«Ես նրա շարունակությունը չեմ...» Իսկ ի՞նչ կասեն դաշնակները...

[Artgeo]

Ինքնահռչակ նախագահ Ս. Սարգսյանը շարունակում է ջանքեր գործադրել հանրության աչքերում Ռ. Քոչարյանի «պրեմնիկ» չլինելու համար: Պարոն նախագահը այս հարցում դիմել է նույնիսկ այնպիսի ռադիկալ քայլի, ինչպիսին է հայ-թուրքական հարաբերությունների Ռ. Քոչարյանի «պատասխանատու» դիրքորոշմանը հակառակ դիրքորոշում ընդունելը: Մասնավորապես Մոսկվայում Ս. Սարգսյանը ասել է. «Առաջիկայում ես մտադիր եմ նոր քայլեր ձեռնարկել հայ-թուրքական հարաբերությունները խթանելու ուղղությամբ: Ամենայն հավանականությամբ, ես կհրավիրեմ Թուրքիայի նախագահ Աբդուլլա Գյուլին Երեւան՝ միասին դիտելու Հայաստանի եւ Թուրքիայի ֆուտբոլի հավաքականների խաղը»:
Իսկ ի՞նչ կասեն դաշնակները այս ամենի վերաբերյալ Կասկածներ ունեմ, որ դաշնակցությունը կվարվի ինչպես միշտ: Այսինքն գրեթե ոչինչ չի անի, տեղները դեռ տաք ա: Իսկ «Հայ դատը» ի՞նչ կասի

[Վիշապ]

Սերժ Սարգսյանը ուզի թե չուզի, արտաքին քաղաքականության մեջ շարժվելու է Տեր–Պետրոսյանի ծրագրով, իմա բարի–դրացիական հարաբերությունների ու փոխզիջումնեի ճանապարհով։ Սակայն նրա դիվանագիտական ունակությունները լավագույնս «բարի ճանապարհ» մաղթելու ցանկություն են առաջացնում։ Դրա համար էլ բարիդրացիական հարաբերությունների գնալու նրա ձգտումները բռնազբոսիկ են, ձևական, ֆուտբոլային։ Եվ բարձր մակարդակի հանդիպումները միայն թվացյալ են լինելու, իրականում՝ ծիծաղելի։ Դե ֆակտո Հայաստանը Թուրքիայի հետ վաղուց բարիդրացիական հարաբերությունների մեջ է ինչքան էլ որ ոչ ֆորմալ ու պետական մակարդակի, բայց կարելի է պնդել, որ ոչ մի այլ երկրի հետ Հայաստանը այդպես «ջերմ» հարաբերությունների մեջ չի, ինչպես Թուրքիայի հետ։ Դրա վկան Հայաստանում թուրքական ապրանքների հեղեղվածությունն է, հայերի հոժարակամ հանգիստը թուրքական ծովափներում, թուրքական ոճերի, ճարտարապետության, երաժշտության նկատմամբ հակումը և այլն։ Եվ սա ոչ թե մեր պետական քաղաքականության արդյունքն է, այլ ճիշտ ընդհակառակը՝ դրա բացակայության։ Եվ վերջինիս էլ արտահայտվում է մեր իշխանության մեջ քաղաքական ծաղրածուների առատությամբ։

[Artgeo]

ԳՈՒՑԵ ՍԱ Է՞Լ Է ԹՂԹԱԽԱՂՈՎ «ԿՐՎԵԼ»

Սերժ Սարգսյանի այն հայտարարությունը, թե եթե Թուրքիան բացի Հայաստանի հետ սահմանը, Հայաստանը դեմ չի լինի «պատմական փաստերի ուսումնասիրման» նպատակով հայ-թուրքական համատեղ հանձնաժողով ստեղծելու գաղափարին, հակազդեցության հսկայական ալիք է առաջացրել ինչպես Հայաստանում, այնպես էլ սփյուռքում: Հասկանալի է, որ «այս խմորը դեռ շատ ջուր կտանի», ուստի փորձենք ավելի հանգամանորեն ներկայացնել, թե ինչի մասին է խոսքը:

Հայ-թուրքական հարաբերությունների վերաբերյալ Հայաստանի քաղաքական դաշտում միշտ տարբեր տեսակետներ են եղել: Քաղաքական ուժերի մի մասը գտնում էր, որ Հայաստանը պիտի ձգտի նորմալ հարաբերություններ հաստատել Թուրքիայի հետ` բնականաբար, առանց նախապայմանների, իսկ Ցեղասպանության միջազգային ճանաչումը չպետք է լինի Հայաստանի արտաքին քաղաքականության հիմնական գերխնդիրը` դրանով պիտի զբաղվեն սփյուռքի կառույցները: Քաղաքական ուժերի մյուս մասը գտնում էր, որ քանի դեռ Թուրքիան Ցեղասպանության փաստը չի ընդունել, Հայաստանի եւ Թուրքիայի միջեւ նորմալ հարաբերություններ չպետք է հաստատվեն, Հայաստանի թիվ մեկ խնդիրը պիտի լինի Ցեղասպանության միջազգային ճանաչումը, եւ Հայաստանը պիտի ամեն ինչ անի, որպեսզի միջազգային կազմակերպությունները եւ գերտերությունները ճնշեն Թուրքիային: Քաղաքական ուժերի երրորդ խմբի դիրքորոշումն էլ այն էր, որ Թուրքիան մեր դարավոր թշնամին է եւ պիտի ոչ միայն ընդունի Ցեղասպանության փաստը, այլեւ տարածքային եւ նյութական փոխհատուցում տա Հայաստանին:

Թե այս երեք դիրքորոշումներից որն է ավելի իրատեսական եւ որն է ավելի նպատակահարմար Հայաստանի այսօրվա աշխարհաքաղաքական շահերի տեսանկյունից` այլ հարց է, բայց փաստն այն է, որ այս երեք «ուղղություններից» ոչ մեկը Ցեղասպանության փաստը կասկածի տակ չի դնում: Եվ ահա Սերժ Սարգսյանը հայտարարում է, թե ինչ-ինչ պայմաններում Հայաստանը պատրաստ է պաշտոնապես մասնակցել մի հանձնաժողովի, որի հիմնական նպատակը հենց դա է լինելու. պարզել` եղե՞լ է Ցեղասպանություն, թե ոչ: Պարզ ասած, ըստ Սերժ Սարգսյանի, Հայաստանը պատրաստ է կասկածի տակ առնել Ցեղասպանության փաստը:

Սա, իհարկե, ինքնին աբսուրդ է, բայց ամենացավալին այն է, որ Սերժ Սարգսյանն իր այդ քայլով ոչ թե կոպիտ սխալ է արել, այլ մեծագույն անբարոյականություն: Եթե նա մտածեր, որ այդպիսի հանձնաժողովի ստեղծումը Հայաստանին օգուտ կբերի, բնականաբար, դրա դիմաց սահմաններ բացելու «բազար» չէր սկսի: Այսինքն, նա լավ էլ գիտակցել է, որ նման հանձնաժողովի ստեղծումն անբարոյականություն է, բայց համաձայնվել է` «որոշակի վճարի դիմաց»: Ընդ որում, «որոշակի վճարի» չափը մոտավորապես հայտնի է: Փորձագետների գնահատականների համաձայն, հայ-թուրքական սահմանի բացումը Հայաստանի համար կապահովի նվազագույնը տարեկան 100 միլիոն դոլար (սկզբնական շրջանում): Ինչեւէ. փաստն այն է, որ պատմության ընթացքում առաջին անգամ բարձրաստիճան հայ պաշտոնյան հնարավոր համարեց փողի դիմաց Ցեղասպանությունը կասկածի տակ դնելու հեռանկարը:

Այստեղ իսկապես տեսականորեն երկու տարբերակ կա: Կամ Սերժ Սարգսյանը չի հասկացել, թե ինչ է անում (այդ դեպքում դա, մեղմ ասած, խոսում է նրա մտավոր կարողությունների բացակայության մասին), կամ լավ էլ հասկացել է (այդ դեպքում դա խոսում է նրա անբարոյականության մասին): Մենք, իհարկե, ավելի շատ հակված ենք երկրորդ տարբերակին, բայց եթե նույնիսկ ճիշտն առաջին տարբերակն է, եզրակացությունները դրանից չեն փոխվում: Հայաստանի Հանրապետության նախագահի պաշտոնը ոչ սակավամիտների համար է, ոչ անբարոյականների:

Ինչեւէ: Հուսով ենք` դաշնակցականներն ու նժդեհականները չեն հայտարարի, թե այս պահին նպատակահարմար են համարում «հանուն ներքաղաքական կայունության փոքր-ինչ նահանջել պատմական արդարության դիրքերից»: Ավելի հավանական է, որ Սերժ Սարգսյանը որեւէ երիտհանրապետականի միջոցով կամ անձամբ կհայտարարի, որ իրեն ճիշտ չեն հասկացել:

Հ.Գ. Ամեն դեպքում, Սերժ Սարգսյանին խորհուրդ կտանք Եվրոպայում զգույշ լինել: Եվրոպական մի քանի երկրներում Հայոց Ցեղասպանության փաստը կասկածի տակ առնելը քրեորեն հետապնդելի արարք է համարվում:

http://chi.am/news/080627/08062704.htm

Ակամայից հիշեցի «Զնակոմստվո ս Ֆակերամի» ֆիլմի երեխայի առաջին խոսքը... Ընդ վորում ռուսերեն թարգմանությամբ:

[Amaru]

Ախպեր, ի՞նչ ես ուզում դաշնակներից:
Սերժն ա քո թշնամին, կռիվ ունես, իր հետ արա…

[Artgeo]

Ախպեր, ի՞նչ ես ուզում դաշնակներից:
Սերժն ա քո թշնամին, կռիվ ունես, իր հետ արա…

Ես որևէ մեկի հետ կռիվ չունեմ Հետաքրքիր էր, դաշնակցությունը իրեն որպես կուսակցությո՞ւն կդրսևորի, թե՞ որպես ամենահին մասնագիտություն: Չէ, ես կասկած չունեի, պարզապես... Դե գիտես, հույսը վերջում ա մահանում:

[Amaru]

հե՛յ, էս ֆորումում ընդունված ա քողի տակ վիրավորանքներ սփռել, բայց զգում եմ, որ հիմա պատասխանեմ նման մի բանով, ինձ զգուշացում կտան կամ կարգելափակեն...

ՉԱՈ!!!!!!!!!!!!!!!!!!!!!!

[Artgeo]

հե՛յ, էս ֆորումում ընդունված ա քողի տակ վիրավորանքներ սփռել, բայց զգում եմ, որ հիմա պատասխանեմ նման մի բանով, ինձ զգուշացում կտան կամ կարգելափակեն...

ՉԱՈ!!!!!!!!!!!!!!!!!!!!!!

Վիրավորանք բացարձակապես չկար իմ խոսքի մեջ: Նայի, եթե մարդը, մարդկանց խմբավորումը, կուսակցությունը ունի որոշկաի պրինցիպ, դաշնակցության դեպքում դա օրինակ Ցեղասպանության մասին այստեղ-այնտեղ ու ամենուր դաշնակահարելն է, իսկ այսօր իրենց նախագահը կասկածի տակ է առնում Ցեղասպանության փաստը և իրենք լռում են, առնվազն անբարոյականություն է: Ես մեղավո՞ր եմ, որ դաշնակցությունը գրեթե միշտ տենց ա արել Դե թող ձեն հանեն, պաշտպանեն իրենց պրինցիպները, հակառակ դեպքում ես անձամբ իրավունք եմ վերապահում համարել, որ դաշնակցության հիմնական պրինցիպը պրինցիպ չունենալն է ու այն անունը, որը կրում են՝ Յեղափոխական, իրականում պետք է կարդալ արևելահայերեն:

[ChildOfTheSky]

Ախպեր, ի՞նչ ես ուզում դաշնակներից:
Սերժն ա քո թշնամին, կռիվ ունես, իր հետ արա…

Արթուրի թշնամիներին չգիտեմ, բայց իմ և շատերի թշնամին ոչ միայն սերժն ա ու ռոբը, այլև նրանց կերտած իշխանաօլիգարխական բուրգը՝ իր ողջ անձնակազմով:

[Marduk]

Սերժ Սարգսյանը ուզի թե չուզի, արտաքին քաղաքականության մեջ շարժվելու է Տեր–Պետրոսյանի ծրագրով,

Այո Սերժը շարժվում ԼՏՊ-ի ծրագրով արտաքին հարաբերություններում:

Եթե նա այսպիսի անպատասխանատու գործելակերպը շարունակի ապա սա կլինի Հայ ազգի վերջաբանը:

[Երվանդ]

Մի քիչ պարզունակ են մտածում էն մարդիկ որոնք կարծում են թե եթե սերժի ասածը կասեցման սկիզբն է ցեղասպանության ճանաչման պայքարի, իմ կարծիքով բավականին ճիշտ կատարված քայլ է, բայց շատ ավելի կարևոր է դրան հետևող քայլերը, որը արդեն կախված է Թուքիայի պատասխանից:

[Chuk]

Այո Սերժը շարժվում ԼՏՊ-ի ծրագրով արտաքին հարաբերություններում:

Անձամբ իմ կարծիքով նորմայի մեջ տեղավորվում է Սերժ Սարգսյանի քայլը:

Սակայն եթե մտածում եք, որ «պատմական փաստերի ուսումնասիրման» նպատակով հայ-թուրքական համատեղ հանձնաժողով ստեղծելու գաղափարը Տեր-Պետրոսյանի ծրագրերից է, ապա ցավոք մոլորության մեջ եք: Դեռ շատ շուտ է ինքն այս հանձնաժողովին դեմ արտահայտվել

[Marduk]

Անձամբ իմ կարծիքով նորմայի մեջ տեղավորվում է Սերժ Սարգսյանի քայլը:

Սերժի ո՞ր քայլն է նորմալ:
Հանձնաժողով ստեղծել այն մասին եղել է Ցեղասպանություն թե՞ ոչ:

գաղափարը Տեր-Պետրոսյանի ծրագրերից է, ապա ցավոք մոլորության մեջ եք: Դեռ շատ շուտ է ինքն այս հանձնաժողովին դեմ արտահայտվել

Chuk պետք չէ մենք ինքներս մեզ հուշենք անիմաստ խաբկանքներ;
Եկեք ինքներս մեզ խոստովանենք, որ մեր այսպես կոչված հհշա-հանրապետական վերնախավը ոտից գլուխ փտած ու նեխված մի բան է, որը սպասում է թե երբ պետք է այս ժողովուրդը ուժասպառ լինի որ դնեն Համաշխարհային վաշխառուա-դիվանագիտական զոհասեղանին ու մի երկու կոպեկ փախցնեն այս աշխարհի հզորներից: Եվ առվազն մեծ ֆանտազիա պետք է ունենալ որպեսզի տեսնել տարբերություն Սերժի ու ԼՏՊ-ի խոսքերի ու մտքերի մեջ այս հարցում:
Սա է դառը իրականությունը: Եվ ինչքան շուտ երիտասարդությունը դա գիտակցի այնքան շուտ տեղի կունենա սերնդափոխություն ու մեզ բոլորիս, ցեղասպանված զոհերի հիշատակով ու ազատագրված տարածքներով հանդերձ չեն Վաճառի առաջին իսկ պատեհ առիթին:

[Մտահոգ]

Դաշնակները եթե մի չռթ իրանց ասած "ազգային" կուսակցություն մնացած լինեին Սերոժի հայտարարությունից հետո դուրս կգային կոալիցիայից, բայց դե իխշանական խաշի համը ուրիշ է, ամենասրսուռ գնահատականը Կիրո Մանոյանը տվեց, ասեց " նախագահին լավ խորհուրդ չեն տվել"

[Chuk]

Սերժի ո՞ր քայլն է նորմալ:
Հանձնաժողով ստեղծել այն մասին եղել է Ցեղասպանություն թե՞ ոչ:




Chuk պետք չէ մենք ինքներս մեզ հուշենք անիմաստ խաբկանքներ;
Եկեք ինքներս մեզ խոստովանենք, որ մեր այսպես կոչված հհշա-հանրապետական վերնախավը ոտից գլուխ փտած ու նեխված մի բան է, որը սպասում է թե երբ պետք է այս ժողովուրդը ուժասպառ լինի որ դնեն Համաշխարհային վաշխառուա-դիվանագիտական զոհասեղանին ու մի երկու կոպեկ փախցնեն այս աշխարհի հզորներից: Եվ առվազն մեծ ֆանտազիա պետք է ունենալ որպեսզի տեսնել տարբերություն Սերժի ու ԼՏՊ-ի խոսքերի ու մտքերի մեջ այս հարցում:
Սա է դառը իրականությունը: Եվ ինչքան շուտ երիտասարդությունը դա գիտակցի այնքան շուտ տեղի կունենա սերնդափոխություն ու մեզ բոլորիս, ցեղասպանված զոհերի հիշատակով ու ազատագրված տարածքներով հանդերձ չեն Վաճառի առաջին իսկ պատեհ առիթին:

Հարգարժան Մարդուկ, ես չեմ ընդունում քո բարձրից խոսելու ոճը, որին իմ կարծիքով արժանացած չես: Այնուամենայնիվ կպատասխանեմ:

Նորմալ եմ համարում զուտ այն համատեքստում, որ ես կարծում եմ, որ մենք վախենալու բան չունենք այդ հանձնաժողովից, քանզի մենք արդար ենք ու ցանկացած ֆորմատում կարող ենք ցույց տալ ցեղասպանության եղելությունը: Նման հանձնաժողովի գոյությունը նորմալ համարելիս ես ոչ մի վայրկյան կասկածի տակ չեմ դնում այդ ոճրագործության եղելությունը, մտքովս անգամ չի անցնում, որ կարող է այլ ելք լինել, քան ապացուցում, որ այն եղել է: Սակայն ես իմ կարծիքը չեմ պնդում, որովհետև քաղաքականության տեսակետից այդ հանձնաժողովի ստեղծումն այնուամենայնիվ ճիշտ չեմ համարում:

Իսկ հիմա ես մեծ սիրով կմեջբերեմ Տեր-Պետրոսյանի խոսքն այս հարցի մասին, որպեսզի քեզ նեղություն տաս ու կարողանաս տեսնել ակնհայտ տարբերությունը: Հուսով եմ քո ազնվության ու անկեղծության վրա: Հուսով եմ, որ չես փորձի ասված խոսքերը խեղաթյուրել: Այսպիսով մեջբերում 2007 թ.-ի դեկտեմբերի 8-ի հանրահավաքում Տեր-Պետրոսյանի ելույթից.

Ի՞նչ պիտի անեին Հայաստանի իշխանությունները՝ Եւրոմիությանը Թուրքիայի անդամակցությանը խոչընդոտելու փոխարեն։ Պիտի անեին իրենց արածի ճիշտ հակառակը։ Այսինքն՝ պետք է բարի կամք դրսեւորեին եւ ոչ մի կերպ չխանգարեին այդ գործընթացին։ Ավելին, պետք է Բրյուսելից պահանջեին չշահարկել Ցեղասպանության ճանաչման հարցը՝ հայ-թուրքական հարաբերությունների այդ բարդ կնճռի լուծումը թողնելով կողմերին։ Ժամանակն է վերջապես հասկանալ, որ վերջնագրեր ներկայացնելով կամ անկյուն սեղմելով, ոչ ոք չի կարող Թուրքիային պարտադրել՝ ճանաչել Հայոց ցեղասպանությունը։ Բոլորովին չեմ կասկածում, որ Թուրքիան վաղ թե ուշ անելու է այդ բանը։Բայց դա տեղի է ունենալու ոչ թե հայ-թուրքական հարաբերությունների կարգավորումից առաջ, այլ մեր երկրների միջեւ բարիդրացիության, համագործակցության եւ վստահության մթնոլորտի ձեւավորումից հետո։ Հետեւաբար, զգացմունքները մի կողմ թողնելով, այդհարաբերությունները պետք է կառուցել մեկնելով այն իրողությունից, որ 1915 թվականի իրադարձությունները Հայաստանը համարում է Ցեղասպանություն, իսկ Թուրքիան՝ ոչ։ Մեզ համար անընդունելի եւ վիրավորական է հայ եւ թուրք պատմաբանների հանձնախումբ ստեղծելու մասին արված հայտնի առաջարկը, քանի որ դա նախ՝ կասկածի տակ է դնում մեր համազգային համոզումը, եւ երկրորդ՝ բազմաթիվ երկրների խորհրդարանների կողմից Ցեղասպանության ճանաչման կայացած փաստն այլեւս ավելորդ ու ժամանակավրեպ է դարձնում նման հանձնախմբի ստեղծումը։

Այն ամենն, ինչ ասվեց Հայաստանի մասին, բոլորովին չի վերաբերում Սփյուռքին։ Ցեղասպանության ճանաչման, հայ-թուրքական հարաբերությունների կարգավորման հարցում Հայաստանն ունի իր ըմբռնումն ու օրակարգը, Սփյուռքն՝ իրենը։ Հայաստանը չի կարող եւ իրավունք չունի Սփյուռքին թելադրել իր ըմբռնումն ու օրակարգը։ Աշխարհացրիվ հայ ժողովրդի զավակները, որպես տարբեր երկրների քաղաքացի, հարկատու եւ ընտրող, իրավունք ունեն ճնշում բանեցնելու իրենց կառավարությունների վրա եւ նրանցից պահանջելու՝ ճանաչել Հայոց ցեղասպանությունը։ Այդ երկրների ներքին գործն է՝ արձագանքել կամ չարձագանքել իրենց քաղաքացիների պահանջներին։ Թուրքիան նախ՝ չպետք է Հայաստանը շփոթի Սփյուռքի հետ, եւ երկրորդ՝ չպետք է դժգոհի վերջինիս պահվածքից, քանի որ Սփյուռքը Ցեղասպանության հետեւանքն է։ Թող Ցեղասպանություն չաներ՝ Սփյուռք չէր լինի։

Ուշադրություն դարձրու ընդգծված հատվածներին և առավել ևս ուշադրություն դարձրու, որ այս մասին Տեր-Պետրոսյանը հայտարարել է դեռ այն ժամանակ, երբ Սերժ Սարգսյանն անգամ պատրվակ չէր տվել ենթադրելու, որ նման քայլ է անելու:

Իսկ հիմա խնդրում եմ, որպեսզի դու ինքդ ինձ ասես տարբերությունը, որի բացակայության մասին այդպես համոզված պնդում էիր:

[Մտահոգ]

Փաստորեն ցավով պետք է նշել որ էս երկրում նորմալ գիտնականներն էլ են գնալով դառնում աննորմալ, մարդը իր ամբողջ գիտակցական կյանքը դրել է Ցեղասպանության ապացուցման համար, հիմա ինչա թե Սերժը ասել է եկեք ուսումնասիրենք, էս մարդն էլ ստիպված հակառակ իր սկզբունքներին կրկնում է սերոժի ասածները:
Սերոժը բառացի ասել է "Թուրքական կողմն առաջարկում է ձեւավորել մի հանձնաժողով, որը պետք է ուսումնասիրի պատմական փաստերը: Մենք դեմ չենք այդպիսի հանձնաժողովի ստեղծմանը, բայց` այն ժամանակ, երբ բացվի սահմանը մեր պետությունների միջեւ"
Էս գիտնականն էլ՝ Ռուբեն Սաֆրաստյանը, կրակն ա ընկել հլը տեսեք ինչ ա ասել
"Եթե Թուրքիայի առաջարկը նպատակ ունի այնպիսի հանձնախումբ ստեղծել, որը պիտի քննի "եղել է, թե չի եղել" փաստը, ապա Հայաստանի նախագահի առաջարկը, ինչպես կարելի է ենթադրել պարզաբանումներից, որ տրվեցին այդ առաջարկից հետո, ենթադրում է ոչ թե փաստի քննարկումը, այլ փաստի ուսումնասիրումը¦:

Մեկն ասի այ տկարամիտներ, որն է տարբերությունը քննարկման ու ուսումնասիրման մեջ տվյալ դեպքում, ախր էդ նույն թուրքերը 70 տարի ուսումնասիրել են փաստերը ու եկել եզրահանգման որ Ցեղասպանություն ՉԻ ԵՂԵԼ, հիմա հենց սկսեն ուսումնասիրել հանձնաժողովում մի անգամից հասկանալու են որ եղել է՞, ախր գիտական կոնֆերանսների ժամանակ նույնիսկ երբ գիտական մակարդակով Վահագն Տատրյանը (ազգանունը հնարավոր է որ սխալ եմ հիշում) ու Իսրաել Չառնին ապացուցեցին որ այն ինչ եղել է Ցեղասպանություն է, թուրք գիտնականը ուղղակի հակադարձեց "միևնույնն է ՉԻ ԵՂԵԼ"
Էս խեղճ մարդն էլ էսքանը ասելուց հետո հլը ինքը իրան հույս է տալիս որ "Եթե ռեալ նայում ենք, ապա մենք տեղափոխվում ենք դիվանագիտության ոլորտ: Իսկ դիվանագիտության ոլորտում եթե առաջարկներ են արվում, ապա անպայման չէ, որ այդ առաջարկները իսկապես ենթադրվեն, որ իրականություն են լինելու" , այսինքն մի աղոտ հույս ունի որ մուտիլովկա է էս առաջարկությունը իրականություն չի դառնա, կսկծու փառք Աստծու տարբերակով: Մի գիժ քար գլորեց ձորը հազար խելոք չեն կարում հանեն: