Իմ վերևի մարդու գրառումները

[impression]

Ժողովուրդ ջան, որոշել եմ "խփել" Իմ վերևի մարդը թեմային, բացում եմ նորը՝ վերևինի գրառումների մասին:
Գրում ենք հնարավորինս բովանդակալից, միայն գրել՝ լավ է գրում, վատ է գրում, անգրագետ է, շատ էլ գրագետ է, համարում եմ անիմաստ ու կխնդրեմ մոդերներին նման գրառումները պարբերաբար ջնջել:
Դե ինչ, սկսեցինք, առաջին "թիրախվածը" ես եմ ոնց որ

[Մարկիզ]

Իմ վերեւի մարդու գրառումները կարդում եմ հաճույքով...
Հիմա բացատրեմ, թե ինչու՞:
Նախ, գրում է այնքան գրագետ, որ ես ինձ իրավունք չեմ վերապահի որեւիցե կարծիք ասել նրա գրառումների քերականության մասին:
Երկրորդ, նրա գրառումները շատ իմաստալից են, եւ որն իմ համար ամենահետքրքիրն է պարունակում են "մեղմ", մի տեսակ հումոր:
էլ ինչ գրեմ . բառերս չեն հերիքում...
Կներես, գրառումս քո մասին, շատ սնանկ ստացվեց...
Չնայած, ինքան էլ գրեմ երեւի սնանկ ստացվի:

Ավելացվել է 15 րոպե անց
Ժող ջան, մեռա սպասելով, հա լավ, դե մեկդ մի բան գրեք...
Հասկանում եմ շատերդ ուզում եք ուրիշների մասին գրել...
Բայց դե, պիտի չէ, հըլը իմ գրառումների մասին մեկը մի բան գրի:

[Norton]

Մարկիզի գրառումները կարդում եմ հաճույքով: Հիմնականում ծանոթ եմ քաղաքական գրառումներին՝ շատ գրագետ, իմաստալից: Իմ համար կարելի է ասել նաև ուսուցողական:
ՈՒնի հստակ քաղաքկան դիրքորոշումներ ու կարողանում է ընթերցողին շատ պարզ հասցնել իր ասելիքը, որից հետո բանվիճողի մոտ մութ հարցեր քիչ են մնում: Ափսոս ու-ուշ է գրում:

[Kuk]

Norton

Անդոի հետ մեկ օրվա տարբերությամբ ենք գրանցվել Հաճախ հանդիպում էին քաղաքականությանը վերաբերող գրառումներ, որոնց հետ հիմնականում համակարծիք էի ու եմ: Լավ ես գրում Անդո ջան, շարունակի տենց

Հ.Գ. գրառումներիս մասին վատ բան չասե՛ք

[Lady-In-Red]

Կուկը 1-ինն էր, որ ինձ ջերմ ընդունեց ակումբում, գրառումները հիմնականում սուր են ու հումորն էլ տեղին է, քաղաքական թեմաներում միշտ դիպուկ է գրում ու այդպես շարունակ

[Ուլուանա]

Հ.Գ. գրառումներիս մասին վատ բան չասե՛ք

Լավ, էլի, ասեմ։
Kuk–ի գրառումներում հաճախ ագրեսիվության նոտաներ են լինում՝ բացահայտ կամ ոչ բացահայտ, երբեմն էլ՝ մեծամտության կայծկլտումներ։ Որքան նկատել եմ, վերջերս նշածս երևույթներն ահագին պակասել են, բայց չեն վերացել։ Հաճախ սրամիտ գրառումներ է անում, բայց այն դեպքերում, երբ սրամտությանը միախառնված է լինում նաև մեծամտությունը, էդ գրառումները չեմ հավանում։ Ընդհանուր առմամբ բավական գրագետ ու հստակ ձևակերպված գրառումներ է անում։

Lady-In-Red–ը դեռ նորեկ է, շատ բան ասել չեմ կարող, բայց նկատել եմ, որ նրա գրառումներում հիմնականում առկա են չարաճճիությունն ու կոկետությունը։

[impression]

Ուլուանայի գրառումները ճիշտ ու գեղեցիկ հայերենի փոքրիկ դասեր են, որից կարող ենք օգուտ քաղել բոլորս: Էդ առումով էլ ա ինքը ՄԱՄԱ ()
Նրա գրառումներում միշտ կա հոգատարություն՝ ընթերցողի նյարդերը չքայքայելու մարդկային միտում, որը շատ հարգում եմ:
Գրում է կոռեկտ, ասելիքը տեղավորում հենց էնքան բառերի մեջ, որքան որ պետք է: Գրառումներով իր գիտելիքները ցուցադրելու փորձեր չի անում, ինչը, կրկին, ըստ իս, արժանի է հարգանքի:
Իր գրառումները հիմնականում բաց չեմ թողնում, բացառությամբ մոդերատորականների:

[Դեկադա]

Ուլուանա -ի գրառումները աշխատում եմ միշտ կարդալ//ամեն անգամ ինձ համար ինչ-որ բացահայտում եմ կատարում// չնայած երբեմն խիստ տոնը գերակշռեւմ է, սակայն աչքի է ընկնում չափազանց խելացի և իմաստալից գրառումներով:

[Amaru]

եսիմ, ես երբվա Ակումբ մտնողն եմ, որ իմանամ… բայց մելանխոլիկա-նվնվիկա-խառը գրառումների եմ միշտ հանդիպել

[Ուլուանա]

Amaru–ի գրառումները մեկ–մեկ եմ հանդիպում, բայց միշտ աննկարագրելի հաճույքով եմ կարդում. որպես կանոն, շատ կարճ, բայց դիպուկ ու դեմքիկ գրառումներ է անում՝ հումորով ու շատ համով։ Հա, մեկ էլ միշտ շատ հաջող սմայլիկներ է ընտրում։

[dvgray]

Ուլուանայի գրառումերը խելոք են և կասեի խելամիտ: /Ես մի քիչ գժոտություն եմ սիրում: / Հետո նրա գրառումներին հակադրվելու ցանկությունս հիմնականում կորում է, հաշվի առնելով հայերենի խղճուկ վիճակս : Մի տեսակ ինքը շատ ճիշտ գրառումներ է անում :

[Chuk]

Dvgray-ի գրառումները սովորաբար խիստ փաստարկված ու համոզիչ են, էնքան համոզիչ, որ իր հայացքների հակառակորդները դրանց ոչ մի կերպ չեն ուզում համաձայնվել, բայց վստահ եմ, հոգու խորքում զգում են, որ ինչ-որ բան էն չի

Գրառումներում գերիշխող ա տրամաբանությունը, բայց ինֆորմատիվությունը երբեք ետին պլանում չի: Միշտ անհամբեր եմ սպասում իրա գրառումներին:




Բարեկամի գրառումները սարսռեցնելու չափ ճշմարիտ են, սովորաբար: Ամեն գրառումը կարդալիս նախապես պատրաստվում եմ, ինչ-որ նոր բացահայտում իմանալու կամ իմացածս ինչ-որ բանը ամրապնդելու համար: Գրառումները հուշում են տիրոջ բարիությունն ու մարդկանց հաճույք պատճառելու ցանկությունը: Գրում է համոզիչ, անբեկանելի:

[dvgray]

Բարեկանմի գրառումերը նմանացնում եմ "Նառոդնի կոնտռոլի"-ն : Եթե սկսեց քեզ քննել, ապա ուրեմն վիճակտ լինելու է աննախանձելի : Լավագույն դեպքում գործից կազատեն :

Չուկը "Ակումբի" առանացքային գրառում անողն է: Նրա մտքերը շատ անգամ վախ են ներշնչում են իմաստով, որ եթե էս տղեն մի 40 տարեկան բարով խերով դառնա, ապա ինչ հզոր մտքեր է ունենալու ու դրանք ի կատար ածելու

[Բարեկամ]

Ուլուանան խոսքի կազմակերպման վարպետ ա:
Անթերիությունն արդեն ոչ մարդկային որակի ա հասել իր մոտ. վախենալու ա …

Բայց իրոք, այդպես անթերի, հանգամանալից ու պատճառահետևանքորեն կուռ կազմակերպված խոսք դեռ չեմ տեսել:
Ուլուանայի գրառումներն ավարտուն են՝ վրձնի ոչ մի հարված բաց չի թողնված: Պատկերները հստակ են, ու… "առարկություններ" չեն ընդունում

Ու մի կարևոր բան էլ. Ուլուանայի գրառումները Ակումբի որակի անկյունաքարերից են:

[Ռուֆուս]

Միշտ մի տեսակ վախեցել եմ Գալոյիս գրառումներից, որովհետև համ սիրել գիտի, համ էլ կծել Մեկ մեկ շատ զգացմունքային գրառումներ է անում, մեկ մեկ թեթևակի կպնում է, բայց ամենահաճախը սարկազմով հագեցած դաժան բաներա գրում

Բայց ամենաշատը սիրում եմ հավեսով Գալաթեայի հետ զրուցել