Հետաքրքիր տեղեկություններ դեսից–դենից

[VisTolog]

Կատարվել է առաջին վիրահատությունը ռոբոտի օգնությամբ, որի ընթացքում բժիշկ-հիվանդ անմիջական կոնտակտ չի եղել:
Ահա հոդվածի հղումը (հոդվածը ներառում է նաև հետաքրքիր տեսանյութ)՝ անգլերեն: Ներողություն եմ խնդրում, որ չեմ թարգմանել, ժամանակս չի ներում: Բայց եթե մի բարի մարդ գտնվեր, թարգմաներ, կարծում եմ շատերին կհետաքրքրեր ֆորումում:
Շնորհակալություն:

http://www.switched.com/2010/10/22/m...state-surgery/

Տեսանյութի անունների մեջ տեսա Արմին Ապրիկյան: Փաստորեն մեջները հայ էլ ա եղել:

[Lianik]

Հայտնի ամենահին կոշիկից հետո Արենիում հայտնաբերվել է աշխարհի ամենահին հագուստը` կնոջ կիսաշրջազգեստը:
Այն ծղոտից է և, հայ մասնագետների կարծիքով, պատրաստված է մոտավորապես մ.թ.ա 4-րդ հազարամյակի կեսերին:
Վերջնական պատասխանը կտա Օքսֆորդի համալսարանը, երբ ավարտի թվագրման աշխատանքները. փոխանցում է epress ը:
Բայց հայ մասնագետներն այսօր արդեն կարող են ասել, որ ծղոտից կիսածրջազգեստը, գոտին ու հայտնաբերված հագուստի մյուս տեսակները պատրաստված են ապշեցուցիչ համադրությամբ, դրանց վրայի զարդերն էլ ժամանակակից զարդերին ոչնչով չեն զիջում:
ԳԱԱ հնագիտության և ազգագրության ինստիտուտի տնօրեն Պավել Ավետիսյանի խոսոքով` այս հագուստները մեզ հնարավորություն կտան պատկերացում կազմելու այդ ժամանակահատվածի արհեստների և մարդկանց հագուկապի մասին:
Արենիում պեղումներն ընթանում են արդեն 4-րդ տարին: Սովորաբար հնավայրի պեղումները տևում են 1-2 ամիս, ասում է Արենիի արշավախմբի հայկական կողմի ղեկավար Բորիս Գասպարյանը, բայց սա այլ դեպք է:
Ամեն անգամ նոր իր հայտնաբերելիս` արշավախումբը կրկին համոզվում է, որ գործ ունի բացառիկ նշանակության ու արժեքի հնավայրի հետ: Հայ մասնագետների հետ միասին այստեղ աշխատում են նաև Իռլանդիայի հնագետները:
Այն ամենն, ինչ գտել ենարշավախմբի անդամենրը, հնարավորություն է տալու լույս սփռել Առաջավոր Ասիայի պղնձի ու քարի ժամանակահատվածի վրա, ինչը, իր հերթին, բացահայտելու է այդ ժամանակահատվածի քաղաքակրթության ձևավորաման մեխանիզմները:
«Հայտնաբերված մարդկային մնացորդները մեզ` հայերիս, հնարավորություն են տալու բացահայտել այն, ինչը մինչև այժմ ուսումնասիրվել է աշխարհում ընդամենը մեկ անգամ: Խոսքը մարդկային մնացորդների գենետիկ կոդն ամբողջապես բացելու մասին է:
Սա աշխարհում միայն մեկ անգամ է արվել` Իռլանդիայի համար: Խնդիրն այն է, որ այն շատ թանկ արժե` 60.000 եվրո, բայց այդ ժամանակահատվածին պատկանող ու այդքան լավ պահպանված մարդկային մնացորդներ դեռ չեն հայտնաբերվել, այնպես, որ սա պատմության կողմից մեզ տրված եզղակի հնարավորություն է», - ասել է Բորիս Գասպարյանը:

http://yerevaklur.am/full_news2.php?id=14600&ref=nf

[Lianik]

http://yerevaklur.am/full_news2.php?id=14600&ref=nf

Հարգելի մոդեր,
միգուցե այս գրառումս տեղափոխենք այս Թեմա: Պեղումներ Հայաստանի տարածքում, ի՞նչ կասեք

հ.գ. այս թեման չէի տեսել

[Yevuk]

Երեւանում կկայանա «Պոպոք» գովազդի միջազգային փառատոնը



Հոկտեմբերի 28-30-ը Հայաստանում առաջին անգամ կանցկացվի «Popok» գովազդի միջազգային փառատոնը: «Արտաքինից` ամուր կաղապարով, ներսից` լի մտքերով, որոնք ավելի նուրբ ու փափուկ են», - «Պոպոք» անվանման ընտրությունը բացատրում են կազմակերպիչները:
P.o.p.-ը գովազդային աշխարհում հայտնի հապավում է եւ նշանակում է գովազդ վաճառքի վայրում: - «Փառատոնը միջազգային մրցաշար է, որտեղ գովազդ ստեղծող մարդիկ փորձում են իրենց մտավոր կարողությունները, իրենց աշխատանքի արդյունքը», - նշեց կազմկոմիտեի ղեկավար Արմեն Մարտիրոսյանը:

Երեւանում գովազդի առաջին միջազգային փառատոնի հրավերին արձագանքել են 26 պետությունների 54 քաղաքներից, ժամանելու են գովազդի համաշխարհային ճանաչում ունեցող մասնագետներ, որոնցից ոմանք ընդգրկվելու են ժյուրիի կազմում, ոմանք անկացնելու են վարպետության դասեր:

Մրցութային ցանկում ընդգրկվելու են սոցիալական եւ կոմերցիոն գովազդներ 6 անվանակարգերում`հեռուստատեսային, ռադիո, ինտերնետային, տպագիր, մարքեթինգային արդյունավետություն եւ գրաֆիկական դիզայն: Յուրաքանչյուր ավանակարգում լինելու են հաղթողներ: Մրցանակը արձանիկ է` պատրաստված ընկույզի կեղեւից, տերեւից եւ փայտից:

azatutyun.am

Վարպետության դասերի ցուցակն էլ՝ այստեղ: Տոմսի արժքեքը 2000 դրամ է, ուսանողների համար՝ 1000 դրամ:

[Norton]

Հանգուցյալին վարձերը վճարելու մասին ծանուցում են ուղարկել գերեզման

Ֆրանսիայի բնակչության սոցիալական պաշտպանության գերատեսչությունը, փորձելով հասնել վարձերի վճարման, շարունակում էր քաղաքացիներից մեկին նրա մահվանից հետո ծանուցագրեր ուղարկել ուղիղ գերեզման։ Այս մասին հայտնում են ֆրանսիական լրատվամիջոցները։

Դեպքը տեղի է ունեցել Ֆրանսիայի Արլյո քաղաքում, որտեղ բնակվում էին Իվոն Դյուվելը և նրա կինը՝ Լիզիանը։ 2009–ի մայիսին ամուսնու մահից հետո տիկին Դյուվելը հարթել էր բոլոր անհրաժեշտ ձևականությունները, սակայն ապահովագրական փոխօգնության դրամարկղի ներկայացուցիչները սկսել են ամուսնու անունով Լիզիանին անվերջ ուղարկել վարձերը վճարելու անհրաժեշտության մասին ծանուցագրեր։

Երբ դրանից հոգնած կինը պատասխան է գրել ապահովագրական ընկերությանը՝ խնդրելով դադարել իրեն նամակներ ուղարկելը, քանի որ Իվոնի նոր հասցեն գերեզմանն է, գերատեսչության աշխատակիցները սկսել են ծանուցումներ ուղարկել ուղիղ գերեզման՝ դրանցից վերջիններում սպառնալով դատական հետաքննություն սկսել պարտքերը չմարելու դեպքում։
Գերեզմանի պահակը հավաքել է բոլոր նամակները և ուղարկել քաղաքապետարան, իսկ վերջինը՝ կրկին տիկին Դյուվելին։

«Ես չեմ պահանջում ֆինանսական փոխհատուցում, ես պարզապես ուզում եմ, որ ինձ հանգիստ թողնեն»,– տեղի La Voix du Nord թերթին տված հարցազրույցում ասել է այրին։
Tert.am

[Norton]

Չինական անունների առանձնահատկությունը

Ավելի քան 30.000 չին երեխաների՝ ովքեր ծնվել են վերջին տարվա ընթացքում, տրվել է Շիբո անունը, որը թարգմանաբար նշանակում է "համաշխարհային(միջազգային) ցուցահանդես": Այդ անունը ծնողների կողմից ընտրվել է Շանհայում անցկացվող Համաշխարհային ունիվերսալ ցուցահանդեսի՝ ԷՔՍՊՈ-2010-ի պատվին:

[Ապե Ջան]

Տգեղ մարդկանց ծանոթության կայքը տոնում է առաջին նշանադրությունը

Տգեղ մարդկանց ծանության կայքը տոնում է իր առաջին լուրջ ձեռքբերումը` օնլայն-ծառայության շնորհիվ ծանոթացած զույգը, նշանվելու է: Այս մասին գրում է The Daily Mail-ը:

«Կասկածելի արտաքինով» մարդկանց հետաքրքրած այս հարթակը բացվել է երկու տարի առաջ: 36-ամյա Թոմ Կլիֆֆորդն ու 31-ամյա Ջանի Ուոկերը ծանոթացել են այս տարվա օգոստոսին: Նրանք առաջին անգամ հանդիպել են սեպտմեբերի վերջին: Չորս հանդիպումից հետո զույգը որոշել է ամուսնանալ: Կայքի ղեկավարությունը, իմանալով այդ մասին, խոստացել է զույգին` հոգալ մեղրամսի ծախսերը` ճանապարհորդություն Ուելս: Զույգի պսակադրությունը տեղի կունենա մի քանի ամսից:

http://panorama.am/am/society/2010/10/30/ugly/