Ինչպե՞ս սպանել զգացմունքներդ...

**Մուշու** · 17.12.2014, 16:59

Հետաքրքիր թեմ է , շատ հետաքրքիր է հարց տվողը կարողացավ հասնել նպատակին

Իմ կարծիքով հնարավոր չէ զգացմունքները սպանել , հնարավոր է դրանք թուլացնել , հասցնել մինիմումին , բայց ոչ սպանել : Դրա համար պետք է շատ ժամանակ , պետք է լինել հեռու նրանից ում սիրում ես և շաաատ ջանք որպեսզի դու չանհետանաս ավելի շուտ քան զգացացդ հասնի մինիմումին : Բայց այդ ամենի միջով անցնելուց հետո անգամ , ցանկացած պահի երբ նա հայտնվի տեսադաշտում զգացմունքները կհիշեցնեն իրենց մասին և ավելի ուժեղ կլինեն քան առաջ :
Այս ամենից հետո մտածում ես արդյոք պետք է պայքարել սիրո դեմ ? Ինչու ինքնաոչնչացմամբ զբաղվել ապարդյուն և միայն ժամանակավոր ?

**Ուլուանա** · 17.12.2014, 19:42

Կարծում եմ՝ զգացմունքները սպանել փորձել չարժե, հատկապես որ ոչ էլ հնարավոր է։ Ընդհանրապես բռնությունը չի կարող դրական արդյունք տալ, իսկ զգացմունքների վրա բռնանալը շատ վնասակար ու վտանգավոր բան է թե՛ ֆիզիկական, թե՛ հոգեկան առողջության համար։

Թեմայում ահագին խելոք ու օգտակար կարծիքներ հնչել են արդեն։ Ես էլ հեծանիվ չեմ հայտնագործի, բայց ամեն դեպքում գրեմ կարծիքս։ Ես հավատում եմ, որ իսկապես ցանկանալու դեպքում ցանկացած զգացմունք կարելի է ուղղորդել՝ տանել ուզածդ ուղղությամբ, այլ կերպ ասած՝ զգացմունքը փոխակերպել տվյալ իրավիճակի համար առավել ընդունելի տեսակի։ Սերն ամեն դեպքում դրական զգացմունք է, ու դրանից միշտ էլ կարելի է դրականը քաղել։ Վերաբերմունքի ու տրամադրվածության հարց է։ Նախ, կարծում եմ՝ պետք է ի սկզբանե բացառել ինքնակեղեքմամբ ու ինքնախղճահարությամբ զբաղվելը (գիտեմ, որ շատ դեպքերում շատ գայթակղիչ է, բայց բոլորս էլ գիտենք, որ ոչ մի լավ բանի չի տանում), իրավիճակը չդրամատիզացնել ու աշխատել կենտրոնանալ զգացմունքի դրական, լուսավոր կողմի վրա, փորձել գտնել, թե ինչ դրական ու օգտակար բաներ կարելի է ստեղծել էդ զգացմունքից։

ivy–ի առաջին գրառումը մի քիչ վերաձևակերպելով՝ ես էլ եմ ուզում շեշտել, որ, իմ կարծիքով, էս հարցում շատ կարևոր է սեփականատիրական զգացումներից ձերբազատվելը։ Նույնիսկ կարելի է ասել՝ դրան հասնելու դեպքում ուրիշ բան էլ չի մնա անելու։ Կմնան մաքուր սիրո դրսևորումներ հանդիսացող ջերմության, հարազատության զգացումերը, դիմացինին երջանիկ տեսնելու ցանկությունը և այլն, իսկ դրանք չեն կարող դժբախտացնել կամ խանգարել մարդուն։ Մի խոսքով՝ զգացմունքները ոչ թե խեղդել կամ սպանել է պետք, այլ դրանց վրա աշխատել և ճիշտ ուղղորդել։ Հեշտ բան չի, իհարկե, բայց կարծում եմ՝ հնարավոր է։