ԴԱՇՆԱԿՆԵՐ
Գրվածը վերաբերում է ոչ թե դաշնակներին որպես անձերի, այլ դաշնակցական գաղափարախոսությանը:
Դաշնակները նույն բոլշեւիկներն են՝ ազգայնական խառնվածքով:
Բոլոր տեսակի բոլշեւիկների կառավարման արդյունքը բարոյականության անկումն է եւ պետականության քայքայումը:
Բոլշեւիզմը եւ դաշնակցությունը սնող աղքատությունը վերացնելով՝ կվերացնենք եւ դրա հետեւանք մտքի թշվառությունը:
Բոլշեւիկյան մտածելակերպից ազատվելու ամենագործուն միջոցը լավ ապրելն է:
Մենք երբեք լավ չենք ապրել, որի համար էլ բոլշևիկյան եւ դաշնակցական տիպի հայացքները այդքան տարածված են մեզ մոտ:
Բոլշեւիկները քայքայեցին ռուսական կայսրությունը, դաշնակները կվերացնեն Հայաստանը:
Իշխող բոլշեւիկյան տիպի կուսակցություների առանձնահատկությունն է` ամեն գնով իշխանություն պահպանելը, անգամ տարածքները զիջելով:
Դաշնակը արդեն թերություն է:
Բոլշեւիկյան-դաշնակցական դրսեւորումներից զերծ չի մնացել մեզանից եւ ոչ մեկը, անգամ մեր առաջավոր ազատական գաղափարախոսության կազմակերպությունները եւ կուսակցությունները:
Բոլշեւիկյան-դաշնակցական գաղափարախոսությունը հիմնականում, երկարատեւ ստրկության ժամանակակից արտահայտությունն է:
Բոլոր կարգի բոլշեւիկյան-ազգայնամոլականդաշնակցական շարժումները մեծագույն ծառայություն են մատուցում համայն մարդկությանը` իրենց
ժողովուրդների օրինակով ցույց տալով դրանց կործանարար, մահացու ազդեցությունը:
Չմոռանանք, որ դաշնակների դրոշը բոլշեւիկների նման կարմիր է, համ էլ իրար ընկեր են կոչում:
Աղքատության, անգրագիտության, ճորտության պայմաններում բոլշեւիկյան-դաշնակցական գաղափարախոսության այդչափ տարածումը մեր մեջ անխուսափելի եւ լրիվ բացատրելի է:
Վախենամ 21-րդ դարում քրդերն առանց գաղափարախոսության պետականություն ձեռք բերեն, մենք մեր ազգայինով` կորցնենք:
Տպավորություն է ստեղծվում, որ դաշնակները ջանք չեն խնայում ավելացնելու հայդատի հարցերի ցանկը:
Հետաքրքիր է, եթե հայդատի եւ ցեղասպանության կարգախոսները շուրթերիս հանձնենք ազատագրված տարածքները, հետո... գլխի կընկնե՞նք ինչ կատարվեց, թե՞ էլի կշարունակենք նույն գործելակերպը է՛լ ավելի զայրացած, իսկ ՀՅԴ-ն կարգախոսը կփոխի՞, թե՞ կհեռանա:
Բոլոր այն կուսակցությունները, որտեղ բացի երկրի զարգացման շահերից հաշվի է առնվում կուսակցականը կամ անձնականը, զերծ չեն բոլշեւիկյան-դաշնակցական ազդեցությունից:
Դաշնակցությունը հայկական երեւույթ չէ, դա հիվանդություն է:
Փակուղու մեջ ենք` բոլշեւիկյան-դաշնակցական գաղափարախոսությունը լավ կյանքի չի բերում, աղքատ ապրողներն էլ հարստացման ուսմունքներն են դժվար ընդունում:
Կողոպտվողը եւ կողոպտողը հավասարապես մեղավոր են` մեկը անտարբերության, անպատասխանատվության, թուլության համար, մյուսը՝ անբարոյականության:
Տեսականորեն թուրքերի հետ միայն խելքով կարող ենք պայքարել, ինչը մեր ամենօրյա կյանքում էլ չէր խանգարի:
Մեր դժբախտությունը ոչ այնքան դաշնակցական կուսակցության մեջ է, որքան որ այն մեր ժողովրդի մեծ մասի գաղափարախոսությունն է դարձել:
Այդ գաղափարախոսությամբ ոչ միայն ոչինչ ձեռք չենք բերել, այլ բոլոր ժամանակներում կորցրել ենք:
Եթե անցած դարի 50-ականներին արտասահմանում աղմուկ բարձրացվեր Նախիջեւանի հայաթափման համար, գուցե հիմա ուրիշ պատկեր ունենայինք:
Ազգային նպատակների ուղղվածությունը համապատասխանեցնելով միջազգային հասկացողություններին եւ պահանջներին՝ դաշնակցությունը մտքի ճկունության նախադեպ կստեղծի մեր պատմության մեջ, լրիվ համահունչ անվանման «հեղափոխական» բաղադրիչին:
Մեր հարեւաններին մեր դեմ միավորող գլխավոր գաղափարը դաշնակցությունն է եւ պահանջատիրությունը:
Մեջբերել
Էջանիշներ