Հետաքրքիր տեղեկություններ դեսից–դենից

[Rammstein]

Մոսկվայի Չերտանովի դատարանը ութ տարվա ազատազրկման է դատապարտել հայազգի «օրենքով գող» Արման Ջանինյանին (մականունը` Արման Կալուժսկի)։

Շնորհակալություն տեղեկույթի համար։

Ուզում ա հայ լինի, ուզում ա` երեւանցի հայ, ուզում ա` զեյթունցի հայ, ուզում ա` մեր կողքի հարեւանը լինի, եթե իրոք տենց բաներ ա արել, լավ են արել` դատել են։

[Jarre]

Էս քանի շաբաթ է մտածում եմ մի թեմա բացել նվիրված արվեստի ուժին։ Այսինքն՝ ինչ ուժ ունի արվեստը, ինչպե՞ս է կարող արվեստը ազդել ամբոխների վրա և ետ պահել նրանց բռնությունից և այլ վատ արարքներից։ Բայց ցավոք դեռ չեմ կարող առանձին թեմա բացել, բայց այստեղ կներկայացնեմ մի այդպիսի դեպք։

1968 թվականի ապրիլի 4-ին, ժամը 18:01 ԱՄՆ-ում սպանվում է ռասիզմի դեմ պայքարի ամենակարկառուն դեմքերից մեկը՝ Մարտին Լյութեր Կինգը, ով 1964 թվականին ստացել էր «Խաղաղության» Նոբելյան մրցանակ։



ԱՄՆ կառավարությունը ակնկալում էր մեծ խռովություններ սևամորթ բնակչության կողմից, ինչը և որոշ չափով տեղի ունեցավ։ Սակայն արվեստի ուժը մեծ ազդեցություն բանեցրեց ամբոխների վրա։

Սպանության անմիջապես հաջորդ օրը, Բոստոնում պետք է համերգով հանդես գար սոուլի արքա՝ Ջեյմս Բրաունը։ Այս կոնտեքստում շատ կարևոր մանրամասն է այն փաստը, որ Բրաունը սևամորթ էր։

Բոստոնի իշխանությունները վստահ էին, որ լինելու են անկարգություններ և նրանք ցանկացան հետաձգել Բրաունի համերգը։ Սակայն քաղաքապետի որոշմամբ համերգը չհետաձգվեց։

Այդ համերգի ընթացքում Ջեյմս Բրաունը քաջալերեց սևամորթներին ապրել Մարտին Լյութեր Քինգի քարոզած սկզբունքներով։ Եվ դա ունեցավ ապշեցուցիչ ազդեցություն։

Այս երևույթը այնքան եզակի է և տպավորիչ, որ այս պատմության մասին նկարահանվեց մի փաստավավերագրական ֆիլմ՝ «The Night James Brown Saved Boston» («Ինչպե՞ս Ջեյմս Բրաունը փրկեց Բոստոնը») վերնագրով։


Ի տարբերություն կրոնի և քաղաքականության արվեստը փրկեց հարյուրավորների, եթե ոչ՝ հազարավորների կյանքեր։

[Դեկադա]

Հլա ինչ եմ գտել...
Կոլորադո նահանգում մարիխուաննա թմրանյութը որպես դեղագործական բույս հաստատվելուց հետո, Դենվերում բացվեց աշխարհում առաջին`Ganja Gourmet ռեստորանը: Այստեղ մարիխուաննան մատուցում են որպես ուտեստների համեմունք:
Սա միակ ռեստորանն է, որտեղ բոլոր ճաշատեսակների, նույնիսկ աղանդերի մեջ համեմունքներից մեկը մարիխուաննան է: Այդ ամենը, իհարկե, լրիվ օրինական է:
Այս ուտեստների միակ թերությունը բարձր գինն է, օր` բլիթն արժի 10 ԱՄՆ$ և դա դեռ էժան ուտելիքներից մեկն է
Միակ պահանջն այն է, որ այցելուն հատուկ բժշկական քարտ պիտի ունենա, որում նշված է` մարիխուաննան, որպես դեղամիջոց, հիվանդին ցուցված է:
Ռեստորանից բացի, Ganja Gourmet-ում կա նաև մինի բար, ուր մարիխուաննայի տերևները հիվանդներին վաճառվում են` որպես անհրաժեշտ դեղամիջոց:
Ganja Gourmet-ի տերը`Սթիվ Հորբիցը, իր հաստատությունն անվանում է դեղի կարիք ունեցող հիվանդների գրեթե բժշկական դիսպանսեր:Ինչ վերաբերում է Դենվերի բնակիչներին, ապա ռեստորանի ու բարի վերաբերյալ նրանց կարծիքները այնքան էլ միանշանակ չեն:
Այցելուների համար, սակայն, նման “հաճույք’ վաճառող ռեստորանը “երկրորդ տուն” է դարձել: Ի դեպ` այցելուների աշխարհագրությունն ընդգրկում է ողջ Կոլորադո նահանգը:


Նուդիստների համար նախատեսված Clothing Optional Dinner ռեստորանը գտնվում է Նյու-Յորքի կենտրոնում` Մանհետտենում: Այս հյուրանոց մտնելիս` այցելուները ոչ միայն գլխարներն ու վերնահագուստն են հանում, այլ ամբողջությամբ մերկանում են:
«Clothing Optional Dinner» ռեստորանը հիմնել է Ջոն Օրդվերը, որը նուդիստների նյու-յորքյան խմբի անդամ է:
Սպասարկող անձնակազմը, ըստ Ջոնի, աշխատանքի է ընդունվել ծանոթների կամ ինտերնետի միջոցով` ավելորդ քաշքշուկներից խուսափելու համար, քանի որ խոսքն անսովոր այցեուներով ռեստորանի մասին էր:
Ռետորանի այցելուների թիվն անցնում է 40-ից: Ամենաերիատասարդները 30-ամյա կանայք և տղամարդիկ են, որոնց մեծ մասն ամուսնացած է:
Այս մարդիկ մյուսներից տարբերվում են մայն նրանով, որ հագուստ կրել չեն սիրում, բայց դա պատճառ չի հասարակության աչքում նրանց ապաբարոյականացման համար:
Ի դեպք` Clothing Optional Dinner նուդիստների ռեստորանում մերկ են միայն այցելուները: Մատուցողներն ու մնացյալ աշխատակազմը աշխատանքային հանդերձանքով է:

[A.r.p.i.]

Մայիսի 3-ին Միջազգային տոնացույցում միանգամից 2 տոն է նշվում:
Նախ նշվում է մամուլի ազատության համաշխարհային օրը: Որոշումը կայացվել է ՅՈՒՆԵՍԿՈ-յի կողմից 1993թ-ին:
Մայիսի 3-ը համարվում է նաև Արեգակի միջազգային օր: Արեգակը Երկրագնդին ամենամոտ աստղն է: Մյուս ամենամոտ աստղը Կենտավրոս համաստեղության Պրոքսիմա աստղն է, որը 2500 անգամ ավելի հեռու է , քան Արեգակը: Արեգակի միջազգային օրը նշելու առաջարկությունն արել է Արեգակնային էներգիայի միջազգային ընկերությունը:Աշխարհում այս օրը սկսել են տոնել ` սկսած 1994-ից:

[A.r.p.i.]

Մայիսի 7-ին Հայաստանում նշվում է ռադիոյի օրը:
1895թ-ի մայիսի 7-ին ռուս ֆիզիկոս Ալեքսանդր Պոպովը տեղեկացրել է աշխարհին իր գյուտի մասին` ցուցադրելով առաջին ռադիոընդունիչը և իրականացնելով աշխարհում առաջին ռադիոկապի սեանս:
Մայիսի 7-ը նշանավոր է նաև նրանով, որ հենց այդ օրն է հիմնադրվել Հայաստանի Պետռադիոն` ներկայումս անվանափոխվելով Հայաստանի Հանրային ռադիոյի:

[Norton]

ԱՄՆ առաջին նախագահ Ջորջ Վաշինգտոնին տուգանեցին 300 հազար դոլարով

Օրերս Նյու-Յորքի գիտական գրադարան է վերադարձել մի գիրք, որը 1789թ. հոկտեմբերի 5-ին կարդալու նպատակով վերցրել էր ԱՄՆ առաջին նախագահ Ջորջ Վաշինգտոնը։ «Պետության օրենքը» վերնագրով գիրքը վերադարձրել են նախագահ Վաշինգտոնի տուն-թանգարանի աշխատակիցները (Մաունթ Վեռնոն, Վիրջինիա նահանգ)։ Գրքի վերադարձը մոտ երկու դար ուշացնելու համար սահմանվել է 300 հազար դոլարի տուգանք։

[Հայկօ]

ԱՄՆ առաջին նախագահ Ջորջ Վաշինգտոնին տուգանեցին 300 հազար դոլարով

Ճիշտն ասած՝ ամենահուզիչն այն էր, որ այդ գրադարանն արդեն ավելի քան երկու դար է, ինչ գոյություն ունի :

[Աբելյան]

ԱՄՆ առաջին նախագահ Ջորջ Վաշինգտոնին տուգանեցին 300 հազար դոլարով

Ծոռանծոռերը պտի փակվե՞ն:

[Tig]

Որո՞նք են Հայաստանում ամենաշատ այցելու ունեցող կայքերը

19:03 • 01.06.10

Մայիս ամսվա արդյունքներով` ԹԵՐԹ.am–ը Հայաստանից կատարված այցելությունների թվով առաջատարն է հայկական բոլոր կայքերի շարքում: Այդ մասին վկայում են հայկական վեբ ռեսուրսների այցելությունները չափող Circle.am կայքի տվյալները։ Նշված ժամանակահատվածում ԹԵՐԹ.am–ի ընդհանուր այցելությունները կազմել են ավելի քան 400 հազ., որից միայն 245 հազ.–ը՝ Հայաստանից։

Հայաստանից կատարված այցելությունների տեսակարար կշիռը ընդհանուր այցելությունների մեջ կազմում է 61%։ 2-րդ տեղում է մեկ այլ լրատվամիջոց՝ А1plus.am-ը, որի ցուցանիշները հետևյալն են. հայաստանյան այցելությունների տեսակարար կշիռ՝ 61%, ընդհանուր այցելություններ՝ 382 հազ., որից միայն Հայաստանից՝ 233 հազ.։

3-5-րդ տեղերում են ժամանցային Armenia-online.ru, Hayland.am և Druzja.am կայքերը, 6-րդ տեղում Auto.am ավտոպորտալը, 8-9–րդ տեղերում կրկին լրատվամիջոցներ են՝ Armsport.am և Aravot.am, իսկ լավագույն 10-յակը եզրափակում է տեղեկատվական Spyur.am կայքը։

Առաջատար 20-յակի ցուցանիշները ներկայացված են կից աղյուսակում։

Ակումբը 15-րդ տեղումա
http://tert.am/am/news/2010/06/01/tert/

Tert.am

[Mephistopheles]

89–ամյա Արամայիսը երեխա է ունեցել, նրա մեծ տղան 61 տարեկան է
15:25 • 03.06.10




Հայրենական Մեծ պատերազմի վետերան, 89-ամյա Արամայիս Նազարովը «երիտասարդ» հայրիկ է դարձել։ Նրա 35-ամյա կինը՝ Եվգենիան, Ռուսաստանի Արմավիր քաղաքի ծննդատներից մեկում առողջ տղա է ունեցել, որին անվանել են Արտյոմ։ Ծննդաբերությունն անցել է առանց բարդությունների։

News.life.ru կայքը հաղորդում է, որ Արմավիրի ծննդատանն առաջին անգամ է տարիքային նման տարբերությամբ ծնողների զավակ ծնվում։

Այժմ «երիտասարդ» հայրիկը հերթապահում է ծննդատան դռների մոտ և խնդրում, որ ցույց տան երեխային։ Նրա կինը խոստովանել է, որ Արամայիսն աշխարհի ամենալավ ամուսինն է, և որ ինքը չի նկատում իրենց միջև եղած տարիքային տարբերությունը։ Ի դեպ, Եվգենիան վետերանի 2–րդ կինն է. առաջին ամուսնությունից նա երկու երեխա ունի, մեծն արդեն 61 տարեկան է։

Tert.am

[Norton]

Ջրային հարսանիք՝ սմոքինգով ու հարսանեկան քողով

Իտալիայում հարսն ու փեսան ամուսնական մատանիներ են փոխանակել ծովում՝ հինգ մետր խորության վրա։ Էլբա կղզու մոտ տեղի ունեցած հարսանիքը գրանցվել է Գիննեսի ռեկորդի գրքում։

37–ամյա Վիոլա Ֆրանչեսկա Կոլոմբին և 33–ամյա Ջամպյերո Ջաննոկարոն դայվինգ կենտրոնի սեփականատերեր են։ Նրանք համաշխարհային ռեկորդ են սահմանել հարսանեական ստորջրյա արարողությանը մասնակցած հյուրերի թվով. ամուսնացող զույգի հետ միասին ջուրն է սուզվել 261 հյուր։ Ջրում տեղակայված ալտարին առաջինը մոտեցել է փեսան՝ սմոքինգի ոճով հիդրոկոստյումով, այնուհետև հարսը՝ սպիտակ հիդրոկոստյումով և քողով։

Արարողությանը մասնակցել է Կապոլիվեր քաղաքի քաղաքապետը, որը գերազանց դայվեր է։
Աղբյուր

[Norton]

2008թ. հոկտեմբերին Լեռնային Ղարաբաղի հանրապետությունում տեղի ունեցավ իսկապես մեծ, չաղ, հայկական հարսանիք(Դիաննայի ականջը կանչի): Նշանադրության արարողությունը տեղի են ունեցել Շուշիի սբ. Ղազանչեցոց և Մարտակերտի Գանձասար եկեղեցիներում: Մասկացել է 675 զույգ:
Մի քանի նկարներ:

[Adriano]

Շուտով Երկիր մոլորակը կլուսավորի երկու արև

Մոտ ժամանակներում մեր մոլորակն ականատես կլինի հազվագյուտ մի իրադարձության, որը տեղի է ունենում մի քանի հազարամյակը մեկ:
Հավայան կղզիների Մաունա Քեայի աստղադիտարանի հետազոտողների տվյալների համաձայն, Բետելգեյզե կարմիր գիգանտը արագորեն ձևափոխվում է:
Վերջին տասնվեց տարիների ընթացքում աստղը կորցրել է իր շրջանաձև տեսքը` կտրուկ սեղմվելով: Միևնույն ժամանակ, աստղի հասարակածը դեռ պահպանվում է` շնորհիվ կենտրոնախույս ուժերի: Սա նշանակում է, որ հաշված ամիսների, անգամ շաբաթների ընթացքում աստղը լրիվ կձևափոխվի:
Ինչպե՞ս կդիտվի այդ հազվագյուտ երևույթը Երկրից: Հանկարծակի երկնքում կբռնկվի շատ վառ լույս, որը հավասարազոր կլինի նվազագույնը կես լուսնին, իսկ առավելագույնը` նույնիսկ ամբողջ արևին: Այսպիսի տիեզերական շոուն կտևի մոտ վեց շաբաթ. սա նշանակում է, որ մոլորակի որոշ մասերում ավելի քան մեկուկես ամիս շարունակ մարդիկ կվայելեն «սպիտակ գիշերներ»-ի հաճույքը, իսկ մոլորակի մնացած մասերում` երկու-երեք լրացուցիչ ցերեկային ժամեր և պայթող աստղի գիշերային հրաշալի տեսարաններ:
Պայթյունից երկու-երեք շաբաթ անց աստղը կսկսի մարել, իսկ մի քանի տարի հետո երկրից դիտողի համար այն վերջնականապես կվերածվի մշուշոտ տեսարանի:
Նմանատիպ իրադարձությունն ինքնին եզակի է. վերջին վկայությունների համաձայն, նմանատիպ պայթյուն գրանցվել է 1054 թվականին:

Աղբյուր`http://ankakh.com/2010/06/41156/

[Ռուֆուս]

2008թ. հոկտեմբերին Լեռնային Ղարաբաղի հանրապետությունում տեղի ունեցավ իսկապես մեծ, չաղ, հայկական հարսանիք(Դիաննայի ականջը կանչի): Նշանադրության արարողությունը տեղի են ունեցել Շուշիի սբ. Ղազանչեցոց և Մարտակերտի Գանձասար եկեղեցիներում: Մասկացել է 675 զույգ:
Մի քանի նկարներ:

Նորթ, բա խի՞ չես ասում, որ էդ հարսանիքը մի քանի ամիս հետաձգել էին, ինչի պատճառով հարսերի զգալի մասը հղի էին

[Norton]

Նորթ, բա խի՞ չես ասում, որ էդ հարսանիքը մի քանի ամիս հետաձգել էին, ինչի պատճառով հարսերի զգալի մասը հղի էին

Հա՞, խաբար չէի
Ի՞նչ վատա մեր ժողովրդը բազմանումա