Ինչպիսի՞ն պետք է լինեն հանրահավաքները

[Աթեիստ]

Ես գտնում եմ, որ խախտում անողն իրավունք չունի մյուս խախտում անողից ինչ ոչ բան պահանջելու: "Դու ավելի շատ ես խախտել, քան ես, ուրեմն ես ես պիտի անցնեմ":?

Պահանջել և աշխատել որ այլեվս այդպես չլինի, իր սեփական վարքագծով, այո, պահանջել պաշտպանող օրենքներ, օգնել դրանց իրականացմանը: Ընդունել իր դերը` Ենդդիմություն , և գործել այդ դիրքից, ոչ թե կոտորվել չստացվածի համար:

Պատկերացրու նույն տրամաբանությամբ ասենք 1992-ին սահմանում կռվողն ասեր, "Ես չեմ կռվի, որովհետև կռվողների մեջ է մեր հարևան Գոգոն, որը %$%# է, ու ես իրանից նեղացած եմ":
Չի կարելի բազմահազարանոց շարժումը նույնացնել մի անձի հետ:

[Տատ]

Չի կարելի բազմահազարանոց շարժումը նույնացնել մի անձի հետ:

Շատ լավ, նույնիսկ հրաշալի է, որ շարժումն ինքն իրեն չի ձուլում մեկ (մանավանդ այդ որոշակի) մարդու հետ :
Ընդդիմության ինստիտուտն անհրաժեշտ է ցանկացած դեմօկրատիայում, բայց դրա գրագետ գործնեությունն էլ ժամանակ ու փորձ է պահանջում։ Այն իրոք կարող է ազդել իշխանության վրա հենց իր ընդդիմական դիրքից, ոչ թե միանգամից, հայտնվելուն պես, դառնալ իշխանություն։

Իսկ մեր ընդդիմությունը նոր է հայտնվել, ոչ թե ժողովրդի դժգոհությունը, այլ ընդդիմությունը որպես քաղաքական գործիք:
Գուցե ԼՏՊ- ն 3 տարի ուզի այդ նպատակո՞վ, զարգացնել և կանգնեցնել ընդդիմության ինստիտուտը, ոչ թե ամեն տարի փոխել իշխանությունը։

Չէ որ իր նախագահությունը միանգամից բոլոր հարցերը նույնպես չի լուծի, միևնույնն է, բոլորս ստիպված պետք է սպասենք, իսկ հետո գուցե (անձամբ համոզված եմ ) նրա՞ն էլ ժամկետից շուտ պետք կլինի փոխել:

Նորից տարիներ կանցնեն, նորից 0-ից կսկսենք:

նախկինում խախտում արա՞ծի

նախկինու՞մ: Իսկ հիմա, թարմ ընտրություններու՞մ:

Այն ամբողջությամբ արտահայտում է ներկայիս իշխանությունների 10 տարվա ստաժը եւ ներկայիս վարքագիծը/բոլորիս պարզ է, որ չի կարող էական, խորքային բարեփոխումներ կատարել:

Կարող է, քանի որ ստիպված է։

Ընդդիմությունը (ավելի շուտ Լևոնը) դեռ ստիպված չէ :
Ախ, կամավոր ուզու՞մ է։ Չեմ հավատում։
Ուզում է ժողովուրդը, բայց գործիքները միևնույնն է ամեն երկրում դրվում են որոշակի անձանց ձեռքը, այ նրանք պետք է պարտավոր լինեն կատարեն ժող. կամքը։

Իհարկե, վստահությունն էլ կարևոր է, ոչ միայն վախեցնելը։
ԼՏՊ-ն ունի՞ այդպիսի համատարած վստահություն։ Ինքներդ էլ գիտեք որ ոչ, նույնիսկ իր շրջանում։

Այո, դեռ չի հայտնվել այն երրորդ անձը, որին կվստահի իրոք մեծամասնությունը։ Ուրեմն պետք է կրթել ընդդիմությունը, նրա շարքերում ստեղծել մի շարք նոր դեմքեր, ու նոր այդ ժամանակ փոխել իշխանությունը:

Ավելացվել է 2 րոպե անց
Մենք նորից աղավաղեցինք թեման:
Դուք եք մեղավոր, ես դեռ ճիշտ տեղերը չգիտեմ...

[Chuk]

Նորից տարիներ կանցնեն, նորից 0-ից կսկսենք:

Անգամ հիմա զրոյից չենք սկսում, այլ շարունակում ենք էն, ինչը որ տարիներ առաջ կիսատ էինք թողել: Շատ վաղուց ա ամեն ինչ սկսվել:

նախկինու՞մ: Իսկ հիմա, թարմ ընտրություններու՞մ:

Ես անշուշտ չեմ կարող բացառել այդպիսիքի գոյությունը, սակայն չեմ տեսել: Հակառակ կողմից տեսել եմ: Տեսել եմ նաև իբր խախտումների իբր քրեական կամ վարչական դատավարությունները... աբսուրդի թատրոնը, այլ կերպ ասած, ինչը գոնե ինձ ցույց է տալիս, որ ոչ, իր կողմից խախտումներ չեն եղել:

Դա չի նշանակում, որ իր կողմնակիցներից ոչ մեկը խախտում չի արել: Ես իդեալական ոչ մի բանի չեմ հավատում: Բայց այդ ուժերի կողմից կազմակերպված խախտումների չապացուցված տեսությանն էլ չեմ հավատում:

Իհարկե, վստահությունն էլ կարևոր է, ոչ միայն վախեցնելը։
ԼՏՊ-ն ունի՞ այդպիսի համատարած վստահություն։ Ինքներդ էլ գիտեք որ ոչ, նույնիսկ իր շրջանում։

Համատարած վստահություն ոչ մեկը երբևէ չի ունենալու: ՈՒնի՞ Տեր-Պետրոսյանը ոչ համատարած, բայց վստահություն... Այո՝ ունի: Շատերն են այսօր վստահում: Ես վստահում եմ: Իհարկե դա չի նշանակում կույր հավատ, չի նշանակում զգոնության կորցնում:

Այո, դեռ չի հայտնվել այն երրորդ անձը, որին կվստահի իրոք մեծամասնությունը։ Ուրեմն պետք է կրթել ընդդիմությունը, նրա շարքերում ստեղծել մի շարք նոր դեմքեր, ու նոր այդ ժամանակ փոխել իշխանությունը:

Այսօրվա հանրահավաքները հենց զբաղված են նաև կրթելով: Բայց այսօրվա օրով ես չեմ հավատում երրորդ անձի գոյության փաստին: Դա միֆ է, հեքիաթ, լեգենդ, առասպել: Այսօր չի կարող լինել այդ ուժը: Դա կլինի միայն այս հանրահավաքների ձեռք բերած հաղթանակից հետո: Հանրահավաքների դերերից մեկն էլ հենց այն է, որ իրավամբ ցույց տա, որ իրենց երրորդ ուժ հորջորջողների իրական դիմապատկերը ներկայացնի:

Եվ ընդհանրապես նորից մոտենանք թեմայի բուն նյութին: Իմ կարծիքով հանրահավաքներն այսօր պետք է լուծեն հետևյալ հիմնական խնդիրները.
- Ցույց տալ ժողովրդի հարմարված չլինելը
- Թուլացնեն իշխանությունների (ոչ թե պետության) հիմքերը՝ հստակ, ճշգրիտ, ճշմարիտ քննադատությամբ, արատների ի մի բերմամբ
- Ցույց տալ այսօրվա իշխանությունների անգործունակությունը (ենթադրենք հունիսի 20-ի հանրահավաքն ապացուցեց, որ ոստիկանությունը չունի հավաստի աղբյուրներ, որ գործում է պատեհությամբ)
- Մաքրել քաղաքական դաշտը
- Վառ պահել ազատատենչ ոգին
- ...

[Տատ]

Դա չի նշանակում, որ իր կողմնակիցներից ոչ մեկը խախտում չի արել: Ես իդեալական ոչ մի բանի չեմ հավատում: Բայց այդ ուժերի կողմից կազմակերպված խախտումների չապացուցված տեսությանն էլ չեմ հավատում:

Ինչու չապացուցված, դաշնակներն էլ, Լևոնն էլ, Սեռժն էլ...
միայն քանակի մասին է վեճը

Համատարած վստահություն ոչ մեկը երբևէ չի ունենալու: ՈՒնի՞ Տեր-Պետրոսյանը ոչ համատարած, բայց վստահություն... Այո՝ ունի: Շատերն են այսօր վստահում: Ես վստահում եմ: Իհարկե դա չի նշանակում կույր հավատ, չի նշանակում զգոնության կորցնում:

Մի օր կսկսէմ պատմէլ Շվեյցարական քաղաքակական սիստեմի մասին, շատ լավ գործում է փոքր (երկրի նման մեզ) համար։ Դօվերյայ նօ պռօվերյայ։ Քո վերջին եզրակացությունը հենց այն է որ կա:

Այսօրվա հանրահավաքները հենց զբաղված են նաև կրթելով: Բայց այսօրվա օրով ես չեմ հավատում երրորդ անձի գոյության փաստին: Դա միֆ է, հեքիաթ, լեգենդ, առասպել: Այսօր չի կարող լինել այդ ուժը: Դա կլինի միայն այս հանրահավաքների ձեռք բերած հաղթանակից հետո: Հանրահավաքների դերերից մեկն էլ հենց այն է, որ իրավամբ ցույց տա, որ իրենց երրորդ ուժ հորջորջողների իրական դիմապատկերը ներկայացնի:

Այո, դրանք չեն հայտնվի երկնքից։ ՕԿ, Սասունցի Դավիթը միթոս է։ Ցանկացած առաջնորդ դուրս է գալիս քաղաքական մթնոլորտից, ազնվագույն մարդն էլ պետք է անցնի որոշակի դպրոց, ընտրվի տարբեր պաշտօնների, անի գործ, որով կգրավի ժողովրդի վստահությունը։

Այս մի սերունդն ւնի այդ տարբերակը։ սպասել կարելի է, ոչ 20 , բայց 2տարի, ակտիվ սպասել, ծնել այդ լիդերներին, վստահել արդեն հիմա երիտասարդներին, այլ ոչ իմ խառնաշփոթ կամ փչացած սերունդի (այսինքն Լևոնի )նմաններին:

Չկա՞ ուժը։ Բա ուր եք վռազում, մի հատ էլ փորձ անե՞լ։
Այս բոլոր իրադարձություններն այդ ուժերը կստեղծեն, այդ ժամանակ էլ խաղաղ կփոխվի իշխանությունը։
Հեղափոխությունը վերջին բանն է, որ Հայաստանին պետք է հիմա։

Եվ ընդհանրապես նորից մոտենանք թեմայի բուն նյութին: Իմ կարծիքով հանրահավաքներն այսօր պետք է լուծեն հետևյալ հիմնական խնդիրները.
- Ցույց տալ ժողովրդի հարմարված չլինելը
- Թուլացնեն իշխանությունների (ոչ թե պետության) հիմքերը՝ հստակ, ճշգրիտ, ճշմարիտ քննադատությամբ, արատների ի մի բերմամբ
- Ցույց տալ այսօրվա իշխանությունների անգործունակությունը (ենթադրենք հունիսի 20-ի հանրահավաքն ապացուցեց, որ ոստիկանությունը չունի հավաստի աղբյուրներ, որ գործում է պատեհությամբ)
- Մաքրել քաղաքական դաշտը
- Վառ պահել ազատատենչ ոգին
- ...

-Իրոք ունենալ և ցույց տալ պատրաստակամություն ստուգել, հետեվել պետության գործնեությանը, քննադատել մի բանը, հավանություն տալ մեկ ուրիշին, խրախուսել

Ավելացվել է 13 րոպե անց

Եթե որևէ հանցագործ ազատազրկվում է իր կատարած հանցանքի համար, ազատազրկման ժամկետն ավարտվելուց հետո նրա նկատմամբ հանցագործություն է կատարվում, ապա նա իրավունք չունի՞ պահանջելու, որ իր նկատմամբ հանցագործություն անողին պատժեն:

Նախկինի մասին չէ խոսքը։ Այդ մարդը (քո ասած հանցագործը) ազատվելուց հետո եթե դանակը հանի, բայց մարդ չսպանի, , պետք է ասի, դե լավ սա ինչ է որ, միայն մի քիչ վախեցրել եմ էլի?...Նա նորից պետք է պատասխանի օրենքի առաջ, այլ մեղադրանքով։

այս ընտրություններում չխախտող չկար։ Այսինքն լեգիտիմությունն ըդհանրապես արգումենտ չի կարող ծառայել, ոչ մեկի համար։
ՍՍ ին ընդւնել, հենց նրան պարտադրել անել այն ինչ ուզում է ժողովուրդը։
Պատկերացնու՞մ եք որքան կզարմանա։ Եվ կանի;

[Kuk]

այս ընտրություններում չխախտող չկար։ Այսինքն լեգիտիմությունն ըդհանրապես արգումենտ չի կարող ծառայել, ոչ մեկի համար։
ՍՍ ին ընդւնել, հենց նրան պարտադրել անել այն ինչ ուզում է ժողովուրդը։
Պատկերացնու՞մ եք որքան կզարմանա։ Եվ կանի;

կխնդրեմ ներկայացնես ԼՏՊ-ի կողմից կատարված խախտումը կամ խախտումները 2008-ի ընտրություններում:

[Աբելյան]

լսել եմ 20.000 էին բաժանում ԼՏՊ-ին ընտրելու համար

ափսոս բախտս չի բերել

[Norton]

լսել եմ 20.000 էին բաժանում ԼՏՊ-ին ընտրելու համար
ափսոս բախտս չի բերել

Արի դու մի լսի, համոզվի նոր սենց հայտարարություններ արա;

[Մարկիզ]

...
Կարող է, քանի որ ստիպված է։

Ընդդիմությունը (ավելի շուտ Լևոնը) դեռ ստիպված չէ :
Ախ, կամավոր ուզու՞մ է։ Չեմ հավատում։
...

Նախ, ուզում եմ հասկանալի լինի, թե ինչ նկատի ունեմ` խորքային, համակարգային փոփոխություններ ասելով: Համոզված եմ, որ ինձնից լավ գիտեք, թե ինչպես են իրենց դրսեւորում ներկա իշխանությունները, նրանց մերձավորները տարբեր ոլորտներում: Գիտենք, թե ինչպիսին են օրենսդիր իշխանությունը, գործադիրը, դատաիրավական համակարգը, ոստիկանությունը, մնացածը: Սրանք բոլորը սերտաճած են միմյանց հետ մաֆիոզ-կլանային, ապօրինի, պետության ու ժողովրդի համար աղետալի անքակտելի կապերով: Այնպես որ, յուրաքանչյուրս էլ կարող ենք գրել ներկա վարչախմբի հակապետական լինելու պատճառները...Կարիքը չկա`բոլորս էլ գիտենք: Բարեփոխում/համակարգային/ասելով նկատի ունեմ այս ամենի վերացումը:
Բարեփոխումները ճանապարհատրանսպորտային վիճակի լավացումը, բազմաբնակարան շենքերի մանսարդային շինությունները քանդելը, մաքսային եւ հարկային ոլորտներում իմիտացիոն փոխատեղումներն ու մասնակի բարեփոխումները չեն:
Ի՞նչ է: Դուք կարծում եք, որ սրանք ունա՞կ են իրենք իրենց փոխելուն: Ո՛չ: Քանի որ դա կբերի նրանց ինքնաոչնչացմանը: Ցանկացած պարագայում, համոզված եմ, որ յուրաքանչյուր քաղաքացի կողջունի ցանակացած բարեփոխում, անկախ նրանից դրա հեղինակը Սերժն է, թե Լեւոնը: Բայց համաձայնվեք, որ այն ինչ կատարվում է հիմա, դա ուղղակի իմիտացիա է` փոքր-ինչ ռեալացված, մի քանի կիսատ-պռատ հաջողված օրինակներով:
Եթե ներկա եք եղել հանրահավաքներին, ապա անպայման նկատած կլինեք, որ ներկայիս ընդդիմությանը սատարողները հինականում գիտակից մարդիկ են: Եթե հիշենք ՀՀ-ում տեղի ունեցած նախկին ընտրությունները, ապա կտեսնենք, որ նման հասարակություն ընդդիմադիր գործիչների շուրջը երբեք չի եղել:
Այժմ մենք տեսնում ենք ՀՀ քաղաքացիներ, որոնք դուրս են եկել պայքարի սեփական իրավունքների, արդարության, ազատության/սոցիալականը այստեղ երկրորդ պլանում է/ համար:Եվ հատկապես ակտիվ է երիտասարդությունը, որը պայմանավորում է պայքարի երկարատեւությունը, շարունակականությունը, էմոցիոնալ/բառիս լավ իմաստով/ դրսեւորումները...Եվ որքան էլ փորձում են իշխանությունները սպանեն, ոչնչացնեն այդ ոգին, դա չի ստացվում եւ չի էլ ստացվելու: Հայաստանի Հանրապետության բնակչության մի խիստ ստվար զանգվածի մեջ արդեն արթնացել է քաղաքացիական գիտակցությունը, իր երկրի տերը լինելու մեծագույն պահանջը/թե ով է արթնացրել, դա էական չի/:
Եվ որեիցե մեկը` դա լինի Սերժը, Լեւոնը, Արթուրը, Արտաշը, այժմ չի կարող խաբել կամ օգտագործել հասարակությանը: Այնպես որ, համոզված եմ, որ նույնիսկ Ձեր կողմից կասկածելի եւ անվստահելի թվացող Լեւոն Տեր-Պետրոսյանի նախագահ դառնալու դեպքում, հասարակությունը իր ձեռքը պետության ղեկից ոչ մի դեպքում չի վերցնի:
Հաղթելո՛ւ ենք: Լեւոնը չէ, մե՛նք` Հայաստանի Հանրապետության ազա՛տ քաղաքացիներս...

[Տատ]

Սրանք բոլորը սերտաճած են միմյանց հետ մաֆիոզ-կլանային, ապօրինի, պետության ու ժողովրդի համար աղետալի անքակտելի կապերով:

Այո, և չէի ցանկանա մի այդպիսի համակարգը փոխարինել մյուսով։

Բարեփոխումները ճանապարհատրանսպորտային վիճակի լավացումը, բազմաբնակարան շենքերի մանսարդային շինությունները քանդելը, մաքսային եւ հարկային ոլորտներում իմիտացիոն փոխատեղումներն ու մասնակի բարեփոխումները չեն:

...են, մի փոքր մասը, խախուտ քայլերով, բայց` են։
Իմիտացիա բառը ցավոք սրտի արմատավորվում է շարժման մեջ։ Էժանացնում լուրջ պահանջները, տարածվելով պետական ԲՈԼՈՐ քայլերի վրա։
Հասկանու՞մ եք, լսված լինելու համար ցանկացած զույգը պետք է ընդունակ լինի ասելու` այստեղ դւ ճիշտ ես, իսկ այստեղ` ք.. ես կերել:

Ամուսնացածներն ինձ կհասկանան:

Ցանկացած պարագայում, համոզված եմ, որ յուրաքանչյուր քաղաքացի կողջունի ցանակացած բարեփոխում, անկախ նրանից դրա հեղինակը Սերժն է, թե Լեւոնը: Բայց համաձայնվեք, որ այն ինչ կատարվում է հիմա, դա ուղղակի իմիտացիա է` փոքր-ինչ ռեալացված, մի քանի կիսատ-պռատ հաջողված օրինակներով:

Դուք եք ասում իմիտացիա է, իրոք, սովորական քաղաքացիները չեն նայում հեղինակին, նրանք առանց այդ խոսքի էլ կարող են զգալ, ազդում է, թե ոչ:
Ինչու՞ է ընդդիմությունը կամ դրա մի մասը այդքան համառորեն այդ սկսնակ փոփոխությունները իմիտացիա անվանում, գուցե մտահոգված է, որ մարդիկ իրենց կաշվին թեթևություն կզգան, հանկարծ չհավատա՞ն, չէ որ դա իմիտացիա է...

/սոցիալականը այստեղ երկրորդ պլանում է/ համար

Իզուր և ափսոս

Եվ որեիցե մեկը` դա լինի Սերժը, Լեւոնը, Արթուրը, Արտաշը, այժմ չի կարող խաբել կամ օգտագործել հասարակությանը: Այնպես որ, համոզված եմ, որ նույնիսկ Ձեր կողմից կասկածելի եւ անվստահելի թվացող Լեւոն Տեր-Պետրոսյանի նախագահ դառնալու դեպքում, հասարակությունը իր ձեռքը պետության ղեկից ոչ մի դեպքում չի վերցնի:
Հաղթելո՛ւ ենք: Լեւոնը չէ, մե՛նք` Հայաստանի Հանրապետության ազա՛տ քաղաքացիներս...

Գիտեք, դա ամենացանկալի բանն է!!!!
Համաշխարհային պատմությունն ավելի դաժան է վերաբերվել շատ երկրների ու ժողովուրդների հետ, հուսով եմ, որ մենք կօգտվենք նաև ուրիշների փորձից:

Կհաղթենք իհարկե, նույնիսկ մեր Ձեզ հետ տարաձայնությունների դեպքում, նպատակը նույնն է:
Ամենաանտանելին մեր բաժանվածությունն էր, բայց ինձ թվում է, այդ անդունդը կարճատև էր, բոլորիս ականջները բացվում են միմյանց համար:

Չէ՞

Ավելացվել է 16 րոպե անց

կխնդրեմ ներկայացնես ԼՏՊ-ի կողմից կատարված խախտումը կամ խախտումները 2008-ի ընտրություններում:

Պետք է հիմնվեմ պետական մամուլին, բայց չէ որ դա քեզ համար օդ է (այսինքն օդ էլ չէ):
Նույն ՍՍ և Վահան Հովհաննիսյանի (իմ ընտրությունը) կեղծիքների մասին էլ :
Բացի դրանից, ես կարդում եմ նաև որոշ ընդդիմական մամուլ, որը նույնպես հմտորեն խառնում է ճիշտն ու սուտը, ոչինչով չտարբերվելով պետականից, ոմանց (Առավոտ) հիստերիկ տոնից-
Ինչու պետք է հավատամ մեկին և ոչ`մյուսին?

Ես հին սովետական մամուլի դպրոցն եմ անցել, բավակական քաղաքական "հակա "ընտանիքում, սովոր եմ կարդալ տողերի արանքում, կամ հետևում

[Մարկիզ]

Այո, և չէի ցանկանա մի այդպիսի համակարգը փոխարինել մյուսով։

Եթե ընդունում եք, որ այդ համակարգը կա, գործում է եւ կապերն էլ անքակտելի են, ապա էլ ի՞նչ բարեփոխումների մասին է խոսքը:
Իսկ ինչո՞ւ եք վստահ, որ Լեւոն Տեր-Պետրոսյանի ղեկավար լինելու դեպքում, նույն տիպի համակարգ կձեւավորվի: Կարծում եմ, Դուք այն թեզի կողմնակից չեք, որը պատմում է մթի, ցրտի, սովի ՀՀՇ-ական ծագման` որեւիցե խելքին մոտիկ բացատրություն չունեցող, իրականում անիրական պատմությունների մասին: Ինչ խոսք, համաձայն եմ, որ այն ժամանակ`91-98 եղել են չարաշահումներ, բայց դրանք չեն եղել այս մասշտաբի:

...են, մի փոքր մասը, խախուտ քայլերով, բայց` են։
Իմիտացիա բառը ցավոք սրտի արմատավորվում է շարժման մեջ։ Էժանացնում լուրջ պահանջները, տարածվելով պետական ԲՈԼՈՐ քայլերի վրա։
Հասկանու՞մ եք, լսված լինելու համար ցանկացած զույգը պետք է ընդունակ լինի ասելու` այստեղ դւ ճիշտ ես, իսկ այստեղ` ք.. ես կերել:

Ամուսնացածներն ինձ կհասկանան:

Դուք եք ասում իմիտացիա է, իրոք, սովորական քաղաքացիները չեն նայում հեղինակին, նրանք առանց այդ խոսքի էլ կարող են զգալ, ազդում է, թե ոչ:
Ինչու՞ է ընդդիմությունը կամ դրա մի մասը այդքան համառորեն այդ սկսնակ փոփոխությունները իմիտացիա անվանում, գուցե մտահոգված է, որ մարդիկ իրենց կաշվին թեթևություն կզգան, հանկարծ չհավատա՞ն, չէ որ դա իմիտացիա է...

Այո, մեծ առումով իմիտացիա է: Ես արդեն գրել եմ, թե ինչու է իմիտացիա: Այն ինչ հիմա տեղի է ունենում կամ սկսել են կատարել լրիվ տարբեր հարթությունների վրա են, համեմատած այն ամենի հետ, ինչ որ ուզում են փոխել ՀՀ քաղաքացիները: Եվ այստեղ, ինձնից լավ գիտեք, որ երկու կարծիք լինել չի կարող:
Սկսնակ փոփոխություն ասելով ի՞նչ նկատի ունեք: Որ փողոցն անցնելիս՝ հավանականությունը փոքրացե՞լ է, որ ինձ վրաերթ կանեն: Կներեք, ծիծաղելի է:
Սկսնակ փոփոխություն ասելով նկատի ունեք, որ խրուշովյան շենքերի փլվելու հավանականությունը մի 5 անգամ կրճատվե՞լ է:
Սկսնակ փոփոխություն ասելով նկատի ունեք, որ ծննդօգնությունը ձրի՞ է լինելու:
Որն էլ գրեմ, ծիծաղելի է...
Այդքան միամիտ մի եղեք, մի հավատացեք, որ հարկային, մաքսային, դատական եւ մյուս ոլորտներում շատ բան փոխվելու է: Փոխվելու լիներ՝ մինչեւ հիմա`3 ամսում փոխված կլիներ:
Այնպես որ՝ մեծ առումով, այո, իմիտացիա է:

...Իզուր և ափսոս...

Ոչ, հարգելիս, հաջողակ պայքարը հանցագործ ռեժիմի դեմ չի կարող լինել սոցիալական բնույթի: Այդ դեպքում նրա անհաջողության մատնվելը կանխորոշված կլիներ:

...Գիտեք, դա ամենացանկալի բանն է!!!!
Համաշխարհային պատմությունն ավելի դաժան է վերաբերվել շատ երկրների ու ժողովուրդների հետ, հուսով եմ, որ մենք կօգտվենք նաև ուրիշների փորձից:

Կհաղթենք իհարկե, նույնիսկ մեր Ձեզ հետ տարաձայնությունների դեպքում, նպատակը նույնն է:
Ամենաանտանելին մեր բաժանվածությունն էր, բայց ինձ թվում է, այդ անդունդը կարճատև էր, բոլորիս ականջները բացվում են միմյանց համար:

Չէ՞

Լավ-լավ: Ականջները միշտ էլ բաց են եղել: Մոռացե՞լ եք:
Սա երգի, պարի, ուրախության հրապարակ է...

[Տատ]

91-98 եղել են չարաշահումներ, բայց դրանք չեն եղել այս մասշտաբի:

Նախ, կարևոր չէ մասշտաբը, կարևոր է փաստը, որ ԼՏՊ ն և նրա ընդունակ էին խախտումների
երկրորդ- ահռելի էր մասշտաբը, ՍՍՀՄ ից նոր դուրս եկող պատերազմող երկրի համար:
երրորդ-դեռ նոր էին սովորում, նոր էր կապիտալիստական բարքերը, և իրենց փորձը փայլուն ձևով ըմբռնեցին հաջորդները:

Սկսնակ փոփոխություն ասելով ի՞նչ նկատի ունեք: Որ փողոցն անցնելիս՝ հավանականությունը փոքրացե՞լ է, որ ինձ վրաերթ կանեն: Կներեք, ծիծաղելի է:

Վրաերթ անողին կպատժեն։ Վստահ չեմ, բայց հնարավոր է։ Իսկ եթե ոչ` միտինգ այդ կօնկրետ փաստի դեմ:

Խրուշովյան շենքերը Շարժումը պետք է փ տարում ամրացնե՞ր:

Սկսնակ փոփոխություն ասելով նկատի ունեք, որ ծննդօգնությունը ձրի՞ է լինելու:
Որն էլ գրեմ, ծիծաղելի է...

Ինչու՞ է ծիծաղելի։

Այդքան միամիտ մի եղեք, մի հավատացեք, որ հարկային, մաքսային, դատական եւ մյուս ոլորտներում շատ բան փոխվելու է: Փոխվելու լիներ՝ մինչեւ հիմա`3 ամսում փոխված կլիներ:

Այդպիսի Եվրոպական երկիր չկա, որ իր մաքսային դարավոր "գոմը" երեք ամսում մաքրի, հետևանքներն էլ միանգամից երևան: Չէ, կա, հին Հունաստանը և Հերակլեսը

Ոչ, հարգելիս, հաջողակ պայքարը հանցագործ ռեժիմի դեմ չի կարող լինել սոցիալական բնույթի: Այդ դեպքում նրա անհաջողության մատնվելը կանխորոշված կլիներ:

Մի գուցե։ Միայն ընդդիմության որոշ մեթոդներ ինձ համար պակաս հանցավոր չեն։ Օրինակ, լրատվությունը։
Ավելի շուտ, հրաշալի կերպով կրկնում են միջազգային "գունավոր հեղափոխությունների" սխեման, ինչ ցույց է տալիս նրանց արտաժողովրդային բնույթը։
Ինքնքնպատակ է դառնում իշխանության տապալումը, և ոչ ժողովրդի ճակատագրով մտահոգությունը:

ես ուրախ եմ, որ շարժումն առաջացավ, մեռսի Լևոնին, և ավելի ուրախ կլինեմ, երբ (իսկ դա կկատարվի) շարժումը կխաբի իր արտաքին պատվիրատուներին և հանկարծ իրոք կզբաղվի ժողովրդի ցավերով։
Դա կարելի է անել նույնիսկ ՍՍ-ի հետ։

Լավ-լավ: Ականջները միշտ էլ բաց են եղել:

Իմը փակ էր։
Ոչ լսել էի ուզում, ոչ հասկանալ։
Եվ կարծում եմ, Ձերն էլ…որոշ ժամանակ

Հիմա փորձում եմ, չեմ ուզում ընկնել քազացիական պատերազմի սխեմայի մեջ:

[Kuk]

Վրաերթ անողին կպատժեն։ Վստահ չեմ, բայց հնարավոր է։ Իսկ եթե ոչ` միտինգ այդ կօնկրետ փաստի դեմ:

Հետաքրքիր է` ինչու վստահ չեք:

Այսինքն, եթե Աստված մի արասցե, վաղը որևէ քաղաքացի վրաերթի ենթարկվի, սպանվի, ամենայն հավանականության նույնիսկ քրեական գործ չի հարուցվի, այսինքն՝ հավանականությունը ուղղակի ձևով կապված է վրաերթի ենթարկող անձի ով լինելու հետ:

Ինչու՞ է ծիծաղելի։

Քանի որ դա վաղուց արդեն պետք էր և կարող էր այդպես լինել:

[Kuk]

Այդպիսի Եվրոպական երկիր չկա, որ իր մաքսային դարավոր "գոմը" երեք ամսում մաքրի, հետևանքներն էլ միանգամից երևան: Չէ, կա, հին Հունաստանը և Հերակլեսը

Իսկ մինչ այդ 3 ամիսները՞:

ես ուրախ եմ, որ շարժումն առաջացավ, մեռսի Լևոնին, և ավելի ուրախ կլինեմ, երբ (իսկ դա կկատարվի) շարժումը կխաբի իր արտաքին պատվիրատուներին և հանկարծ իրոք կզբաղվի ժողովրդի ցավերով։
Դա կարելի է անել նույնիսկ ՍՍ-ի հետ։

Կարծում եմ՝ սա ձեր նշած զիբիլները կարդալու արդյունքն է:

Կարդում լիքը բան (զիբիլն էլ հետը) երկու աչքով, հետո բացում եմ երրորդ աչքս ու հասկանում

[Մարկիզ]

Նախ, կարևոր չէ մասշտաբը, կարևոր է փաստը, որ ԼՏՊ ն և նրա ընդունակ էին խախտումների
երկրորդ- ահռելի էր մասշտաբը, ՍՍՀՄ ից նոր դուրս եկող պատերազմող երկրի համար:
երրորդ-դեռ նոր էին սովորում, նոր էր կապիտալիստական բարքերը, և իրենց փորձը փայլուն ձևով ըմբռնեցին հաջորդները::

Կներեք, պարզ չէի գրել: Մասշտաբների առումով ես Ձեր հետ համաձայն չեմ: Ինչու: Ինչ էլ կատարվել է մինչեւ 98 թ-ը, այն չի հարվածել Հայստանի Հանրապետությանը եւ նրա քաղաքացու շահերին` խոսքիս լայն իմաստով: Բերեմ մի շատ պարզ տարրական, մակերեսային օրինակ: 96 թ-ին Մյասնիկյան պողոտայում Վանոն տուն էր սարքում, եւ դա բերեց հասարակական-քաղաքական լայն քննարկումների ու համատարած քֆրտոցի: Հիմա երկրորդ սորտի ցանկացած իշխանավոր կարող է հանգիստ ծառահատել մի 2 հեկտար տարածք եւ կառուցել այնտեղ Հոլիվուդին արժանի դղյակ: Կամ` այն ժամանակ ցանկացած քաղաքացի Վրաստանից ներկրում էր մի քանի 100լ վառելիք եւ այն վաճառում/ճիշտ է առանց հարկի/: Հիմա վառելիք/մի քնի 10-յակ անգամ ավելի շատ/ ներկրում են մի քանի, վարչակազմին խիստ մերձավոր մարդիկ եւ հարկ նորից չեն վճարում: Կամ` նույնը կարելի ասել ցանկացած սպառողական ապրանքատեսակի համար...Բոլորը մենաշնորհային է եւ ցանակացած ոք` ով ցանկանում է նոր գործ բացել, փաստացի, խաղում է կրակի հետ:
Հետո, Լեւոն Տեր-Պետրոսյանը եւ նրա մերձավորագույն շրջապատը չարաշահումներ, կարծում եմ, չի արել: Չարաշահումների հիմնական հեղինակները այդ ժամանակ պատերազմի վայ հերոսներ էին եւ մի խումբ ճարպիկ սեփականաշնորհողներ, բանկիրներ, հիմնարկների նախկին մի քանի պետեր եւ այլն:
Կարծում եմ, կհամաձայնեք իմ այս մտքին: Այն ժամանակվա իշխանությունները ունեցել են պետական մտածելակերպ: Ներկայիս իշխանավորները չունեն պետական մտածելակերպ մի պարզ պատճառով: Իրենց բարոյական արժեքային համակարգերը այդպիսին չեն եւ` վերջ: Նրանց համար հատկանշական է կարտ խաղալու, սրա-նրա հմար մի վագոն կանյակ ուղղարկելու եւ այլ մտահոգությունները: Այնպես որ, սպասել սրանց նման թերուս, անբարոյական /մեղմ եմ ասում ահավոր/ անհատներից որեւիցե լուրջ, երկրի, ժողովրդի համար նպաստավոր քայլերի` կլիներ ինքնախաբություն:

Վրաերթ անողին կպատժեն։ Վստահ չեմ, բայց հնարավոր է։ Իսկ եթե ոչ` միտինգ այդ կօնկրետ փաստի դեմ:

Հա, եթե լինի բուտկա մասկվիչի շոփեր, հաստատ կպատժեն, բայց եթե վրաերթ անողը լինի խելառ քաղաքապետի կամ անգրագետ մարզպետի լակոտ, մի 6 ամիս կտան` կպրծնեն:

Խրուշովյան շենքերը Շարժումը պետք է փ տարում ամրացնե՞ր:

Չէ, կներեք, իրոք ծիծաղելի է: Մեր ցավը խրուշովյան շենքերը չեն:

Ինչու՞ է ծիծաղելի։

Հիմա ասեմ, թե ինչու է ծիծաղելի: Իրականում ծննդօգնությունը միշտ` ՍՍՀՄ-ի ժամանակ, ՀՀՇ-ի ժամանակ եղել է անվճար:

Այդպիսի Եվրոպական երկիր չկա, որ իր մաքսային դարավոր "գոմը" երեք ամսում մաքրի, հետևանքներն էլ միանգամից երևան: Չէ, կա, հին Հունաստանը և Հերակլեսը

Գիտե՞ք` ինչումն է կայանում իմիտացիայի բուն էությունը: Եթե իրոք իմիտացիա չէ, այլ լուրջ բարեփոխումներ են, ապա հիմա արդեն պետք է մի քանի տասնյակ մարդ նստած լիներ կամ իրենց ունեցվածքի մի ահագին մասը հանձնած լինեին պետությանը: Եթե այս 3 ամիսներին, երբ հասարակությունը առավելագույնս լարված էր, ոչինչ չեն ձեռնարկել այդ ուղղությամբ, ապա միամիտ կլինի կարծել, որ հասարակությանը մի քիչ հանգստացնելու դեպքում, այդ ամենը տեղի կունենա: Իմիտացիան նախատեսված է հենց հասարակությանը լռեցնելու համար:

Մի գուցե։ Միայն ընդդիմության որոշ մեթոդներ ինձ համար պակաս հանցավոր չեն։ Օրինակ, լրատվությունը։
Ավելի շուտ, հրաշալի կերպով կրկնում են միջազգային "գունավոր հեղափոխությունների" սխեման, ինչ ցույց է տալիս նրանց արտաժողովրդային բնույթը։
Ինքնքնպատակ է դառնում իշխանության տապալումը, և ոչ ժողովրդի ճակատագրով մտահոգությունը:

Ոչ մեկիս համար գաղտնիք չէ, որ այս ամենը հստակ ծրագրավորված է, բայց ոչ արտաքինից: Դա միամտություն է եւ սորոսական պարանոյա: Պայքարը ռեժիմի դեմ պետք է լինի կազմակերպված եւ մանրամասն ծրագրավորված, թե չէ` այն դատապարտված է անհաջողության

ես ուրախ եմ, որ շարժումն առաջացավ, մեռսի Լևոնին, և ավելի ուրախ կլինեմ, երբ (իսկ դա կկատարվի) շարժումը կխաբի իր արտաքին պատվիրատուներին և հանկարծ իրոք կզբաղվի ժողովրդի ցավերով։
Դա կարելի է անել նույնիսկ ՍՍ-ի հետ։

Արդեն նշել եմ, որ իմկարծիքով ՍՍ-ի հետ բան դուրս չի գա եւ ինչու...

Իմը փակ էր։
Ոչ լսել էի ուզում, ոչ հասկանալ։
Եվ կարծում եմ, Ձերն էլ…որոշ ժամանակ
Հիմա փորձում եմ, չեմ ուզում ընկնել քազացիական պատերազմի սխեմայի մեջ:

Շատ ծանոթ ձեռագիր է: Չնայած միգուցե սխալվո՞ւմ եմ: Բայց աչքիս վիրտուալ աշխարհում արդեն հանդիպել ենք:

[Kuk]

Պետք է հիմնվեմ պետական մամուլին, բայց չէ որ դա քեզ համար օդ է (այսինքն օդ էլ չէ):Նույն ՍՍ և Վահան Հովհաննիսյանի (իմ ընտրությունը) կեղծիքների մասին էլ :
Բացի դրանից, ես կարդում եմ նաև որոշ ընդդիմական մամուլ, որը նույնպես հմտորեն խառնում է ճիշտն ու սուտը, ոչինչով չտարբերվելով պետականից, ոմանց (Առավոտ) հիստերիկ տոնից-
Ինչու պետք է հավատամ մեկին և ոչ`մյուսին?

Ես հին սովետական մամուլի դպրոցն եմ անցել, բավակական քաղաքական "հակա "ընտանիքում, սովոր եմ կարդալ տողերի արանքում, կամ հետևում

Վերջին տարիներին չեմ հանդիպել որևէ մի բանական արարածի, ով հիմնվի պետական մամուլին: Պետական մամուլն ինձ համար մաշտոցատառերի աղտոտում է

Տողերի արանքո՞ւմ, հետևո՞ւմ մի րոպե տեսնեմ՝ ճիշտ ե՞մ կարդացել հա ճիշտ ա……
Տողերի արանքում ազատ տարածություն է, իսկ ետևում՝ մեկ այլ էջ՝ իր բովանդակությամբ հանդերձ: Միգուցե փորձեք հակառա՞կն ապացուցել, հը՞

Պետք է հիմնվեմ պետական մամուլին, բայց չէ որ դա քեզ համար օդ է (այսինքն օդ էլ չէ):

Իսկ եթե փորձեք հիմնվել մտածելու համար նախատեսված օրգանների և սեփական տրամաբանությանը՞: