Նոր հաշվարկում էի թե միջինը որքան կնտսի միջին օգտագործողին նրա բոլոր ծրագրերը: Windows մոտ 200 կանաչ, Photoshop ևս մի 200 կանաչ, The Bat! - մի 60 էլ սայա… Էլ առաջ չեմ գնա ու չեմ նշի մյուս ծրագրերը, ինչպիսիք են Նեռոն, Կոռելը, Օֆիսը և այլն և այլն...
Չեմ զարմանում, որ արտասահմանցի մեր ֆորումցիները լիցենզավորած ծրագրեր են օգտագործում, բայց Հայաստանյան իրականության մեջ, երբ միջինում մարդիկ ստանում են 45 000-60 000 տեղական թղթերից, որը մոտավորապես հավասար է 110-130 կանաչի, դա պարզապես աբսուրդ է:
Բացի դրանից բավականին շատ ծրագրերի չես կարող վճարել, քանի որ նրանք չունեն ներկայացուցչություն մեր մոտ ու չեն ստեղծել պայմաններ փոխանցումով վճարելու համար: Գիտեմ ինչ եմ ասում, քանի որ վերջերս ինքս եմ այդպիսի խնդրի առջև կանգնել: Նրանք չեն վստահում մեր բանկերին, փոխանցումով ոչինչ չի ստացվում: Պիտի գտնես ծանոթ արտասահմանում, փոխանցես նրան գումարը, նա փոխանցի այդ կազմակերպությանը: Իսկ այդ դեպքում ապրանքի արժեքը մեծանում է մի քանի տասնյակ կանաչով: Ինչպես ես հետո պարզեցի այդպիսի խնդրի առջև շատերն են կանգնել: Ասենք ITunes, Amazon.com , E-bay և այլն:
Ինքս սկսել եմ կամաց կամաց անցնել անվճար ծրագրերի: Կարող եմ նույնիսկ ասել, որ նրանք ավելի հարմար են ու թեթև, պարզապես որոշ ծրագրերի շատ եմ սովորել ու քանի դեռ հնարավոր է նրան օգտագործել, կօգտագործեմ:
Ինչ մնում է նրան, որ ես չեմ վճարում ինչ որ մեկի աշխատանքի դիմաց գումար, դա պարզապես չափազանցություն է: Նրանց պարզապես մեր շուկան առայժմ չի հետաքրքում, ես էլ չեմ հետաքրքրվում նրանց վճարելով:
Մեջբերել
linus-ի խոսքերից
Էջանիշներ