Երեխաները ծնվում են` գենետիկորեն պայմանավորված նախադրյալներով: Այդ նախադրյալները, հայտնվելով իրենց համար որոշակի բարենպաստ կամ անբարենպաստ միջավայրում, համապատասխանորեն զարգանում են կամ ոչ: Գենետիկան այնքան որոշիչ չի այստեղ, որքան միջավայրը, ազդեցությունը: Միջավայրի ճիշտ ազդեցության և հետևողական աշխատանքի դեպքում, հավատում եմ, որ կարելի է խելացի դարձնել նաև այն երեխաներին, որոնք այդպիսին լինելու գենետիկական նախապայմաններ չեն ունեցել:
Այնպես որ, չէի ասի, թե երեխան ծնվում է խելոք: Երեխան ծնվում է որոշակի հակվածություններով` լինելու այսպիսին կամ այնպիսին: Բայց թե ինչպիսին կլինի նա իրականում, կախված է նրանից, թե ինչ հողի վրա կընկնեն այդ գենետիկական նախապայմանները:
Բացառություն են, թերևս, փրոդիջիները` մանուկ հանճարները, ինչը, սակայն, լրիվ այլ թեմա է:
Մեջբերել
Էջանիշներ