազանգում եմ այս մասին, հանձնաժողովի նախագահը չի արձագանքում: Բացի այդ, գալիս են անձինք, իրենց չպատկանող անձնագրերով: Երբ նկատում եմ, աղմուկ-աղաղակ են բարձրացնում եւ փախչում: Կան նաեւ անձինք, որոնք մեկ անգամ քվեարկելով որոշ ժամանակ անց կրկին վերադառնում են քվեարկելուՙ:

՚Ա1+ՙ-ին այս ընտրատեղամասի բնակիչներից մի քանիսն էլ վստացրեցին, որ 10/29 ընտրատեղամասում Գագիկ Բեգլարյանի շտաբը նախատեսել է 80 տոկոսից ավել ձայն ունենալ.՚Սա Գագոյի թաղն է եւ այստեղ նա միշտ էլ ուզում է ինչքան հնարավոր է շատ ձայն ունենաՙ:

Ավելի վաղ այս ընտրատեղամասում ահաբեկել էին ՚Հայքՙ օրաթերթի լրագրող Տաթեւ Մեսրոպյանին:

Քիչ առաջ Արարատ Զուրաբյանի շտաբից հայտնեցին, որ Նույն տեղամասից բռնի կերպով դուրս է հանվել ավագանու թեկնածու Կարեն Կարապետյանի վստահված անձ Արտյոմ Բալաբեկյանը:

Իսկ ավագանու թեկնածու Կարեն Կարապետյանի մեկ այլ վստահված անձի` Նորայր Պապյանին, ծեծի ենթարկելուց հետո դուրս են հանել Գրիգոր Լուսավորչի փողոցում գտնվող Մայակովսկու անվան թիվ 7 դպրոցում տեղակայված 10/36 ընտրատեղամասից:

Ըստ Արարատ Զուրաբյանի շտաբի, այսօր ժամը 15-ի սահմաններում հերթական միջադեպն է արձանագրվել Նորագյուղ թաղամասում: Թիվ 10/53 եւ 10/54 ընտրական տեղամասերում մի խումբ զինված անձանց կողմից հարձակման են ենթարկվել թաղապետի թեկնածու Արարատ Զուրաբյանի եւ ավագանու թեկնածուների վստահված անձինք ու ընտրական հանձնաժողովի` ՚Ժառանգությունՙ կուսակցությունը ներկայացնող անդամը: Նրանց դուրս են արել տեղմասից եւ այլեւս թույլ չեն տալիս մուտք գործել:
Կեղծ վստահված անձինք

Ժամը 14-ի սահմաններում Չարենցի անվան դպրոցում տեղակայված թիվ 10/46 ընտրական տեղամաս է մուտք գործել Արմեն Պետրոսյան անունով մի քաղաքացի եւ ներկայացել որպես թաղապետի թեկնածու Արարարատ Զուրբյանի վստահված անձ: Նա ցույց է տվել վստահված անձի մի վկայական, որը, ինչպես պարզվել է, նրան տրված չի եղել Զուրաբյանի նախընտրական շտաբի կողմից: Նման դեպք է արձանագրվել նաեւ Հանրապետության փողոցում գտնվող Խաչիկ Դաշտենցի անվան դպրոցում տեղակայված թիվ 10/13 եւ 10/14 տեղմասերում, որտեղ որպես Արարատ Զուրաբյանի վստահված անձ է ներկայացել ոմն Գալուստ Ալոյան: Նրա ներկայացրած վկայականը եւս տրամադրված չի եղել Զուրաբյանի նախընտրական շտաբի կողմից:

[Chuk]

Շարունակենք, աղբյուրն էլի Ա1+.

ԱՀԱԲԵԿՈՒՄ ԵՆ ԶԻՆՎԱԾ ԽՄԲԱՎՈՐՈՒՄՆԵՐՈՎ

[16:50] 28 Սեպտեմբերի, 2008

Ժամը 16-ի սահմաններում Այգեստան թաղամասում գտնվող Ջ. Կիրակոսյանի անվան դպրոցում տեղակայված թիվ 10/23 ընտրական տեղամասում թեկնածուներից մեկի` Գագիկ Բեգլարյանի համար աշխատող մի խումբ զինված երիտասարդներ հարձակման են ենթարկել վստահված անձանց` փորձելով ծեծելով նրանց դուրս հանել տեղամասից:

Հիշեցնենք, որ այս տեղամասում առավոտյան տեղի էր ունեցել բաց քվեարկություն, ինչը կանխելու` վստահված անձանց փորձին ի պատասխան հանձնաժողովի նախագահ Սերգեյ Կոստանյանը կանչել էր տեղամասի մոտ կանգնած երիտասարդներին, որոնք կրկին ծեծել էին վստահված անձանց:

Իսկ Նորագյուղ եւ Կիլիկիա թաղամասերում վերջին ժամերին ընտրողներին եւ վստահված անձանց ահաբեկելու գործընթացն ավելի համակարգված բնույթ է ստացել: Մի քանի տասնյակ զինված երիտասարդներ թանկարժեք արտասահմանյան մակնիշի մեքենաներով (հիմնականում ջիփերով) շրջում են տեղամասերին հարող տարածքներում` ընտրողներին եւ վստահված անձանց սպառնալով, որ Գագիկ Բեգլարյանին չընտրելու եւ նրա համար ՚աշխատողներինՙ խոչնդոտելու դեպքում ՚վատ կլինիՙ: Դրանց թվում են հետեւյալ պետհամարիշներով արտասահմանյան մեքենաները, որոնցից մի քանիսի մակնիշը եւս հաջողվել է ճշտել. 600 ss 06 պետհամարանիշով սեւ ՚Range Roverՙ, 60 666 սեւ ՚Mersedes Brabusՙ (վերջին երկուսը, ըստ որոշ տեղեկությունների, պատկանում են ԱԺ պատգամավոր Սամվել Ալեքսանյանին` ԼՖիկ Սամոյին), 53 SS 555 պետհամարանիշով ՚7-րդ դասի BMWՙ:

Զինված խմբավորման մյուս ավտոմեքենաներն ունեցել են հետեւյալ պետհամարանիշները` 50 555, 04 040, 09 990, 70 111: Տեղեկատվությունը մեզ է տրամադրել Արարատ Զուրաբյանի նախընտրական շտաբը:

[Chuk]

Էլի շարունակենք, էլի Ա1+-ից.

Այսօր ժամը 15:30 սահմաններում մի խումբ զինված անձինք ներխուժել են Նորագյուղ թաղամասում գտնվող թիվ 10/53 եւ 10/54 ընտրական տեղամասեր, վերցրել են քվեատուփը, այն տեղափոխել տեղամասի մեկ այլ հատված:

Դրանից հետո սույն երիտասարդները վերցրել են քվեաթերթիկների մի խուրձ եւ ցուցադրաբար նշում կատարելով Գագիկ Բեգլարյանի անվան դիմաց` այն լցրել են քվեատուփի մեջ:

Լուրը տրամադրել է Զուրաբյանի նախընտրական շտաբը:

[Ֆրեյա]

Լավ, ինչքան է սենց շարունակվելու՞՞՞
Ինչքան ընտրություն լինի, սրանք նույն ձևով, նույն մեթոդներով իրենց ուզածը կանեն

[Ծով]

ոնց եմ ատում