ԿՈՍՏԱ ՌԻԿԱՆ ԱՄԵՆԱԵՐՋԱՆԻԿՆ Է
Բրիտանական «New Economics Foundation» վերլուծական կենտրոնը երեկ հրապարակել է «Երջանիկ մոլորակ» անունը կրող վարկանիշային զեկույցը։ Այն կազմելիս հաշվի են առնվել երեք չափորոշիչներ` մարդկանց կյանքի տեւողությունը, տվյալ երկրի քաղաքացիների` իրենց կյանքից բավարարվածության աստիճանը եւ էկոլոգիական վիճակը։ Ըստ այդմ, աշխարհի 143 երկրների շարքում ամենաերջանիկ եւ կանաչ երկիր է ճանաչվել Կոստա Ռիկան։ Երկրորդ եւ երրորդ հորիզոնականները զբաղեցրել են
Դոմինիկյան Հանրապետությունն ու Ճամայկան։ Ի դեպ, եթե չհաշվենք 5-րդ հորիզոնականում հայտնված Վիետնամը, առաջին տասնյակում տեղ են զբաղեցրել միայն լատինամերիկյան երկրներ։ Ցուցակը եզրափակում են Բոթսվանան, Տանզանիան ու Զիմբաբվեն, որն էլ ճանաչվել է ամենադժբախտ բնակչությունը ունեցող երկիրը։ Երջանիկ ու կանաչ երկրների ցուցակում Հայաստանը զբաղեցրել է 48-րդ հորիզոնականը։ Հայաստանի հարեւան երկրներից Վրաստանը հայտնվել է 72-րդ հորիզոնականում, Իրանը` 81-րդ, Թուրքիան` 83-րդ, Ադրբեջանը` 85-րդ։ Ռուսաստանը 87-րդ տեղում է, ԱՄՆ-ն` 114-րդ։ Հետխորհրդային տարածաշրջանում ամենաերջանիկն է ճանաչվել 32-րդ տեղում հայտնված Մոլդովան։
Ձեր իրավունքները բաժնում
Մեջբերել
Էջանիշներ