Հրապարակվել է շատ կարևոր փաստաթուղթ

[Մտահոգ]

Հա, լսեցի. չեն հերքում փաստը, որ այդպիսի հանձնարարություններ է եղել: Ասում են, որ դրա օգնությամբ իրենք պետք է բացահայտեն, որ շարժումը ֆինանսավորվում է արտերկրից:

բա ոնց, ասենք պտի պարզվեր որ Չորբուլախ գյուղից չոբան Մռդոն հանցավոր համաձայնության գալով Ղարաջորան գյուղի Բդոյի հետ որոշել են խարխլել պետության հիմքերը, որի համար Նյու-Յորքի "Բերգման և ախպերություն" սիոնիստական օթյակի մասոնական մառանից ստացել են 136 դոլլար կառտոֆիլի սերմացուի տեսքով, նպատակը եղել է մեծացնել կարտոշկի բերքատվությունը այսպիսով դուրս մղելով Ռուսական կառտոշկին մալաթիայի բազառից:

[Chuk]

ՉԵՆ ԷԼ ՀԵՐՔՈՒՄ

[20:12] 01 Հուլիսի, 2008

ՀՀ հատուկ քննչական ծառայության պատասխանը Լեւոն Տեր-Պետրոսյանին.

Նախաքննության ընթացքում ելնելով գործի եւ կատարվելիք քննչական գործողությունների ծավալից, այլ վայրում քննչական գործողություններ կատարելու անհրաժեշտության դեպքում, նախաքննական մարմինը ՀՀ քրեական դատավարության օրենսգրքի 191-րդ հոդվածով սահմանված կարգով իրավունք ունի, այդ գործողությունները կատարելու համար տալ հանձնարարական տվյալ վայրի քննիչին կամ հետաքննության մարմնին: Ընդ որում քննչական հանձնարարական կարող է տրվել ոչ միայն ՀՀ տարածքում քննչական գործողություններ կատարելու համար, այլ նաեւ արտերկրում եւ նույնը` հակառակը քննչական հանձնարարություններ կարող են ստացվել նաեւ արտերկրից:

Մարտի 1-ից 2-ի դեպքերի առթիվ ՀՀ հատուկ քննչական ծառայությունում քննվող քրեական գործի նախաքննության ընթացքում եւս, ղեկավարվելով օրենքի վերը նշված պահանջով, ՀՀ տարբեր մարզերում քննչական գործողություններ կատարելու հանձնարարություններ են տրվել, այդ թվում նաեւ Վայոց Ձորի մարզի իրավապահ մարմիներին: Բացի այդ օպերատիվ որոնողական միջոցառումներ իրականացնելու նպատակով բազմաթիվ հանձնարարություններ են տրվել ՀՀ ազգային անվտանգության եւ ոստիկանության եւ այլ ծառայություններին:

Ինչ վերաբերում է օրենքով սահմանված կարգով տրված քննչական հանձնարարության պահանջները որպես ՚ռեպրեսիաՙ կիրառում Լեւոն Տեր-Պետրոսյանի մեկնաբանություններին, ապա դրանք մերկապարանոց են եւ անհեթեթ: Մասնավորապես, հաշվի առնելով այն հանգամանքը, որ մարմինը որին տրվում է քննչական հանձնարարությունը, չի տիրապետում քրեական գործի փաստակն տվյալներին, ուստի հանձնարարության մեջ նշվում են քրեական գործի տվյալները, պարզաբանման ենթակա հարցերը եւ կոնկրետ քննչական գործողությունների տեսակը, որի միջոցով հնարավոր է ստանալ անհրաժեշտ պարզաբանումներ: Նկատի ունենալով, որ սկզբնական փուլում, քրեական գործի նախաքննության ընթացքում բավարար ապացույցներ էին ձեռք բերվել այն մասին, որ Ազատության հրապարակում օրենքով սահմանված կարգի խախտմամբ հրապարակային միջոցառումների, ինչպես նաեւ մարտի 1-ին տեղի ունեցած զանգվածային անկարգությունների մասնակիցները, որոշակի վարձատրության դիմաց հավաքագրվել են կազմակերպիչների կողմից, որպիսիք մարդկանց հավաքագրել են, ինչպես Երեւան քաղաքում, այնպես էլ մարզերում, ուստի նրանց բացահայտելու նպատակով, կոնկրետ հարցադրումներ անելու պահանջ է դրվել տրված քննչական հանձնարարություններում:

Նախաքննության ընթացքում ձեռք են բերվել բավարար տվյալներ նաեւ, որ Հայաստանում ներքաղաքական իրավիճակն ապակայունացնելուն, զանգվածային անկարգություններ հրահրելուն ուղղված միջոցառումները իրականացվել, ուղղորդվել, կազմակերպվել են մեկ կենտրոնից, որի համար ֆինանսավորում է ստացվել նաեւ արտերկրից: Օտարերկրյա պետությունների հնարավոր միջամտության վերաբերյալ ստացված տվյալները ճշտելու, բազմակողմանի, լրիվ եւ օբյեկտիվ քննությունն ապահովելու նպատակով նույնպես տրվել են համապատասխան հանձնարարականներ:

Զավեշտ է Լեւոն Տեր-Պետրոսյանի այն հայտարարությունը թե, իբր, հիշատակված քննչական հանձնարարությունը հայթայթել են նախաքննական մարմնից գաղտնի: Փաստաթղթին ծանոթանալու հնարավորություն կողմերին տվել է հենց նախաքննական մարմինը: Վայոց Ձորի մարզի դատախազություն ուղարկված քննչական հանձնարարության կատարման արդյունքում բացահայտվել է Աղասի Մկրտչյանի կողմից Լեւոն Տեր-Պետրոսյանի օգտին նախագահական ընտրություններում քվեարկելու համար ընտրակաշառքներ տալու դեպքը եւ վերջինիս վերաբերյալ քրեական գործի մասը մեղադրական եզրակացությամբ ուղարկվել է դատարան: Քրեական գործի բոլոր նյութերը, այդ թվում հիշյալ քննչական հանձնարարությանը ծանոթանալու համար ներկայացվել է մեղադրյալին եւ նրա պաշտպանին, ինչպես նաեւ օրենքով սահմանված կարգով նրանց տրամադրվել է քրեական գործի բոլոր նյութերի պատճենները:

Նախաքննության ընթացքում տրված բազմաթիվ հանձնարարությունների կատարման արդյունքում բացահայտվել է ոչ միայն հիշյալ հանցագործության դեպքը, այլ նաեւ մի շարք հանցագործություններ, մասնավորապես` առանց բժշկի թույլտվության թմրամիջոց գործածելու, մարտի 1-ին քաղաքապետարանի մոտ ոստիկանության բաժնի պետին ծեծի ենթարկելու, վերջինիս հաշվեցուցակային ատրճանակը հափշտակելու, մարմնական վնավածքներ պատճառելու համար հարմարեցված ՚ոզնիՙ կոչվող մետաղական կոնստրուկցիաներ պատրաստելու եւ Ազատության հրապարակ տեղափոխելու դեպքերը եւ այլն:

Այսպիսով, Լեւոն Տեր-Պետրոսյանի հայտարարությունը իրականությունը խեղաթյուրելու, հանրությանը մոլորության մեջ գցելու եւ հատուկ քննչական ծառայությանը քաղաքական շահարկումների մեջ ներքաշելու եւս մեկ ձախողված փորձ է:

Աղբյուր՝ Ա1+


Քանի որ խոսելուս ընդունակությունը կորցրի այս իմ որակմամբ ցինիզմը կարդալուց հետո, ապա այս բացատրություններին գնահատական տալու համար կօգտագործեմ Տեր-Պետրոսյանի բառապաշարից մի բառ.

Հրա՜շք է