Հետաքրքիր տեղեկություններ դեսից–դենից

[terev]

Հայ «օրենքով գողը» մերկացել է դատարանում և շան պես հաչել

14:51 • 08.04.10



Մոսկվայի Չերտանովի դատարանը ութ տարվա ազատազրկման է դատապարտել հայազգի «օրենքով գող» Արման Ջանինյանին (մականունը` Արման Կալուժսկի)։ Նա հայտնի «օրենքով գող» է, ով «հարկեր» էր սահմանում Տվերի շրջանի բոլոր հայազգի բնակիչների վրա։ Դատարանում, սակայն, նա փորձել է իրեն խելագարի տեղ դնել, մերկացել և շան պես հաչել է։ Այս մասին հաղորդում է rosbalt-ը։

Ինչպես պատմել է դատավարության մասնակիցներից մեկը, դատարանի դահլիճում Արման Ջանինյանն ու նրա փաստաբանը շատ ագրեսիվ են իրենց պահել, գործով վկաների և տուժածների հասցեին սպառնալիքներ ու հայհոյանքներ են տեղացել։ Բացի այդ, դատավարության ընթացքում փաստաբանը հայտնել է, որ իր պաշտպանյալն անմեղսունակ է։ Իսկ Արման Կալուժսկին իր հերթին նշել է, որ դպրոցն ավարտելուց ի վեր դարձել է շուն, ուտում է շների կերակրաթասից և վարում համապատասխան կենսակերպ։ Ասածն ապացուցելու համար «օրենքով գողը» նույնիսկ հաչել է։

Փորձագետները, սակայն, մեղսունակ են ճանաչել Ջանինյանին։ Նշենք, որ երկրորդ մեղադրյալ Արմեն Հովհաննիսյանը (մականունը՝ Բուդուլայ) դատապարտվել է հինգ տարվա ազատազրկման։

Tert.am

Տղա եմ ասել է:

[Ներսես_AM]

Նա հայտնի «օրենքով գող» է, ով «հարկեր» էր սահմանում Տվերի շրջանի բոլոր հայազգի բնակիչների վրա։

......

Տղա եմ ասել է:

հմմ, պատկերացրա մեկը մի գյուղից գնա խոպան ու մի հատ էլ «հարկեր» վճարի:

[Rammstein]

Մոսկվայի Չերտանովի դատարանը ութ տարվա ազատազրկման է դատապարտել հայազգի «օրենքով գող» Արման Ջանինյանին (մականունը` Արման Կալուժսկի)։

Շնորհակալություն տեղեկույթի համար։

Ուզում ա հայ լինի, ուզում ա` երեւանցի հայ, ուզում ա` զեյթունցի հայ, ուզում ա` մեր կողքի հարեւանը լինի, եթե իրոք տենց բաներ ա արել, լավ են արել` դատել են։

[Jarre]

Էս քանի շաբաթ է մտածում եմ մի թեմա բացել նվիրված արվեստի ուժին։ Այսինքն՝ ինչ ուժ ունի արվեստը, ինչպե՞ս է կարող արվեստը ազդել ամբոխների վրա և ետ պահել նրանց բռնությունից և այլ վատ արարքներից։ Բայց ցավոք դեռ չեմ կարող առանձին թեմա բացել, բայց այստեղ կներկայացնեմ մի այդպիսի դեպք։

1968 թվականի ապրիլի 4-ին, ժամը 18:01 ԱՄՆ-ում սպանվում է ռասիզմի դեմ պայքարի ամենակարկառուն դեմքերից մեկը՝ Մարտին Լյութեր Կինգը, ով 1964 թվականին ստացել էր «Խաղաղության» Նոբելյան մրցանակ։



ԱՄՆ կառավարությունը ակնկալում էր մեծ խռովություններ սևամորթ բնակչության կողմից, ինչը և որոշ չափով տեղի ունեցավ։ Սակայն արվեստի ուժը մեծ ազդեցություն բանեցրեց ամբոխների վրա։

Սպանության անմիջապես հաջորդ օրը, Բոստոնում պետք է համերգով հանդես գար սոուլի արքա՝ Ջեյմս Բրաունը։ Այս կոնտեքստում շատ կարևոր մանրամասն է այն փաստը, որ Բրաունը սևամորթ էր։

Բոստոնի իշխանությունները վստահ էին, որ լինելու են անկարգություններ և նրանք ցանկացան հետաձգել Բրաունի համերգը։ Սակայն քաղաքապետի որոշմամբ համերգը չհետաձգվեց։

Այդ համերգի ընթացքում Ջեյմս Բրաունը քաջալերեց սևամորթներին ապրել Մարտին Լյութեր Քինգի քարոզած սկզբունքներով։ Եվ դա ունեցավ ապշեցուցիչ ազդեցություն։

Այս երևույթը այնքան եզակի է և տպավորիչ, որ այս պատմության մասին նկարահանվեց մի փաստավավերագրական ֆիլմ՝ «The Night James Brown Saved Boston» («Ինչպե՞ս Ջեյմս Բրաունը փրկեց Բոստոնը») վերնագրով։


Ի տարբերություն կրոնի և քաղաքականության արվեստը փրկեց հարյուրավորների, եթե ոչ՝ հազարավորների կյանքեր։

[Դեկադա]

Հլա ինչ եմ գտել...
Կոլորադո նահանգում մարիխուաննա թմրանյութը որպես դեղագործական բույս հաստատվելուց հետո, Դենվերում բացվեց աշխարհում առաջին`Ganja Gourmet ռեստորանը: Այստեղ մարիխուաննան մատուցում են որպես ուտեստների համեմունք:
Սա միակ ռեստորանն է, որտեղ բոլոր ճաշատեսակների, նույնիսկ աղանդերի մեջ համեմունքներից մեկը մարիխուաննան է: Այդ ամենը, իհարկե, լրիվ օրինական է:
Այս ուտեստների միակ թերությունը բարձր գինն է, օր` բլիթն արժի 10 ԱՄՆ$ և դա դեռ էժան ուտելիքներից մեկն է
Միակ պահանջն այն է, որ այցելուն հատուկ բժշկական քարտ պիտի ունենա, որում նշված է` մարիխուաննան, որպես դեղամիջոց, հիվանդին ցուցված է:
Ռեստորանից բացի, Ganja Gourmet-ում կա նաև մինի բար, ուր մարիխուաննայի տերևները հիվանդներին վաճառվում են` որպես անհրաժեշտ դեղամիջոց:
Ganja Gourmet-ի տերը`Սթիվ Հորբիցը, իր հաստատությունն անվանում է դեղի կարիք ունեցող հիվանդների գրեթե բժշկական դիսպանսեր:Ինչ վերաբերում է Դենվերի բնակիչներին, ապա ռեստորանի ու բարի վերաբերյալ նրանց կարծիքները այնքան էլ միանշանակ չեն:
Այցելուների համար, սակայն, նման “հաճույք’ վաճառող ռեստորանը “երկրորդ տուն” է դարձել: Ի դեպ` այցելուների աշխարհագրությունն ընդգրկում է ողջ Կոլորադո նահանգը:


Նուդիստների համար նախատեսված Clothing Optional Dinner ռեստորանը գտնվում է Նյու-Յորքի կենտրոնում` Մանհետտենում: Այս հյուրանոց մտնելիս` այցելուները ոչ միայն գլխարներն ու վերնահագուստն են հանում, այլ ամբողջությամբ մերկանում են:
«Clothing Optional Dinner» ռեստորանը հիմնել է Ջոն Օրդվերը, որը նուդիստների նյու-յորքյան խմբի անդամ է:
Սպասարկող անձնակազմը, ըստ Ջոնի, աշխատանքի է ընդունվել ծանոթների կամ ինտերնետի միջոցով` ավելորդ քաշքշուկներից խուսափելու համար, քանի որ խոսքն անսովոր այցեուներով ռեստորանի մասին էր:
Ռետորանի այցելուների թիվն անցնում է 40-ից: Ամենաերիատասարդները 30-ամյա կանայք և տղամարդիկ են, որոնց մեծ մասն ամուսնացած է:
Այս մարդիկ մյուսներից տարբերվում են մայն նրանով, որ հագուստ կրել չեն սիրում, բայց դա պատճառ չի հասարակության աչքում նրանց ապաբարոյականացման համար:
Ի դեպք` Clothing Optional Dinner նուդիստների ռեստորանում մերկ են միայն այցելուները: Մատուցողներն ու մնացյալ աշխատակազմը աշխատանքային հանդերձանքով է:

[A.r.p.i.]

Մայիսի 3-ին Միջազգային տոնացույցում միանգամից 2 տոն է նշվում:
Նախ նշվում է մամուլի ազատության համաշխարհային օրը: Որոշումը կայացվել է ՅՈՒՆԵՍԿՈ-յի կողմից 1993թ-ին:
Մայիսի 3-ը համարվում է նաև Արեգակի միջազգային օր: Արեգակը Երկրագնդին ամենամոտ աստղն է: Մյուս ամենամոտ աստղը Կենտավրոս համաստեղության Պրոքսիմա աստղն է, որը 2500 անգամ ավելի հեռու է , քան Արեգակը: Արեգակի միջազգային օրը նշելու առաջարկությունն արել է Արեգակնային էներգիայի միջազգային ընկերությունը:Աշխարհում այս օրը սկսել են տոնել ` սկսած 1994-ից:

[A.r.p.i.]

Մայիսի 7-ին Հայաստանում նշվում է ռադիոյի օրը:
1895թ-ի մայիսի 7-ին ռուս ֆիզիկոս Ալեքսանդր Պոպովը տեղեկացրել է աշխարհին իր գյուտի մասին` ցուցադրելով առաջին ռադիոընդունիչը և իրականացնելով աշխարհում առաջին ռադիոկապի սեանս:
Մայիսի 7-ը նշանավոր է նաև նրանով, որ հենց այդ օրն է հիմնադրվել Հայաստանի Պետռադիոն` ներկայումս անվանափոխվելով Հայաստանի Հանրային ռադիոյի:

[Kuk]

ԱՆՀԱՎԱՆԱԿԱՆ ԶՈՒԳԱԴԻՊՈՒԹՅՈՒՆՆԵՐ

Երբեմն պատահում են այնպիսի անհավանական զուգադիպություններ, որ առանց միստիկայի անհնար է բացատրել։ Նման պատմությունները ֆիլմերի պատրաստի սցենարներ են եւ գրականության նախանյութ։

Տարօրինակ թվեր

Արդյո՞ք կարելի է պատահական համարել ամերիկյան այն նախագահների ողբերգական մահը, որոնց ընտրության տարեթիվն ավարտվում է 0-ով։ Լինքոլնը (1840), Հարֆիլդը (1880), Մըքքինլին (1900), Քենեդին (1960) սպանվեցին, Հարիսոնը մահացավ թոքերի բորբոքումից, Ռուզվելտը (1940)` պալիոմելիտից, Հարդինգը (1920)` ինֆարկտից։ Մահափորձ կատարվեց Ռեյգանի դեմ (1980)։ Կարելի՞ է պատահական համարել այն փաստը, որ Հռոմի 6-րդ պապի սիրելի զարթուցիչը 55 տարի շարունակ հնչել է ուղիղ առավոտյան ժամը 6-ին, իսկ մի անգամ առանց պատճառի զանգը հնչեց երեկոյան ժամը 9-ին, երբ պապը մահացավ։

Կրկնակի փրկվածը եւ կրկնակի փրկիչը

Անցած դարի 30-ական թվականներին, Դետրոյթ քաղաքի բնակիչ Ջոզեֆ Ֆիգլոկն իր համար քայլում էր փողոցով, երբ բազմահարկ շենքի պատուհանից նրա գլխին ընկավ մեկամյա երեխա։ Պատահարի երկու մասնակիցներն էլ պրծան թեթեւ վախով։ Հետո պարզվեց, որ երիտասարդ մայրիկը մոռացել է երեխայի մասին եւ բաց արել պատուհանը, եւ փաստորեն հետաքրքրասեր փոքրիկին ստույգ մահվանից փրկել է անցորդ Ջոզեֆը։ Կպատահի, չէ՞։ Բայց ուղիղ մեկ տարի անց նույն փողոցով անցնող նույն Ջոզեֆի գլխին ընկնում է... արդեն երկուամյա նույն երեխան։ Եվ նորից երկուսն էլ ընդամենը մի թեթեւ վախենում են։

Թիրախին դիպած փամփուշտը

Հենրի Զիգլանդը համոզված էր, որ կարողացել է ճակատագրին «խաբս տալ»։ 1883 թվականին նա հարաբերությունները խզեց իր սիրած աղջկա հետ, որը բաժանման ցավին չդիմանալով` ինքնասպան եղավ։ Աղջկա եղբայրը, վշտից խենթացած, զենք վերցրեց, որ գնդակահարի մեղավորին։ Կրակելուց հետո նա ինքնասպան եղավ։ Սակայն Հենրին ողջ մնաց, քանի որ գնդակը քսվելով նրա դեմքին, խրվել էր մոտակա ծառի բնի մեջ։ Մի քանի տարի անց Հենրին որոշեց կտրել բարեբաստիկ ծառը, բայց հաստ բունը տեղի չտվեց, եւ Հենրին որոշեց դինամիտի օգնությամբ ծառը կտրել։ Պայթյունից ծառի բնի մեջ մխրճված եւ անվնաս մնացած փամփուշտը դուրս պրծավ եւ կպավ ուղիղ Հենրիի գլխին, որը տեղում մահացավ։

Երկվորյակ կյանք

Երկվորյակների պատմությունները միշտ էլ հետաքրքրաշարժ են, բայց այս մեկն` առանձնապես։ Օհայո նահանգում ծնված երկվորյակների ծնողները մահացել էին, երբ նրանք ընդամենը մի քանի շաբաթական են եղել։ Նրանց որդեգրել են իրար հետ որեւէ կապ չունեցող ընտանիքներ։ Հենց այդտեղից էլ սկսվում են անհավանական պատմությունները։ Նախ` երկու որդեգիր ընտանիքներն էլ, չկասկածելով մեկը մյուսի գոյության մասին, տղաներին կոչում են միեւնույն` Ջեյմս անունով։ Երկուսն էլ նախընտրում են ստանալ իրավաբանական կրթություն, երկուսն էլ սիրում են ազատ ժամանակ գծագրությամբ զբաղվել եւ հյուսնություն անել։ Երկուսն էլ սիրահարվում են Լինդա անունով աղջիկների, երկուսն էլ ունենում են տղա` կոչելով Ջեյմս Ալան։ Այնպես է ստացվում, որ երկուսն էլ հետո ամուսնալուծվում են իրենց կանանցից եւ ամուսնանում Բետի անունով կանանց հետ։ Նրանցից յուրաքանչյուրն ուներ Թոյ անունով շուն։ 40 տարեկան հասակում նախախնամության կամքով նրանք հանդիպեցին իրար եւ ցնցված մնացին, որ իրականում երկուսով ապրել են կատարելապես նույն կյանքով։

Երկուսը` մի սրտով

2002 թվականին 70-ամյա երկվորյակ եղբայրները զոհվեցին ճանապարհատրանսպորտային երկու պատահարների արդյունքում, մեկ ժամվա տարբերությամբ, Ֆինլանդիայի հյուսիսում գտնվող նույն ավտոխճուղու վրա։ Ոստիկանության ներկայացուցիչները պնդում էին, որ այդ հատվածում վաղուց վթարներ չեն գրանցվել, այդ պատճառով հաղորդումը երկու պատահարների մասին արդեն շոկ էր առաջացրել, իսկ երբ պարզվեց, որ երկու զոհերը երկվորյակ եղբայրներ են, մարդիկ մնացին ապշահար։

Մի մահ

Երկվորյակներ Ջոն եւ Արթուր Մաուֆորտներն ապրում էին իրենց ընտանիքների հետ` իրարից 80 մղոն հեռավորության վրա։ 1945 թվականի մայիսի 22-ին երկուսն էլ սրտի շրջանում սուր ցավ զգացին։ Իրարից անկախ` նրանց տեղափոխեցին տարբեր հիվանդանոցներ. եղբայրները միաժամանակ մահացան սրտի տագնապից։

Իրական պատմվածք` Էդգար Պոյի պատմվածքից առաջ

Հանրահռչակ գրող Էդգան Ալան Պոն մի պատմվածք ունի, ուր պատմում է նավաբեկյալների մասին։ Օրերով նրանք թափառում են օվկիանոսի ափերին՝ մինչեւ սովը ստիպում է սպանել եւ ուտել իրենցից մեկին` Ռիչարդ Փարքեր անունով նավազին։Պատմվածքից մի քանի տարի անց, 1884 թվականին, հայտնաբերում են նավաբեկության ենթարկված երեք մարդու, պարզվում է` նրանք չորսն են եղել, բայց ստիպված են եղել մորթել եւ ուտել չորրորդին` նավազին, ում անունը... Ռիչարդ Փարքեր էր։ Նավաբեկյալները չգիտեին, որ Էդգար Պո անունով գրող կա, ուր մնաց` կարդացած լինեին։

ՉԻ

[Հարդ]

Հանրահռչակ գրող Էդգան Ալան Պոն մի պատմվածք ունի, ուր պատմում է նավաբեկյալների մասին։ Օրերով նրանք թափառում են օվկիանոսի ափերին՝ մինչեւ սովը ստիպում է սպանել եւ ուտել իրենցից մեկին` Ռիչարդ Փարքեր անունով նավազին։Պատմվածքից մի քանի տարի անց, 1884 թվականին, հայտնաբերում են նավաբեկության ենթարկված երեք մարդու, պարզվում է` նրանք չորսն են եղել, բայց ստիպված են եղել մորթել եւ ուտել չորրորդին` նավազին, ում անունը... Ռիչարդ Փարքեր էր։ Նավաբեկյալները չգիտեին, որ Էդգար Պո անունով գրող կա, ուր մնաց` կարդացած լինեին։

Դե էս մեկը շատ հնարավոր ա, որ գրողն ա իմացել էտ մարդկանց մասին ու մտածել ա, որ էտ մարդկանց չեն էլ գտնի ու ինքը հանգիստ էտ պատմությունն իրան ա վերագրել:

[Շինարար]

Դե էս մեկը շատ հնարավոր ա, որ գրողն ա իմացել էտ մարդկանց մասին ու մտածել ա, որ էտ մարդկանց չեն էլ գտնի ու ինքը հանգիստ էտ պատմությունն իրան ա վերագրել:

Հարդ ջան, նույնիսկ եթե իմացած լինի գրողը որևէ իրական պատմության մասին ու գրած, դա չի նշանակում, որ ինքը պատմությունն իրեն վերագրեց: Բազմթիվ գրական ստեղծագործությունների հիմքում իրկան դեպքեր են ընկած, ինչը ամենևին էդ ստեղծագործությունների հեղինակների արժեքը չի իջացնում և չի նշանակում, որ նրանք պատմությունն իրենց վերագրեցին:

[VisTolog]

Zhang Ruifang-ի «պոզերը» սկսել են աճել 2009 թվականից:
Zhang Ruifang-ը Չինացի է, 101 տարեկան: Դրանք կտրելու առաջարկը նա մերժել է:

«Սկզբում դա անհարմարություն էր, խանգարում էր քնել և այլն, բայց հիմա ես ունեմ ինձ ամբողջ ժամանակ տեսակցության եկող մարդիկ, որոնք ինձ ուտելիք և նվերներ են բերում, ցանկանում ստորագրություն վերցնել և նկարվել ինձ հետ»:

Ձախակողմյան «պոզի» երկարությունը 6սմ է:

 •

• 

 Սեղմել՝ ցույց տալու համար

[ՆանՍ]

Վայ մամա ջան, էս առավոտ-բարլուսով ինչ մի վախացնել վախացրիր,այ Vist ջան: Երեխեք հլը պատկերացրեք, որ մեծանանք մեր ճակատին էլ սենց պոզ աճի, վաաաաաաաաայ, բայց ծիծաղալու էլ ա

[Ուլուանա]

Եկրորդ պոզը ոչ մի կերպ չտեսա։ Մի պոզ չի՞։ Էլ ի՞նչ պոզեր, ձախակողմյան պոզ։

Փաստորեն, մարդուն էդ պոզը կարգին շահույթ ա բերում, էլ ինչի՞ կտրի որ։ Առատության եղջյուր ա, էլի։

[Hda]

Երեխեք հլը պատկերացրեք, որ մեծանանք մեր ճակատին էլ սենց պոզ աճի D

Երեխեք հլը պատկերացրեք ինչքան լավ կլինի,եթե 100-ից հետո տենց լինենք

[VisTolog]

1. Հետաքրքիր իրական նկար:



2. Հետաքրքիր իրական նկար:
Արևի քամին ուսումնասիրող արբանյակի նկարը:



3. ՉԹՈ Չինաստանի օդանավակայանում:




Աղբյուր:

4. Լուսնի վրա հայտնաբերվել է սվաստիկա:



Աղբյուր:

5. Չինացի աղջիկը խոսում է թռչունների հետ: