Երեք տաս էր
Ինտերնետ օգտագործողները ամբողջ աշխարհով մեկ անհանգստացած են այն լուրերով, թե կիրակի օրը` 2010 թվականի հոկտեմբերի 10-ին հակերները կսկսեն տարածել վնասաբեր ծրագիր, որը կարող է համակարգիչների աշխատանքի համար բազմաթիվ խնդիրներ ստեղծել: Այդ հատուկ վիրուսը արդեն ստացել է «երեք տասեր» անվանումը, որը պայմանավորված է ամիս ամսաթվով` 10.10.10: Այն առիթ է հանդիսացել, որպեսզի բազմաթիվ կայքէջերում եւ սոցիալական ցանցերում ակտիվ քննարկումներ սկսվեն: Ինտերնետ օգտագործողները վիճում են այն մասին, թե որքանով վտանգավոր կարող է լինել նոր վիրուսը: Փորձագետների խոսքերով` մտահոգությունները, որոնք պայմանավորված են կլոր թվերով, առաջանում են բավական հաճախ: Այդ պատճառով ինտերնետ օգտագործողները պետք է զգուշություն ցուցաբերեն տարվա բոլոր 365 օրերին: Ամեն օր ինտերնետում հայտնվում են հազարավոր վնասաբեր ծրագրեր: Բոլորովին վերջերս ամբողջ աշխարհում խուճապ առաջացրեց «Stuxnet» անունով վիրուսը: Այն գրոհել է ենթակառուցվածքային օբյեկտների վրա, բայց ամենահաճախը գրոհի թիրախ է դարձել Իրանի Բուշերի ատոմակայանի կառավարման համակարգը:
Մեջբերել
Էջանիշներ