...
Ինչի՞ համար ես հաշվում շողերը այս մայրամուտի,
Եթե քեզ վաղը նորից արևը այցի է գալու,
Մինչ առավոտվա համար կփոխես գիշերն անոթի,
Հիշի՛ր ոչ մի օր քեզ ոչ մի նոր բան չի խոստանալու։
29.01.08
Պանդուխտին...
Քեզ համար բազում երազներ սառան մերկ տանիքներին,
Եվ ծխնելույզը այս անգամ էլ քո գալը չավետեց,
Մինչ դու տրվեցիր ծանոթ-անծանոթ արհավիրքներին,
Բախտը քո դեմքին մերթընդմերթ կիսատ կարոտներ նետեց։
...
Գուցը տունդարձի ճանապարհն է, որ դու մոռացել ես,
Գուցե երբեք էլ հեռու ճամփեքից չես վերադարձել,
Բայց քանի անգամ քո դռան կողպված մտքով անցել ես,
Քայլերդ, սակայն, այդպես էլ դռնից ներս չեն թափանցել։
...
Եվ հիմա ինչ-որ թախիծ է թափվում պատուհաններից,
Քո լքված տանը նույնիսկ գողերը հիմա չեն նայում,
Ու տանիքները ցնցվում են չեղած ոտնաձայներից,
Սանդուղքի վրա վաղուց խլացած սպասումն է մայում։
29.01.08
'
Մեջբերել
Էջանիշներ