Հետաքրքիր տեղեկություններ դեսից–դենից

[Kita]

Էս նկարը իրանցը չի, ես իրանց իսկական նկարը նոր տեսա. դեմք են

ԲԱ դիր մենք էլ տեսնենք

[davtyanhasmik]

Գրում ենք անհեթեթ իրավիճակներ

Ավստրալիացի մի երիտասարդ վիճակախաղով շահել է 200 հազար դոլար և, չափազանց ոգևորված լինելով, նույն օրը մեքենայով քանդել է քաղաքի գլխավոր հրապարակի պատմական հուշարձանները և տուգանվել 201 հազար դոլարով:

Մի ուսանող, կանգնեցնելով մեքենան, խնդրեց իրեն հասցնել Դետրոյտ: Եվ երբ վարորդն ասաց, որ իրենք հենց Դետրոյտում են, երիտասարդն ուշագնաց եղավ և նյարդային խանգարումով երեք շաբաթ անցկացրեց հիվանդանոցում:

Ամերիկացի մի թոշակառու, բարձրանալով իր առանձնատան տանիքին, պատահաբար ոտքով հրել և ցած է գցել աստիճանը: Եվ քանի որ նրա տունը մոտակա տներից2 կմ հեռավորության վրա էր, պապիկը տանիքին անցկացրել էր 4 օր և մի լավ մրսել էր:

Կանադական փրկարարների խումբը ծառից հանում էր կատվի մի ձագի: Ձագին փրկելու փոխարեն իրենք դարձան զոհեր: Ծառից ընկնելով` ոտքի կոտրվածքներ ստացան երեք փրկարար, իսկ մեկը լուրջ վնասվեց` դիպչելով ծառի սուր ճյուղին: Ի դեպ, մարդկանցից վախեցած փիսիկը ինքնուրույն ցած իջավ ծառից:

Իսպանացի ամուսիները, չգտնելով մուտքի դռան բանալին, որոշեցին կոտրել դուռը: Արդյունքում քանդվեց տան պատերից մեկը: Եվ ամենազավեշտալին. պարզվեց, որ բանալին ամուսնու գրպանում է:

[Ապե Ջան]

Թուրքիայի առաջատար հեռուստաընկերություններն առաջին անգամ հայերեն տեսահոլովակ են սկսել ցուցադրել

Թուրքիայի երաժշտական առաջատար հեռուստատեսություններն ու TRT-ն Թուրքիայի պատմության մեջ առաջին անգամ սկսել են ցուցադրել հայերեն տեսահոլովակ։

Հայազգի բանաստեղծ Հովհաննես Շիրազի ստեղծագործության հիման վրա նկարահանած «Նամակ» տեսահոլովակը պատրաստվել էր մի քանի ամիս առաջ։ Տեսահոլովակը նկարահանել է Թուրքիայի ամենահայտնի պրոդյուսերներից Օզքան Աքսուլարը, իսկ երաժշտությունը գործիքավորել է ստամբուլահայ հայտնի կոմպոզիտոր Մաժակ Թոշիկյանը։

Երգը կատարում է ստամբուլահայ Սիբիլ Փեքթորոսօղլուն, ով նախկինում երգել է «Սուրբ Վարդանանց» երգչախմբում, իսկ նախորդ տարի նոյեմբերին լույս էր տեսել նրա անունով «Սիբել» ալբոմը։ 12 երգերից բաղկացած «Սիբել» ալբոմում ընդգրկված է նաեւ «Տեր ողորմյա» եւ «Կիլիկիա» երգերը, իսկ ալբոմի առաջին երգը «Նամակ»-ն է։

news.am

[Նաիրուհի]

Էս մեկն ավելի շատ զվարճալի տեղեկություն է ։ՃՃՃ

Քիմ Քարդաշյանի կուրծքն ապօրինաբար օգտագործել են

Հայազգի դերասանուհի և ֆոտոմոդել Քիմ Քարդաշյանը, որը վերջերս նշանվել էր «Նյու–Ջերսի Նեթս» բասկետբոլային թիմի խաղացող Քրիս Համֆրիսի հետ, պնդում է, որ իր կուրծքը գողացել են։ Այժմ նա պատրաստվում է դատի տալ երաժիշտներին, որոնք առանց թույլատվություն ստանալու օգտագործել են իր լուսանկարը՝ իրենց երաժշտական նոր ալբոմի շապիկի ձևավորման համար։

Ինչպես հայտնում է newsru.com կայքը, Քիմի փաստաբանները մտադիր են դատական հայց ներկայացնել Թերաս Մարթինի և Դև Դևի դեմ, որոնց նոր The Sex Ep ալբոմի շապիկին տեղադրված է իր լուսանկարը՝ կզակից ներքև։

Այս սկանդալի զարգացումներին հետևող տեսաբանները նշում են, որ լուսանկարով դժվար է ճանաչել մոդելին։

Սակայն Քիմը պնդում է, որ իր կուրծքը ինքը ճանաչում է ցանկացած պայմաններում, անգամ ֆոտոշոփից հետո։ Ըստ նրա՝ ալբոմի շապիկին պատկերված է W Magazine ամսագրի համար արված «մերկ» ֆոտոսեսիայի նկարներից մեկը։

Աղբյուր

Հ. գ. Համնյամատեք ինքներդ

 •

• 

 Սեղմել՝ ցույց տալու համար

[Bruno]

Հայերեն երգի մեծ պահանջարկ Ստամբուլում

Ստամբուլահայ Սիբիլ Փեքթորոսօղլուն ֆինանսիստ է: Ստամբուլի բանկերից մեկում է աշխատում, սակայն Թուրքիայի հանրությանը հայտնի է որպես երիտասարդ երգչուհի: Նրա հայերեն երգերը հնչում են Թուրքիայի երաժշտական վաճառակետերում, մեծ պահանջարկ ունեն ոչ միայն տեղի հայերի, այլ նաեւ թուրքերի եւ օտարերկրացիների շրջանում, երգչուհու մասին խոսում են թուրքական լրատվամիջոցները:

[Kuk]

Ես էսօր մոտ մի ժամ թեթևի մեջ մարզանք եմ արել փաստորեն

Կնոջ կրծքին նայելը երկարացնում է տղամարդկանց կյանքը 4-5 տարո՞վ:


Գերմանացի գիտնականները պարզել են, որ կնոջ կրծքին նայելը բարելավում է առողջությունը` 4-5 տարով երկարացնելով կյանքը: Ավելին` կնոջ կրծքին 10 րոպե նայելը հավասար է 30 րոպե սպորտով զբաղվելուն: Ցավոք, կնոջ կուրծքը այս դրական ազդեցությունը թողնում է բացառապես ուժեղ սեռի ներկայացուցիչների վրա, գրում է The New England Journal of Medicine-ը:

Մասնագետների ուսումնասիրությունից պարզվել է` այն տղամարդիկ, որոնք ամեն օր հիանում են կնոջ կրծքով, ճնշման եւ սրտանոթային խնդիրներ գրեթե չեն ունենում: Ի դեպ, ավելի օգտակար է կրծքով հիանալ նրա տարբեր կողմերից:

Աղբյուր

[My World My Space]

Ի դեպ, ավելի օգտակար է կրծքով հիանալ նրա տարբեր կողմերից:

Oրինակ՝ ներսից...

[Shah]

առյուծի որսի շուն ա:
ասենք արջի որսի շները մի տեղ էլի մտքում տեղավորվում ա, բայց սա մի ուրիշ ա...
http://en.wikipedia.org/wiki/Rhodesian_Ridgeback

[Հայկօ]

Աղբյուր

Իսկ ավելի կոնկրետ՝ օրական տասը րոպե = ընդհանուր 5-7 տարի : Էս մասին հարկավոր ա ԱԺ-ով օրենք ընդունել:


Չնայած՝ կրծքեր կան, որ հագուստի վրայից նայում ես՝ կյանքդ տեղնուտեղը 5-7 տարի կարճանում ա, բա որ մե՞րկ տեսնես : Մեմենտո մոռի:

[Ապե Ջան]

Խոշոր փլուզում Վայոց Ձորում. Շատին գյուղը կտրվել է արտաքին աշխարհից

Վայոց Ձորի մարզում մայիսի 31-ին, ժամը 22-ի սահմաններում, Շատին գյուղի գլխավոր ճանապարհին տեղի է ունեցել խոշոր փլուզում:

Ինչպես դեպքի վայրից NEWS.am-ին հայտնում է ֆոտոլրագրող Գագիկ Շամշյանը, գյուղի բնակիչները պատմել են, որ, բարեբախտաբար, այդ ժամանակ նշված ճանապարհով, որը գյուղի գլխավոր ճանապարհն է եւ Շատինը կապում է մարզկենտրոնի հետ, մեքենաներ եւ հետիոտներ չեն անցել: Ճանապարհը փլուզվել է մոտ 30 մետր երկարությամբ, 6 մետր լայնությամբ եւ 45-ից 50 մետր խորությամբ:

Փլուզման հետեւանքով վնասվել եւ ձորում են հայտնվել էլեկտրասյուներն ու հաստաբուն ծառերը: Ինչպես նշել են գյուղացիները, այս պահին դեռ հայտնի չէ` մարզպետարանից մարդիկ եկել են` ծանոթանալու իրավիճակին, թե ոչ: Միայն ժամանել են ոստիկանության աշխատակիցներն ու ԱԻՆ աշխատակիցները:

Գյուղի ժողովուրդը տարակուսած է, թե երբ կվերացվի վթարը, քանի որ գյուղն, ըստ էության, կտրվել է արտաքին աշխարհից:

news.am

[VisTolog]

Համալրում՝ Մենդելեեւի պարբերական աղյուսակում

ՌԴ միջուկային հետազոտությունների միացյալ ինստիտուտի գիտնականները մերձմոսկովյան Դուբնայում, ամերիկացի գործընկերների հետ, պատմության մեջ առաջին անգամ սինթեզել են Մենդելեեւի պարբերական աղյուսակի 117-րդ տարրը։ Այդ մասին տեղեկացրել է փորձի ղեկավար, ակադեմիկոս Յուրի Հովհանիսյանը։ «Մենք արձանագրել են 117-րդ տարրի միջուկների ստեղծման 6 դեպք, ու այդպիսով լրացրել մինչ օրս դատարկ տեղը, որ կար Մենդելեեւի աղյուսակի 116-րդ եւ 118-րդ տարրերի միջեւ»,- հայտնել է Յուրի Հովհաննիսյանը։

http://www.report.am/am/news/other-1/old_10420

[Ապե Ջան]

7 ամսական աղջկա մոտ դաշտանային ցիկլ է սկվել ու աճում է կուրծքը

Կրասնոդարում բացառիկ դեպք է գրանցվել: Երեք ամսական աղջնակի մոտ սկսել են երկրորդական սեռական նախանշաններ հայտնվել, իսկ արդեն 8 ամսականում նրա մոտ դաշտանային ցիկլ է սկսվել, և աճել է կուրծքը, գրում է LifeNews-ը:
epress.am-ի փոխանցմամբ՝ ծննդատնից դուրս գրվելիս բժիշկները հաստատել էին, որ Միլանան բացարձակ առողջ երեխա է: Երեխայի զարգացման առաջին խանգարումները նրա մայր Աննա Գասպարովիչը նկատել է այն ժամանակ, երբ աղջնակն ընդամնեը 3 ամսական էր:

30-ամյա մայրը նկատել է, որ նորածին երեխայի սեռական օրգանների վրա սկսել են մազեր աճել:

Վախեցած մայրը անմիջապես երեխային տարել է թերապևտի մոտ: Երեխային զննելուց հետո բժիշկը հայտարարել է, որ դա շատ նորմալ երևույթ է:

Երբ Միլանան դեռ 8 ամսական էր, նրա մոտ դաշտանային ցիկլ է սկսվել, իսկ կուրծքն էլ աստիճանաբար աճել է: Տեղի բժշիկները եզրակացրել են, որ աղջնակի մոտ հիպոֆիզի (օրգան գլխի ստորին հատվածում, որը մարդու վերարտադրողական ֆունկցիայի վրա ազդող հորմոններ է արտադրում) վրա ուռուցք կա: Սակայն Մոսկվայում հետազոտություն անցնելուց հետո քաղցկեղի փաստը չի հաստատվել:

Այժմ մայրաքաղաքի բժիշկներն են փորձելու պարզել այս բացառիկ դեպքի բնույթը: Սակայն նախնական արդյունքներն արդեն իսկ դժվար կացության մեջ են դրել անգամ ամենափորձառու մասնագետներին:

Միլանայի օրգանիզմն իր աճով 12 տարի առաջ է ընկել: Բացի այդ, պարզվել է, որ հորմոնների քանակն աղջկա մարմնում հասուն կնոջից 5 ամնգամ շատ է:

Հետագա արագ աճը կանխելու նպատակով աղջնակին 12 տարվա բուժման կուրս են նշանակել: Տարվա մեջ մեկ անգամ աղջկան դեղանյութ են ներարկելու, որը ճնշելու է հորմոնների աճը:

Հղում:

[Tig]

Հնդկաստանի իշխանությունները մահապատիժները դադարեցրել են. նրանք չեն կարողանում դահիճ գտնել
20:03 • 15.06.11

Հնդկասատնում այսօր մոտ 1,2 մլրդ մարդ է ապրում։ Նրանց թվում կան բանկիրներ, ինժեներներ, Բոլիվուդի աստղեր, գուրուներ և բազմաթիվ այլ մասնագիտությունների տեր մարդիկ։ Այդ երկրում, սակայն, կարելի է ասել, որ գործնականում վերացել է դահիճի մասնագիտությունը։

Հնդկաստանում հաճախ են կախաղանի միջոցով մահապատիժներ իրականացվել։ Վերջերս, սակայն, Հնդկաստանի Ասամ նահանգում տեղի իշխանությունները փաստի առաջ կանգնեցին. պետք է կախաղան բարձրացվեր մի հանցագործ, պարզվեց սակայն, որ նրա պարանոցին «հանգույց կապող» պարզապես չկա։

Ինչպես հաղորդում է ամերիկյան New York Times պարբերականը, նահանգի «պաշտոնական» դահիճը մեկ տարի առաջ մահացել էր՝ 87 տարեկան հասակում։ Այլ դահիճ գտնելու նպատակով Ասամի ներկայացուցիչները Ութար Պրադեշ նահանգ են ուղևորվել, որտեղ ապրում էր Կալու Կումար անունով հայտնի դահիճը։ Պարզվել էր, որ Կումարը ևս մահացել է ՝ իր արհեստը որդուն՝ Մամու Սինգխուին փոխանցելով։ Վերջինս համաձայնել էր կախաղան բարձրացնել հանցագործին, մայիսի 19–ին, սակայն, նա ևս մահացել էր։

Դրանից հետո Ասամ նահանգի իշխանությունները գտել էին ևս մեկ, թերևս վերջին դահիճին.պարզվել էր, որ վերջինս ևս չի կարող այդ «առաքելությունը» իրականացնել, քանի որ ձեռքը կոտրված է։

Պաշտոնյաններն այժմ ստիպված են սպասել նրա ապաքինմանը, կամ....։

Tert.am

[Shah]

Հնդկաստանի իշխանությունները մահապատիժները դադարեցրել են. նրանք չեն կարողանում դահիճ գտնել
20:03 • 15.06.11

Tert.am

ինձ կանչե՜ք ի՜նձ )

[Kuk]

7 ամսական աղջկա մոտ դաշտանային ցիկլ է սկվել ու աճում է կուրծքը

Կրասնոդարում բացառիկ դեպք է գրանցվել: Երեք ամսական աղջնակի մոտ սկսել են երկրորդական սեռական նախանշաններ հայտնվել, իսկ արդեն 8 ամսականում նրա մոտ դաշտանային ցիկլ է սկսվել, և աճել է կուրծքը, գրում է LifeNews-ը:
epress.am-ի փոխանցմամբ՝ ծննդատնից դուրս գրվելիս բժիշկները հաստատել էին, որ Միլանան բացարձակ առողջ երեխա է: Երեխայի զարգացման առաջին խանգարումները նրա մայր Աննա Գասպարովիչը նկատել է այն ժամանակ, երբ աղջնակն ընդամնեը 3 ամսական էր:

30-ամյա մայրը նկատել է, որ նորածին երեխայի սեռական օրգանների վրա սկսել են մազեր աճել:

Վախեցած մայրը անմիջապես երեխային տարել է թերապևտի մոտ: Երեխային զննելուց հետո բժիշկը հայտարարել է, որ դա շատ նորմալ երևույթ է:

Երբ Միլանան դեռ 8 ամսական էր, նրա մոտ դաշտանային ցիկլ է սկսվել, իսկ կուրծքն էլ աստիճանաբար աճել է: Տեղի բժշիկները եզրակացրել են, որ աղջնակի մոտ հիպոֆիզի (օրգան գլխի ստորին հատվածում, որը մարդու վերարտադրողական ֆունկցիայի վրա ազդող հորմոններ է արտադրում) վրա ուռուցք կա: Սակայն Մոսկվայում հետազոտություն անցնելուց հետո քաղցկեղի փաստը չի հաստատվել:

Այժմ մայրաքաղաքի բժիշկներն են փորձելու պարզել այս բացառիկ դեպքի բնույթը: Սակայն նախնական արդյունքներն արդեն իսկ դժվար կացության մեջ են դրել անգամ ամենափորձառու մասնագետներին:

Միլանայի օրգանիզմն իր աճով 12 տարի առաջ է ընկել: Բացի այդ, պարզվել է, որ հորմոնների քանակն աղջկա մարմնում հասուն կնոջից 5 ամնգամ շատ է:

Հետագա արագ աճը կանխելու նպատակով աղջնակին 12 տարվա բուժման կուրս են նշանակել: Տարվա մեջ մեկ անգամ աղջկան դեղանյութ են ներարկելու, որը ճնշելու է հորմոնների աճը:

Հղում:

Էս երեխեն ավելի քան 80 տարի շուտ ա ծնվել Էդ արագ ծերանալու հիվանդությունը 2088 թվին ա լինելու